ام بدر جالسة تشرب القهوة و فاتحة برنامج على قناة ام بي سي تتابع احد البرامج .. نزل خالد من غرفته ومعه رواية مرعبة لانه مثل ماذكرت يعشق الروايات والافلام المرعبة ...
سأل امه اللي ماسكة فنجال القهوة : وش تطالعين يمة .؟؟
طالعت فيه مستغربة : ماتعرف تقول مامي ...؟؟؟ وش يمة هذي ..؟؟
انتفخ خشمه و انعفطت شفايفه وقال : وش هو ...؟؟ مامي..؟؟ تخيل نفسه ينادي امه مامي... ماعجبته شخصيته يوم ينادي امه مامي تخيل نفسه بزر صغير
و تافه وغبي .. قعد يردد في الكلمة ( مامي ... مامي .. مااااامي ..) وطالع في امه ... يمة وش ذا وش مامي هذي ... وين حنا فيه في شيكاغو ولا فنزويلا ..؟؟
قالت مبتسمة : وليش مانكون هناك ..؟؟؟ مافيها شي ...؟؟ تخيل نفسك هناك وناديني مامي ... احس نفسي عجيز يوم تقول يمة ... شحلاتكم وانتم صغار تنادوني مامي ...
طنش كلامها لانه ما اقتنع بالمرة فقال : يمة اسمعيني طيب عندي موضوع مهم بقوله لك واتمنى انك توافقين عليه ... لو سمحتي يعني ...
مسكت الريموت و وطت الصوت وقالت لولدها : قول حبيبي اسمعك ...
قالها : خواتي ...
رفعت عيونها فوق مقهورة بس بهدوء قالت : شفيييهم ..؟؟؟
قال : يمة والله حرام ليش مانخليهم يستانسون مع صديقاتهم ...؟؟؟
طالعت فيه واشرت عالباب وتتكلم بلهجة احتقار : مستحيل اخلي هالفئة الهيلق يدخلون بيتي ذا بكبره من هذاك الباب ... عرفت علي .؟
اخليهم يدخلون ثم يحسدون النعمة اللي حنا فيها ...! ليش مستغنية انا عن هالرفاهية والعيشة اللي اي انسان يحلم فيها ..؟؟؟ و بعدين اخاف وحدة فيهم تحط عينها على واحد فيكم انتم عيالي
و يتلصقون فيكم بس عشان يتحصلون منكم على القرش .. لا حبيبي هالموضوع قفله ... وانا بمنع بناتي يختلطون فيهم ...
خالد تضايق بالمرة من كلام امه خاصة لمن قالت ان البنات بيتلصقون فيه و في بدر ..
قالها يبي يهدي الجو : يمة ياحبيبتي ... انتي جامعية و فاهمة وعاقلة ... مستحيل تقولين مثل هالكلام الرجعي اللي صدر منك ...
صارخت وهي تحذف الريموت عالارض : شقصدك ؟؟ يعني انا مجنونة ..؟؟
تروع وقال : حاشا لله يمة ماقصدت كذا ... سكت وقال : المقصد يمة انك تبالغين باللي قلتيه .. وحنا بشر يمة كلنا عيال ادم وحواء لافرق بين ابيض واسود ولا عربي و اعجمي و لا غني ولا فقير الا
بالتقوى ...
طالعت فيه مو مقتنعة باللي سمعته وقالت : قلت هالمستوى لا يدخل بيتي .. اذا هم بنفس طبقتنا يصيرون عينين براس ( و حركت اصابعها بقرف ) لكن اذا مثل حنين ونورة و مدري مين هذول الفئة السوقية ..
لا .. لاااا يعني لا وكلمتي ماتصير كلمتين ... ورجاء لاتحاول .. خلاص .. انتهى الموضوع ...
قالها متنرفز وماسك اعصابه : يمة .. يعني تبين خويات بناتك مثل مستوانا .. حتى لو اخلاقهم زفت .؟؟؟ حتى لو مو متربيات و مايخافن الله ..؟ كذا يعجبك ؟؟؟
طالعت فيه وماردت تمت ساكتة .....
