--( الجزء السادس )--
في ناحية ثانية ..
بدر جالس في الصالة و بيده اوراق قاعد يراجعها و يشرب القهوة الصباحية اللي تعود عليها ..
شوي نزلت امه من فوق وهي تنادي عالشغالة و لقت بدر يقلب بملفات .. استغربت وجات عنده
وجلست جنبه وهي تطالع و قالت : بدر ...؟؟ وش فيك ؟؟ مو ع اساس ملكتك اليوم ..؟؟
بدر وهو يقلب بالورق و يأشر بالقلم : مو وقت هالموضوع الحين عندي قضايا ابي اقراها ..
ام بدر : وهذا وقت قراءة القضايا ..؟؟ الحين لو شافك ابوك وانت تقلب في هالورق وش بيسوي .. اقل شي بيقطع الاوراق ويرميها الشارع ..
بدر تم ساكت و مستمر في القراءة ..
راحت امه سحبت الورقة وقالت وهي تحطها جنبها : بدر الله يسعدك .. اترك الورق هذا بعدين تشتغل فيه .. وقوم الحين جهز نفسك ..
بدر وهو يرجع ياخذ الورقة ويناظر في امه نظرات ماتوحي بأي تعبير : اتركيني ع راحتي يمة .. 10 دقايق اكون جاهز مو حالكم ي الحريم من الصباح لين موعد العرس
وانتم تتجهزون .. انا مشغول الحين اتركيني اخلص اللي بيدي ...
و شال اوراقه وطلع لغرفته ...
تعجبت منه و استغربت : ياويلي هذا بيجيب فيني العيد مع ابوه ...
سكتت و بعدين قالت : يحقله اصلا .. البنت مو على مزاجه .. و فوق كل هذا كبيرة في السن .. اللـــــــــــــــــــه يكون في عونك ي ولدي ..
ضرب بدر باب غرفته بقووة كبيرة و هو يصارخ : اخرتها مع وحدة كبر امي .. حتى القضايا مو قادر اركز فيها بسبب هالزواج اللي مو داخل راسي ..
سمع بدر صوت باب غرفته يدق .. صارخ : اتركوني في حالي الحين لحد يتعب نفسه معي .. مفهوووووم !!
شروق : بدر هذي انا شروق و وفاء .. ممكن ندخل ؟؟
بدر قعد على الكرسي اللي مقابل البلكونة و سكت شوي .. بعدين قال بهدوء : ادخلوا ي خواتي ..
دخلوا البنات و قفلوا الباب ووقفوا مكانهم ,,,
ابتسم لهم و قالهم .. تعالوا تعالوا .. اقعدوا فوق السرير .. وين وعد ؟؟
قعدوا التوأم فوق السرير وقالوله : نايمة للحين ماصحت ..
بدر : قولولي كيفكم وش علومكم .. من زمان ما قعدنا سوا .. كله تقعدون مع الابله خالد ..
ضحكوا : ههههههههههههههههه
ابتسم بدر وتم ساكت ..
شروق : بدر .. وش اللي صاير بالبيت ..؟ نبي نفهم وخايفين نسأل من امي ..
بدر يطالع مستغرب : ليش مادريتوا ؟؟
وفاء : خايفين نسأل امي تنشرنا في الشارع ..
بدر بضيقة : اليوم ملكتي ..
التوأم يطالعون في بعض .. وبعدين شروق تكلمت : ملكتك ؟ والله تونا ندري منك ..
بدر : ادري .. امي ماتبيكم تتدخلون في مواضيع الكبار ..
التوأم : لييييييششششش لين متى بنتم صغار ..؟؟ امي بصراحة زودتها ...
بدر : ماقالتلكم امي من البنت اللي بملك عليها ..
حركوا راسهم : لا
بدر : بنت اكبر مني .. مو سنة ولا سنتين ولا ثلاث .... اكبر مني ب 15 سنة ...
قعدوا البنتين يحسبون عمرها وهم متفاجئين و صارخوا : يووووووووووووووووووووووووه هذي عمرها 42 سنة !!!!!!!! و كيييف عرفت ..؟؟؟
بدر : من اوراق نتايج التحاليل .. وامها يوم الشبكة تقول لامي توها مادخلت ال 30 ... و ضحك متألم : هههههههههههههههههه ...
