ديوان الشاعر حامد مناور

كلهم واحد ومحسووبك ثلاث !

من يوصــل ما يــبــــــيه بكــلمـــتــــــين

.......................... أفضل من الــــــلي يوصــــله بثــــــلاث

وشاعرك ما يقـــتـــنص في طلـــــقـتين

..............................بالشـــــعر يـــوم ان غيره فـــــيه عـاث

من غدا للـحـب بحــــــــروضفـــــــتـين

..................................وانت عندي غـير عن كـــــل الأنـــــاث

ضحــكــتك فــــيها دلـع وشـويــتــــين

.................................من سحر يجـتث هــالهم اجــتـــــــــثاث

من قريـــتك ما كـــــــتبتك مرتـــــــــين

................................. تـــشربــــين الصبح من دون اكـتراث

وان هـــما غيثك عنب أحــــمر وتــين

...............................شاعرك شــــــمّر بعمـــره واستغــــاث

الشـــعر لا صار كـــذب ودمعتــــــــين

........................كل بـــــيتٍ فــيه تكمــيـــلة أثـــــــــاث


أحلا ما في هالقـــصيده شغلـــــــتين

.............................غــير لــذّة بــحـــــرهــا والـقاف آث

أنهــا طــلـــــعـت كــذا في زفرتــيــن

.............................واني اكتبــــــها وتقـــــــراها دمــاث

كلمــتي وحــده ولا هي كلـــــــمتــين

............................... وكلهم واحد ومحســـــــــوبك ثــلاث

__DEFINE_LIKE_SHARE__

هجينية لن تكتمل .. !

أشوفني من شهر منداش
والشعر مدري عن ظروفه

القاه لكن بدون اعراش
وتملّه النفس وتعوفه

تاريخنا لو عليه غباش
غصبن على الحاقد يشوفه

ما نقعد الا تحتنا فراش
وعلومنا البيض معروفه

اليا فزعنا سبقنا اللاش
فينا عن الصاقطه نوفه

وكم فارسٍ ما معاه لطاش
انشيل راسه عن كتوفه

مار البلا الحاضر اللي ماش
أينسّي الشاعر حروفه

والغبن لا ظامنا ننحاش
ونرمي على الدهر وصروفه

__DEFINE_LIKE_SHARE__

أنا حامد .. حبيبك !

أنشرها هنا .. بناءً على طلب من أخي أبي عبد الله ( الشاعر الجميل : مبارك عيد ) .. وهي أبيات من نص قدييييم .. لم يسبق نشره ولا إطلاع أحدٌ عليه من قبل .. إلاّ في مداخلتي .. في موضوع حمر النواظر ..

يا يمه جيت لك ببكي على قبرك
أنا مشتاق لك والشوق كاويني

أشم التربه اللي شاربه عطرك
أنا حامد .. حبيبك ، ما عرفتيني

أنا اللي دايمٍ يرقد على حجرك
وإلى قلتي : كبرت ، آقول ضميني

أحبك ، وش كثر ؟ والله مني مدرك
كثر حبك لابوي ! اللي سكن فيني

أنا اللي دايم ، ودايم تحت أمرك
قبل ما تشرين آجيك من حيني !

كثر هذا التعب كثر الحزن كثرك
أقول الله يصبرني على سنيني

بعدك الكون ضاق وضقت ، من خبرك :
وانا ابكي لين جف الدمع من عيني !

تحبيني ! وانا احبك ، عسى قبرك
من رياض الجنان ، ولا تناسيني !

__DEFINE_LIKE_SHARE__

يا حِمْصُ !

( كُتب هذا النص على عجل ، أتمنى أن يقرأ برويّةٍ على الأقل ! )

يا حمصُ !

يا حمصُ لم يَعُد الهواء عليل

والحزن أضحى للفؤاد خليل

نبكيك لكن هل يفيد بكاؤنا

أوَ نحن أم هذا الزمان بخيل

في كل يومٍ قطرة مغموسةٌ :

بالقهر ، لا يكفى الأسى منديلُ

العرض يهتك ، والدماء رخيصة

والخوف يسكن ليلك ويميلُ

في الغيم حزن سال يغسل عارنا

من يغسل الآهات والتمثيل

هذا صبيٌّ قام يُشعل حتفه

من أجل عينيك غدا قنديل

وصبية تبكي لفقد شقيقها

والقلب يعصر والمصاب جليل

والعُرب صامتةٌ تلملم ذلَّها

هيهات أن نحتاج فيه دليلُ

__DEFINE_LIKE_SHARE__

أخترت حزّة تغيب الشمس ( يا سلاّمه آل نهيان ) !