قالها مركز ع كلامه وهو يحرك يده : يمة ... انتبهي من الكلام اللي تقوليه ماتخافين ربك بعدين يحطنا مكان ذا الاسم الهيلق اللي تقولين ..
انقهرت منه وطالعت فيه و رفعت اصبعها تبي تسكته : تراك تخطيت حدودك معاي ... تذكر انك انت الولد وانا الام ... لمن اقول كلمة خلاص نقطة .. انتهى ..
جا بيرد عليها بهدوء الا باب البيت ينفتح ...
دخل ابو بدر و سأل على طول : وش فيك تصارخين كذا صوتك واصل لين بوابة البيت عندي ...؟؟؟
اشرت على خالد و قالت : اسأل ولدك وش يطلب مني ...!!!!
طالع في ولده و سأل وهو مكشر ومستغرب : وش فيك .؟ وش قلت عشان تخلي امك تعصب كذا ...؟؟
قام خالد من مكانه وحب على راس ابوه وقاله : اولا شخبارك يبة ..؟؟
رد : بخير وانا ابوك ... وش فيها امك ,,.؟
رد خالد وهو متيقن ان ابوه بعد بيعصب منه : صديقات خواتي ... الموضوع يتعلق بصديقات خواتي ..
استغرب ابوه وقال : شفيهم ..؟؟
خالد : البنات حابين يحتفلون بعيد ميلاد وحدة منهم وخواتي عزموا صديقاتهم يبون يسوون الحفلة في البيت هنا ..
ابوه : طيب وبعدين .؟
كمل خالد : وامي رافضة صديقات خواتي يدخلون البيت .. طالع في امه وامه طالعته بحقد كبير ..
ابوه : طيب وش سبب رفضها .. طالع فيها وسألها ... : ليش ماتبينهم يجون ..؟؟ شفتي منهم شي ؟؟
ردت : ماشفت منهم شي لكن انا انسانة اخاف على بيتي واخاف على اللي فيه من عيونهم .. تدري حنا في نعمة يحسدونا عليها الاغنياء ويتمنون
عيشتنا ... فما بالك بناس مستواهم مع الارض يدخلون البيت و بطقة عين كل شي يروح ...
طالع في ولده و قال مابيده حيله : خلاص هذي رغبة امك لازم نحترمها البيت بيتها ولها الحق باستقبال الناس اللي يعجبونها او عدم استقبالهم ...
ردد خالد : لاحول ولا قوة إلا بالله .. سكت وثم قال : طيب يعني مافيه شي اسمه تحصين .. مافيه شي اسمه ادعية تحفظ من الحسد ... يمة والله حرام اللي تقولين تخافين من شر الناس
ورب الناس موجود ويحفظ .. ماتثقين بقدرة ربي ... ماتقدرين تقرين سورة الفلق ..؟؟
صارخت : انت ليش مصر انك تدخلهم بييييييييييييتي ... ليييييييييششششش ...؟؟؟ قلت مابيهم يدخلون بيتي وانتهينا .. اقفل عالطاري تراك ادوشتني ..!!
طالع ابراهيم في خالد وقاله : خلاص اسمع كلام امك اقفل عالموضوع ... اذا عالحفلة البنات هم يروحون بيوت صديقاتهم ...
ام بدر : وبعد تبونهم يروحون بيوت صديقاتهم ... انا على قد ما اقدر ابي امنع اختلاط بناتي بهالاشكال وتبيهم يروحون بيتهم ... اسمحلي اقولك على جثتي ...
انقهر ابو بدر من زوجته واسلوبها في الكلام وقرب منها وقالها : ممكن تحترمين وجودي في البيت يا ام بدر ...
طالعت فيه وسكتت وماردت عليه ...
طالع ابو بدر في خالد وقاله : خلاص خل البنات يروحون لصديقاتهم واحرص عليهم وانت ترجعهم مو السايق ... طيب ..؟؟؟
خالد باس يد و راس ابوه مستانس و قال : يعني وافقت يبة ...؟؟
قال : ايه موافق وانا اقدر اقنع امك اتركها علي ...
انقهرت ام بدر قهر عنيف وتمت ساكتة وهي تطالع في خالد وهو يرقى الدرج رايح لغرفة خواته ...
طالع في ام بدر وقالها : اقعدي ابيك في موضوع ...
