روايتي ( سارة و بدر )

جميله احداث الجزء الخامس
تسلم اياديك ياشجونه
متاااااابع __DEFINE_LIKE_SHARE__

نجم

شاكرة لك حضورك
__DEFINE_LIKE_SHARE__

منادي

شاكرة لك حضورك
__DEFINE_LIKE_SHARE__

--( الجزء السادس )--


في ناحية ثانية ..
بدر جالس في الصالة و بيده اوراق قاعد يراجعها و يشرب القهوة الصباحية اللي تعود عليها ..
شوي نزلت امه من فوق وهي تنادي عالشغالة و لقت بدر يقلب بملفات .. استغربت وجات عنده
وجلست جنبه وهي تطالع و قالت : بدر ...؟؟ وش فيك ؟؟ مو ع اساس ملكتك اليوم ..؟؟
بدر وهو يقلب بالورق و يأشر بالقلم : مو وقت هالموضوع الحين عندي قضايا ابي اقراها ..
ام بدر : وهذا وقت قراءة القضايا ..؟؟ الحين لو شافك ابوك وانت تقلب في هالورق وش بيسوي .. اقل شي بيقطع الاوراق ويرميها الشارع ..
بدر تم ساكت و مستمر في القراءة ..
راحت امه سحبت الورقة وقالت وهي تحطها جنبها : بدر الله يسعدك .. اترك الورق هذا بعدين تشتغل فيه .. وقوم الحين جهز نفسك ..
بدر وهو يرجع ياخذ الورقة ويناظر في امه نظرات ماتوحي بأي تعبير : اتركيني ع راحتي يمة .. 10 دقايق اكون جاهز مو حالكم ي الحريم من الصباح لين موعد العرس
وانتم تتجهزون .. انا مشغول الحين اتركيني اخلص اللي بيدي ...
و شال اوراقه وطلع لغرفته ...
تعجبت منه و استغربت : ياويلي هذا بيجيب فيني العيد مع ابوه ...
سكتت و بعدين قالت : يحقله اصلا .. البنت مو على مزاجه .. و فوق كل هذا كبيرة في السن .. اللـــــــــــــــــــه يكون في عونك ي ولدي ..
ضرب بدر باب غرفته بقووة كبيرة و هو يصارخ : اخرتها مع وحدة كبر امي .. حتى القضايا مو قادر اركز فيها بسبب هالزواج اللي مو داخل راسي ..
سمع بدر صوت باب غرفته يدق .. صارخ : اتركوني في حالي الحين لحد يتعب نفسه معي .. مفهوووووم !!
شروق : بدر هذي انا شروق و وفاء .. ممكن ندخل ؟؟
بدر قعد على الكرسي اللي مقابل البلكونة و سكت شوي .. بعدين قال بهدوء : ادخلوا ي خواتي ..
دخلوا البنات و قفلوا الباب ووقفوا مكانهم ,,,
ابتسم لهم و قالهم .. تعالوا تعالوا .. اقعدوا فوق السرير .. وين وعد ؟؟
قعدوا التوأم فوق السرير وقالوله : نايمة للحين ماصحت ..
بدر : قولولي كيفكم وش علومكم .. من زمان ما قعدنا سوا .. كله تقعدون مع الابله خالد ..
ضحكوا : ههههههههههههههههه
ابتسم بدر وتم ساكت ..
شروق : بدر .. وش اللي صاير بالبيت ..؟ نبي نفهم وخايفين نسأل من امي ..
بدر يطالع مستغرب : ليش مادريتوا ؟؟
وفاء : خايفين نسأل امي تنشرنا في الشارع ..
بدر بضيقة : اليوم ملكتي ..
التوأم يطالعون في بعض .. وبعدين شروق تكلمت : ملكتك ؟ والله تونا ندري منك ..
بدر : ادري .. امي ماتبيكم تتدخلون في مواضيع الكبار ..
التوأم : لييييييششششش لين متى بنتم صغار ..؟؟ امي بصراحة زودتها ...
بدر : ماقالتلكم امي من البنت اللي بملك عليها ..
حركوا راسهم : لا
بدر : بنت اكبر مني .. مو سنة ولا سنتين ولا ثلاث .... اكبر مني ب 15 سنة ...
قعدوا البنتين يحسبون عمرها وهم متفاجئين و صارخوا : يووووووووووووووووووووووووه هذي عمرها 42 سنة !!!!!!!! و كيييف عرفت ..؟؟؟
بدر : من اوراق نتايج التحاليل .. وامها يوم الشبكة تقول لامي توها مادخلت ال 30 ... و ضحك متألم : هههههههههههههههههه ...
طالعوا فيه التوأم ومايدرون وش يقولون ماغير نزلوا من فوق السرير و كل وحدة حطت راسها ع فخوذ بدر يواسونه على حظه الاقشر ..
شروق : والله تمنيت انك تتزوج نورة صديقتي شحلاتها .. لكن ماقدر اقول شي غير هذا النصيب .. الله يكون في عونك معاها ..
وفاء وهي تمسك يد بدر اللي حطها ع كتفها يحن عليها وعلى توأمها : طيب وامي ...؟ عاجبها .؟؟
بدر : امي تفاجأت لمن شافتها تحسب انها وحدة من عماتها ..
شروق : ماتدري ي بدر يمكن لمن تتعرفون ع بعض اكثر بعد الملكة تتغير الامور بينكم و تحبون بعض ؟؟
بدر مبتسم وهو يقبص خد شروق : ههههه هذا اللي هامك ي شقية .. حب وخرابيط .. شروق تألمت وقعدت تضضضحك ..
سكت وهو يفكر ثم قال : ماظنيت .. ما احس ان بكون سعيد معاها ..
سمع بدر صوت الباب يندق ... و دخلت امه ,,, و شافت البنات حوله ...
عصبت منهم و صارخت : انتم وش مدخلكم غرفة اخوكم ..؟؟؟
بدر مستغرب : وش فيها يمة ...؟ خليهم عندي يونسوني شوي .. حرام يعني ولا كيف ؟؟
صارخت على بدر : وانا لمن قعدت جنبك تحت هجيت ع غرفتك ...!
بدر يطالع فيها و بدت اعصابه تتوتر : يممممة .. ارفقي علي ترا اللي فيني مكككفيني ..
