السلام عليكم ورحمه الله وبركاته
احترام الوقت لازم
ومعرفه الوقت المناسب للاتصال واجد على كل فرد
ماذا نقول للذين لا يعرفون احترام الوقت نقول لهم كش ملك
ماذا نقول لهوءلاء المزعجين والفاضين ولا عندهم لا شغل ولا مشغله
طبعا الجوال دائما بالقرب منك اما بالجيب واما عند النوم تحت المخده او يمين المخده
وشوف سيل من الاتصالالات
فيه نوعيه غريبه عجيبه ما يعرف يتصل مره مرتني يتصل عليه فوق 99 مره الا ترد عليه
وفيه نوعيه يتصل في اوقات غير مناسبه
منهم من يتصل عليه اخر الليل
ووجه مغسول بمرق حاشي
ما عنده موضوع مهم يبي يسولف ويضيع وقته لان هو ما جاه نوم
يا عيني يسهر على حسابنا
وفيه نوعيه يتصل الفجر او الصباح بدري يوم الجمعه جاي شبعان نووووووووووووم ويدور ويقلب بالجوال على مين اتصل
وفيه نوعيه ما ينعطا وجه لزقه يجيبلك القولون العصبي وجميع الامراض المستعصيه يده تاكله على ازرار الجوال كل شوي يتصل عليه الا تخلص موضوعه وما يتصل الا بعد الظهر
الواحد بعد الظهر راسه منتفخ نوم ويجي هلكان من دوامه كاره ام الدوام كله وهذا المتصل شبعان نووووووووووووم وفاضي
ما نقول لهم الا كش ملك
الواحد اذا عنده موضوع او بغا شخص
يتصل مثلا العصر
المغرب
او الصباح اذا انت تعرف ان الرجال بيكون فاضي وعلى الساعه 10
هذي الاوقات المناسبه
من جد مكالمه لم يتم الرد عليها
وفيه نوعيه مكتوب عليها قله الراحه
يتصل ويتاسف ان اتصل وقت غير مناسب مين قلك اتصل طيب
ما نقول الا مكالمه لم يتم الرد عليها
ننتقل لنوعيه ما تعرف تتصرف
طبعا الان وصل لنا البلاك بيري والاي فون وجوالات فيه تقدم وتكولجيا
الشخص لا راح عزيمه او مناسبه لازم يكون مهيا وجاهز للتحدث مع الطرف الاخر
الان 60 % من الشباب عشان ما اعمم ااذ راح مناسبه تلقاه يقلب بالجوال الرياجيل يسولوفون وهو مع عالم النت بالجوال
والادهى والامر
تروح ضيف عند رجل وولده يصب القهوه والشاهي ويكرهك بالقهوه والشاهي يصب فنجال ويقرا رسايل البلتوث بفنجال يعني بالعربي متى تخلص فنجاتلك عشان اتفرغ للجوال
عالم والله غريبه
اسف جدا على الاطاله
بقلم واعد بن نجم