العـود لا طــاحت سنونه ""قوية باس""

نجد بنت مطير · 09-08-2011, 11:10 PM

اهـــداء خاص وسبيشـــل ..
لشــايب من جمـــاعتنا اللــي بالديره
يقـــول ان نيـــاقه أغلى من عيــــاله
حبيت أداااعبـــه بهالأبيـــات ..

[poem=font=",4,,bold,italic" bkcolor="transparent" bkimage="" border="none,4," type=1 line=1 align=right use=sp num="0,black""]
العود لا طاحت سنونه = ماتنفعه كثرة أمواله
نياقه الشعل مزيونه= لكن ما اغلى من عياله
دنيا بها الناس (مفتونه)=والحمل وينه ياجمّاله
ماهي على طول مضمونه=كلٍ تبي تاقف اجاله
ناسٍ شقيّه.. ومديونه=والحال باقي على حاله
لكن يابو رهف صونه=احفظ شقى اليوم ورياله
موتَرْك جوّد دركسونه =والخبل خلّه لمقياله
اللي ملا بالكرى عيونه=يصبح على (اهل الوطن) عاله
وراه ناسٍ يحدّونه=إلين مايكثر هباله
ان كان ماجنّت جنونه =يبطي ولا تِذكر افعاله
ياعنك يامقشر ظنونه =يموت والمجد ما ناله
(راع الوفا) ننشد شلونه =والا (الرّدي) مالنا وماله
شيٍ من العرف.. عربونه = ياحاكر العِرف ..برجاله
وان قالوا الناس ملسونه=كلٍ يروّح على فاله
انا عريبه ومصيونه = راسي على الفخر والطاله
لو هزّت حموله متونه =( العز)ّ ماهزّ فنجاله
قصيدي متميّز بلونه = مثل السديري مع اجياله
اعدّها ابيات موزونه = وابعد عن الغث وهزاله
للشعر حدّين مسنونه = وللقاف مربط وخيّاله
لو القلم باح مكنونه = خيال ..وابلَغْه من قاله
كلٍ يغنّي على شجونه = والنفس طربه وميّاله
في كل وادٍ يهيمونه= ويبقى على (القمّه) جزاله
درّه وفالبحر مدفونه = ربيبة (الفكر) مختاله
هذي( نصيحه) ومضمونه = خذها على هيئة رساله
(العود) لا طاحت سنونه= ماتنفعه كثرة امواله!!
(الشعل) لو كان مزيونه = ماهيب اغلى من عياله !![/poem]

وتحيّــــاتي وتقـــديري للجميـــع دووون استثنـــــاء ..قويـــــه (:
__DEFINE_LIKE_SHARE__

عبد الله · 09-08-2011, 11:53 PM

صح السانك ياقوية باس مبدعه كما عوتيناء __DEFINE_LIKE_SHARE__

مبسم الريم · 10-08-2011, 12:02 AM

كلمات رائعة

صح لسانك وسلم بنانك

يعطيك الف عافية

تقبلي مروري

خالص احتراماتي __DEFINE_LIKE_SHARE__

محمد المرواني · 10-08-2011, 01:08 AM

قوية باس

صح لسانِك ..., ورآق حِسك دوم
إهداء رائِع ووآقعي .., وشاعريّه دائِماً
آهنئكِ / ... ~ يا مُبدعِــــــه

وكل التوفيق والنجاح أمنياتي لكِ ...
تحياتي __DEFINE_LIKE_SHARE__