ديوان الشاعر/ فرج الدهمشي

حـتــى صــبــاح الـعـيــد شــآحــب بـلـيــآك
يشبـه صبـآح احـزآن ( غـزّه و يـآفـه )
آتــنــآســى الــدمــعـــة واحـــلــــم بـلــقــيــآك
واصحـى علـى صـوت الالـم يـا حسآفـه
هــآآآك القصـايـد انـثـر افـرآحــي هـنــآك
وخلنـا نعآيـد يــا حبيـبـي..( المسـافـه )
( كل عآم وانت بخير ) يا درب ذكراك
اقـســم ورب الـبـيـت كـــل عــيــد اخــافــه __DEFINE_LIKE_SHARE__

يالهفتي مشتاق لك قد البحر..!



قد النوآرس .. والاماني .. والشعر ..!



قد الحنين اللي غفى .. امس المسى ..!




قد الاسى..اشتقت لك مافي صبر ..! __DEFINE_LIKE_SHARE__

لا زهـمــت الـشـعـر حـيّــا وطـــش الـعـبــاة

والله انــي عـلــى قـولــه سـخـيـن رهـــاوي

ان بـغـيـتـو عــلــى الــــردات ولا الــحــداة

وان بغيتو على شيلات (..عذب النداوي..)

اعسـف القـآف لييـن القـآف يمـشـي ثـبـآت

والمعآنـي لذييـذه مـثـل .. تـمـر الحـسـآوي

__DEFINE_LIKE_SHARE__

اسعد الله اوقاتكم بكل خير
صوت وصدى مع الشاعر عويد كسار العنزي ..



عينك تشوف أطباع روحك مـع النـاس
وكــلٍ عـلــى أطـبـاعـه يـشــوف الخلـيـقـه
كـانــك صـــدا صـديــت لـوبـيـدك ألـمــاس
وكـانــك ذهــــب والــنــاس لـمـعــة بـريـقــه
دهـامــشــه والـنــعــم يـامــعــرب الـــســـاس
مــن ورث أبــوك وطـيــب جـــد العـريـقـه
يـزبـن علـيـك الـهــم مـاشــاف الاتـعــاس
ويزبـن عليـك الضـيـق مـاشـاف ضيـقـه
يـزبـن علـيـك الفـقـر مـاشـاف الافـــلاس
وأنــــــت الـطـريــقــه بــأنــعــدام الـطـريــقــه
وأنـت الفخـر فيـك افتـخـر يـرفـع الــراس
وفـيــض المـشـاعـر بـالـبـحـور العـمـيـقـه
وأنت القصيد اللي نبض كل الاحساس
وعـز الصديـق الياأعـتـزى فــي صديـقـه
مابغـا أمـدحـك فــي بـيـت يبـقـى بـكـراس
قـلـبــك ذهــــب والــنـــاس لـمــعــة بـريــقــه
كان الفـرج بـالارض يمشـي مـع النـاس
انــــت الــفــرج مــــن بــعــد رب الـخـلـيـقـه __DEFINE_LIKE_SHARE__

صدى الشاعر فرج الدهمشي


الصـاحـب الـلــي خـوتــه تـرفــع الـــراس
مـثـل الـذهـب فــي مـعـدنـه فـــي بـريـقـه
اللـي بنـا بيـت القصيـده عـلـى ســاس
مـثـلـك حـــرام يــشــوف شــــي يـضـيـقـه
يا صاحبي حذراك تشكي على النـاس
الله كـــــريـــــم ولا قـــــطـــــع بـالـخــلــيــقــه
شمس القصيد وصبح غيم بالانفاس
شـاعـر وضــوح ومنهـجـه لـــه طـريـقـه
اللـي مــلا روح المشـاعـر بالاحـسـاس
بــحــر مــــن الـقـيـفـان قــاعــه عـمـيـقــه
مـا هــو بـهـا مصـنـوع شـاعـر بـكـراس
لــو ضـاعــت الـشـعـار تـسـلـك طـريـقـه
نجم القصيد اللي ضوي ليل الادماس
مـثــل الـعـسـل والـحــرف زهـــرة رحـيـقــه
يا صاحبـي لاهنـت يـا معـرب السـاس
عـــز الـخــوي لا قـيــل مـثـلـك صـديـقــه __DEFINE_LIKE_SHARE__

كتبت اجمل قصايد ود ..!وطرقت اعذب بحور وقاف
لـجــل نـفـسـي ابرضيهـا..وامـتـع نـفــس قـاريـهــا
حسافه شعـري وفكـري ..!يسبـب لـك الـم وجحـاف
حسافـه بيعـة الخاطـر ..!تجـي مـن نـفـس شاريـهـا
تأملـت الوفـا بالـروح ..لقيـت مــن الجـفـا اصـنـاف
يجـي بالحـرف لـه ميلـه ..عــن دروبــي واداريـهـا
على مركب سرى الوجدان ..في منزالكـم بـي طـاف
اقـلـب دفـتـر المـاضـي ..تـجـيـب الـريــح طـاريـهـا
طويت الطـيّ فـي صفحـه .. لهـا مخفـى ولا تنشـاف
طويتـه لجـل مــا اذكـرهـا ..ولا اذكــر وش امانيـهـا
انا شعري كذا وقف ..!على صـدر وضلـوع انحـاف
وشمخت بنفس لو تفنـى .. مـا تذكـر وش طواريهـا
كتبت اجمل قصايد ود ..!وطرقت اعذب بحور وقاف
انـا البـادي طـروق الشعـر ..علـيّ الواجـب انهيـهـا __DEFINE_LIKE_SHARE__

__DEFINE_LIKE_SHARE__