اقتباس :
المشاركة الأصلية كتبت بواسطة الديم
[ مشاهدة المشاركة ]
|
طيب
بما ان غزالتي رايقه الى حد ما
ودامها مسكت معي ع السوالف فكان لزاماً علي ان .. اطلق العنان لـ اصبعي
المتحدث الرسمي نيابة عني واصاله عن نفسي << ترا فيه فرق بينهم اللي ثقافته البلوستوجيه ضعيفه هذا موشغلي
الموهم
ببدأمعكم من ذكرياتي لاني اشوف ان ماضينا هو بدايتنا ..
ولـ ان روحي لازالت حبيسة تلك الايام الجميلتو والعذبتو
الا ليت ساعتن منها تِعوّد الا ليتو
كان ياماكان كانت هناك فتاه شقراء ذات زنن كـ الوان الطيف اللي هي آني يالباني
اللي غنا لها طلال مداح الله يرحمه وقال
الاسم مهاوي والمنازل مكةٓ
ادري اني معروفه مايحتاج بس عاد لازم من شوفة النفس شوي
المووهم كنا نسكن بحي قريب من الحرم طبعاً بمكه مثل ماقال طلو ..
ليلة رمضان لها فرحه خاصه ونكهه خاصه واكاد اجزم انها تختلف عن اي منطقه ثانيه بالعالم
اذا اعلنو عن دخول رمضان نسمع صوت المدفع كنت انا واخواتي نفتح الشباك وبلهجة اهل مكه الطاقه ونعد رميات المدفع البيت لحظتها كله ينشغل تبدا امي تسوي حلى معروف عند اهل مكه اللي هي سقدانه طعمها جداً لذيذ وسبحان الله تقطع العطش كان ابوي الله يرحمه يحبها ولازم ليلة رمضان بذات تكون ع سفرة السحور .. اذكر وانا زغيره كنت اخاف من الصيام لاني اشوف اهلي ماياكلون ولايشربون فقلت في عقلي الصوغنن اكيد انهم مايتنفسون << تبي تفطسهم مره وحده
بصراحه تخيل منطقي دام مقومات الحياه اللي هي الاكل والشرب ممنوعين عنها اكيد بعد الهوا
كنت اجي عند امي نهار رمضان وهي نايمه احط يدي عند خشمها بشويش
وانتظر شوي ابي احس بنفسها المصيبه ما احس بشي مدري من زود الخرشه ولا امي وقتها مزكمه ..
اهم شي اطمن لاشفت العالم صحيت والامور طيبه عاد سألت امي قلت لها الحين انتم من صبح للمغرب ماتتنفسون ..؟!
طمنتني قائله طسي عني تبينا طول هالوقت مانتنفس عاد انا اخترت وقت للسؤال مال امه داعي وواضح من اسلوب الرد
اهم شي انه فيه نَفسس .. طبعا كانو يعودونا ع الصيام من عمر صغير مره ...
مدري ليش احس انهم قسو علي عودوني في سن يمكن خمس او ست سنين .. اخوي اكبر مني وبيننا فرق كبير بالعمر طبعاً هو يصوم وواجب عليه فكان يشوفني افطر برمضان ويازين الفطره ماغير كاسة توت وورا باب المطبخ مدري ليش هالمكان اللي احسه ذاك الوقت يصعب الوصول اليه واشفط الكاسه ع عجل واطلع من المخيأ الآمن والضحكه شاقه المبسم ع بالي اني مضبطه وضعي وشنب التوت واصل لين خشمي صار اخوي يقولي ترا رمضان يشوف اللي يفطر .!! آه ياهذي الكلمه اللي عيشتني برعب وجاوبته بكل دلاخه اقصد براءة الطفوله عاد خابرينها انتم مايحتاج قلت حتى لو اكون ورا الباب ههههههه قال لو تحطين نفسك بعلبه وتسكرين عليها <<< ماعاد فيها كاسات توت
قمت اتخيل رمضان انه الهلال وله عيون وش كبرها يقز كل من تسول له نفسه الزبنه ورا الباب
كبرنا وتغير الوقت بعد وفاة ابوي انتقلنا من ذاك الحي وفقدت صوت المدفع اللي كنا نسمعه عند الفطور ووقت السحور .
. وليلة العيد وقبل صلاة العيد كنا نشوف الناس توقف سياراتها بحينا وتمشي للحرم. للصلاه فعلاً كنا نعيش روحانية رمضان وفرحة العيد.. وكل شي حلو اخذه ابوي معاه وراح
بالنسبه لليوميات .. تغير وقت نومي عن بداية رمضان صرت انام ع تسعه الصباح تقريباً والصحوه المضبوطه ع صلاة العصر ..
وانا ما احب اتطرق لتفاصيل العباده .. طبعاً ادخل المطبخ اسوي الاكلات اللي اخواني يحبوها فطائر صنية مكرونه اللقيمات اي شي مطلوب ذاك اليوم ع حسب .. انا احب سمبوسة الجبن والمكرونه
والكنافه ب الاشطه بس ما اكل ع الفطور ع السحور اخذها لاني ما احب الرز ..!
امي الله يخليها لازم تسوي القطايف وهذي بعد معروفه عند اهل مكه ندهنها بـ السمن البري
ونرش عليها السكر الناعم وبعض الناس يحبوها بالزبده
بعد الفطور وتشطيب المطبخ ادخل المنتدى اطقطق فيه شوي
الساعه 12 هذا مو عد الكيف براد الشاهي اسويه وامسك ركن لا اعرف احد ولا احد يعرفني
لازم المخمخه ع رواق وبعدين نرجع للسحور واذا عندي شغل بالبيت خلصته
نتسحر وبعد الفجر ارجع للمنتدى شوي و اتصفح بعض المواقع
لين انام وتوته توته خلصت الحتوته <<روايه مو حتوته
|
ههههههههههه. .انتي يالديم ..كاس الفيمتوا ورا الباب. .
انا عندي التونه في الدولاب في الضهريه. .هههههه
الله يستر عليك. .برنامج جميل جدا