(( ديــواان بنت الحمايل ,, في عــيال الحمايل ))

[align=center]"بسم الله الرحمن الرحيم"
.
.
السلام عليكم ورحمة الله وبركااته
.
.
لجميع متذووقي الشعر الرااقي والكلماات الثريه
نعدكم بوقفه مع الابداااع لصااحبة سمو الشعر,,
التي تمكن منها الشعر حتى تمكنت منه
هذا الديواان سيكوون للشاعرة بنت الحمايل[align=center][/align]
في هذا المتصفح سأجمع لكم ابداعات الشاعره البااذخه ذات الاحاسيس الجميله
.
.
شـــاعـــرة الــحمــايل (بنت الحمايل)
ونبدأها بهذه الشامخه الغاليه : [/align]
[align=center]
[/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جعل التعب يابوي فيني ولافيـك=فدوتك روحي والعمر فدوة رضاك
ودي أشيلك في عيوني وأداريك=واهديك فوق الحب قلبي بيمنـاك
ياشيخ عمري جعل ربي يخليـك=عز ٍ لعيني وعز من جاك ينخاك
يالشامخ اللي كال ماحلّ طاريـك=وسط العرب رددوا طيب ذكـراك
ياطير ياللي شايمٍ فوق أراضيـك=حرٍ جناحك يرهب اللـي تلّقـاك
ياتاج راسي بالمعانـي بجاريـك=ياكود حرفي يلحقه خير بحمـاك
واعذر مشاعر بنتك اللي تناديك=ياروحها وش هي حياتي بليـاك
وجعل التعب يابوي فيني ولافيك=يحرسك ربي دايم الدوم يحمـاك [/poem]
[align=center][/align] __DEFINE_LIKE_SHARE__

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله خلقني بنت نـاس وحمولـه=قـدري تعّـلا بالثريـا مكـانـه
ماهمني هرجـة قفـا او مقولـه=او عاذلٍ يحبك أصـول الخيانـه
ولاهمني قرع الحكي أو طبولـه=مادام نبض القلب صدق وأمانـه
ياللي تجاهر بالخطـا وبسهولـه=ماخفت من ذنبٍٍ يخالـط إهانـه
ذلٍ تجيبه كـل لحظـه عجولـه=لا ابوه لا ابو كل نفس ٍ جبانـه
يابنت ياللي ينقال عنك خجولـه=بينك وبين الكل صـارت ميانـه
هذا حبيبك أوصديـق الطفولـه=وهذاك ولد الجار كنتـي وزانـه
ليتك بقيتي لغز صعـبٍ حلولـه=او ليت ليتك شي دونه حصانـه
وياهيه ياللي تفتخـر بالرجولـه=وينك ووين المرجلـه والرزانـه
الطيّب اللـي كـل دربٍ يجولـه=يترك وراه الطيب في كل خانـه
وطبع الرديّ يبقى ولا شيٍ يزوله=بالعقل عاهه وان تثقّف لسانـه
واللي قريبٍ كـل ايـد ٍ تطولـه=يرخص بعين الكل ويقّـل شانـه
وانا ترى مانيب بنـتٍ زعولـه=ازعل على اللي ماينومس زمانه
ازعل على اللي في حياته بطوله=راعي علومٍ افتخر فيها عشانـه
شيخٍ كريمٍ ولد نـاس وحمولـه=مثلي تعـلاّ بالثريـا مكاااااانـه
[/poem]
[align=center]
[/align] __DEFINE_LIKE_SHARE__

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]


بلغّ اللي ما عرف قدري وقلّـه=بنت ابوها ما تهابك يالعـذول
ما حسبت حساب حكيك والمذلّه=يا غشيم ٍ ما تثمنّ وش تقـول
بان لي طبع الردى والغدر كلّه=وانتهى كذبك على شين الفعول
كاذب ٍ حكيه نشف ريقه و بلّه=راح يبطي ما يطول اللي ينول
بنت شيخ ٍ تعرف الطيب وتدلّه=ترفع الهامه كما هامـة ذلـول
وانت ياللي بان لي دقاقك وجلّه=اشهد انك ضايع ٍ مالك حلـول
يازمانٍ تجرح القلـب وتعلّـه=احمد الله صامد ٍ ضدك صمـول
[/poem]