امه تطالع فيه وهي ساكتة .. ثم قالت .. طيب .. وش بتسوي الحين بتتجهز ولا كيف .. ابوك قالي اجيلك هنا اشوف وش هي استعداداتك ...
بدر يبي يتخلص من الزن على راسه : خلااص خلاااص قوليله بيروح الحلاق بعد صلاة العصر ... انا بنام لي ساعتين سهران مانمت ...
قاموا خواته من حوله وهم يسألونه : وين الحفلة بتصير .؟؟
بدر مبتسم لهم : في بيت اهل العروس
وفاء : بنروح ولا ننحبس ؟؟
امها تضايقت من السؤال وقالت بصوت عالي : انتي وش تقصدين ؟؟؟
نزلت وفاء عيونها بالارض وشروق تطالعها مستغربة .. حتى حفلة اخونا مابنروحها ؟؟؟
بدر مستغرب : يمة .. ماتبين خواتي يروحون بعد ؟؟
قالت بصرامة : قايلة انا من قبل .. بناتي مايختلطون بحريم متزوجات .. ولا مستويات مخيسة .. ولا ابيهم ... ماكملت كلامها الا قاطعها بدر :
اسمعيني زين يمة .. خواتي اذا ماجوا الملكة يمين الله اني لا اخرب الدنيا على روسكم .. غاصبيني اتزوج بنت الناس هذيك و فوق هذا كله
مايجون خواتي .. خير ان شاء الله .. وشلون هذي واحد بيملك وخواته ينحبسون في غرفتهم .. قبلي هالبنات يدخلون القصر ..
يالا اطلعوا برا .. ابي انام ..
ومسح بيدينه ع راس خواته وقالهم يالا تجهزوا وروحوا للصالون خلوهم يجهزونكم ... بلغوا وعد ..
طاااروا البنات من الفرحة و نطوا برا الغرفة ...
امه تناظر فيه وتقوله : انت كذا تخليهم يتجاوزوني ..!
بدر وهو يفسخ ثوبه ويعلقه : وانتي برايك سبب مقنع هاللي تقولين ..؟ ماتبين يختلططون في متزوجات ؟؟ ليش المتزوجات بياكلونهم مثلا ؟؟
وبعد تقولين مستويات مخيسة ..؟؟ اشرحيلي هذي ..؟؟
طالعت فيه تبي تدور كلام تقوله عشان تخارج نفسها ف بمجرد تبي تنطق قالها بدر مقاطعها : اعذريني يمة بس مبرراتك ماتدخل الراس ..
الحفلة فيها وجهاء المجتمع ورجال ونساء اعمال كلهم بيجتمعون هناك ومستويات اعلا من مستوانا .. من اللي انتي تحبينهم وتحبين تكونين حولهم ..
وين المستويات المخيسة اللي تسمينهم انتي ؟؟
بعدين ليش حاطة براسك ان الطبقات الدونية ززززبالة واللي بمثلنا هم اللي لازم يصيرون تاج عالراس ؟؟ في النهاية كلللللللللنا ميتين و مصيرنا اما الجنة او النار ..
هذي الامور اللي تفكرين فيها كلها تافهة وفانية .. ماتدرين يمة .. يمكن الفقراء يحسون بسعادة كبيرة و متعاونين ويد وحدة ..
حنا هنا بين جدران هالبيت محد طايق الثاني .. والسبب كله من اسلوب التفريق هذا .. عمري ماسمعت ضحكة بهالبيت .. واللي في خواتي مثلا سمعتي صوتها
تضحك بصوت عالي فتحتي عليها موال .. من وين تعلمتي هالضحكة وكيف اجتمعتي معاها وش اسم هالبنت وممنوع تحتكين فيها .. على هالحال يمة من يوم سجلتوهم بالمدارس ..
حرام عليكي حرام .. والله العظيم هالاسلوب في يوم بيطيح على راسك وبذكرك .. الحين حنا نكلمك وطالعي ملامح وجهك .. ابدا مهو بعاجبك .. تبي
اللي براسك يمشي ..
سكت بدر و شاف امه عابسة بقوة و شفايفها معفطة و مو عاجبها اللي سمعته ..
راحت قالت بهدوء : انا كذا .. انا هذا اسلوبي .. ابربي بناتي بالطريقة اللي انا تربيت فيها .. انا للحين اشكر امي وابوي انهم حرصوا علي اني اوصل لهالمكانة ..
بناتي في يوم بيشكروني اني كنت سبب في رقي مستواهم .. و رافعين راسهم قدام الناس ..
بدر ضحك بمسخرة : هه .. اي ناس ..؟؟ اي ناس وانتي حابستهم ؟؟؟؟
تنرفزت امه و صارخت : اووووووووه .. الشرهة علي اصلا اني في غرفتك .. وقاعدة اكلمك ..
وطلعت من الغرفة و ضربت الباب ونزلت للصالة ..
في العصر في بيت ابو عبد الله الساعة 4 ونص ...
ام عبدالله مرتبكة : سااارة وبعدين .. يالا بسرعة تأخرنا عالحرمة ..
سارة من داخل الحمام ( وانتم بكرامة ) : يمة وش فيك ماصار لي دقيقة من دخلت وانتي تدرين شعري يبيله وقت ..
ام عبدالله تذكرت شعرها : وانا هذا اللي شايله همه شعرك ماشالله طويل و بنتأخر بسبته ..
سارة : قايلتلكم قصوه عييتوا .. مدري وش عاجبكم فيه ...
ام عبدالله : انسيلي هالموضوع ولاتجيبين طاريه ... حلاة البنت بطول شعرها .. اعقلي وعيني من الله خير ,,
بعد ربع ساعة طلعت سارة من الحمام والمنشفة على راسها و سألت : وين عبايتي .. يالا عشان نلحق ,,,
حذفتها امها عليها وقالت نشفي شعرتس زين ويالا عبدالله سبقنا السيارة ..
سارة : وين ابوي وماجد ؟؟
ام عبدالله : في مطبخ ال (...) - ( المكان اللي فيه ولايم المناسبات ) .. لاتنسين التاج روحي جيبيه بسرعة ...
تذكرت و بسسسرعة طارت غرفتها تجيبه و رجعت وهي تلبس عبايتها ...

