((لو يضيق الصدر الاقشر باقي ٍ طبعي شمالي))

عطر المكاتيب · 14-04-2014, 04:02 PM

[ALIGN=CENTER][TABLE1="width:70%;background-color:black;border:8px ridge orange;"][CELL="filter:;"][ALIGN=center]

الشمالي ضاق صدره لا تقول انه شمالي
وشبقى له من جهاته دام ضاقت من شمال
طعنةٍ جت من قريب وقلت عيب وما طرالي
يعلم الله ماتضايق لو ترك فيها مجال
مير اشوفه قام يطعن ناسي انه من خوالي
والولد لا من تردى ينسبونه للخوال
كنت احسبه لي يمين وهاقيٍ يرفى خمالي
واثره يدوّر عليّه بد خلق الله خمال
ول ياكبر المصيبه لا انصدمت بشخص غالي
ما ورى ضحك الحريم ولا ورى ضيم الرجال
وشبقول اليا نشدوني قوم شامِت كيف حالي !!
كيف ابقدر للاجابه دامها نفس السؤال
ان سكت الناس تسأل ليه وش بي وش جرالي
وان حكيت اوجعت نفسي وقلت شيٍ مايقال
ادري اني لو ضربتك ما كسبت الهمالي
وادري اني لو تركتك خابر ٍذبحك حلال
بس انا ماني غشيم ودام قدري بالعلالي !!
ليه أوطي راس حرفي ليه اطول بالجدال
لو يضيق الصدر الاقشر باقي ٍ طبعي شمالي
لو تضيق اربع جهات ولو تجيني من شمال
.
إحساس الأنيق " خلف المشعان "
[/ALIGN][/CELL][/TABLE1][/ALIGN]