ديوان الشاعر ماجد مطر الشمري

دانــه · 30-12-2012, 10:27 PM

(( ارواحـكــم راحـة ))

شبابنا تكفو تكفون تكفون

ارواحكم راحة من بلاك بيري

بعيونكم كثر الحوادث تشوفون

وراحت ضحايا من العوايل كثيري

شباب متهور سواقتهم جنون

باالتهلك يلقون حتف المصيري

مشغول باالأرسال خلى الدرقسون

عينه على الجوال واخطى المسيري

احدن خذاه الموت بالقبر مدفون

واحدن معاق وطول عمره حسيري

واحدن بغيبوبه له سنين مركون

ميت دماغين وحاله خطيري

واحدن فقد أهله من الغبن مطعون

هو السبب والصبح يتيم وفقيري

تسعين باالميئه سببها التليفون

صارو ضحية هاتف بلاك بيري

__DEFINE_LIKE_SHARE__

دانــه · 30-12-2012, 10:28 PM

اهداء للاخ القدير/ ( عسكر بن عائض القحطاني )

عسكر ليا جالك ولد سم عسكر

سمه على عسكر صبي القحاطين

حرآ على راس الطويله توكر

حطه على يمناك ياحي هالعين

القصر مايعيبه لون غيره أكبر

الرجل من فعله يهز السلاطين

لله في خلقه شئون وتفكر

ولافرق بين الخلق غير التقيين

القصر به حكمه ولله نشكر

احدن حكم بحرين واحدن حكم صين

عسكر ابن عايض على الطيب يذكر

نعم" ببوعايض ياحي هالعين

لاجوه ظيفانه حشى ماتنكر

يقدم الترحيب طلق الحجاجين

رجلِ كريم لظيف يذبح ويحكر

فنجال بنِ بهره بالرسالين

مع عودآ الزرق فوق جمره مكسر

يقدمه لظيف قبل القريبين

هذى الشبل من ذاك الأسد تبكر

رباه ابوه على الكرم ومنهج الدين

من طيب أبوه يشوش لطيب يسكر

سكرة رجوله ماهي سكرة سفيهين

من روس قوم" على العداء الله وأكبر

وقت اللقاء كلن يهاب الشجيعين

على العدو سم" ذحاحِ معكر

ربعك بني قحطان سقم المعادين

أهل الكرم والطيب للجار سكر

أهل الكرم لظيف تنحر بعارين

والفين نعم لأبوك والف" لعسكر

ومليون نعم بقيلتك القحاطين

__DEFINE_LIKE_SHARE__

دانــه · 30-12-2012, 10:29 PM

شدت غلط والراس يقدح مشاوير
شدت وراسي يقول نبي المنامه
واقول ياراسي تركد ولا تطير
المملكة دار الوفا والشهامه

هذى واحد من الاصدقاء الرسل لي هذه البيتين وهذى ردي عليه بالقصيده التاله

/// رد ومجاراه ///

لاوالله الى للضيوف المناعير

شدة كرم ماهيب شدة رخامه

الي مثل شرواك ملفى المسايير

رجلن كريم وعادتك للكرامه

لطيب يافيصل تسوق التباشير

ورثن لوبك من خوال وعمامه

واهل المنامه بين بار وغنادير

وكلن على البحرين ربط حزامه

ولاراق جوه وعزفو بالمزامير

وقامت تغنج له خطات الحمامه

ينفض جيوبه من ريال ودنانير

نقط وفوق البست طش العمامه

ماحسب حساب الفلس والمخاسير

مضيع الطاسه ولخبط كلامه

بكره ليامنه صحى حزة عصير

نفسه يلحقها بفعله ملامه

ولاعم انا البحرين فيهم هل الخير

فيهم رجال العز واهل الفخامه

وفيهم رجال الدين وجيه التسافير

أهل الكرم والطيب وأهل الشهامه

الله يعز المملكة تنعم بخير

في ضل بومتعب رفيعًِ مقامه

الشعب مخلص والوطن ميزته غير

يحكم بشرع الله هذى نظامه

دستوره القران والشرع تطهير

امن وامان نعيش به في سلامه

ويعز حكام الخليج المشاهير

ست الدول مع شعبهم واللتحامه

__DEFINE_LIKE_SHARE__

دانــه · 30-12-2012, 10:30 PM

حـــــــــــــــــــب الــســــــــــــــبــيــعـــــــــــيــه

أنا حبيت كل سبيع من حب السبيعيه

وهي تحبني وتحب شمر لا بكيناها

ماوالله غيرها بالبيض لاهذي ولا ذيه

ولابه من بنات الجيل يوجد مثل حلياها

لو أووصفها قمر عشرين لا هي القمر هيه

وانا لي الفخر في حبها والدور ارضاها

سبيعيه ملاك الحسن يعني وصف حوريه

أموت بحبها وأحب أنا بالأرض ماطاها

أحبه من صغر سني عساها دائماً حيه

وأحبه لين أموت وأنبعث والقلب يهواها

جعل يومي قبل يومه وأنا فدوة مواطيه

ويفدونه جميع الناس وأعيالي من أفداها

وبنتي باسمها سميتها باسم السنافيه

على منيرة ياسعد الي لاجاله بنت سماها

وأنا حبي لها حبِ شريف أطهر من الميه

ويالبا قلبها والديرة الي فيها مرباها

وأخاف سبيع تذبحني وأنا نفسي شماليه

ومالوم سبيع مادامت منيرة تسكن أحماها

علي نذرِ ماجنب لوأقطع بألف جنبيه

تروح الروح ويبقى بخمس حروفِ كتبناها

أجيهم بايعِ روحي وحبي واصلِ ميه

وحب سبيع في دمي رجالِ نعم بلحاها

هذولأ سبيع حي سبيع لهم بالطيب ماريه

رجالِ بالقاء فرسانهم صكت على أعداها

هل الغلبا نعم وألفين كرم حاتم بهم زيه

هل بيوتِ لاجاها الضيف تكرم من تنصاها

ولكن لعرفوا منهي منيرة زانة النيه

وحب الشمري لأمه ماوالله يلحق جزاها

يازين الشعر لاقلته وتغزلت بقوافيه

يازين الشعر بأمي والقوافي زان معناها

مره تسوى مئة رجال ومنيرة أرجاليه

وليامن أنتخت بأولاد فرعون السعد جاها

فراعنةِ أرجاله بالمعارك تنضج الكيه

ونعمِ بالخوال أهل الكرم والطيب مجناها

وترى طيب الولد من طيب خاله يملي أرويه

وكسبت الطيب من شمر ومن سبيعِ كسبناها

وأنا لي الفخر مادامت أن أمي سبيعيه

أحب أمي منيرة والخوال سبيع مغلاها

__DEFINE_LIKE_SHARE__