ناحية ثانية في بيت ابو محمد ...
ابو محمد : اللي مستغرب منه ليش يعني مو في قصر افراح نسوي الملكة ليش بالذات في بيتي .؟؟ ماشالله الخير كثير ...
ابو بدر مرتبك : والله ياخوي مدري وش اقولك بس هذي رغبة بدر يبي الملكة تصير اما في بيتي او بيتك وانا قلت خله في بيتك
بما ان العروس هنا لا تتعب بالمشاوير ...
سكت ابو محمد ثم قال : خلاص عموما المعازيم بدوا يجوون ... اشوى علمتني من بدري ولا كنت توهقت ..
ابو بدر : انا لو مكانه كنت سويته بقصر افراح الفرحة في العمر مرة وحدة ولازم نستغلها .. ولا مو صحيح كلامي ؟
ابو محمد : صادق ي خوي صادق .. حنا عموما نجمع راسين بالحلال هذا اهم شي ..

في غرفة العروس ..
الكوافير مشغووولة بشعر ابتسام .. وابتسام مبتسمة وتطالع في المرايا والاحلام قاعدة تبنيها حلم فوق حلم
مع شريك حياتها بدر .. وتتخيل انه يحبها ويعشقها وينسى كل بنات العالم عشانها ...
ومتأملة انه ممكن يحبها بعد الملكة وهي تحس انها بكم كلمة منها راح تدوخه و تكسب قلبه ...
دخلت امها وهي مخلصة شعرها وكل شي بس باقي مكياج ما حطت ..
سألتها : كيف المعنويات الان ..
ابتسام : فووووق يمة فووووووق ..
ضحكت امها : ههههههههههههههههه .. ياعساها دووووم يارب ..
ابتسام متحمسة : يمة فيه معازيم ؟؟؟
ام محمد : ايه حبيبتي جو بالهبل تحت قاعدين وبدوا الخدم يضيفونهم .. لاتشيلين هم .. هالليلة بتكون اجمل الليالي لك .. وبتقولين امي قالت ..
خذت ابتسام نفس عميق ورفعت عيونها فوق وقالت : ان شاااااااااء الله ...
ام محمد : بس هااااااا .. ابيك تمسكينه بايدينك واسنانك .. ماصدقنا امورك تتيسر بفضل الله ...
طالعت ابتسام في امها و سألتها : ام بدر ماجات ..؟؟
امها باستنفار : لاااا ماجات بس زوجها تحت مع الرياجيل .. قطييعة .. ابد ماحبيتها .. وشلون رجلها متحملها ..؟؟
ابتسام تستعبط : ليش يمة وش سوت .؟
امها تصرفها : ماعليك حبيبتي كلام وراح في حاله حنا عيال اليوم .. ابيك تفرحين وتنبسطين .. وابيك تكررين كلمة ( الحمدلله هذا من فضل ربي ) ...
ابتسام مبتسمة : الحمدلله .. هذا من فضل ربي ..
باستها امها من راسها وقالت : الله يوفقك حبيبتي ويعوضك خير عن صبرك ...

في بيت ابو بدر ..
وصلوا البنات من عند الكوافير وهم متوترين بالمرة ... كلموا صديقاتهم كلهم يجوون الملكة و في نفس الوقت خايفين من ردة فعل
امهم لاتدري وتطربق الدنيا على روسهم ...
نزلت امهم من الدرج بكاااااااامل اناقتها و رشاقتها مع فستان احمر كلاسيكي وممسكة ب مروحة يد فيها قطع الماس غالي جابتها عن طريق طلبية من اوروبا ..
شافوها البنات اللي سووا تساريح بسيطة مع مكياج بسيط يناسب ملامح المراهقة ...
ابتسمت لهم وقالت : ها خلاص جاهزين ؟؟
طالعوها منبهرين لاول مرة يشوفونها بهالاناقة والكشخة الكبيرة : ايه خلاص خلصنا بس بنلبس الفساتين ..
قالتلهم : يالا طيب اطلعوا البسوا و الحين بكلم السايق يجهز السيارة ..

طلعوا فوق بسرعة و لمن وصلوا غرفتهم وقفوا وهم يطالعون بعض ,,
شروق : مو انا اللي بقولها اننا عزمنا صديقاتنا ..
وفاء : ولا انا .. وطالعوا وعد ..
وعد تروعت : وش هوووو ...؟ تبوني انا اعلمها . لا والله انتحر ولا اقولها ..
طلع خالد من غرفته متكشششخ و بغترة بيضا و ثوب ملكي راقي وريحة عطر تهبل تفوح منه ..
وشاف خواته لاول مرة بتساريح روووعة ... قرب منهم و ضمهم كلهم لصدره بدون مايحسون انه قرب منهم و سألهم بسرعة : وش فيهم خواتي مجتمعات .. وش عليه يتفقون ؟؟
ضحكوا من الصدمة و بعدين سحبوا اخوهم للغرفة وقفلوا الباب بسرعة ..
تفاجأ خالد و قال : شوي شوي ماصدقت اضبط الغترة ..
شروق : خالد تكفى تكفى طلبتك .. نبيك تكلم امي ..
خالد فاتح عيونه منصدم : ياساتر دام فيها طلبتك اكيد شي كايد ماراح ترضى عنه امي ..
شروق : خالد بليززززز .. قول تم
خالد مستغرب ويطالع فيهم : تم تم .. بس وش فيكم والله احسكم مو على بعضكم ..
وفاء : عزمنا كل صديقاتنا على ملكة بدر و عطيناهم العنوان واتوقع انهم وصلوا الفيلا ...
خالد طالع فيهم وتوترت اعصابه ... حط يده ع رقبته ويفكر كيف يمر هاليوم على خير ... سألها : مين عزمتوا ..؟؟
وعد : انا عزمت صديقاتي بعد مابي اقعد لحالي مع حريم كلهم عجاجيز ...
شروق ووفاء : كلهم كلهم ال 11 بنت ..
خالد يناظر وهو ساكت .. ثم قال : ماعليكم ماعليكم .. لاتعلمون امي انكم عزمتوا البنات .. خلوها تتفاجأ بجيتهم و بعدين انا وانتم
بناكل تهزيء كالعادة .. ماعليكم ... تجهزوا الحين الساعة صارت 6 .. خليني اطلع لكم الخدامات عشان يساعدونكم ..
ضحكوا البنات متحمسين للفكرة و ضموا اخوهم وكنهم يقولون من دونك وش كنا بنسوي ...