طالعوا فيه التوأم ومايدرون وش يقولون ماغير نزلوا من فوق السرير و كل وحدة حطت راسها ع فخوذ بدر يواسونه على حظه الاقشر ..
شروق : والله تمنيت انك تتزوج نورة صديقتي شحلاتها .. لكن ماقدر اقول شي غير هذا النصيب .. الله يكون في عونك معاها ..
وفاء وهي تمسك يد بدر اللي حطها ع كتفها يحن عليها وعلى توأمها : طيب وامي ...؟ عاجبها .؟؟
بدر : امي تفاجأت لمن شافتها تحسب انها وحدة من عماتها ..
شروق : ماتدري ي بدر يمكن لمن تتعرفون ع بعض اكثر بعد الملكة تتغير الامور بينكم و تحبون بعض ؟؟
بدر مبتسم وهو يقبص خد شروق : ههههه هذا اللي هامك ي شقية .. حب وخرابيط .. شروق تألمت وقعدت تضضضحك ..
سكت وهو يفكر ثم قال : ماظنيت .. ما احس ان بكون سعيد معاها ..
سمع بدر صوت الباب يندق ... و دخلت امه ,,, و شافت البنات حوله ...
عصبت منهم و صارخت : انتم وش مدخلكم غرفة اخوكم ..؟؟؟
بدر مستغرب : وش فيها يمة ...؟ خليهم عندي يونسوني شوي .. حرام يعني ولا كيف ؟؟
صارخت على بدر : وانا لمن قعدت جنبك تحت هجيت ع غرفتك ...!
بدر يطالع فيها و بدت اعصابه تتوتر : يممممة .. ارفقي علي ترا اللي فيني مكككفيني ..
امه تطالع فيه وهي ساكتة .. ثم قالت .. طيب .. وش بتسوي الحين بتتجهز ولا كيف .. ابوك قالي اجيلك هنا اشوف وش هي استعداداتك ...
بدر يبي يتخلص من الزن على راسه : خلااص خلاااص قوليله بيروح الحلاق بعد صلاة العصر ... انا بنام لي ساعتين سهران مانمت ...
قاموا خواته من حوله وهم يسألونه : وين الحفلة بتصير .؟؟
بدر مبتسم لهم : في بيت اهل العروس
وفاء : بنروح ولا ننحبس ؟؟
امها تضايقت من السؤال وقالت بصوت عالي : انتي وش تقصدين ؟؟؟
نزلت وفاء عيونها بالارض وشروق تطالعها مستغربة .. حتى حفلة اخونا مابنروحها ؟؟؟
بدر مستغرب : يمة .. ماتبين خواتي يروحون بعد ؟؟
قالت بصرامة : قايلة انا من قبل .. بناتي مايختلطون بحريم متزوجات .. ولا مستويات مخيسة .. ولا ابيهم ... ماكملت كلامها الا قاطعها بدر :
اسمعيني زين يمة .. خواتي اذا ماجوا الملكة يمين الله اني لا اخرب الدنيا على روسكم .. غاصبيني اتزوج بنت الناس هذيك و فوق هذا كله
مايجون خواتي .. خير ان شاء الله .. وشلون هذي واحد بيملك وخواته ينحبسون في غرفتهم .. قبلي هالبنات يدخلون القصر ..
يالا اطلعوا برا .. ابي انام ..
ومسح بيدينه ع راس خواته وقالهم يالا تجهزوا وروحوا للصالون خلوهم يجهزونكم ... بلغوا وعد ..
طاااروا البنات من الفرحة و نطوا برا الغرفة ...
امه تناظر فيه وتقوله : انت كذا تخليهم يتجاوزوني ..!
بدر وهو يفسخ ثوبه ويعلقه : وانتي برايك سبب مقنع هاللي تقولين ..؟ ماتبين يختلططون في متزوجات ؟؟ ليش المتزوجات بياكلونهم مثلا ؟؟
وبعد تقولين مستويات مخيسة ..؟؟ اشرحيلي هذي ..؟؟
طالعت فيه تبي تدور كلام تقوله عشان تخارج نفسها ف بمجرد تبي تنطق قالها بدر مقاطعها : اعذريني يمة بس مبرراتك ماتدخل الراس ..