[align=center][/align] __DEFINE_LIKE_SHARE__

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]



البارحه يانوف همّي سرى بي=صوب الديار اللي بنجد العذيه
فكري خذاني لأهل ذيك الروابي=فيهم وليف ٍ درت ماشفت زيّه
ليته درى عن شعور ٍ سطا بي=وسط الضماير نار حبه لظيّه
اذكره ساعة كان شوقه زهابي=واذكر هواه وكل ماكان بيّه
حتى لقيت الحزن واقف ببابي=قصده يخرب كل لحظه هنيّه
لا شك يا بنت سبة عذابي=ناس تجامل والنوايا رديّه
وحظ ٍ على كل حالٍ رمى بي=حتى فقدت البهجه بكل شيّه
والبارحه قمت اقلّب كتابي=صفحه تضحكّني وصفحه شقيّه
مير اسأل المولى عظيم الثوابي=وحسن العمل دام هالروح حيّه [/poem]


[align=center]
[/align] __DEFINE_LIKE_SHARE__

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

عذرك معك ياسيّد الروح والدار=ولو كان مالك عذر يكفي عذرتك
ابنتظر جيتّك وان صار ما صار=ببقى على ذاك العهد ما هجرتك
ولو غبت عني وانقضى وقت وأعمار=ما ظن عمري ينقضي ما ذكرتك
مثلك بسيط بالعدد ناس ٍ أخيار=وقليل لوني بالمدايح غمرتك
حبك تمثّنى بالحشا عناد واصرار=ومن غير ما اشعر كن كنّي قدرتك
ودي اقول اني على روحك أغار=مير البلا لو بالحكي ما اسرتك
لو كان بيدي كان والله لأختار=تكون جنبي ولو تغّلا جبرتك
ولو كان بيدي كان شيدّت الأسوار=من حول قلبك وان بغيتك نظرتك
سيف العشق لاشك قاطع وبتاّر=قطّع عروق الفكر يوم ٍ حضرتك
ياللي اشوفك غير عن كل الأحرار=ببقى أصونك بالشرف ما غدرتك
وعذرك معك لو بيننا وقت وأسفار=ولو كان مالك عذر يكفي عذرتك
[/poem]



[align=center]
[/align] __DEFINE_LIKE_SHARE__

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

الشعـر لعيونـك أبكتبـه ديــوان=وانثر غرامي فيـك أبيـات وأبيـات
علمتني ان الهوى اشكـال و ألـوان=ألوان شـوق ٍ مختلـط معـه آهـات
علمتني كيف اعشقك صمت وإعـلان=إحساس فينـي لـه معالـم وآيـات
واليوم بان الحب فـي خافقـي بـان=حتى بعينـي بـان حبـي بنظـرات
كل ٍ عرف بالخافي اللي مـن أزمـان=ولا عـاد ينفـع لـو أداري بكلمـات
يكفي وجودك صار بيـت ٍ وعنـوان=وأصبحت في دنياي روحـة وجيّـات
مااشوف غيرك قدم روحي والأعيـان=وش حاجتي بالأرض وأنت المجرّات!!
[/poem]



[align=center][/align] __DEFINE_LIKE_SHARE__

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]


انقش على كف الزمن لوحة أبيات=تشبه صفات ٍ من كيانـي وذاتـي
يا همّ يا للي ساهر ٍ عام ما بـات=مرت سنه و أنت الرفيق بحياتـي
ويا فرحة ٍ راحت زمان ٍ ولا جات=وينك عسى مانعك خير ٍ بـيآتـي
وديّ أبدّل دمع عينـي ببسمـات=و أشوف نفسي حلوة ٍ في مراتي
وديّ أعيد حساب نفسي بـلفتات=واجمع شتات الروح واجمع شتاتي
يا عمر يا للي ضايع ٍ منه لحظات=ليتـك تعيـد الذاكـره بالتفاتـي
مشتاقـةٍ لديـار كانـت محطـات=يني ملامحها من ابـرز سماتـي
ياوقت يا للي كان لي فيك وقفـات=ياللي سرقت العمر حقـق ُمناتـي
عطني أمل مادام ها لعزم ما مـات=مرت سنه والـروح والله تحاتـي [/poem]






[align=center][/align] __DEFINE_LIKE_SHARE__