ديوان الشاعر راكان بن بدن السبيعي

اليا انقسم صف العرب بين قسمين

ماللمــــواقف غير صقر العـروبه

هذي الدلايــل واضحه والبراهين

ميثـــاق مكه كلهــــم رحبّــــــوبه

مسا الخميس بيوم واحد وعشرين

اسدل على تاريخ الأحـزان ثوبه

ياقــايد الأمه على العســـر واللين

يجزاك ربي بالرضـا والمثــــوبه

يوم انهدم جسر الوصل بين الأثنين

بنـيت ما هـــدّوه طــوبه وطــوبه

قرّبت وجهـات النظــر بينـهم بين

عينـــك عليهـم بين نـوبه ونـوبه

هـدّيت روع الخــــايفين المسـاكين

وسهّـلتـها لو كان فيهـا صعـــوبه

وحّـدت صفٍ كان من قبل صفين

وانهـيت موضوعٍ تناشب حروبه

واعلنت قــدام البشــر والمــــلايين

تلغــي معــانـاته وتنهــي كـروبه

عليـك آمـال العــــرب والمسْـلمين

من غيرك اللي بعد ربي لجوبه

بدرك سطـع نوره على العدل والدين

غصبٍ على اعداءً تمنى غروبه

أنت الرضا وأنت السعد للمجلّـين

وأنت الذي لأعـداء الأمه عقـوبه

من وقفتك ترجح جميع الموازين

ريف البـــلاد وسيـّــده ومحبـــوبه

نفخـــــر بوقفـــاته بكل الميـــادين

ياقــــايدٍ بأنظــــارنا نلــدّ صـــوبه

شعبـه وداره مع قضيّة فلسطـين

أوضـــاعهم دايـم عليـه امحســوبه

ماقال لاجت حزّة الضيق بعدين

كن الشعـــوب اللي تألم شعـــوبه

لسان حال الشمل لاصار شملين :