الحفلة فيها وجهاء المجتمع ورجال ونساء اعمال كلهم بيجتمعون هناك ومستويات اعلا من مستوانا .. من اللي انتي تحبينهم وتحبين تكونين حولهم ..
وين المستويات المخيسة اللي تسمينهم انتي ؟؟
بعدين ليش حاطة براسك ان الطبقات الدونية ززززبالة واللي بمثلنا هم اللي لازم يصيرون تاج عالراس ؟؟ في النهاية كلللللللللنا ميتين و مصيرنا اما الجنة او النار ..
هذي الامور اللي تفكرين فيها كلها تافهة وفانية .. ماتدرين يمة .. يمكن الفقراء يحسون بسعادة كبيرة و متعاونين ويد وحدة ..
حنا هنا بين جدران هالبيت محد طايق الثاني .. والسبب كله من اسلوب التفريق هذا .. عمري ماسمعت ضحكة بهالبيت .. واللي في خواتي مثلا سمعتي صوتها
تضحك بصوت عالي فتحتي عليها موال .. من وين تعلمتي هالضحكة وكيف اجتمعتي معاها وش اسم هالبنت وممنوع تحتكين فيها .. على هالحال يمة من يوم سجلتوهم بالمدارس ..
حرام عليكي حرام .. والله العظيم هالاسلوب في يوم بيطيح على راسك وبذكرك .. الحين حنا نكلمك وطالعي ملامح وجهك .. ابدا مهو بعاجبك .. تبي
اللي براسك يمشي ..
سكت بدر و شاف امه عابسة بقوة و شفايفها معفطة و مو عاجبها اللي سمعته ..
راحت قالت بهدوء : انا كذا .. انا هذا اسلوبي .. ابربي بناتي بالطريقة اللي انا تربيت فيها .. انا للحين اشكر امي وابوي انهم حرصوا علي اني اوصل لهالمكانة ..
بناتي في يوم بيشكروني اني كنت سبب في رقي مستواهم .. و رافعين راسهم قدام الناس ..
بدر ضحك بمسخرة : هه .. اي ناس ..؟؟ اي ناس وانتي حابستهم ؟؟؟؟
تنرفزت امه و صارخت : اووووووووه .. الشرهة علي اصلا اني في غرفتك .. وقاعدة اكلمك ..
وطلعت من الغرفة و ضربت الباب ونزلت للصالة ..
في العصر في بيت ابو عبد الله الساعة 4 ونص ...
ام عبدالله مرتبكة : سااارة وبعدين .. يالا بسرعة تأخرنا عالحرمة ..
سارة من داخل الحمام ( وانتم بكرامة ) : يمة وش فيك ماصار لي دقيقة من دخلت وانتي تدرين شعري يبيله وقت ..
ام عبدالله تذكرت شعرها : وانا هذا اللي شايله همه شعرك ماشالله طويل و بنتأخر بسبته ..
سارة : قايلتلكم قصوه عييتوا .. مدري وش عاجبكم فيه ...
ام عبدالله : انسيلي هالموضوع ولاتجيبين طاريه ... حلاة البنت بطول شعرها .. اعقلي وعيني من الله خير ,,
بعد ربع ساعة طلعت سارة من الحمام والمنشفة على راسها و سألت : وين عبايتي .. يالا عشان نلحق ,,,
حذفتها امها عليها وقالت نشفي شعرتس زين ويالا عبدالله سبقنا السيارة ..
سارة : وين ابوي وماجد ؟؟
ام عبدالله : في مطبخ ال (...) - ( المكان اللي فيه ولايم المناسبات ) .. لاتنسين التاج روحي جيبيه بسرعة ...
تذكرت و بسسسرعة طارت غرفتها تجيبه و رجعت وهي تلبس عبايتها ...
ناحية ثانية في بيت ابو محمد ...
ابو محمد : اللي مستغرب منه ليش يعني مو في قصر افراح نسوي الملكة ليش بالذات في بيتي .؟؟ ماشالله الخير كثير ...