بعد شوي سمعت ام بدر صوت ضحك عالي صادر من غرفة البنات واااصل لين عندها تحت ...
استغربت و بسرعة رقت الدرجان بتشوف وش هالضحك اللي كسر كل القوانين اللي هي تبيهم يمشون عليها ...
ولمن وصلت فتحت باب غرفتهم بسسسسرعة و تفااااجأت منهم ... ماتوقعت ان اخرتها توصل للمزح مع الخدامات ..
تركت الباب ودخلت و هي مولعة من الحقد .. وتطوول في نظراتها و بناتها يطالعونها خايفين ..
سألتهم : وش اللي انا اشوفه الحين ؟؟؟؟
وطالعت الخدامات ال 3 و كل وحدة خذت لها كف حامي .. انصدموا البنات من اللي سوته و بسرعة قاموا الخدامات وطلعوا برا الغرفة بكل هدوووووء ...
و قربت من البنات ال 3 وهي تأشرلهم بالمروحة اللي بيدها و قالت بلهجة تهديد : ان تكرر هذا اللي شفته .. صدقوني ماراح ارحمكم ..
مو الحين بحاسبكم .. خل اليوم هذا يمضي على خير وبعدها انا لي كلام معاكم ...
وطالعت فيهم نظرات مرعبة وقالت : واعني اللي قلته .. اخخخخخخر مرة اشوووفكم تمزحون مع هالمقرفات ..
و صارخت بعنننننف : مفهووووووووووووووووووووووم ؟؟؟
تروعوا وهم يطالعون بالارض وقالوا : مفهووم مفهووووم اخر مرة ...
و بسرعة لفت راسها وطلعت من الغرفة ووووطططططرااااخ بابهم ..
طالعوا البنات في بعض وهم ساكتين ومايدرون وش الحل مع هالحال ...

رجع بدر من برا كان يخلص كم شغلة .. شاف امه وهي تنزل من الدرج وتصارخ : عجزززت معاكم مادري وشلون اخليكم مثل ما ابي ..
بدر مستغرب : خير يمة وش فيك معصبة .. وش صاير ؟؟
طالعت فيه : خوااااتك ... خوووواتك ي بدر ...
بدر تروع : وش فيهم خواتي ؟
ام بدر : قفطتهم وهم يمزحون مع الخدامات !
بدر : وش هو ..؟؟ يمزحون مع الخدامات ..؟؟
ام بدر حست ان ولدها بيتضامن معاها في هالمووضوع وقالت : ايه والله تخيل ..؟ لكني ماقصرت كل وحدة منهم ضربتها على وجهها ..
بدر : اوووف .. من اللي ضربتيهم ؟؟؟
ام بدر : الخدامات ضربتهم لان لازم يحطون في بالهم انهم مستحيل يوصلون لمستوى بناتي ولا ابيهم يفكرون مجرد تفكير بهالموضوع ..
بدر منصدم : ضربتي الخدامات يمة ؟؟
ام بدر مفتخرة : ايه .. يستاهلوووووون ..
بدر حط يده على جبهته و بدا يفقد اعصابه و قال بهدوء : يمة انتي ليش ماتسمحين ل يوم من الايام انه يمر على خير ... ليش كل شوي معصبة ..؟
ليش ماتستهدين بالله وتتركين الامور تمشي ب روقان ؟؟ وصلت معاك تمدين يدك عالخدامات .. هذي اخرتها ..؟؟ هذا جزاتهم ؟؟
انصدمت امه ع بالها انه بيتضامن معاها و فكرت انه يروح يهزأهم ..
كمل بدر كلامه : يمة انتي ماتفكرين قبل لاتتهورين ..؟ مافكرتي ابد في يوم ان هالخدامات العجايز تاركين اهاليهم وبلادهم عشان يأمنون مصاريف عيالهم ؟؟
وجايين يشوفون الويل عند مخدومينهم ؟؟ ومتحملين وصابرين لعيون عيالهم ؟؟؟
مافكرتي ان الخدامات هذول ممكن في يوم انتي توصلين لمستواهم و تذوقين اللي هم يذوقونه حوبة سواتك اللي سويتيه الحين ..؟ ماتحطين احتمالات ابدا ماتفكرين في العواقب ..
متأملة ان كل شي يمشي مثل ماتبين .. قوليلي .. وش فيها طيب اذا مزحوا مع خواتي ؟؟ ماتوا ؟؟ انضروا ؟؟ انقص منهم رجل او يد ؟؟
طيب مافكرتي ليش خواتي يمزحون مع الخدامات ؟؟ فكري .. فكري ..
سكت و قال : مدري ليش انتي كذا ؟؟ ليش ماتخلينا عايشين مثل هاللي عايشين في الدنيا .. بيت كله سعادة و روقان و عفويين وصادقين مع انفسنا ..
مانهتم بالمظاهر ولا الترف .. يمة ترا كله هذا بيروح مو باقي ..
اهم شي الصحة والعافية وراحة البااااااال .. وانتي وابوي للاسف مو تاركين اي مجال لراحة البال انها تدخل بيتنا ... تحبوووون تنكدون علينا انا وخالد و خواتي ..
سكت و طلع هوا قوي من صدره و كمل : يمة انتبهي من اللي تسوينه في الخدامات .. انتتتتبهي .. خواتي قلنا معليش هذول بناتك .. لكن انتبهي اهالي هالخدامات
يدرون انك ضاربتهم .. والله ثم والله فيها قضايا وفيها محاكم ولف ودوران ماله اول ولا اخر ..
تروعت امه وخافت ع نفسها - كمل كلامه : انا حذرتك ,, وانتي بكيفك ..
وتركها وطلع لغرفته عشان يجهز نفسه ...
وهي تفكر باللي قاله وخافت ع نفسها لا يجيها شي من ورا الخدامات ولقت الحل المناسب عشان تسكتهم ..


ترقبوا الجزء السابع قريبا ,,, ومزيد من الاحداث المشوقة ..

__DEFINE_LIKE_SHARE__

احداث مشوقه جداً في هذا الجزء
لاتزال ام بدر متغطرسه بسبب النعمه هههههههههههه
اشكرك شجونه ومتاااااابع __DEFINE_LIKE_SHARE__

منادي
هههههههه ربي يسعدك منورني
اشكرك على حضورك الجميل __DEFINE_LIKE_SHARE__

-- ( الجزء السابع ) --

في ناحية ثانية ..
بيت ابو محمد ..
دخلوا مجموعة بنات وهم متروعين و يناظرون كل هالفخامة و ضخامة الفيلا ,, واستقبلتهم وحدة من اللي يقربون للعروس ..
اللي في المقدمة كانوا حنين ونورة ..
وهم يسلمون استغربت منهم الحرمة لاول مرة تشوفهم .. بس اشكالهم كانت مرتبة وحلوة وبسيطةة ..
وسألتهم وهي مبتسمة بكل ذوق وادب : حياكم ربي ياهلا .. بس من انتم ماقيد شفتكم من قبل .؟؟
ردت حنين : حنا صديقات خوات العريس ..
الحرمة : اها اها حياكم والله تفضلوا ...

