يعني عشان عيوني تحب عينك

يعني عشان عيوني تحب عينك !
ولا عشانك ب أسود العين مرسوم ؟!

دايم تقول : عيونك أساس زينك !
وأخجل و ألد الطرف يا صاحبي دوم ..

هو للحنين إحساس لا قلت وينك ؟!
أو للفرح لونٍ إلا صرت مهموم !!

هو فيه أحد يقدر ينافس حنينك ؟!
ما للنشامى عقبك اليوم ملزوم ..

هي للعذارى عقب عيني سنينك ؟!
ولا سنينك وقفت عندي اليوم ..

يا راعي الطيبة تفقد ضنينك ..
سير علية وخذ من علومة علوم !

واِتذكر احلام الهوى في يمينك
واني بخطوط ايديك اغرق ولا اعوم !

سحابتك تنشد عن أخبار تينك ؟
اشتاقت تباري أراضيك بغيوم !!

اشيائي لو تعرفك زادت ونينك
كل ما لمحتك بينها قمت محروم !

لك ياقةٍ تحسد على لمس طينك
لك غترةٍ ما اغار منها ولا انوم

رغم ابتعادي عنك كني سجينك
والشوق أكد لي مع الوقت مفهوم :

وسيم وأحلى منك هوجاس عينك
جميل والأجمل محبتك لي دوم

__DEFINE_LIKE_SHARE__