(( ديــواان بنت الحمايل ,, في عــيال الحمايل ))

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

ليت العيون اللي تداري عن الناس=كل الوجع والضيم ما فضّحن بـي
كل ٍ عرف وش قصة الهم والياس=ومن نظرتي بانت أمور ٍ سطن بي
كم ليلةٍ ما نمت بالقلب هوجـاس=من حسرتي اسأل انا ويش ذنبـي
ابكي وعيني ما بها دمـعٍ ايبـاّس=محتارةٍ كيف الليالـي غـدن بـي
ان قلت ابصبر علنّي كل وسواس=واتسابقن كل المصايـب بجنبـي
يارب ياللي رافع ٍ ناس عن نـاس=تستر همومي عن عيونٍ درّن بي [/poem]





[align=center]
[/align] __DEFINE_LIKE_SHARE__

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ودي اشكيلـك عـن اسبـاب الدمـوع=افتح الخافق وانت تسمعني سمـاع
ودي احكيلـك علـى ضـيّ الشـمـوع=اعترفلك بالهوى دون لـوي الـذراع
كل ما فينيـي جـاك يتبعنـي جمـوع=كن ما بالكون غيرك شخص ٍ يطاع
كنـت ابرحـل بـس قـررت الـرجـوع=ويـن ابـرحـل دون شـوفـه او وداع
يـا مطـر قلبـي ويـا شـوق الـربـوع=ارحم قلوبٍ في غيابك قفاري جياع
حطنـي جنبـك واستمعـنـي سـمـوع=واجتمع فيني بين رمشك باجتمـاع
وابشـر بـروح ٍعـن فـراقـك مـنـوع=مثلك انته ياحبيبي يشترى مايبـاع
[/poem]





[align=center][/align] __DEFINE_LIKE_SHARE__

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]




دار الزمان وعوّد الوقت يا نجـود=وضاقت بي الدنيا ولاعاد لي حـدّ
كل ٍ تخلاّ والأمـل بـات مفقـود=وأمست حياتي بين نكران ٍ وصـدّ
مما جرالي متعب وناحـل العـود=وهموم عمري بالعدد مالهـا عـدّ
أهلي وربعي بين حاسد ومحسـود=وأقصى القرايب حكيهم سهم مرتدّ
ماعاد باقي للعقـل شـي محـدود=عايش معاهم والفكر حيـل منهـدّ
اشره على اللي قيّد الروح بقيـود=وأقفـى بعيـد لا سـلام ٍ ولا ردّ
ماكّنه اللي كان حاضـر وموجـود=وسط الحشا لا جزر حوله ولا مدّ
جاب الكلام وحملّ القلـب منقـود=وأهدى بفعله دمعة ٍ تجرح الخـدّ
لا شك مثلي بين نيران وسـدود=حتماً عليها تخلط الهـزل بالجـدّ
وان كان حبل الحظ قاسي ومعقود=وشولّه اسرح واتوجسّ من الغـدّ
هذا القدر وان عوّد الوقت يا نجود=لا حلّ بيدي وان تضايقت محتـدّ
[/poem]




[align=center][/align] __DEFINE_LIKE_SHARE__

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]




لاتحسب اني من عنا البعد محروق=واليا ذكرتك لحظة ٍ خاطـري ضـاق
شخص ٍ هواه بلا مزايـا ولا فـروق=مالـت عليـه عــداد مــا لاح بــرّاق
شخص ٍ بليدٍ والعقـل منـه مسـروق=استخسر الدمعـه بحقـه و الاشـواق
شخص ٍ حياته مابهـا حـق وحقـوق=يبـلاه ربـي بالعمـى وسـط الأحـداق
ماهمني غيابه ولا هوب لـي عـوق=ولاهز لي شعـر ولا مـسّ الأعمـاق
إلا الكرامه امرها مـا هـو بمسبـوق=من دونها ترخص طويلات الأعناق
وانا عرفتك لا حشيمـه لـك ولاذوق=اهلك شيوخ ٍ مير طبعك بلا اخـلاق
مني نصيحه ياولد شوف لك سـوق=تعرض بضاعة خافقـك جـلّ ودقـاق
امـا اعيـش وهامتـي للسـمـا فــوق=والا أموت بعزتـي دون مـا انسـاق
[/poem]


[align=center][/align] __DEFINE_LIKE_SHARE__

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]




يا سلامي يا سـلام العاشقيـن=للحبيب اللي احبه عـن سـواه
الفكر والروح جولـك طايعيـن=والعمر فدوتك يا أحلـى حيـاه
أحمـد الله رب كـل الذاكريـن=يوم جابك لي سليـم ٍ بالنجـاه
في حضورك كل كلـيّ آمنيـن=والحكي ترجم شعوري من صداه
طلتّك والنـاس عنـي غافليـن=أسعد الله كانـت الجـرح ودواه
خلك اقرب من عيون العابثيـن=وأصدق شعور ٍ يبين لي غـلاه
خلك ابعد عن جميـع الكاذبيـن=وكل واشي يغـدر اللـي معـاه
أخبرك بالطيب أهلك واصليـن=وأنت وارث كل راقي مستـواه
ويا سلامي يا سلام العاشقيـن=للحبيب اللي رفعني فـي سمـاه
[/poem]


[align=center]

[/align] __DEFINE_LIKE_SHARE__

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]




يا ليت ليته رحل فجـأه ولا جانـي=ولا شفت عينه قبل يـدّه تودعنـي
يا ليت ليته عدل دربـه وخلانـي=ولا لفّ يميّ يبـي همـي يلوعنـي
قفىّ وانا واقف ٍ دمعـي بالاعيانـي=بالكبد حرقه وهـم الآه يصرعنـي
ان جيت ابحكي لقيت الحكي يعصاني=وان جيت ابصرخ ونين القلب يمنعني
ماكنت اصدق يجي له يوم يجفانـي=ولا كنت اصدق بحبه كان يخدعني
حسبي على وقت ٍ جمعني به وأشقاني=أتبع هوايه واقـول بيـوم ينفعنـي
كانت حلومي تعزوا بـه وتنخانـي=حتى جروحي على عشقه تشجعنـي
صدمه كبيره بجوفـي مالهـا ثانـي=صدمه عساها عن الزلات ترفعنـي
[/poem]




[align=center][/align] __DEFINE_LIKE_SHARE__

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]




ماعاد قلبي بالهـوى يـوم يطريـك=ولاعـاد لـك ياصاحبـي اي قيمـه
اذكرك ايه اذكرك بس والله ما اغليك=وشلون ابغلي من ذبحنـي ظليمـه
عفتك وربي شاهد بكـل مـا فيـك=ومكانتك بالجوف صـارت عديمـه
يكفي خذلت الروح لحظـة تجنيّـك=وأحدثت في قلبـي جـروح ٍ أليمـه
ولا تحسبنـي بعـد بعـدك اببكيـك=واسكب دموع القهـر والاّ الهزيمـه
والاّ اباخذ بالحكي معـك وأعطيـك=وأجني من افكارك عواقـب وخيمـه
إبعد وروحّ ياعسى الوقـت يمديـك=من قبل ما تخسر خسايـر عظيمـه
وخل اللذي جابـك لغيـري يوديـك=دام الهوى اصبح هـوان وشتيمـه
ودامك رخيص الذات وشلون ابشريك=لبك مصديّ والمشاعـر قديمـه !!
[/poem]


[align=center][/align] __DEFINE_LIKE_SHARE__