ابو بدر مرتبك : والله ياخوي مدري وش اقولك بس هذي رغبة بدر يبي الملكة تصير اما في بيتي او بيتك وانا قلت خله في بيتك
بما ان العروس هنا لا تتعب بالمشاوير ...
سكت ابو محمد ثم قال : خلاص عموما المعازيم بدوا يجوون ... اشوى علمتني من بدري ولا كنت توهقت ..
ابو بدر : انا لو مكانه كنت سويته بقصر افراح الفرحة في العمر مرة وحدة ولازم نستغلها .. ولا مو صحيح كلامي ؟
ابو محمد : صادق ي خوي صادق .. حنا عموما نجمع راسين بالحلال هذا اهم شي ..
في غرفة العروس ..
الكوافير مشغووولة بشعر ابتسام .. وابتسام مبتسمة وتطالع في المرايا والاحلام قاعدة تبنيها حلم فوق حلم
مع شريك حياتها بدر .. وتتخيل انه يحبها ويعشقها وينسى كل بنات العالم عشانها ...
ومتأملة انه ممكن يحبها بعد الملكة وهي تحس انها بكم كلمة منها راح تدوخه و تكسب قلبه ...
دخلت امها وهي مخلصة شعرها وكل شي بس باقي مكياج ما حطت ..
سألتها : كيف المعنويات الان ..
ابتسام : فووووق يمة فووووووق ..
ضحكت امها : ههههههههههههههههه .. ياعساها دووووم يارب ..
ابتسام متحمسة : يمة فيه معازيم ؟؟؟
ام محمد : ايه حبيبتي جو بالهبل تحت قاعدين وبدوا الخدم يضيفونهم .. لاتشيلين هم .. هالليلة بتكون اجمل الليالي لك .. وبتقولين امي قالت ..
خذت ابتسام نفس عميق ورفعت عيونها فوق وقالت : ان شاااااااااء الله ...
ام محمد : بس هااااااا .. ابيك تمسكينه بايدينك واسنانك .. ماصدقنا امورك تتيسر بفضل الله ...
طالعت ابتسام في امها و سألتها : ام بدر ماجات ..؟؟
امها باستنفار : لاااا ماجات بس زوجها تحت مع الرياجيل .. قطييعة .. ابد ماحبيتها .. وشلون رجلها متحملها ..؟؟
ابتسام تستعبط : ليش يمة وش سوت .؟
امها تصرفها : ماعليك حبيبتي كلام وراح في حاله حنا عيال اليوم .. ابيك تفرحين وتنبسطين .. وابيك تكررين كلمة ( الحمدلله هذا من فضل ربي ) ...
ابتسام مبتسمة : الحمدلله .. هذا من فضل ربي ..
باستها امها من راسها وقالت : الله يوفقك حبيبتي ويعوضك خير عن صبرك ...
في بيت ابو بدر ..
وصلوا البنات من عند الكوافير وهم متوترين بالمرة ... كلموا صديقاتهم كلهم يجوون الملكة و في نفس الوقت خايفين من ردة فعل
امهم لاتدري وتطربق الدنيا على روسهم ...
نزلت امهم من الدرج بكاااااااامل اناقتها و رشاقتها مع فستان احمر كلاسيكي وممسكة ب مروحة يد فيها قطع الماس غالي جابتها عن طريق طلبية من اوروبا ..
شافوها البنات اللي سووا تساريح بسيطة مع مكياج بسيط يناسب ملامح المراهقة ...
ابتسمت لهم وقالت : ها خلاص جاهزين ؟؟
طالعوها منبهرين لاول مرة يشوفونها بهالاناقة والكشخة الكبيرة : ايه خلاص خلصنا بس بنلبس الفساتين ..
قالتلهم : يالا طيب اطلعوا البسوا و الحين بكلم السايق يجهز السيارة ..
طلعوا فوق بسرعة و لمن وصلوا غرفتهم وقفوا وهم يطالعون بعض ,,
شروق : مو انا اللي بقولها اننا عزمنا صديقاتنا ..
