ديوان الشاعر/ فرج الدهمشي

بمناسبة عودة خادم الحرمين الشريفين الملك عبد الله بن عبد العزيز آل سعود حفظه الله ورعاه

يامرحبا حييت يا منبع الجود
يالقائد اللي شوفته يوم محسوب
عودة ملك ماهي شعارات ووعود
عودة حبيب الشعب بالخير مصحوب
عودة ملك دايم على شعبه يجود
من طيب ساسه صار للشعب محبوب
عودة ملك بقلوبنا كان موجود
رغم الغياب اللي به الوصل محجوب
اللي بنى مجده على شامخ الطود
اللي بشوفه جمر الاشواق مشبوب
باسم الوطن نهديه باقات وورود
ونكتب قصايدنا هجيني ومسحوب
نبني صروح الحرف لاهبت النود
ونرسم ملامح صورته نبض وقلوب
الحب جنه والغلا نبضه يزود
شمس الوفا في شوفته مالها غروب
شعبك يحبك يابو متعب بلاحدود
وبيرق غلاك بقمة العز منصوب
ياسيدي بوجودك الخوف مفقود
سيف الشريعه بين غالب ومغلوب
ياالحاكم اللي لك مواثيق وعهود
لا ضاعت الحيلات والحق مسلوب
انت الحكيم اللي بالافعال محسود
وانت الحليم اللي بالاسلوب مرغوب
انت الزعيم اللي على القمه يسود
وانت الكريم ليا غدى الطيب عذروب
وسلامتك يا سيدي منبع الجود
عسى الُولي يجعلك الآجر مكتوب

نشرت في جريدة الرياض
الجمعه

13 / 4 / 1432 ه

18 / مارس / 2011 م

شعبك يحبك يابو متعب بلاحدود

http://www.alriyadh.com/2011/03/18/article614785.html

__DEFINE_LIKE_SHARE__

(( اخوان نوره ذخرنا بعـد ربـنا ))




بــديـــت بــســـم الله بــــــدع الـمـثــايــل
الــواحــد الــلّــي يـسـألــه كــــل ســايـــل
سبحـان ربـي خالـق الكـون والبـشـر
فـي اجمـل التصويـر واعظـم وسايـل
وانـا احمـد الله دولـة الديـن موطـنـي
دولــة هــل التوحـيـد واهــل الفضـايـل
الـمـمـلـكـة عـــــز الــمــواطــن وعـــزهـــا
مــن عــز روســن طايـلـه كــل طـايـل
الـديــره الـلّــي رايـــة الـمـجـد بأسـمـهـا
نـفـدى ثـراهـا عــن خـطـآ كــل عـايــل
حـنــا مـدابـيـس الـوغــى دون حـدهــا
وحكامها آل سعـود مـن صلـب وايـل
اخــــوان نـــــوره ذخــرنـــا بــعـــد ربــنـــا
اهــل المـواقـف والعـطـاء و الجـمـايـل
وكـــم دولـــة حـلــت علـيـهـا الـكــوارث
زلـــزال او سـيــل الــمــزون الـهـمـايـل
بأسم الملك والدين والشعب والوطن
تلقـى جسـور الخـيـر فيـهـا حصـايـل
الله خـلـقـنـا نـعـمــر الارض بـالـوفــاء
ولاثـــارت الهـيـجـاء نـشـيـل الـثـقـايـل
وختامـهـا مـنـي صــلاة عـلـى الـنـبـي
شـفــيــع خــلـــق الله يـــــوم الــهــوايــل

__DEFINE_LIKE_SHARE__

فــرحة الـعـيـد



هـلـت تباشـيـر الـفــرح لـيـلـة الـعـيـد
وسقـت التهانـي بالبيـوت الجزيـلـه
اسمى التهاني سقتها لباشة الغيد
اصـدق مشاعـر مـن خليـل لخليلـه
لـلّـي غـلاهـا داخــل الـقـلـب تـحـديـد
ســبــة عــنــاي وعـلـتــي كــــل لـيـلــه
يامـا انتظرتـه بيـن حـسـره وتنهـيـد
عـيـنــي اسـلـيـهـا ونـفـســي عـلـيـلـه
الـغـاده الـلّـي وصفـهـا غـيـر يـازيـد
ام الـعـيــون الـنـاعـسـات الضـلـيـلـه
الـلّـي غيـابـه يشـعـل الـنــار ويـزيــد
وســط الحنـايـا مـثـل جـمـر المليـلـه
مــن لـوعـة الفـرقـا وكـثـر التنـاهـيـد
هـــز الـكـيـان وخـافـقـي عـزتــي لـــه
ليـا اقبلـت مـثـل الـمـزون المراجـيـد
تسـقـى خفـوقـي والضـلـوع النحيـلـه
لعيونـهـا نـبــض القـصـايـد انـاشـيـد
تـــروي حـكـايــات الـلـيــال الجـمـيـلـه
اكتـب لهـا شوقـي وصدقـي بتأكـيـد
بالـغـايـه الـلّــي كـــل بـــارق تـخـيـلـه
للشامـخـه بـنـت الـرجـال الصـنـاديـد
الــلّـــي غــلاهـــا مــــــا ادور بــديــلــه
واجمـل هديـه تحـتـوي فـرحـة العـيـد
فـيـهـا التـهـانـي والمـعـانـي النـبـيـلـه