فجججأة انفتح باب غرفة شروق و وفاء بقووووووة وهجم اخوهم عليهم وقعد وسطهم على السرير و طاحوا الثلاث بنات عالارض منفجعين من هجومه ...
واستغرب هو وطالعهم وقال : مادريت ان اوزانكم ريشة .. فورا طرتوا يوم انا طبيت ..؟؟ وطالع عالسرير لقى شيبسات وشوكولاتات وعلب كود ريد وجوالاتهم وصور اياديهم وحركات البنات
راح قال : امي لو شافت كذا راح ترميكم مع الدريشة .. انتتتتبهوووا !!!
خااافوا وقاموا من مكانهم وبسسسرعة لملموا كل شي من فوق السرير وحطوه داخل صندوق الفضايح السرية تحت سرير شروق و خالد يضضضضحك عليهم وعلى شكلهم وهم خايفين ...
بعدين لمن خلصوا جلست شروق ووعد ووفاء حوله وسألوه : بشر وش صار ...؟
قالهم : هالمرة مو امي .. هالمرة ابوي ...
طالعوا في بعض ثم طالعوه مو فاهمين ...! قالهم : ابوي اللي سمح تقابلون البنات بسسسسسس مو هنا ...
قالت شروق : يعني تقصد نروح بيت حنين وهناك نسوي البارتي ..؟؟؟ و فرحححححت !!
قالها بصوت دلوع : ايوووة ابوي وافق تسوون البارتي في بيت حنين - وخق عند الاسم -
الا يشوف الاحضان والتبويس من خواته وهم طايرين من الفرح ويدعون له ربي يخليه لهم ولا يحرمهم منه و تموا في حضنه واحتواهم بحنانه مستانس عليهم وعلى بساطتهم ...
سألهم ... انتم بتسوون حفلة ميلاد لمين من صديقاتكم ..؟؟
ردت وفاء : حفلة يوم ميلاد نورة .. بيصير عمرها 18 ...
خالد في سره : الحمد لله .. ع بالي حنين كنت بشتري هدية ...
قالهم .. طيب متى الحفلة ..؟؟ قالوا مع بعض : بكرة
قالهم مستغرب : وشريتوا الهدايا ...؟؟؟
ردت شروق : ايوة كل شي جاهز بس كنا ننتظر موافقة امي .. بس بنغير الخطة الحين بما انه الحفلة بتصير ببيت حنين اخت نورة ...
خالد مستانس : زين زين ... اجل يالا كل وحدة على فراشها علشان تتجهزون بكرة انا باخذكم بعد العصر ... و قام عن سرير شروق وقالهم .. وانتبهوا تاكلون شيبس وشوكولاتة وهذي الاشياء
وامي صاحية والله العظيم ماراح تترككم في حالكم بتفتح معاكم تحقيق من وين تعلمتوا تاكلون فوق السرير ومن وين شريتوا الشيبس من اي سوبر ماركت ... حتى الاكل تبيه
ماركة .. انتبهوا ي بنات ,,,
قالوا وهم متوترين متخيلين امهم تكشف هالفضيحة ... لا ان شاء الله مايصير شي لاتخاف ...
طلع من غرفتهم الا يسمع صراخ ابوه على ولده بدر توه واصل من مكتبه وراسه مصدع : تبي تتزوج بنت ابو محمد ان قلت ايه وان قلت لا ولا انا ماني ب ابوك ولا اعرفك لو اخلفت كلامي ..
بدر ساكت و يناظر ابوه بعدين طالع في امه و قالها : يمة قولي شي !! ليش سااكتة ... تكلمي دافعي عني .. قوليله اني مابي اتزوج بكيف احد !!!
طالعت في زوجها تبي تقوله الا هو يرفع يده عشان لايعطيها مجال و اشر بأصبعه على بدر وهو مستشييييط غضب ويقول : بتتزوج هالبنت يعني بتتزوجها ولا انت مو ولدي ولا اعرفك ..
فورا حمل اغراضه من فوق الطاولة ورقى الدرج معصب بالمرة و شاف خالد واقف ويطااالع .. ماكلمه شي و كمل طريقه لغرفته ...