وفاء : ولا انا .. وطالعوا وعد ..
وعد تروعت : وش هوووو ...؟ تبوني انا اعلمها . لا والله انتحر ولا اقولها ..
طلع خالد من غرفته متكشششخ و بغترة بيضا و ثوب ملكي راقي وريحة عطر تهبل تفوح منه ..
وشاف خواته لاول مرة بتساريح روووعة ... قرب منهم و ضمهم كلهم لصدره بدون مايحسون انه قرب منهم و سألهم بسرعة : وش فيهم خواتي مجتمعات .. وش عليه يتفقون ؟؟
ضحكوا من الصدمة و بعدين سحبوا اخوهم للغرفة وقفلوا الباب بسرعة ..
تفاجأ خالد و قال : شوي شوي ماصدقت اضبط الغترة ..
شروق : خالد تكفى تكفى طلبتك .. نبيك تكلم امي ..
خالد فاتح عيونه منصدم : ياساتر دام فيها طلبتك اكيد شي كايد ماراح ترضى عنه امي ..
شروق : خالد بليززززز .. قول تم
خالد مستغرب ويطالع فيهم : تم تم .. بس وش فيكم والله احسكم مو على بعضكم ..
وفاء : عزمنا كل صديقاتنا على ملكة بدر و عطيناهم العنوان واتوقع انهم وصلوا الفيلا ...
خالد طالع فيهم وتوترت اعصابه ... حط يده ع رقبته ويفكر كيف يمر هاليوم على خير ... سألها : مين عزمتوا ..؟؟
وعد : انا عزمت صديقاتي بعد مابي اقعد لحالي مع حريم كلهم عجاجيز ...
شروق ووفاء : كلهم كلهم ال 11 بنت ..
خالد يناظر وهو ساكت .. ثم قال : ماعليكم ماعليكم .. لاتعلمون امي انكم عزمتوا البنات .. خلوها تتفاجأ بجيتهم و بعدين انا وانتم
بناكل تهزيء كالعادة .. ماعليكم ... تجهزوا الحين الساعة صارت 6 .. خليني اطلع لكم الخدامات عشان يساعدونكم ..
ضحكوا البنات متحمسين للفكرة و ضموا اخوهم وكنهم يقولون من دونك وش كنا بنسوي ...
بعد شوي سمعت ام بدر صوت ضحك عالي صادر من غرفة البنات واااصل لين عندها تحت ...
استغربت و بسرعة رقت الدرجان بتشوف وش هالضحك اللي كسر كل القوانين اللي هي تبيهم يمشون عليها ...
ولمن وصلت فتحت باب غرفتهم بسسسسرعة و تفااااجأت منهم ... ماتوقعت ان اخرتها توصل للمزح مع الخدامات ..
تركت الباب ودخلت و هي مولعة من الحقد .. وتطوول في نظراتها و بناتها يطالعونها خايفين ..
سألتهم : وش اللي انا اشوفه الحين ؟؟؟؟
وطالعت الخدامات ال 3 و كل وحدة خذت لها كف حامي .. انصدموا البنات من اللي سوته و بسرعة قاموا الخدامات وطلعوا برا الغرفة بكل هدوووووء ...
و قربت من البنات ال 3 وهي تأشرلهم بالمروحة اللي بيدها و قالت بلهجة تهديد : ان تكرر هذا اللي شفته .. صدقوني ماراح ارحمكم ..
مو الحين بحاسبكم .. خل اليوم هذا يمضي على خير وبعدها انا لي كلام معاكم ...
وطالعت فيهم نظرات مرعبة وقالت : واعني اللي قلته .. اخخخخخخر مرة اشوووفكم تمزحون مع هالمقرفات ..
و صارخت بعنننننف : مفهووووووووووووووووووووووم ؟؟؟
تروعوا وهم يطالعون بالارض وقالوا : مفهووم مفهووووم اخر مرة ...
و بسرعة لفت راسها وطلعت من الغرفة ووووطططططرااااخ بابهم ..
طالعوا البنات في بعض وهم ساكتين ومايدرون وش الحل مع هالحال ...
