ملف قصائد ،

لادارت الايام مـا راحـت جابتـك
إنشد عزيز القوم بالوقت وش قـال

ولو تصفي الدنيا للاجيال ما جتـك
كان البشر حيه ولا ماتـت اجيـال

مسكين ما تدري مع العمر غرتـك
كم واحد(ن) قبلك به العمر ما طال

لابد من يوم(ن) تجي وسط حفرتك
بالشاش الابيض فوقك الرمل ينهال

عوج النصايب فوق راسك علامتك
ولاتاخذ من الدنيا يا كود الاعمـال

يوم الليال السود ما شفت وقفتـك
الارض ترعد والسماء برق وخيال

الناس قالـت والمعازيـب شافتـك
غرب الجزيرة لابس(ن) ثوب وعقال

يا راعي المفتون لا تقـول حجتـك
العذر ما يقبل ومرفـوض بالحـال

خلـك بمفتونـك وعـود لعمتـك
واصرف زكاة المال بجنيه وريـال

حنا وقفنـا يـوم جاتـك وهزتـك
وقفت رجل واحد على قلب رجـال

لو لا مواقفنا على الضرس حطتـك
كان البحر شالك ويصفقك بالجـال

واليوم وش تطلبنا لا عاد طرقتـك
لا عاد ترسلنا ولايجيـك مرسـال

__DEFINE_LIKE_SHARE__

• طال صبري على درب العميل
  

  عشر واربع صبرنـا كاملـه

  
  

  والصبر بعد هـذي مستحيـل
  من يغر السنـع مـا جاملـه

  
  

  حسبي الله عليه نعـم الوكيـل
  ليه يومه نسـى مـن قاملـه

  
  

  ما طلبت العرب رد الجميـل
  لين شفت العـرب متحاملـه

  
  

  ولا نقول الكلام ابـلا د ليـل
  والدلايـل عليهـم شامـلـه

  
  

  احسبه قبلها رجل (ن) ثقيـل
  يحفـظ احقوقنـا ونعامـلـه

  
  

  من مشا بالخطا رجل(ن) يميل
  ومن رضاها يعـض اناملـه

  
  

  ما ربينا على كـف البخيـل
  ولا مشينا بـد رب الطاملـه

  
  

  تربيتنا على شيخ (ن) جليـل
  نكسر العظم عنـد الصاملـه

  
  

  ما غذانا على لحـم الحسيـل
  ولا شربنـا حليـب الهاملـه

  
  

  كان تسمع ترى راسك ذ ليـل
  وانت راعى العلـوم الخاملـه

  
  

  بعدها لا يجي السانك طويـل
  الـزم العلـم فـي فرامـلـه

  
  

  ماطلبت الجنيه مـع الكفيـل
  لجـل دارك تعشـا ارامـلـه

• 
  

__DEFINE_LIKE_SHARE__

صح لسان شاعرها ولاهنت ع الذائقه الرائعه __DEFINE_LIKE_SHARE__

صح لسانك يابو وليد ملف رائع وقصائد جزله ولاتحرمنا من جديدك __DEFINE_LIKE_SHARE__

اقتباس : المشاركة الأصلية كتبت بواسطة نــجــم [ مشاهدة المشاركة ]

صح لسان شاعرها ولاهنت ع الذائقه الرائعه

وش صح لسان شاعرها هههههههههههههه
هاذي قصائدي من ارشيف الحمايل __DEFINE_LIKE_SHARE__

الاصل عيال الحمايل:
مسجله / قناة فواصل/
قـنـاة الـشـعـر/
---------

سرتبك هواجيسك على النور والقمرى
تسولف على نفسك والاحـلام بانيهـا

لك الله يابن تركي ترى الخط ما يقرى
يقول الخبر راحت على حض راعيهـا

ترى الحب لا طول يجي جرح مايبرى
نصيحـه تجنبهـا ولا عـاد تطريهـا

عسى الله يعوضكم عن الترف باالاخرى
تعيـش العمرمعهـا وتسعـد لياليهـا

ترفق يابن تركي ترى العمر مايشـرى
تعوذ مـن الشيطـان لاعـاد تبديهـا

ترى الحب كاويني على النار والجمرى
علامك تذكرني وانـا كنـت ناسيهـا

رستبي مراسيها على شاطي المسـرى
وراحـت قـدم عينـي تشربياديـهـا

وجودي عليها وجد من طاح بالغـدرى
تدوسه حوافرها وعنان الفرس فيهـا

__DEFINE_LIKE_SHARE__

يا هيه يلي تبيهـا تبيـع بالسـوق
غيرتك ماتت ودمك فـي عروقـه

مكفاك غزو الفضا والشر من فوق
في صفهم جيتنـا شـرك تسوقـه

ما شفت ذبح العرب والقلب محروق
والطفل ميت وسقف البيـت فوقـه

وين انت رايح تهز الراس مصفوق
عليك برق النـوى لاحـة بروقـه

وقف مكانـك ترانـا دم وعـروق
ولـي يغـر السنـع حنـا نعوقـه

منته وكيل العرب جاهل ومطفـوق
ورايك رخيص الثمن خله بسوقـه

دون الحراير نقول السوم مفـروق
إنـذار للـي سمـع ولا يـذوقـه

__DEFINE_LIKE_SHARE__