دخلت ام بدر المطبخ متخفية تبي تجس النبض وتشوف الشغالات وش يسوون .. خذت لها طلة لقت وحدة منهم
تنظف الصحون وتمسح دمعتها ..
تضايقت منها كنها تقول الكف مو قوي لهالدرجة عشان تبكي ... وهي ماتدري ان هذا اهانة لقيمة الشغالة عندها ..
قامت دخلت بكبرياء و قالت بعجرفة : وينكم انتي وياها شسمكم .. تعالوا هنا ..
فهموا الشغالات انها تبي اللي ضربتهم .. بس كلهم تجمعوا عندها حوالي 10 خدامات ..
اشرت لهم ال 3 يوقفون قدامها والبقية قالتلهم : طسوا انتوا لشغلكم ماطلبتكم ..
وطالعت في الثلاث اللي انضربوا و قالتلهم وهي منقرفة حتى تكلمهم : انتم وراي ابيكم ضروري ...
مشت فيهم صوب الحديقة ورا الفيلا و طلعت مبلغ من شنطتها ...
وقالتلهم : شوفي انتي وياها ... انا ابغى اعطيكم فلوس تعويض عن مدة يدي عليكم .. انا ماعمري مديت يدي ع احد غريب غير عيالي وهم صغار بس ..
لكن انتي وهي تجاوزتوا الحدود و مزحتوا مع اللي اكبر منكم .. وهذا الشي ماااا ابيه يتكرر .. مفهوم انتي وياها ؟؟
الشغالات ثنتين منهم اندونيسيات ووحدة افريقية .. طالعوا فيها وفهموا انها تبي تسكتهم بس هم بحاجة هالفلوس كل وحدة عندها اطفال
ووافقوا واخذوا الفلوس كل وحدة مبلغ يتجاوز ال 3000 ريال ...
و طردتهم على اشغالهم .
نزلوا البنات من الغرف و شافوا امهم جاية من الحديقة .. و قالتلهم تبي تلف اللي سوته مع الشغالات .. وينكم يالا تأخرنا ..

عند سارة ,, الساعة 7 وربع ..
الكوافير قاعدة تشتغل على شعرها هي وامها و بعد مروج واهلها وليان واهلها موجودين معاها يشتغلون الكوافيرات على شعورهم ..
سارة وهي تطالع نفسها بالمرايا : يمة رقبتي تشنجت ..
امها : اصبري يمة مابقي شي وتخلصين ..
مروج : تعالي شوفيني انا نعست بمكاني ..
سارة : هههههههههههه
ليان : الليلة فيه لحم كل النوم بيطير اذا شمته ..
مروج وهي تحذف الفرشا على ليان : يا زفتة انا ماصدقت انسى هالسالفة وانتي الا تبي تذكريني ..
يا اخي انتي وحدة خاينة .. الليلة كلها لاتكلميني ...
ليان : انتي لحالك بتتذكرين اذا المطربة قالت : تفضلوا عالعشا ..
مروج : حسسسسبي الله ونعم الوكيل انتي ماتسكتين ابد ..
ام عبدالله : صلوا عالنبي يابنات .. مروج وش فيك حبيبتي .. ماتحبين اللحم يمة ؟ طيب لاتاكلين .. فيه فواكه و فيه سلطات .. تكفيك ..
ام مروج : انا مدري هالبنت اذا تزوجها واحد يحب اللحم وش بتسوي ...؟
مروج متروعة : لاااا ان شاء الله يارب اتزوج واحد مايطيق اللحم الله يكرم النعمة ...
ام عبد الله : مو معصعصة من شي .. الاكل اللي يزيد الوزن تكرهينه .. كيف بتسمنين ؟
مروج : ومن قال اني ادور السمنة ؟؟ والله وزني حيل معجبني ومابيه يزيد ..
في اثناء هالنقاش البسيط بينهم سارة شااااردة لمكان ثاني تفكر كيف بتستقبل عريسها الليلة ..؟؟ كيف بيمسك يدها ؟؟
كيف بيكون اسلوبه معاها ..؟؟ هل راح تكون سعيدة معاه او تعيسة و لا تتم تحمد ربها انه عطاها هالانسان او تندم طول حياتها انها وافقت ترتبط فيه ؟
توترت حيل وهي تشبك اصابعها في بعض و قلبها كل شوي تزيد نبضاته وبطنها يتقلص خوف من المجهول ,, رفعت بعيونها فوق و هي تقول بقلبها : ربي وفقني و يسر لي ..