وصل خالد لين المجلس وقال لابوه : وش فيك يبة ليش تصارخ صاير شي ..؟؟
صارخ ابوه : اخوك هذا راسه مدري من وش هو مركب ... ! انا ابي مصلحته ابي له الزين ... وراه صفقة كبيرة كبيييرة فيها ملااايين ...!!
خالد جلس جنب ابوه وقاله بحنان : يبة انت ادرى بمصلحتنا ... صدقت .. لكن ولدك ماله رغبة يتزوج الا باختياره .. خلاص اتركه على هواه يشوفله البنت المناسبة ..
ومرة ثانية صارخ ابوه : قلت بيتزوجها يعني بيتزوجها والاسبوع الجاي ملكتهم ... كلمتي ماتنثني .. واضح كلامي ...!! روح قول هالكلام لأخوك .. و قام من مكانه
وراح صوب غرفته ..
طالع خالد في امه وقالها : والله حسيت بدر بنية مو رجال !! ابوي الا يبي يزوجه بنت ابو محمد ... لهالدرجة الملايين عاميته عن سعادة عياله !
طلعت امه نفس كبير من صدرها وهي ساكتة ماتدري وش تقول .. بعدين قالت : مو احسن من انه يختار وحدة من هذول الهيلقيات !! خله يتزوج باختيار ابوه ابوه يعرف وش
يسوي ...
انقهر خالد وقال بعنف : يمة انتي تعمينها بدال ماتكحلينها ...!! وش فيك على خلايق ربي ؟؟ ترانا من طين واحد وكلنا مردنا للتراب وانتي همك الارستقراطية والبذخ
والجاه والسمعة !! لابوها من سمعة لابوها من عيشة ... ماهيب حالة هذي والله ... كرهتوووني في هالعيشة جد .. قوانين و شروط ممنوع الخروج منها !! على كيفك انتي وابوي عايشين !!
اسسسسستغفر الله العظيم ....!! قال هالعبارة وقام من مكانه وطلع لغرفته متضايق وامه تناظر مستغربة وتقول : وووووش فيه هذا اكلني لحم وقطني عظم !! جد ماعرفت اربيك صح .. قليل ادب .....
اليوم الثاني ... الساعة 7 ونص بعد المغرب ...
في بيت ابو عبدالله ...
دق عبدالله باب غرفة سارة .. وسمع عبارة : ادخلي يمة الباب مفتوح ...
دخل وقال : انا عبدالله مو امي ...
عدلت في جلستها لانها كانت ممسكة باللاب توب وتتصفح مواقع تخص المقاالات الاجتماعية ... تركت اللاب توب و قالتله : حياك ي خوي اقعد هنا .. ووسعتله مكان فوق السرير ..
جلس وقال : كيفك اليوم ..؟؟ كيف النفسية .؟؟؟
طالعت فيه وهي تطلع زفير صدرها : مدري .. احس اني مو مرتاحة ...
عبدالله : صليتي الاستخارة ..؟
سارة : ايه صليت ..
عبدالله : وتحسين انتس مب مرتاحة .؟؟
حركت راسها ب ( إيه )
عبدالله يناظرها بحنان : بيني وبينك انا بعد مو مرتاح لسعود هذا ... بس سألت عنه الكل يمدح فيه و يشكر في اخلاقه ...
سارة : انا والله قلت لامي ما افكر في الزواج ومابي لا سعود ولا غيره بس مارضت تسمعلي ... مستعجلة ع شوفة عيالي ..
ابتسم عبدالله وقالها : طيب يالا اجهزي مو باقي شي و يوصلون ...
سارة : ان شاء الله يالا الحين اقوم ...
بعد ربع ساعة طلع ماجد عشان يستقبل الضيوف ... طالع لقى 3 حريم و معهم رجال وتوقع انه سعود لانه يشيل في يده علبة حمرا صغيرة و باقة ورد ...
رحب فيهم : ياهلا والله حياكم ... اقلطوا اقلطوا ... الحريم من هالباب ادخلوا ...
دخلوا الحريم من باب البيت الرئيسي والرياجيل دخلوا مقلط الرجال في الحوش ...