رجع بدر من برا كان يخلص كم شغلة .. شاف امه وهي تنزل من الدرج وتصارخ : عجزززت معاكم مادري وشلون اخليكم مثل ما ابي ..
بدر مستغرب : خير يمة وش فيك معصبة .. وش صاير ؟؟
طالعت فيه : خوااااتك ... خوووواتك ي بدر ...
بدر تروع : وش فيهم خواتي ؟
ام بدر : قفطتهم وهم يمزحون مع الخدامات !
بدر : وش هو ..؟؟ يمزحون مع الخدامات ..؟؟
ام بدر حست ان ولدها بيتضامن معاها في هالمووضوع وقالت : ايه والله تخيل ..؟ لكني ماقصرت كل وحدة منهم ضربتها على وجهها ..
بدر : اوووف .. من اللي ضربتيهم ؟؟؟
ام بدر : الخدامات ضربتهم لان لازم يحطون في بالهم انهم مستحيل يوصلون لمستوى بناتي ولا ابيهم يفكرون مجرد تفكير بهالموضوع ..
بدر منصدم : ضربتي الخدامات يمة ؟؟
ام بدر مفتخرة : ايه .. يستاهلوووووون ..
بدر حط يده على جبهته و بدا يفقد اعصابه و قال بهدوء : يمة انتي ليش ماتسمحين ل يوم من الايام انه يمر على خير ... ليش كل شوي معصبة ..؟
ليش ماتستهدين بالله وتتركين الامور تمشي ب روقان ؟؟ وصلت معاك تمدين يدك عالخدامات .. هذي اخرتها ..؟؟ هذا جزاتهم ؟؟
انصدمت امه ع بالها انه بيتضامن معاها و فكرت انه يروح يهزأهم ..
كمل بدر كلامه : يمة انتي ماتفكرين قبل لاتتهورين ..؟ مافكرتي ابد في يوم ان هالخدامات العجايز تاركين اهاليهم وبلادهم عشان يأمنون مصاريف عيالهم ؟؟
وجايين يشوفون الويل عند مخدومينهم ؟؟ ومتحملين وصابرين لعيون عيالهم ؟؟؟
مافكرتي ان الخدامات هذول ممكن في يوم انتي توصلين لمستواهم و تذوقين اللي هم يذوقونه حوبة سواتك اللي سويتيه الحين ..؟ ماتحطين احتمالات ابدا ماتفكرين في العواقب ..
متأملة ان كل شي يمشي مثل ماتبين .. قوليلي .. وش فيها طيب اذا مزحوا مع خواتي ؟؟ ماتوا ؟؟ انضروا ؟؟ انقص منهم رجل او يد ؟؟
طيب مافكرتي ليش خواتي يمزحون مع الخدامات ؟؟ فكري .. فكري ..
سكت و قال : مدري ليش انتي كذا ؟؟ ليش ماتخلينا عايشين مثل هاللي عايشين في الدنيا .. بيت كله سعادة و روقان و عفويين وصادقين مع انفسنا ..
مانهتم بالمظاهر ولا الترف .. يمة ترا كله هذا بيروح مو باقي ..
اهم شي الصحة والعافية وراحة البااااااال .. وانتي وابوي للاسف مو تاركين اي مجال لراحة البال انها تدخل بيتنا ... تحبوووون تنكدون علينا انا وخالد و خواتي ..
سكت و طلع هوا قوي من صدره و كمل : يمة انتبهي من اللي تسوينه في الخدامات .. انتتتتبهي .. خواتي قلنا معليش هذول بناتك .. لكن انتبهي اهالي هالخدامات
يدرون انك ضاربتهم .. والله ثم والله فيها قضايا وفيها محاكم ولف ودوران ماله اول ولا اخر ..
تروعت امه وخافت ع نفسها - كمل كلامه : انا حذرتك ,, وانتي بكيفك ..
وتركها وطلع لغرفته عشان يجهز نفسه ...
وهي تفكر باللي قاله وخافت ع نفسها لا يجيها شي من ورا الخدامات ولقت الحل المناسب عشان تسكتهم ..
ترقبوا الجزء السابع قريبا ,,, ومزيد من الاحداث المشوقة ..
__DEFINE_LIKE_SHARE__