..|| نافـِذة إليّ ||..

اهلاً بكم في عالمي الذي صنعته الأيام والزمان بداخل قلبي..

هنا تعبير عن مافي الوجدان من مشاعر وحس وحالات مزاجية:



بعض من احداث يومي.. وحديث قلبي..

نزواتي.. هذياني..فراشاتي الملونه..

خيالي وخربشاتي (وبعض حلطماتي)

بعض من(استخفاف الدم)

الكثير من (هذرتي) والقليل من اقتباسات راقت لي..



اهلاً بتواجدكم حللتم حباً ووطئتم سلاماً ..

__DEFINE_LIKE_SHARE__

انا طبعي طفولي (طبوعه ، طفوليه ، طب طب ، لولي)

التدليعات الي تسمت لي الكترونياً

سـارة بالهويه

امقت التاء المربوطه في اخر اسمي

احب ينكتب سـارا بالالف < اسمي وكيفي ويارب جدتي تتخطى

سمتني جدتي

وكنت احسب باصير مميزه عندها لان امي الوحيده الي طاعت جدتي وسمت ساره

لكن كل مادخلت عليها قالت مين وجه العنز ذي؟

مع تقدم الايام صارت تنسى وتسألني من انتي؟ اقولها وجه العنز بشحمها ولحمها

منفيه من منظمة ادمان البنات لورق العنب

وهو اكثر اكله ماتقبلها وماتقبل ريحتها (الله يديم النعمه)

اعشق الاطفال وكل مايخص الاطفال وكل مافيه ريحة طفوله او روح طفوله..

واحب كل مايخص التصميم والتصوير

تعجبني دراما شرق اسيا واشوف انها الدراما الوحيده الي تعيشني الشعور وكنه حقيقه والي بكل مشهد اقول (اقنعوني ان هذا تمثيل!)

بس ماوصلت مرحلة الهوس بالممثلين او فرقهم الغنائيه ولا اتابع اخبارهم ابد

واخر شي بقوله اني كائن ليلي

احب اكون كل الليل صاحيه وانام الصبح وهذا النظام الطبيعي للقمر يعني ههههههههههههههههههه امزح والله

لكن القى أنسي وراحتي في الليل وهدوئه

وبس والله

عشان مااكثر على راسكم هذره الباقي يجي مع الايام

__DEFINE_LIKE_SHARE__

مرة واحد راح يوكل محامى ... ‏لقاه صايم.

__DEFINE_LIKE_SHARE__

شحنة شي ان
هلا والله بالطش والررررش
هلا بـ الفاتنه الي علىى قلبي تمون
جعل مايجيني اشعار من غيرررك
مابغيتي توصلين يابعدي

توه بس مازان مزاجي

عاد الوحيد المسموح له يصحيني من نومي بدون اطنقر وانفس
هو مندوب التوصيل

طبعا وامي وابوي جعلني فداهم

وبس والله

__DEFINE_LIKE_SHARE__

ماقدر اطلع حالياً و معدتي تشتهي كريسبي كريم ااقولها لا؟
لا طبعا الا معدتي الحلوووه
مع ان الجلسه بالكوفي اروق واحلا

قرأت معلومه تقول :

ان كل مكان تجلس فيه تترك اثر لـ هاله حسب المشاعر الي تمر فيها..
يعني لو رحت لمقهى وانت حزين وجلست شربت قهوتك ومشيت
الشخص الي بيجلس مكانك بعدك راح يحس بالحزن ويصيبه جزء منه
ويمكن هذا السبب لما مرات تطلع عشان تروق وترجع وانت مو مروق بدون اسباب واضحه
فـ خليكم سعداء دايماً عشان تتركون هاله سعيده
ممكن بعدكم يجي شخص محتاجها وتنتقل له ويكون لكم اجر اسعاده
طاب مسائكم احبتي

__DEFINE_LIKE_SHARE__

ما احزنني ان بكائي لم يكن بسبب هذا الموقف
بل اختنقت حنجرتي بـ كثير من الخذلان وتماسكت
ثم هزمتني كلمه عابره ف فاض دمعي ..

__DEFINE_LIKE_SHARE__

وصلت المحروسه وصلت

خوووشي برجلك اليمين ياعروووووسه

بالنسبه لمندوب التوصيل

بغض النظر ان حنا تحملناكم تقومونا من النوم

وتسلمون الطلب دايم بعز دين القوايل

ونقول مسكين يتعب وحر عليه واذا شفناه معصب نعدي له

بس يجي واحد مايفهم عربي ولا انجليزي وش المطلوب مني اسوي؟ افتح مكالمة فيديو واتواصل معه بالاشاره؟

مرمطني يقول انا برا وينافخ واطلع مالاقي احد

يصور بيت مو بيتنا وشوي يقول انا عن المسجد شوي يقول انا عند المدرسه

طلعت اخر شي كعابي ادور عليه خلاني ألف الحاره سبع لفات ومالقيته خيررررر

ومايعرف الاتجاهات يقول يمين وهو يسار ويقول انا عند البقاله وهو عند مغسلة ملابس

تخيلو بعد التمرمط والشمس فقعت عيوني ودماغي

لقيت واحد بسيارته يمشي خفيف ويتلفت يمين يسار

قلت انت الفاغر الي معاي ع الخط؟

قال ايوه انا طلبيه

انت مندوب التمرمط مو مندوب توصيل

يقول انا عند البقاله واقف انتظرك وهو جالس يرعى ب الشوارع

رجعت البيت اشوف كل شي اثنين ودماغي كذا سايح مبتدي تطلع منه معلومات واشيا لي سنين اخزنها


اعوذ بالله من هيك مناديب




المهم طلبت هالفستان يجنن يجنن

اي بنت محتاره بـ لبس العيد تاخذه

مع حلق لؤلؤ وتسريحة شعر مرفوع

تطلعين كنك اميرات العصر الفكتوري

وبس والله

__DEFINE_LIKE_SHARE__