في بيت ابو محمد وتحديدا في غرفة العروس ..
خلصت الكوافيرة من شعرها بعد جهد لانه خشن و بذلت مجهود بس عشان يصير مالس ..
ركبت لها التاج على التسريحة ..
دخلت امها وخالاتها عشان يتطمنون عليها وشافوا التسريحة كبيرة واوفر مرة .. ومليانة بيستيجات ..
امها : ها خلاص ؟؟
الكوافيرة مصرية : اه خلاص .. التسريحة قاهزة بس بيبقى الميك اب لازم نخلصه .. عاوزة كباية مية لو سمحتوا ريقي نشف ...
حست ام محمد ان الكوافيرة اجتهدت في هالتسريحة الكبيرة و قالت يالا الحين اكلم الشغالات يطلعون لك جاك الموية ... ومسكت جوالها ودقت عالشغالة ..
بعد شوي شربت الكوافيرة الموية و قالت للعروس : يالا لو سمحتي نخلص لك الميك اب ...
ابتسام بحماس : ابيه مكياج صارخ و كذا بارز .. مكياج يتكلمون فيه كل الناس ..
الكوافيرة : اول حاقة لازم نعملك تنظيف بشرة و نخفي العيوب اللي تحت الشفايف وتحت العيون .. انتي عندك بقع وكلف كتير لازم اشتغل عليه ..
ام محمد : وكم ياخذ وقت هذا كله ؟؟
الكوافير : معندكيش مشكلة بحسب لون البشرة و بحسب كمية العيوب وان شاء الله ايدي حتكون خفيفة ... انا حستخدم المستحضرات المخصصة
للمناطق اللي يصعب اخفاؤها عن الوش .. ( الوجه ) وكلها مستحضرات كويسة و خبراء كتير اتكلموا عنها ..
ابتسام تصارخ مستعجلة : خلصي بس سوي كل شي اللي يطلعني ملكة جمال مانبي نطول السالفة ؟؟ عريسي ينتظرني ...
ضحكت امها وخالاتها : هههههههههههههههههههههههه .. ماتنلام اول مرة تصير عروس ..
شوي دخلت الشغالة و بيدها شي كبير و بعلاقة .. و قالت : ماما هازا فستان مال عروس جاهز ..
ام محمد وهي تمسك فستانها وتمشي صوب الشغالة : اهاااا طيب علقيه هنا و شيلي هالشي اللي مغطيه و نادي عالبنات خليهم يبخرونه ...
و قالت لخواتها : خلوكم مع العروس .. انا بنزل اشوف المعازيم واشيك عالضيافة ..
بعد دقايق دخلت حرمة لابسة عباية كشخة ووراها 3 بنات بعد متكشخات ...
قربت ام محمد عشان تستقبلها وهي تقول : يا هلا .. ياهلا ومسهلا تفضلوا تفضلوا حياكم ..
ويوم كشفت ام بدر وجهها تفاجأت ام محمد ان هالحرمة هي غريمتها ام بدر وانقبض قلبها لانها ماتحبها ..
ام بدر متقززة و تستطنع الابتسامة الصفرا : هلا بك اكثر تسلمين .. و سلموا على بعض من الخدود .. و جات وحدة من عمات العروس
و شافت ام بدر و رحبت فيها وفي بناتها و طلبت من الشغالة تعلق لهم عباياتهم ..
ام محمد : تفضلوا من هنا عالصالة الكبيرة حياكم ..
ام بدر بدون ماتطالعها : شكرا لك ..
وشافوا الصالة الكبيرة .. وانبهروا بالديكور .. قاعة خااصة بالمناسبات مع كوشة مجهزة للعروس و طاولات وكراسي و الاغاني شغالة والحريم يرقصون ...
ام محمد مبتسمة بدون نفس : تعالوا اوريكم طاولتكم ..
ماردت ام بدر بس طالعت في بناتها وتأشر لهم : خلوكم وراي ..
وصلوا لطاولة ام بدر و بناتها .. كانت طاولة كبيرة و كلها هدايا وورد و فلوس متوزعة من فئة ال 500 ريال على الباقات و 4 ساعات و قوارير عطور فخخخخمة وعربية ..
تفاجأت ام بدر بهذا كله بس مابينت شي لام العروس وتمت ساكتة تطالع ..
قالتلها ام العروس : ماعجبتك الطاولة ؟
سوت نفسها ام بدر ثقيلة و قالت : ماشي حالها تسلمين ...
ام محمد مقهورة وتخبي قهرها : الله يسلمك .. تفضلي اجلسي .. هلا وغلا ..
جلست ام بدر و جلسوا معاها بناتها وهم منصدمين ماتوقعوا الثراء الفاحش اللي عايشين فيه بيت ابو محمد ..
ام بدر بعد ماتأكدت ان ام محمد طست قالت لبناتها : وش ظنكم بهالحركات ؟؟ كله بس عشان ارضى عن هالزواج .. لكنها تخسى وتهبى ارضى عنها وعن بنتها العانس ..
وهذي الهدايا اياني وياكم تلمسون منها شي .. بنتركها مثل ماهي ... مفهوم ..
البنات يأشرون بروسهم : ايه مفهوم .. وعاد تفكير البنات في صديقاتهم اللي في الحفلة خايفين من ردة فعل امهم كيف بتكون ..
كملت ام بدر كلامها وهي تطالع السقف وش كبره و المكان الواسع وتحرك بيدها : ماشالله ماشالله هالعز كله عايشين فيه هالهيلق ؟؟ والله مايستاهلونه الصراحة ...
وجع فيهم لفوا راس ولدي وخذوه من يديني لبنتهم الشيفة ..
شروق : يمة مايصير تتكلمين كذا حنا في بيتهم اول شي ثاني شي لاتقولين هالكلام ماتضمنين بعدين وش اخرة اللي تقولين ..
امها وهي حاقدة : ولدي انا الاستاذ المحامي الكبير بدر ولد ابراهيم ال ( ... ) اسمه مشهور في المملكة كلها يتزوج وحدة اصغر مني بكم سنة ..
وابوكي موافق عالمهزلة هذي .. ومنعني اتكلم ولا اتدخل عشان انقذ ولدي من هالزواج .. وهو يردد بس زواج مصلحة لين يكسب الصفقة وبعدين يطلقها .. هذا عدل في حقه ؟؟؟
ولدي كذا بيكون مبسوط ؟؟ وش بيستفيد ؟؟ ابوكي بس هو المستفيد حبيبتي ... وحنا نطالع بدر وهو يتحطم و منقهر ولا بيدنا شي نسويه ؟؟
شروق و خواتها يطالعون في بعض وهم كنهم يقولون معاها حق تنقهر هذا ولدها ...
ام بدر منقهرة : و لا جايين رازين وجيهنا في بيت هالمتشببة هي وبنتها وحاطين في بالهم اننا راضين كل الرضا عن هالزواج المخيس .. انا اللي مسكتني ابوكم ومربطني ومانع اني اتدخل
ولا والله كنت وقفت هالمهزلة .. لكن ما اقول الا حسبي الله ونعم الوكيل ..
لمحتها ام محمد من بعيد وهي تحرك يدها بقوة قامت من مكانها عشان تجس النبض .. يوم قربت منها ومبتسمة ابتسامة باردة قالت : خير ي ام بدر .. اشوفك متوترة ..؟؟ وش فيك ؟
ام بدر تطالعها بحقد تبي ترد عليها رد قوي لكنها رسمت ابتسامة مجبرة تبي ترقع غضبها بكلمة : مافيني شي .. قاعدة اكلم بناتي في موضوع خاص .. و بنظرة
كنها تقول : روحي مكان ماجيتي .
ام محمد بثقة و ثقتها تسبب نرفزة قوية لأم بدر : اتمنى انك تكونين صادقة لاني احس من كلامك في شي مضايقك ..
ام بدر وضحكتها عالية : هههههههههههههههههههههههههههههههههههههههههه ... و ليه عيوني ضروري يعني اكون صادقة ..؟ وش دخلك صادقة ولا كذابة ..؟؟
ام محمد بنفس ابتسامتها الباردة وبثقة : مو مشكلة .. الليلة فرحة بنتي مابيها تخرب ..
ام بدر مولعة : وش تقصدين يعني انا بخرب على بنتك بسلامتها ..؟ والله انتي وابوها اللي بتخربون عليها باختياركم لعريس اصغر منها ب 15 سنة ..وهي الخبلة ماصدقت يجيها الاصغر منها عزتي عليها