أخترت حزّة تغيب الشمس واخترت شمس :
تشرق على الكون ولكل المكارم مصب

ودقيت سلف القصيد وكنّ بالصدر جمس
صوته يهزّك من الداخل ويوقد حطب

وقطفت نجمه ورى نجمه وخليت خمس
لوّنتهم عقد للشيخه بميّ الذهب

الشعر كيفي ليامن صار بالراس عمس
ومن شان سلاّمه ارقاني قصيد ورطب

الشيخه الشيخه اللي تطمس الحزن طمس
والمدح ما هو لحيّالله يبي له تعب

أعلا من الشعر هيبة أسمها ، لين أمس :
كنّا نحاتي وكنّا بين ناررومهب !


تلعب بنا الريح ما نلقى ذرا غير همس
وايّامنا تسبق الأنفاس خوف وعتب

يفدا حروف اسم سلاّمه بخيلٍ ونمس
واللاّش واللي على الفاضي عريب النسب

وتقدم رويل كل الحب محموس حمس
على جمر شكرها من كل قلبٍ ورب

والحلم كنّا نشوفه شوف من غير لمس
لكن على يدين سلاّمه بسرعه قرب

__DEFINE_LIKE_SHARE__

أنا بدونكم قصيدةٌ ناقصة !

سلام واحد ما يكفي سلامين
للي لفا يهني برجله وخيله


اليوم غير ولمة احباب غالين
والقلب يوقد بالضلوع الفتيله


الله يعز الدوله وينصر الدين
ويحفظ لنا راع الصفات الجليله


القايد الوالد أبو متعب العين
نفداه وحروف الشعر تنحني له


هو بس يشّر لا يحدد على وين
وإلاّ بعد من قبل يشّر نجي له


أهلي وإن ضنوا عليّه كريمين
داري وإن جارت عليّه جميله


الوقت خاين والجماعه وفيين
وانا ولا حاجه بدون القبيله


إن غبت عنهم كن بالقلب سكين
وان جيتهم ليله ولا ألف ليله


الجد وايل والشيوخ الشعالين
والشعر بالجمهور نشفي غليله


والحمل لو مهما ثقل يكفي ثنين
من لابتي حمر النواظر تشيله


كواكبه ما يخطلون النياشين
والسيف ماخذ من يديهم صليله


أليا رقوا يرقون مثل الشياهين
بانفاسهم ما يغلب البن هيله


أكرم من دموع اليتاما وذربين
والصبح فيهم من هواه وعليله


وان قلت مرعض تستقيم الموازين
بسيوفهم طب النفوس الغليلة


والفرجه في كل الاحوال عالين
عوجان لكن يعدلو كل ميله


وشلون لا صحت المدد يالدغامين
أبشر بناسٍ ترتكي للثقيله


وان صوّت القعقاع جوك العديمين
صغيرهم ينطح لحاله قبيله


ما هو قصورٍ بالقبايل ولا شين
وكلٍ على قوله يقدم دليله


وانا دليلي ماضي الوقت والحين
أن مارتقا الأول لنا نرتقي له


بالشعر لي صوله وجوله ومن وين
ما هب نسناسه أجي وارتكي له


واقطف دروده واترك الشين للشين
ومال من خيوله يغير الأصيله


يما قطفته من ورود البساتين
والملم ابياته جديله جديله


ويا ما سقيته بالتعب والتعب زين
واورق وانا فيني مساه ومقليه


يرتاح لي وارتاح له والشرايين
متشربه حبه ولاحدٍ مثيله


تكريمكم هذا على الراس والعين
أنا ارتفع به والشعر ينحني له


للكل مهو لشخص واحد ولا ثنين
وانا ولا حاجه بدون القبيله

__DEFINE_LIKE_SHARE__

كل عامٍ وأنتم العيد ..!
وحدكم تأتوت في ذاكرة أعيادنا فرحة مختلفة .. وكل عامٍ وأنتم العيد ..

إضافة ثانية :



عيدي العام معه اليوم من دونه
الله يعين يا ربي تهونها


كنت اقص الشريط بضحكة عيونه
صرت انبش عن الأحزان وادفنها


كان لا قلت اببعد ينخطف لونه
وافتح ايام عمري لجل يسكنها

مغرمن بي وانا لو مت ما اخونه
وكل ماسودت ايامي يلونها

غالين يمشي بقلبي على هونه
والليالي فداته يامر وينها



غاب فجأه وضاق الخلق من دونه
والقصايد لعينه نكتب ازينها

كل الايام يبكوني ويبكونه
بعض الاعياد سودا مير ما عنها ..

إضافة ثالثة وآخيرة :



دامه سكن قلبي وجاور فؤادي

أبي احرقه وآشم ريحة بخوره

ولو الغلا ماله أصول ومبادي
مابيح له فرقاي عند الضروره

__DEFINE_LIKE_SHARE__