نحتـــاج وقفـاتك ياصقـر العروبه

__DEFINE_LIKE_SHARE__

يا شاعر المليون مسّيت مليون

بالكاد والعنبر ونفح العبيري

كنّك تقول أن البشر مالها عيون

شعّارهم مابين حيري وديري

الشعر عند الهاجري وابن لعبون

والأكلبي والمسردي والسديري

قصيد له نكهه وله روح له لون

يطحن مثل طحن الرحا المستديري

يبقى الشعر تاجٍ على الراس مصيون

تاجٍ على غير الفطاحل عسيري

وألا اللقب مضمون والفوز مضمون

من دون لاتسأل ولا تستشيري

يالجنة التحكيم مهما تقولون

الفوز لــ محمد سرور المطيري

شاعر ومتمكّن ومبدع ومجنون

وياكم كسب إعجاب شعّار غيري

__DEFINE_LIKE_SHARE__

كل درب وله نهايه حتى لو طال الطريق

لو تعاشر من تعاشر منتهى العشره فراق

البحر شف كم سبح به والنتيجه كم غريق

والجفا عقب التلاقي والله أنه ما يطاق

الوفا ملّ المفارق والليالي ما تطيق

والجفا بيني وبينه لا طرا ذكرك سباق

الوصل دربه حبيبي كل ما نمشي يضيق

والنوى بينك وبينه في علاقتنا عناق

القناعه كنز لايفنى وجرحك بي عميق

شف خفوقي من دمارك صاير أشبه بالعراق

من شرب من كاس حبك والله أنه ما يفيق

أنت برمجت بخفوقي حب ما يرضى اختراق

خذ كلامٍ ما بعد قلته لخل ولا رفيق

رح ترى الدنيا بدونك منتهاها للحراق

يالحبيب ويالعشير ويالوليف ويالصديق

لو سمحت أرجوك تكفى حل عنّي هالوثاق

كل نجمٍ لو تلالا ينتهي لمع البريق

والنهايه يا حبيبي يبتدي عمر الفراق

__DEFINE_LIKE_SHARE__

ليل وقصيد وخير وأفراح وأعياد

ياللي نشدتيني عن آخر قصيدي

أنا قصيدي في حلاياك ميــلاد

هذا جديدي كان ودّك جديدي

لأجلك حياتي جزل الأبيات تنقاد

بنات فكري كلهن لك عبيدي

ليلي عقب صدّك غدا كلّه أنكاد

طبع الحزن يملا رسايل بريدي

بعدك وأنا مالي مع الضحك ميعاد

أظلم خفوقي يوم رحتي بعيدي

دمع المحاجر فوق الأوجان يزداد

عقبك مواويل القصايد تزيدي

أنتي غيابك هم وعنادك عناد

وأنا قبل عرفك وراسي عنيدي

كم لي وأنا لي ياهوى البال نشـّاد

أكتب قصيدي في غيابك وأعيدي

أنا وقلبي والهنا عقب أضداد

دمي تبرّا لايجي في وريدي

الهم في قلبي لضى لاهبه زاد

لا قلت : هوّن قال : هل من مزيدي

صارت طعوني خضر وهمومي جداد

والله يشاء ويفعل اللي يريدي

هموم قلبي جاتني جوز وأفراد

قلّي وش اللي يا غلا تستفيدي

ما قلتلك لا تفرح عيون الأوغاد

لكنّ باسك في حبيبك شديدي

أن كان شوقيلك مع العيد ما فاد

أقول لك مبروك عيدك سعيدي

الناس في وادي وأنا وأنت في واد

وإحساس قلبي يم غيرك بليدي

ما يوم حظي في هنا شوفتك جاد

يالله عسى نسمات ليلك تعيدي

لك في عيوني دار وضلوعي بلاد

يالله تعالي وأسكني به وسيدي

عشان أعيّد وأنبسط مثل الأجواد

أخذي الحقيقه كانهالك تفيدي

ليلي بشوفك عيد يا فرح الأعيـاد

وعيدٍ بلا شوفتك ماهو بعيدي

__DEFINE_LIKE_SHARE__

جندي يهودي نجس واطي وخنزير

قامت على شان اختطافه قيامه

وحنـّا شعوب تروح .. بأقل تقدير :

نشجب ونهدي لليهود ابتسامه

كوفي عنان وبوش والثالث بلير

زادوا على الشعب المشرّد حطامه

حطـّوا لقادات النصارى معاذير

يسبون دارٍ شاركوا في هدامه

وشلون بالله ياعرب صار ويصير

ذلٍ على ذل وهوان وندامه

بدم الضحايا يرسلون التباشير

واشجع رجل فينا سلاحه كلامه

نهتف لكوره ونتحاشد جماهير

ماندري أن الحال صعبٍ دوامه

وبـغونتنامو ياعرب دون تبرير

ذبحوا على يدين الغدر واللئامه

قالوا انتحار وعادة الغرب تزوير

وطمس الحقايق فالنصارى علامه

الوضع مؤسف مايبي زود تأخير

وحنـّا نفكـّر في طريق السلامه

(خطة طريق) ومقصد الغرب تزوير

نمشي على نهجه ونسلك نظامه

أليا متى ياهل الوجيه المسافير

والحق نوره مايجلّي ظلامه

يلعب بنا شارون لعبة شكسبير

يقتل ويرسم في شعاره حمامه

سيـّد سلام الشرق الأوسط بتقدير

ممتاز / فايز / يستحق العلامه

اذا ابتغيت العز من دون تفكير

العز في دينك وذروة سنامه

كم سطـّر التاريخ للدين تسطير

تكتب بماء الورد في كل هامه

قدنا النصارى مثل قود المغاتير

في مرتعٍ ربله يغطـّي خزامه

بسيوف حقٍ للمعادي بواتير

تقص راسه عن نواصي عظامه

حنـّا هل الفزعات وأهل الصعاطير

والمعتصم بالدين حصـّل مرامه

قاد الجيوش وحاصروها طوابير

كله على شان االشرف والكرامه

واليوم مانقوى نصوغ التقارير

وندسّ اثامينا سواة النعامه

ما في يدينا غير سرد المعاذير

والظلم صب بجوف بغداد جامه

وقتٍ غريب اتـّوه فيه التفاكير

وقتٍ حلاله ما يفارق حرامه

(فيديو كليب) و (راقصات) و (معاثير)

و (ستار أكاديمي) و (فاتن حمامه)