المسكينة هههههههه .. وانتي وياها عبالكم بيطولون مع بعض ...
البنات توتروا وهم يشوفون النقاش الهادي بين امهم وبين ام العروس و ممكن تسفر عن مهاوشة كبيرة بينهم غير مسكوا يد امهم عشان تركد شوي ..
ام محمد تأشر باصابعها عليها باحتقار : انا الشرهة علي اللي جيت هنا عشان اتقرب منك اكثر ونصير اصدقاء بهالمناسبة لكن اكتشفت اني ارفع من مستواك .. شوفي كيف ردودك وعباراتك
جدا مكلفة نفسك عشان تردين علي بهالعبارات الهمجية .. اترفع عن الرد عليك .. انتي مستواك مناسب لمستويات هذول - واشرت عالخدم - شفتيهم هذول اللي ينتظرون
اشارة مني .. هذول انتي بمستواهم .. اذا بتسألين نفسك ليش ام محمد قالت عني كذا .. الاجابة بتكون الاسلوب السافل والردود الهمجية اللي ماتناسب وحدة مثلك مستواها راقي و
عايشة في الهاي هاي .. ابتسمت وهي تناظر ام بدر اللي قاعد الحقد يتراكم بقلبها : عرفتي ؟
و قامت من عندها وهي مستمرة في الابتسامة و قالت لها و للبنات : الحين اترككم في هالحفلة تنبسطون وراح ارسل لكم الخدم يشوفون طلباتكم ..
و راحت من عندها وهي تناظرها والشرار ينفجر من عيونها وبناتها متضايقين عليها و ممسكين بيدها ..
راحت شدت يدها من يدهم وهي تقول بحقد : اتركيني انتي وهي ...
و راحت تهدد : هيييين .. هيييين يالعقربة انتي وبنتك والله لا اخليكم تشوفون النجوم في عز الظهر واعلمكم مين فاطمة بنت مساعد ,,
بعد دقايق جات عمة العروس عند خوات بدر و قالتلهم : ي بنات صديقاتكم قاعدين هناك من فترة ...
انصدمت ام بدر وهي تطالع عمة العروس وتقول : ووووشششش هوووووو ؟؟
عمة العروس مو مهتمة ومستعجلة : في بنات يقولون انهم صديقات خوات العريس قاعدين هناك ويبون البنات يجون طاولتهم ..
ام بدر وقفت من مكانها وصارخت : وينهم دليني ع مكانهم ؟
البنات : يمممممةةةة وش بتسوووين ..؟ تفاجأوا من ردة فعل امهم يوم شافوها متجهة صوب طاولة صديقاتهم وام محمد من بعيد تراقبهم ..
البنات تموا واقفين مكانهم بيشوفون امهم وش بتسوي وعمة العروس تروعت خافت هالحرمة تسوي شي يفضح الدنيا لان واضح من وجهها انها ماتبي هالبنات
يدورون بناتها خير شر ولا في السراء ولا في الضراء ..
وصلت ام بدر لطاولة حنين ونورة والشلة وضرررربت عالطاولة حقتهم بيدها وانصدموا لكن بسبب الاغاني العالية ماحد من اللي حول الطاولة سمع الضربة ..
و قالت لهم بدون مقدمات : الااااااان تلمون انفسكم وعلى بيوتكم بسرعة لا يصدر مني شي في حقكم ومايعجبكم .. انا ما اذكر اني عزمتكم ..
حنين بهدوء و بأدب : بس ي خالة حنا جايين فرحانين لولدك انه بيتزوج و قبلنا عزيمة شروق ووفاء ووعد ..
قاطعتها وهي تأشر بكف يدها باحتقار : ماني خالتك اول شي ثاني شي لاتقاطعيني لمن اتكلم ..
وطالعت فيها بحقد و قالت : الحفلة حفلة ولدي .. وبكيفي المعازيم مو بكيف بناتي .. يالا برا انقلعوا لبيوتكم ..
ام محمد من بعيد : البيت بيتي ي ام بدر ولا نسيتي ؟؟؟
تفاجأت ام بدر وطالعت فيها وهي ساكتة ...
ام محمد تناظر في البنات وقالت : اللي يدخل بيتي هذا ضيفي حياه الله ياهلا ومسهلا فيه نشيله بعيوننا قبل لاتشيله الارض .. هذي الاصول والعادات ي ام بدر ولانسيتي ؟؟
ام بدر النار شابة بصدرها ..
ام محمد : وش فيك معصبة الليلة ؟؟ اللي يشوفك ما يظن انك ام العريس ؟؟ يحسبون انك وحدة داخلة عرض في بيتي ؟؟
روحي اجلسي ي ام بدر واستهدي بالله الله يسعدك ولاتفشليني في بيتي قدام ضيوفي ... الحريم ترا يدورونك بيسلمون عليك لكن انا اصرفهم ..
ام بدر بشموخها وكبريائها قربت من ام محمد وهي مبتسمة و قالتلها كلمة وحدة : حسابك انتي معي بعدين .. مو الحين .. لمن ترجع بنتك مطلقة ساعتها بذكرك اني خلاص
صفيت حسابي معاك ومعاها ..
ام محمد بثقة و برود : تهديدك هذا بليه واشربي مويته ماتقدرين تسوين شي ..
ابتسمت ام بدر ابتسامة خبيثة جدا كشفت عن اسنانها .. هزت هالابتسامة من ثقة ام محمد وتمت ساكتة ..
ام بدر قالت منقرفة : سبحان الله الناس اللي مابيهم في حياتي الا يفرضون تواجدهم حولي ... احساسهم احساس بقر احساس حيوانات .. ززززبالة ..
و تركت ام محمد وصديقات بناتها بعد نظرات احتقار شديدة و رجعت على طاولتها ..
و طالعت لقت بناتها متوترات من الاجواء و يتمنون الارض تنشق و تبتلعهم ..