__DEFINE_LIKE_SHARE__

صدى من الشاعر / حشر الغضيان




لجل القصيده ماعذرك تقطع البيـد
تــزهـــر لـيـالـيـهـا وتـصــبــح حـلـيـلــه
مـعـذور ياسـيـد الـعـرب والصـنـاديـد
ابــن الـكـرام اهــل الحـمـول الثقيـلـه
انتـه فــرج والله يـقـرب لــك الصـيـد
حـتـى عـلـى كتـفـك تهـقـوى بشيـلـه
وان كـــان ودك يارفـيـقـي معـاضـيـد
ابشـر وانــا لــك مـثـل بــرقً تخيـلـه
حتـى علـى جـور الزمـن والمناكـيـد
نمـهـد لـــك دروب الـفـتـاه الجمـيـلـه
ونزيل عن صـدرك همـوم وتناهيـد
اشـوفـهــا وســـــط الـقــوافــي نـثـيـلــه
اصبر وباذن الله تبي ترجف الايد
رجفـت فـرح مـن واحـداً فــي خليـلـه

__DEFINE_LIKE_SHARE__

نـاعـس الـرمـش



يـــاذابـــل الــشــفــه الـــلــــي هــرجــهـــا خـــــــدري
يـانـاعــس الــرمـــش فـــــي نــظـــره وسـلـهـامــه
الـــخــــد يـــزهــــا جــمــالـــه وجــــهــــك الــــبــــدري
والــــقــــد يــــزهــــا وصــــوفــــه فـــــــــارع الـــقـــامـــه
ان جــيـــت مـقــبــل تـنــاثــر لــيــلــك الـــغـــدري
ضـافــي جـديـلــك عــلــى الـسـاقـيـن واقــدامــه
تــرمــي بـسـهــم الـعـيــون وكــــان مــــا تـــــدري
قـلــبــي صـويــبــك وهـــــذي طـعــنــة اسـهــامــه
الــلــيـــل بـعــيــونــك الــنــجـــلا حــــفــــر قــــبــــري
مـــــن اول احـــــلام عــمـــري لآخـــــر ايـــامـــه
الــوقــت لاشــفــت زولــــك مــــر بـــــي بـــــدري
كـــــن الــدقــايــق تــــــوازي مـــاضـــي اعـــوامـــه
الـــشـــعـــر مــايــوصــفـــك لــوانــتــثـــر حــــبـــــري
عـــلـــى الـــــــورق يــا(.....)جــفّـــت اقـــلامــــه
لـــكــــن عـــزايــــه احــــبــــك واقــبـــلـــي عــــــــذري
الــقــلــب ســـيـــف الـمـحــبــه نــــــاوي اعـــدامـــه
لـــومـــات حـــبـــك يــاحــبــي مـــانــــزل قـــــــدري
اشــــــوم بــأســمــي وراســـــــي رافـــــــع الــهــامـــه
مـايـكـســر الـقــلــب غــيـــر الــبــعــد يــاجــبــري
ولايــــنــــزف الــــجــــرح الا غــــربــــة اوهــــامـــــه
وشلون ابنسي غرام ٍ نبضه بصدري..؟
يـاهـاجـس الـبــوح والاحــســاس وهـيـامــه..؟
ويــاذابـــل الــشــفــه الـــلـــي هــرجــهــا خــــــدري
يـفـداك حـــرف ٍ رسـمـتـي بـصـمـة ابـهـامـه

__DEFINE_LIKE_SHARE__

الله من شمس ٍ تأخر شروقها
ونفس المحبة زود البعد شوقها
من سبّة اللّي ناظرتني وسلهمت
وحالي غدا عوق المحبّه يعوقها
من ابعدت خلّت مع الروح حزنها
ذكري من الماضي لقلب معشوقها
الروح راحت من تجافيه وامحلت
وحتى القصايد مبطيه عن اطروقها
من عقب فرقاها تحريت شوفها
ارتاح بالملقى ويركد خفوقها
يابوعيون ٍ زينها يفطر الحجر
من شافها يشكي مواجع فتوقها
كم مرةٍ ناديت وانطق بأسمها
احلا والذ من العسل طعم ذوقها
حبيبتي دايم افكر بطيفها
حبه بوسط الروح يسكن عروقها
هي منوتي بين المزايين كلها
هنيّ من يمسك طوارف سبوقها
ياهم قلبي من سبايب فراقها
فرقاه مثل النار والا يفوقها
ياليت تجمعنا الليالي ونهتني
واحطّها بالعين وحجور موقها

__DEFINE_LIKE_SHARE__

عـطـر الـقـصايـد





عطريني يالقصايد من شذى الحرف الجزيل
بالقوافي والمعاني في سمايه ارعدي
دوري لي عن مشاعر شالها جرف المسيل
الله اكبر كيف كنتي في محيطي في يدي
لو قريتك في سؤالي ماجحد شمسك دليل
للمعالم فاز شعري للجزاله يقتدي
هامت الجزله بزنْد ٍيقدح الحرف المثيل
رجت حروف القصايد كل حرف ٍابجدي
جاوبته ام المعاني في كنفها سلسبيل
الحلى كلّه رحيق ٍ تشربينه يابعدي
شعرك بليل ٍتحدر خلف نجمك مايزيل
لو رفعته في يمينك ياصل لنجم الجدي
ماتضيع بنور نجمك لامشيت ولاتميل
خل عينك للثريا والخفايا مقصدي
يالقوافي بعثريني لاغدى ليلي طويل
وايلي ٍدهمشي ٍ ماعلى كفه ندي
ابشر بعزك وانا اللي كاسب ٍشي ٍجزيل
ايه البيها وانا اللي ماني بالفزعه ردي
الهقاوي في خيالي تطوي الدرب الطويل
والاماني في عيوني جتك بالطيب تعدي

__DEFINE_LIKE_SHARE__