ديوان الشاعر حامد مناور

تارف رويق .. ونص طااازه

يوم الخميس الجلاس وقوف


وانا طاشو الناس ما طشنا

تارف حبيب ورجل معروف


وفداه حنا وما حشنا

ما ردنا عنه سوء ظروف


وان ماتقدم فلا عشنا

جينا نراهن عليه صفوف


من غير محدن يطرشنا

وترا التعب لا غدا مخلوف


مهما كثر ما يليشنا

والهرج الي ما عليه حسوف


مهما سمعناه طنشنا

والباب دحمته تبي كتوف


وحنا مع الوايلي ششنا

نرفع لرب العباد كفوف


والمركز الاول انعشنا

__DEFINE_LIKE_SHARE__

إلى عويد معاشي الجبّاري الولدعي العنزي

يا ناس ماني لحالي والله المستعان
مادام معيه عويّد كل ربعي معي

اللي لياصرت معه تحس بامن وأمان
والطيب ماهوب مستغرب من الولدعي

الله يحفظه كثر ما سال صوت الآذان
واضعاف ما دغدغت كلمة هلا مسمعي

وقفته هذي يعجز القلب قبل اللسان
عن وصف مدلولها لكن علينا السعي ! __DEFINE_LIKE_SHARE__

لا تدقق بالمجالس هي كذا معروفه

............................. وين ما يجلس رويلي صار صدر المجلس

والبخيل ان غاب والله ما عليه حسوفه

.......................... دام لا مــــــنّك طــــــلبته شــــــي قام يدلّس

والكريم يمد لك يمناه وانت تشوفه

........................ يذبــــــح عـــيـــاله ولا يمــكـــن يقول مفلّس



أما بعد :

ما ني بشــــارح لــك ولا تـشــرح لــــي

......................ماتنطلي على الـــــــــــــــــــــــملوّع حيله

انا دمـــحـــت اضعــــاف ما تدمح لي

.......................غــــلاك من كـــبره عــــــــجـزت اشيـــله !!

ضيعـــت ليـــلــي معك بس اسمحــلي

......................إلى كـــذا والعــمـــر بـــه كــــم لـــيـــلــه

أحــيـــان احــس الحزن ما يصلح لي
.
.....................وان الفــــرح مـــا هــزلـــي منـــــديـــلـــه

واحيان اطق حظي واجي وافتح لي

......................بابـــي من الفرحـــه عشـــان ابكــــيـــله

والـلـــيـــل لومــا غـــّرتــــه تــفـــرح لـــي

....................تركـــت هــــالاشـــعــار لـلـــــي هــــي لــه

كم ليلةٍ ناـــــــــــــــــــــــيت قلبي رحلي

....................تـــــــــــــــــــلـقاني بدار الصديق اشكي له

جيتك وانا احسب لو ابي تذبح لــي

......................حـــدى عــيــالك قـــلـت ابـــــــرك ليـلـه
ـــــــــــــــــ

لوّي مـــخاوي لي ســــراب اربـــح لـي

.....................يمكـــنّي اقســمــني ظــــمـــا واعطيـــله

لوّي مـــخاوي لي ســــراب اربـــح لـي

.....................يمكـــنّي اقســمــني ظــــمـــا واعطيـــله

لوّي مـــخاوي لي ســــراب اربـــح لـي

.....................يمكـــنّي اقســمــني ظــــمـــا واعطيـــله

ـــــــــــــــــــ
ارمــي حجـــر للكـلب لـــو ينـــبــح لــي

.................والى نبـــح انســــان ويــــــش ارمــيــــله!!!

هذا العسل ما هو عســــل يا نحــلــي

...............طعم المصـــالـــــح غــيــّره عـــــــزيــــــلــه

لو من هنــا لــين السمـــا تشـــرح لـي

...................خـــلاص طــاح الدمـــع يا منــــديـــــله!!