دقوا الحريم الباب .. وفتحت لهم ام عبد الله .. و استقبلتهم بحرارة و دخلتهم مجلس الحريم وقالتلهم دقايق بس واجيلكم ...
و راحت غرفة بنيتها سارة تشوف وش صار معاها وفتحت الباب وشافتها جالسة عالسرير ومتجهزة ...
قالتلها : ها وانا امتس جهزتي .؟؟
سارة ببرود وبيدها اللاب توب : ايه يمة جهزت ...
امها : خلاص لا طلبت منك تجين تجين على طول مو تبطين ...؟؟ فهمتي ..
سارة وعيونها عالشاشة : ان شاء الله يمة ...
شوي الا ام عبدالله معاها صينية القهوة و الفناجيل وشوي تمر .. و قدمت واجب الضيافة .. وقعدوا يسولفون شوي ...
ام عبدالله : ماتبين تعرفيني على هالزوينات ..؟؟
ام حسن : هذي بنتي جنى .. ماشالله تبارك الله تدرس في كلية الطب تبي تتخصص في مجال النساء والولادة والاطفال ... عمرها 22 سنة ..
طالعتها ام عبدالله مبتسمة : ياهلا فيك ي بنيتي تشرفنا ...
ابتسمت جنى وماردت شي مستحية ... ضحكت ام عبدالله وقالت : وي استحت هههههههههههههههههههه ...
ضحكت ام حسن وقالت : وهذي رانيا زوجة ولدي حسن ... حامل في شهرها الرابع ..
طالعت فيها ام عبدالله وقالت : ماشالله تبارك الله مو مبين عليها ... وسألتها : وشلونتس ي بنيتي طيبة ..؟؟
ردت رانيا : الحمدلله طيبة ي خالة ..
ام عبدالله : وكيفك مع الحمل والوحام ..؟؟
ضحكت : هههههههه خليها على الله الله يعين ...
ام عبدالله : ايه والله يبنيتي الله يعين كلنا المتزوجات مرينا باللي تمرين فيه ... عسى الله يسهل لس امرتس و تقومين بالسلامة انتي والمولود المستقبلي ...
رانيا : اامين ياارب الله يسمع منك ويستجيب ..
ام حسن : طبعا ندخل الحين في الموضوع اللي انا جايتن عشانه ...
ام عبدالله : تفضلي حبيبتي ..
ام حسن : يزيد فضلتس خيتي .. كنت ابقول اني شفت بنيتك بـأحد هالعروس وماشالله تبارك الله اعجبتني حيل وودي اني اتشرف واطلبها لولدي سعود
على سنة الله و رسوله ... طبعا ولدي سعود اذا ماعندك خلفية عنه او بنيتك ماعندها خلفية حابة اوضحلكم شغلات بسيطة عشان يكون عندكم علم وماتقولون غشونا وكذا ..
ام عبدالله : حاشاك خيتي ماشفنا منكم الا الزين ..
ام حسن : تسلمين ي قلبي .. سكتت شوي بعدين قالت : سعود للحين ماتوظف اللهم بس ينتظر انهم يتصلون عليه يبلغونه بالقبول لانه قدم على وظيفة في احد البنوك و قدم بعد على
وظيفة في احد المستشفيات ..
ام عبدالله : اهاااا ... فهمت عليك ..
ام حسن : من ناحية الاخلاق اكيد عيالتس سألوا عنه .. مو لانه ولدي اتكلم كذا .. لكن سعود انسان شهم واخلاقه راقية و محبوب عند كل اللي يختلطون فيه ... وهو في حال تم النصيب
راح يحط بنتك في عيونه مثل مايخاف على نفسه راح يخاف على بنتك ...
ام عبدالله : يعني انتي تقولين انه للحين ماتوظف تبين اول شي تتم الخطوبة وبعدين بعد ماينقبل في الوظيفة يتملكون ..؟؟
ام حسن : بالضبط خيتي ...
ام عبدالله مستسلمة ومو عاجبها بس شافت ان الموضوع ماله داعي للرفض دام انه ينتظر ينقبل : على خير ان شاء الله ربك يسهل ...
ام حسن : ان شاء الله خيتي ... بعد اذنك ممكن نشوف العروس اذا ماعليك امر ..؟؟
ام عبدالله : اكيد اكيد .. دقايق بس الحين اناديها ...