لاصار هذا همـّنا كيف بنسير

وكلٍ يبيّن من رداه اهتمامه

تقصير مابعده ولا اظن تقصير

نآمن عقاب الله ونرضى الملامه

يارب غيّر حالنا اليوم تغيير

الذل صار بخد الأعراب شامه

وصرنا كما القصعه عليها مداوير

كلٍ يبي يآكل ويجني صرامه

وأكبر دليل الذل : لاصار خنزير

لجله ومن شانه تقوم القيامه

__DEFINE_LIKE_SHARE__

الحظ أشوفه قافلٍ دوني الباب

وألا لغيري فاتحٍ باب داره

شريت في مكه وطيبه وينساب

عشان أتاجر والنتيجه خساره

حتى بصندوق الأمانات في ساب

حطـّيت باقي المال قصدي شطاره

مابين هامور وحرامي ونصّاب

لا والله اللي مابنيت العماره

الشعب كلّه صار ذالحين مرتاب

تعال شفهم بين تاره وتراه

الضغط والسكّر وجلطات الأعصاب

هذي ضريبة من يود التجاره

طبّيت في سوق الهوامير بحساب

واليوم شفني جيت أشيل المراره

ما طاب نومي والهنا مابعد طاب

دام المؤشر زايدٍ احمراره

اللون الأخضر صرت أحسّب له حساب

يازين تالي الليل نور المناره

واللون الأحمر شوفه يثير الأعصاب

لون الحوادث والشقا والإشاره

السوق وضعه صايرٍ حيل غلاّب

للحين ماندري وش آخر مساره

في سوق الأسهم ودّنا نفتح أبواب

ليه المؤشر مالسبب فانحداره ؟

نبغى نحط أسباب وأسباب وأسباب

ونحلّها بسلوب فن ومهاره

ياهيئة أسواق الهوامير ما خاب

من كان همّه في صلاح الإداره

اشرح لنا ونصير يا استاذ طلاّب

أشـر ونفهمها كذا بالإشاره

أن كان همّه فالنسب زوّد أنساب

من غيركم للسوق يوقف دماره

الله يعز مشتـّت أفكار الأذناب

اللي حما بالسيف حدّه وداره

عز البلاد وحطـّها فوق مرقاب

وخلا الحسود تزود بالجوف ناره

القايد اللي وقفته تلوي أرقاب

يصد كيد اعداه ويعز جاره

الصف واحد مابعد صاروا أحزاب

قو الترابط صار للناس شاره

قبل الختام ومنتهى القاف لاشاب

راعي العماره لايبيع العمــاره !

هذي حكاية سوق الأسهم وماجاب

بعت الشبح واليوم عندي غماره

والبنك أجيله والبشر عنده أسراب

من يوم يفتح ماسكٍ لي خفاره

بس آتحرّا يرتفع سهم ينساب

وأبيع ماعندي لو أنّه خساره

بطـّلت دام الحظ مايفتح الباب

والحظ الأقشر فاتحٍ باب داره

__DEFINE_LIKE_SHARE__

حل الربيـع وحان وقت المــراويح=والعشــب فالصمّـان مثل الـزوالي

ونبت الخــزامى والنفل خالطه شيح=بأمر الولي الله عظيـم الجــلالي

وغيث المزون المردفات المنـاضيح=يسقـي ديـارٍ ممحــلاتٍ خـــوالي

ياللي تـدوّر للسعـــاده مفـــاتيح=دنيـا التعــاسه للفنــا والزوالي

اركب علي اللي يبعـدنّ المشــاويح=مركب هل الوقفات واهل المعالي

وكالته ماهيب ( نيسـان ) و ( جميـح )=وكالته واسمه ( صعيب المنــالي )

وارد ( تيوتا ) مايبي زود توضيـح=مصنّـعٍ لجــل الدروب الطـــوالي

اليا استوى في سرعته يسبق الريح=عذروبه أنّه فالوكالات غالي

وانص المتون اللي زهت بالمشاليح=وابعد عن اهل الذم قيلٍ وقالي

رمز الكرم تلقى الهرافى مفاطيـح=للي لفــاهم ما تصرّ الريــالي

خوة رجالٍ فالمواقف طحـاطيح=على الكرم والمرجله ما تمـالي

اهل الوجيـه النيّــرات المفاليح=وعن خوّة الهــافين شد الرحالي

وابعد عن اللي رفقته للمصــاليح=اللي يتردّى فالرفيق الموالي

وين الذي يبغى الهنـا والمرابيح=البـل لها عند المفاخر مجالي

وضحٍ كما صف الخرز فالمسـابيح=صوره عن الواقع ومنظر خيــالي

سنـدا الغــوارب والظهـور المنازيح=وام الخشــوم القايمات العوالي

والخـد تبعد عنّه العين وتزيح=طوال الرقاب ونازلات السبــالي

في شوفها تطرب لها النفس وتسيح=هذا هوى نفسي وذا شفّ بالي

لا ودّه الراعي وجنّـه مطــاييح=تمشي على شفـّه ولاهي تبــالي

على الرحـول يهوبل أحيان ويصيح=وراعي الحلال مباريٍ للحلالي

ياقف لهن راعي الملايين ويطيح=ومن زود مابه قال : ياهملالي

طراة عمري لانويت المســاريح=والمال فدوه دامهن راس مالي

لا ضاق بالي والليـــالي مشافيح=عيّـنت فيها راحتي وانشغالي

هذي السعاده بابها والمفاتيح=من بعد طاعة ربنا ذو الجلالي __DEFINE_LIKE_SHARE__