((((محاوره بين الشاعر عمر الحربي وتركي الحربي)))

((((السلام عليكم ورحمة الله وبركاته))))
اسعد الله اوقاتكم بالخير والمسرات
اليكم هذه المحاوره بيني وبين اخي الشاعر عمر خليف ابن جريبه الحربي
في منتدى بني علي
البدايه كانت عندي

((((

تركي الضويحي)))
((مع الله ياعباد الله وذكر الله تقا وايمان))
((ودين وسعد عين بزين واسمن يدحر الشيطان))
((توكلنا على الله (ياعمر)والمنتدى ميدان))
(( معي وجهة نضر والنفس منهيه وماموره))

ياسلام اسلام من مسلمن قلبه نضيف
مثل قلب المحرم الي من الحج اعتمر
ودك انا نشعل الملعبه يابن خليف
مالك الا ما تمنيت قرًب ياعمر
((((عمر خليف)))
(((مادام ان شق دلو الجبو يرقع فتقه وينخاط)))
(((أقدم ما اتراجع كل وقت بسيفي ومحتاط))
(((ترى المجنون ينقز لين راسه يضربه مخباط))
((هذي وجهة نظر والناس منهية ومامورة ))
مرحبا ترحيبةً باسها ماهو ضعيف
صلبةً جلمودها ما يلين ومن صخر
ودك انا نسرج الكور من فوق العسيف
مير قلّ اللي ليا غار بالجيش انتصر
((((تركي الضويحي)))
((بدى مابيننا يابن على خايط ولا مفتوق ))
((تقابلنا على عز ومعزه واسر ياطاروق))
((دخيلك ريًح المخباط والدعوى بضاعة سوق))
((نبي وجهة نضر والناس ماموره ومنهيه ))

البقى يالي مع الضيق للضيفان ريف
عدني طرقي مسالم ماجالك في قشر
حرب فكره ماهي بحرب جنبيه وسيف
وانت ربان السيفنه وشغلتك البحر
(((((عمر خليف))))
(((لقينا تاجر يشري صناديق الذهب طماع)))
(((وقلنا لا تضيق دربنا ترى الدروب وساع)))
(((وضاق الكون في عينه ورد الصاع فوق الصاع)))
(((وجينا له وجاء والناس منهية ومامورة)))

ما يضيم شعيل حمله ويشتاله خفيف
وما نريد نحمّله ننسفه فوق الظهر
شفت من جر القطيرة ينادي للرديف
خل عينك بالسماء لاتناظر وش يجر
((((تركي الضويحي)))
(((ورا ماتطوي الي فات لانزعل و لاتشتط ))
((انا بجيب لك موضوع مايحتاج شيل وحط)
((ترانا توًنا بأول محطه مامسكنا خط )))
((نبي وجهة نضر الناس منهيه وماموره)))
يوم عندك سيف وش فيك مارحت القطيف
رح وانا وراك باسبوع والا في شهر
احمد الله يوم ما بالبحر قار ورصيف
كان جبت العيد ياخوك من وجهة نضر
((((عمر خليف))))
(((طوينا ياعميل الخير ما كد فات بالمرة)))
(((نعرف الوقت من قبل يتقلب برده وحره)))
(((ولاني مريٍ قصاص اثاري يقتفي الجره)))
((هذي وجهة نظر والناس منهية ومامورة))
يوم عندي سيف ما بت انا عاجز حسيف
وان لحقته في شهر لا تحذفه في نهر
لايحسب اللي لقا له مع الدنيا وليف
كاسبٍ كل الرضا عايشٍ دب الدهر
((((تركي الضويحي)))
(((انا ماشوف بالُي فات حاجه تزعل العقال)))
((( عطينا بعض ماجانا ما زدنا والصحيح يقال )))
((وحنًا مازعلنُا وانت وش يزعلك يارجال))
(( على وضح النقى والنفس منهيه وماموره))))
الشريفه ماتبي يا عمر غير الشريف
الشريف الي رسمها على صم الحجر
الجمل ماهو بالاول ولطفك يالطيف
مرتن يرغي طبيعي ومرات يهدر
(((عمر خليف)))
(((نظرنا وانتظرنا مير مابه غير ما ينشاف)))
(((لو انه مبديٍ غيضه قصير الباع ما ينخاف)))
(((و عيشة دونها منة نشوم و مثلها تنعاف)))
((وقيل وقلت مير الناس منهية ومامورة))

الشريفة لاهلها و العفيفة للعفيف
و المخايل مزنها لا ترادم ينحدر
والحمل فوق الجمل وان غدى خفه صخيف
ثلب ما شال الحمولة ولن قام انثبر
((((تركي الضويحي)))
(((((عطيتك علم ما ناضرت له ناضرت في خافيك)))
(((تحسب اني ابا اذكيك وانا ويش ادوٌر فيك )))
(((عجزت اوجٌهك ماغير متدربي وش يدربيك)))
(((ترانا ربع والاجواد منهيه وماموره)))

ياعمر بالله وشلون اوصًف للكفيف
الصدور وورود والوارد امرح ماصدر
ياعريف ان شفت قايدك حيٌه ياعريف
وان بغيت الراي خلٌك تحت ضل الامر
(((((عمر خليف))))
(((بدينا ثم تلينا من بدى باني لنا الصيوان)))
(((ونصفنا لعبنا بمحاورة مير الصخر ما لان)))
(((وختمنا القول يالله في خواتم خير يارحمن)))
(((على السنة وهذي ناس منهية ومامورة)))

لاتوصف له دروبٍ بها سلّا وشيف
يتبعك ينصاب بالشيف والا انته حذر
والعريف يطاع كانه على الدين الحنيف
وان تلوّى يبشر امره على حيد السطر
وصح لسان اخوي عمر خليف
وسلامتكم اخواني واخواتي
اتمنا ان تحوز على رضاكم واستحسانكم
ودمتم بخير وعافيه

__DEFINE_LIKE_SHARE__

صحت السنتهم __DEFINE_LIKE_SHARE__

مبدعين صح الله السنتكم __DEFINE_LIKE_SHARE__

صح لسانك ياتركي ولسان عمر ويعطيكم الله العافيه
على المحاوره الرائعه __DEFINE_LIKE_SHARE__

اقتباس : المشاركة الأصلية كتبت بواسطة نــجــم [ مشاهدة المشاركة ]

صحت السنتهم

مرحبا اخوي نجم

حي هالمرور الكريم

صح بدنك عن اخوي الشاعر
عمر خليف ابن جريبه

وصح بدنك مني

دمت بخير

__DEFINE_LIKE_SHARE__

اقتباس : المشاركة الأصلية كتبت بواسطة حروف الهجاء [ مشاهدة المشاركة ]

مبدعين صح الله السنتكم

صح بدنك استاذي
حروف الهجاء

الرائع مرور شخصك
الكريم والراقي

لك منا جزيل الشكر

__DEFINE_LIKE_SHARE__

اقتباس : المشاركة الأصلية كتبت بواسطة نداء الشمري [ مشاهدة المشاركة ]

صح لسانك ياتركي ولسان عمر ويعطيكم الله العافيه على المحاوره الرائعه

استاذي ابو مشاري

صح بدنك مني وعن اخوي
الشاعر عمر ابن جريبه


الله يعافيك ويرحم والديك

ولا يحرمنا من مرورك الوافي

__DEFINE_LIKE_SHARE__