بعد 5 دقايق ام عبدالله تدخل المجلس ووراها سارة و بيدها صينية العصير ...
سارة : السلام عليكم ورحمة الله ..
الحريم : وعليكم السلام ورحمة الله وبركاته .. ام حسن مستانسة : هلا ... هلا والله بالعروس .. هلا بالزين ...
سارة ببرود : حياتس الله خالتي .. وقربت علشان تقدم العصير لهم وتسلم عليهم ..
وبعد التقديم جلست جنب امها ...
ام حسن : وشلونتس سارة وش اخبارتس ...؟
سارة وهي تطالع الارض : بخير الحمدلله ..
ام حسن تضحك : ههههههههههههه .. مستحية .. يحقلها توها عروس ماشالله تبارك الله ..
ام عبدالله : تسلمين حبيبتي ..
ام حسن : الله يسلمك .. قوليلي حبيبتي سارة وش تدرسين ..؟؟؟
سارة : في كلية الاعلام ..
ام حسن مستغربة : كلية الاعلام ..؟؟ ليش .؟؟ بتصيرين مذيعة ؟؟
سارة : لا .. صحافية .. اسوي مقابلات وريبورتاجات مع الشخصيات المهمة في وطنا وخارجه ... او كاتبة او مراسلة في وحدة من المجلات اما
سيدتي او زهرة الخليج او لها .. يعني ... شي زي كذا ..
ام حسن ساكتة وتطالع بناتها ...
ام عبدالله : وش فيك ام حسن ..؟؟؟
ام حسن : بس سعود يبي يتزوج وحدة تهتم ببيته مايبي يتزوج وحدة تشتغل ..
سارة انقهرت حيل ... وشافتها فرصة كبيررررررة ان الموضوع يتكنسل بكبره .. ماردت ولا حتى ام عبدالله ردت ..
ام حسن : طيب طيب انا بشاور الولد .. ان شاء الله يغير رايه ...
اتصلت عليه وفهمته الموضوع وهو وافق انه يتزوجها بمهنتها بكل شي هي تحبه المهم يتزوجها و قال لامه يبي الشوفة الشرعية الان ...
قفلت ام حسن الجوال وقالت : وافق يقول ماعنده مانع يتزوجها اذا حابة تشتغل ..
انقهرت سارة اكثر وداخلها : حسسسسبي الله ونعم الوكيل ... يعني انا ابيه يرفض راح المخفة وافق .. الله يخلص هالموضوع على خير ..
كملت ام حسن : يقول يبي يشوف العروس الان ..
هنا صب قلب سارة بالارض من الروعة , وطالعت في امها وهي ساكتة بس واضح على معالمها الخوف ..
ام عبدالله : يالا ي بنيتي العريس بيشوفتس .. اجلسي هنا والحين ارتب الوضع ...
تركتها امها وخذت جوالها وطلعت من الغرفة .. وتمت سارة تطالع بالارض وميتة قهر ومو مرتاحة لا للام ولا للبنات اللي معاها ولا العريس نفسه .. وجلست تقول في داخلها : الله يسامحك يمة
انتي اللي غصبتيني انثبر في هالموقف البايخ ... استغفر الله العظيم بسسس !!!!!
بعد دقايق دخلت الام وولدها عبدالله وسعود وراهم وطلبت من الحريم يتغطون .. دخل عبدالله المجلس وتأكد ان سارة جالسة عالكنبة وتطالع الارض ومنتظرة الوقت يمر بسرعة
وتنتهي هالمهزلة على خير ... وقال : تفضل ي سعود حياك الله ...
سمعت صوته يقول : السلام عليكم ورحمة الله .. وفورا طاحت عيونه على سارة ,,
الحريم كلهم بدون سارة : وعليكم السلام ورحمة الله ...
كان سعود شايل باقة الورد و سارة جالسة بمكانها وقلبها ينصرع من قوة النبض وتناظر بالارض الا سمعت عبدالله يقولها : قومي خيتي سارة شوفي عريسك وسلمي عليه ...
13-03-2015,
05:38 PM
رد: روايتي ( سارة و بدر )
العرض العادي