صارت الساعة 12 ونص بعد الليل
وصلت سارة للقصر ..
ارتفعت اصوات الزغاريد يوم دروا المعازيم ان العروس وصلت ومو باقي شي عالزفة ..
امها و ام ليان وام مروج و اهل العريس كانوا سابقينها من قبل عشان استقبال المعازيم وتحضيرات الزفة وتجهيز الاغاني .. والعريس سعود
واقف برا مع المعازيم يسلمون عليه ويصورون معاه ..
دخلت ام عبدالله بكشختها الهادية وقالت للعروس : يالا حبيبتي البسي الفستان .. تعالي اساعدك ..
بعد 10 دقايق خلاص لبست الفستان و لبست الياقة الملكية والكعب العالي ومسكت المسكة اللي ع شكل عصا ومن فوقها باقة ورد حمرا تبين كأنها اميرة في ليلة تحلم
بها كل بنت ..
طالعتها امها وحست بفرحة كبيررررة .. بنتها قدامها عروس ودها تضمها لقلبها للابد ..
ابتسمت سارة وقالت : يمة ادعيلي انا حيل خايفة .. في شخص راح يدخل حياتي بعد شوي ..
امها : يااا الله انه يوفقك وييسر لك و يطرح فيه البركة ويسخره لك و يرزقكم السعادة من حيث لاتحتسبون ..
سارة وعيونها كلها ايشادوا اسود مع احمر ورموش كبيرة وسعت لها عيونها : ااااامين يارب ..
دخلوا اهل العريس عشان يسلمون على سارة ويباركون لها .. انبهروا بكمية الجمال اللي كانت مختفية قبل لاتملك .. لكن في هالليلة الجمال كله هذا بيشوفونه
الناس و بيكون هالجمال خاص فقط ل سعود و بس ...
شوي كذا جات ام عبدالله وتقول : حرييييم بسرعة تغطوا العريس بيدخل عشان يتصور مع العروس ..
انصدمت سارة بس هالصدمة نوع من الفرحة اخيرا بتشوف عريسها الوسيم مقبل عليها ..
قالتلها ام عبدالله : حبيبتي اوقفي هنا عشان اول مايدخل يشوفك فورا قدامه .. مثل ماصار معي يوم ابوك ملك علي ..
ابتسمت سارة و قالت : ان شاء الله يمة ...

5 دقايق كذا سمعت سارة وامها صوت الزغاريد عالية برا وعرفت انه العريس دخل .. بدا قلب سارة يضرب بقوووة
وامها قالت وهي تمسك بيدها : انا بطلع و راجعة بعد 5 دقايق .. وابتسمت لها وتركتها عشان العريس ياخذ راحته مع عروسته ..
ويوم طلعت شافت العريس وهو قريب من الغرفة و رحبت فيه : يا هلا يااااهلا ب وليدي .. قرب منها سعود وباس يدها
و راسها وسمع ام عبدالله تقول : مبروووك ي وليدي الف مبروك ان شاء الله ربي يسخركم لبعض و يوفقكم ..
سعود فرحان حيل ومبتسم : آآآآآمين يارب تسلمين عمتي ...
ام عبدالله : تفضل ي وليدي عروستك داخل .. بتصل عالمصورة اشوفها وين وارجعلكم ...
دق سعود باب الغرفة و فتح الباب و هو يطالع بيشوف وين عروسته .. شاف بنوتة بالفستان اللي جابه لها هدية .. و الياقة والتاج والمسكة ..
كلها عليها خلت هالهدايا وهي عليها اجمل من اي شي ..
ابتسم خاق عند هالججمااال كله و قال : السلام عليكم ..
ردت وهي ترتجف وعيونها بالارض : وعليكم السلام ..
دخل و قفل الغرفة و تم واقف مكانه يطالعها بهدوء ويقول : شخبارك سارة ؟؟
سارة مازالت عيونها في الارض : الحمدلله بخير ...
سعود مبتسم ومتشقق من الفرحة : دوم ان شاء الله ..
سارة : تسلم ..
مشى شوي لين قرب منها وهي مع كل خطوه له قلبها يضرب داخل صدرها ..
اخذ منها المسكة وحطها على جنب ومسك يدينها المتنقشة اللي كلها اكسسوارات منوورة و باسهم وهي تروعت من اللي يصير وتمت عيونها
بالارض وداخلها سعادة كبيرة مع خوف ...
قالها بصوت حنون : تصدقين ي سارة .. من شفتك هذاك اليوم مافارقتي خيالي .. وانا ادعي الله انه يوفقني في القبول عشان بس
اجتمع فيك .. خفت اتأخر وتروحين من يديني ..
ابتسمت وقالت بصوت واطي : شدعوة تخاف ...
سعود : خفت تكونين لشخص غيري ..
سارة ساكتة ومبتسمة ..
سعود مبتسم : طيب ممكن اتعرف ع ملامح عروستي ؟؟ ي حظها الارض قاعدة تشوف وجهها وانا المحروم ..
ابتسمت اكثر ومازالت عيونها بالارض ..
راح ترك يدينها و مسك وجهها ورفعه بشويش .. لييين التقت عيونهم .. تذكرت سارة الملامح الهادية والجذابة .. الملامح
اللي ارتسمت بقلبها من اول نظرة .. واللي ماتوقعت ابد انها تحب خطيبها او اول رجال يتقدملها ..
طوووولت النظرات كلن يتذكر اللحظات الاولى لاول نظرة .
و سعود مبتسم و ابتسامته تزيد لين انكشفت اسنانه المرتبة .. و سارة تناظر وجهه وحبها له يزييييد ..
سعود : احبك سارة ..
نزلت دمعة سارة على خدها .. تمننننت تسمع هالكلمة منه تبي تتأكد ان مو بس هي اللي تحبه تبيه يعترف ..
راح سعود يمسح دمعتها باصبعه ويقول : مكياجك لايخترب تراك محليته ..
و بهدوووووء شدها عليه و ضمها لصدره و هو يقول : يا الله تقويني و تجعلني مصدر سعادة لهالانسانة الجميلة ..
سارة هنا لاتدورونها .. دااااااخت على هالضمة .. ياما اخوانها ضموها .. ياما ابوها ضمها امها ضمتها .. لكن مثل هالضمة ماحسسسست بمثلها
في حياتها ...
رفعها عن صدره وقالها : انتي صرتي زوجتي على سنة الله و رسوله .. وابتسم لها
ابتسمت سارة وحركت راسها وهي متشققة من الفرحة : ايه ...
قالها : ماراح تخافين من شي من اليوم ورايح وانا معاك .. اي شي بتسويه وين بتروحين وين بتجين ابي كل اخبارك عندي ..
مابيك تغيبين عني ..
سارة ابتسمت وهي تطالع فيه وقالت : ان شاء الله من عيووووني ..
سعود : فديت هالعنون اللي كنها عيون غزال ..
سارة تطالعه ومبتسمة وش كثر حست بالامان معاه في هاللحظات ...
مرت خمس دقايق وهم مع بعض الا يسمعون صوت باب الغرفة يندق و جات ام سارة وام حسن ومعاهم المصورة ...
انقهر سعود يبي يقعد مع عروسته لحالهم شوي ماصدق ينفرد معاها دقيقتين ..
همس سعود في اذن عروسته منقهر : اووووف ياليت المصورة تمت ضايعة ولا يلقونها ..
سارة مسكت فمها وقعدت تضحك : ههههههههههههههههههههه ...

تابعوا مزيدا من التشويق في الجزء الثامن .. ترقبوني .. :)

__DEFINE_LIKE_SHARE__