وبعد هذا كلّه :

قال عليان قلت ابشر لعينك

............. الرويلي يفزّ ليا لفيته

وان وقف شي بين الما وبينك

......... صب مية عيونه لا نخيته !! __DEFINE_LIKE_SHARE__

اهداء من الشاعر حامد مناور لابن العم الرائد / عبدالله جويعد الرويلي


بمناسبة حصول ( ابن العم ) عبد الله جويعد الشاظي الرويلي على الماجستيرفي العلوم العسكرية من كلية القيادة والأركان للقوات المسلحةبمدينة الرياض بتقدير ممتاز .. كتبت هذه الأبيات البسييييطة .. إليكم :

مــدري يـابـو خـالــد وش آقـــول ، والله

أكـبــر مـــن الـشـعـر الـفــرح بالمـحـانـي

جـمّـلـت كـــل رويــــل ، والـقـلــب جــــوّاه

حـــب يـتـزاحـم لــجــل يــاصــل لـسـانــي

بقول بعضه ، لو يجي لك من اقصاه

مـــا ظـــل بـالـدنـيـا قـصـيــد وأغــانــي :

الــلــي مــثــل شــــرواك نــفــرح بـطـريــاه

ونـقـول لـــه لبييـيـيـه ، والـعـمـر فـانــي

__DEFINE_LIKE_SHARE__

بعضٌ منّي .. ! نص جديد ..

( تم إلقاء هذا النص مسبوقاً بالكلمة طبعاً في حفل زواج ابننا : زايد بن هايل الرويلي .. ليل البارحة .. وكل الدعاء للجميع بالتوفيق )




أجمل الشعر شعر في فكره


واجمل المدح مدحن في محله


ما مدحت بحياتي شخص نكره


لو دمحت لخويي ألف زله

مساءُ الأنوار مساءٌ مغموسٌ بكل ما لذ وطاب من الشعر والحب مساءٌ جميلٌ كليالي العشق المقمرة المحفوفة بالسهر والمطر صدقاً كم أنا هنا بكم ومعكم سعيدٌ أيما سعادةٍ وبي من الفرح مالله به عليم ، وسعيدٌ أكثر لأخي أبي زايد على أن جمع الله عليه فرحين زواج ابنه زايد وتفوق ابنه محمد وبارك الله لهما وعليهما ، وإن كان هناك من ارتباكٍ فهو ارتباك حياءٍ لارتباك خوف فمن يحاط بكم بعد الله لا يخاف أضيف : سرني وأخذني من يميني إلى الماء وإلى كل ما هو مورقٌ وأخاذ حصول أخي وحبيبي / محمد بن هايل الرويلي درجات عالية في اختبار الثانوية العامة لهذا العام وإنها لبشراً تنحني لها الأقلام والحروف والكلمات حتى خلتُ وأنا أسمع هذا الخبر أن كل الطرقات تركض فوقي من شدة الفرح وما حصوله على الترتيب الرابع على مستوى المحافظة و بمعدل 99.98 إلاّ دليلٌ على جهده واجتهاده سائلين الله له وللجميع كل التوفيق فتفوقه هذا أعاد البهجة إليّ وجعلني أرفع الأكف تجاه الشمس فرحاً ومسروراً وبالنسبة لي وكوني أحد شعراء هذا القبيلة فمن الواجب عليّ أن أُعبِّر عن فرحي شعراً لذلك وعليه قمت بكتابة نصٍ بسيطٍ متواضعٍ و هو أقل بكثير مما يستحقه كتبته على عجل على الأقل أتمنى أن يسمع بروية لا لشيء إلاّ لأننا بحاجة أن نفرح بأبنائنا المتفوقين ونوليهم بعضٌ من الاهتمام فأهم الاستثمار والاستثمار الحقيقي يكون في الأبناء طبعاً ومن الواجب علينا أن ندعمهم كلٌ على حسب قدرته واستطاعته ولو بالكلمة الطيبة لو أود الإطالة أكثر .. إليكم النص :

ماجيت ابا اقول انا الأول وانا الثاني


ماكلت هم المراكز يابعدي لله


أنا بكم شاعرٍ محد يتحداني


أرقابكم لو بغيت سهيل آصله


فرحت من شان ابو زايد ومامداني


ارتب افكار شعري جيت به كله


قلت يتخير على كيفه من اغصاني


ويقطف عناقيد ريحانه قبل فله


نجح محمد فرحت وخاطري زاني


يرقاله المجد ما والله ينزله


قرابتي واحسبه واحد من خواني


ولو يطلب عيوني الثنتين فدوله


جيت اكتب الشعر لجله والعمر فاني


يستاهل المجد لن المجد أهلنله


نال امتياز وفرح به قاصي وداني


كل القبيله تنومس فيه وتجله


وان قالي مثلكم صح الله لساني


أصب دمي شعر بالحب وآزله


ودي بكم مير هذا الوقت قوماني


ودي بكم لكن الأوضاع مختله


كنا اول اهل الفضيه نستر العاني


واشباح صرنا وكل كارهن ظله


نبي نتكاتف وكلٍ ينفع الثاني


ماهو كذا كلن بشله تطبله


أفراحنا فرصة تبغي رجل حاني


يجمع ولا هوب كل مره على مله


واللي بقلبي يب يطلع على لساني


ماني مخبيه واللي ما سمع قله


الشيخ ما ردني وفهيد خلاني


والشعر ماهوب سيفن جيت ابااسله


حبيت اعاتب هلي واقول لاخواني


نحتاج وقفه تفك الريق وتبلّه


كم واحدن بيننا تقول وحداني


نقعد سنه ما نجيه ودربه ندله


والشعر لو ما عزمته ما تقهواني


يرتاح بي يوم بعض العالم تعلّه


كتبت بعضي هنا من شان يقراني


كل من أحبه وأفرح به ولا املّه


واقول فدوه لكم بحري وأوزاني


وإليا انعقد خاطري شوفتكم تفلّه !

__DEFINE_LIKE_SHARE__

خلّك على الكرسي اللي ما يكبّرك !
خلّك على الكرسي اللي ما يكبّرك
والبشت الي تلبسه والنرجسيّه

الناس تنفع بعضها وانت ماصْبرك :
على الردى والسواليف الرديّه

لا جاك محتاج من ربعك تكبُّرك :
يكسر فرحه بلقاك ومانت زيّه

أول ليا جيت لرويلي يدبّرك
مع دبرة الله ولا يرجي جزيّه

كريم راعي فضيّه ما يشبّرك
يوقد لك الرطب ويدينه نديّه

وان جيت منصاب بضلوعه يجبّرك
ويقول تبشر ولا ينسى خويّه

واليوم كانك تب الواقع نخبّرك
الوضع مزري ولا فينا حَميّه

( يبي يجي يوم ما واحد يعبّرك
والبشت ما ينفعك والنرجسيه ) __DEFINE_LIKE_SHARE__

عتب محب / إلى عواد شعيب !

يا شعر لا جيت يم الغالي اللي نحب
اللي لو انه نسانا ما نسينا غلاه

عواد ( والْعَوْدُ حامدْ ) قايل احمد كذب
والشعر انا اللي كتبته واسألو من قراه

سلّم عليه وتقهو اقبالته ، والتعب :
يروح من تشرب علومه وتجلس معاه

قلّه نبي شوفته لو ان فينا عتب
يومه يعزم البعيد وما يعزم اقصراه

علمه ينومس هل العليا وشعره ذهب
وليا حكا صار مالك شف باللي وراه

الله عطاه المحبه ، من يلوم المُحب
اللي براه الملاقا والمفارق براه

واناإذا التمو الشعّار نار وحطب
أشب ضوي وحرفي كل ليلٍ سراه

أقطف من الشعر شعرٍ ما حوته الكتب
وآكت واديه متفرد بكل اتجاه

أرقا على قمته يوم ان غيري تعب
وآنزّله منزلٍ لا قبله ولا معاه

ماهوب سلفه ولا عاريّه من العرب
عليه وسمي وتوقيعي وصدري حواه

يخافني كن ما بيني وبينه نسب
ويشتاق لي كن ما غيري ينوّر سماه

وإذا انّ رجليك ما تثبت بوسط المهب
تلعب بك الريح واللي يقربك من عناه

أكتب ولامن كتبت اشطب ولا أنسحب
إلاّ وانا واصل بشعري إلى منتهاه

( يابو شعيب ) العتب مثلك عريب النسب
وانا على حطت يدينك وطيبك فراه

غلاك عالي وساكني عيون وهدب
وانا إلى صرت معك آعرف معنى الحياه



لك منّي العذر لو ما تعْتذر ، والمحب :
يعاتب اللي يحبه ما يحكي من وراه __DEFINE_LIKE_SHARE__