ديوان الشاعر راكان بن بدن السبيعي

لاتكسر الخاطر ولاتجرح شعور

فبعض المواقف ماتفيد الصراحه

صارت محبّتنا مثل وعْد بلفور

50 عام ودارنا مستباحه

الهم جيشه داخل الصدر طابور

معلن على ارجاء الضلوع اجتياحه

والود لاعايش ولاهوب مقبور

قلّي متى بالله تطلق سراحه

اخطي ولاتدمح ، وإلى اخطيت معذور

اكثر ذنوبك في خفوقي امباحه

الصد والهجران والكبت والجور

ماعاد خلاّ للتراضي مساحه

لاصار مالمصيبة الصد دكتور

كلٍ يضمّد بالتجافي جراحه

لن الغلا اللي ساسه الكذب والزور

لو يستمر سنين مافيه راحه

وصدق الغلا لو أنّه أيام وشهور

تبقى النوايا البيض سبّة نجاحه

يامطوّل الغيبه عسى أيامك اسرور

بشّر عسى الخفاق زاد انشراحه

مهما حصل ماني على الصد مجبور

يوم أن غيري محتفظبه سلاحه

خذها صريحه من خفوقي على الفور

وافتح لها بين المحاديب ساحه :

الصدق في بعض المواقيف محظور

والكذب في بعض المواقف صراحه

__DEFINE_LIKE_SHARE__

في خفوقي راسم لـحبك خرايط

من غلاك ومن حلاك ومن جنونك

غير حبك نضربه في عرض حايط

لاتروح بعيد وتخونك ظنونك

ولايجي مابيني وبينك حوايط

لو أخون الكون ما افكّر أخونك

ما لجرحي لنفتق منْـك أنت خايط

وأن بغيت الصدق يالبى طعونك

صاطني في غيبتك مليون صايط

جف قلبي يامعدّيني مزونك

كل ما سجّيت وهمومي قلايط

ضيّقن صدري عساهن مايجونك

اترك هروج المهبّل والمهايط

والله أني ماعشقت ألا عيونك

والجديل اللي خذا شكل الشرايط

لا فهقت الليل الأسود عن متونك

أنت لو ترسل عيونك بالوسايط

شف صناديق الرسايل يحترونك

__DEFINE_LIKE_SHARE__

جاني خبر عاجل ولا عنْه مجناب

وشاش القصيد وحضّرنّ الغرايب

شاعر ولي مبدا ومعنى ولاهاب

تطرقني القيفان طرق الهبايب

الشعر عندي ماهو بسهم ينساب

مؤشره دايم بعال الرقايب

افك لجزال الطواريق الأبواب

وتارد على فكري جيوشه كتايب

واسرج خيول القاف وادني لي ركاب

وابدع جزيلات القوافي عجايب

والبّس المعنى معمّات وثياب

وافي منزّه عن جميع الشوايب

يالشاعر اللي تنتظر مدح واعجاب

عمر المدايح ماتجي بالغصايب

أما حضور يشرفك عند الأجناب

وألا غيابن له تشد الركايب

لاصار لامن جيت مايحسب حساب

ابرك لك أنّك طول الأيام غايب

لاجيت ابرهن وارفع لشوفي رقاب

وقفة شرف ماهيب وقفة طلايب

واصدح بشعري واسحر عقول وألباب

من فضل ربي كلبوها وهايب

ولانيب لاقلت الصراحه بمرتاب

حتيش لويزعل علي كل خايب

وألا الرفيق احمي مقامه ليا غاب

ولا خير في من لايسد النوايب

شاعر واميّز بين صادق وكذاب

وعن رفقة الوافين مانيب تايب

واللي زعل من كلمةٍ جاته عتاب

هذا على رفقتْه حط النصايب

احدٍ بشعره يجلب لنفسه اتعاب

واحدٍ ليا من قال ينقال صايب

واحدٍ تفشّل هرجته بين الأقراب

واحدٍ بصيته يفخرون القرايب

والعاذل اللي عن ردى الهرج ماتاب

قلّه ترى دروب المراجل صعايب

تم الجواب ومنتهى القاف لاشاب

اخذ الهروج اللي عليها حسايب :

أما أني اليا جيت يحسب لي حساب

وألا أني ابقى طول الأيام غايب

__DEFINE_LIKE_SHARE__

ياصاحبي معيوف مسيّت بالخير

الشعر شعر المصلحه والعلاقه

كانك تبي تنعدّ ضمن المشاهير

اهل السلوك الناعمه والدقاقه

جمّع بني عمك وناد الجماهير

ولكل صاحب شان ارسل بطاقه

وسو أمسيه وحده ولوكانت عصير

وحاول تكوّن فالصحافه صداقه

واصهل مثل جسّاس وكليب والزير

واشهر على الشعّار موس الحلاقه

وامدح وسب وغن لجل الغنادير

سب الوفي وامدح من الناس عاقه

وخذلك لقا وسط النياق المغاتير

جنب الرحول وماسكٍ راس ناقه

واجلس على المركى وقدّامك الطير

وبيت الشعر خلفك يهبهب رواقه

وصوّر مع اهواة القنص والصقاقير

وجمّع حوالينك شويّة رفاقه

هذا يقنّد فالدلال المباهير

وهذا يتبسّملك ويرخي شقاقه

وهذا حلب لك من حليب المصاغير

وهذا على مدحه يزوّد نفاقه

واجلس على الروض الخضر والنواوير

وزوّد برستجيك وهرجك لباقه

وصوّر على الشاطي وصوّر على البير

واطلع بكامل رونقك والأناقه

كذا تجي شاعر وسيّد شواعير

لو كان ماتقطف من الشعر باقه

الوقت غير وطابعه يالشلي غير

راحت تقاليد العرب والعراقه

وين القصيد اللي يهز الطوابير

مثل البحر موجه يزيد اصطفاقه

اللي ليا عدّوه عند المناعير

ثم سمعه السامع يزيد اشتياقه

تبدّلت كل الصور والتفاكير

وصرنا نتشفّق للفرايد شفاقه

في ساحة الشعّار للوضع تفسير

كم شاعرٍ كلّت من الركض ساقه

ما اعم أنا لاشك فيهم هوامير

تفتح على المعنى ثمانين طاقه

اهل المعان الوافيه والتعابير

جلّه خذوه ولا شقْوا في دقاقه

هذا وحبْك الشعر مازاد توقير

الرجل من فعله يبين انطلاقه

الله يوفّقنا لحسن التدابير

ويصدّنا عن مهتوين الحماقه

هذا هو الموجز وباقي التقارير:

الشعر شعر المصلحه والعلاقه

__DEFINE_LIKE_SHARE__

يا اصحابنا الشعار مانيب معذور

الشعر يقنب فالمحاديب ذيبه

ماجور يامعيوف ماجور ماجور

ياشاعرٍ يفرق بشعره وطيبه

من دون لامبدأ ولا أي دستور

ولا دليلٍ صادقٍ تدّعيبه

دامك تحب تحوص وتلف وتدور

معي التلاعب حاول أنك تسيبه

خذها صريحه من خفوقي على الفور

قدام وجهك دون نمّه وغيبه

أقولها لو ينبنى دونها سور

لابد ماندفع رسوم الضريبه

راكان يامعيوف ماهوب مغرور

يقولها والله حسيبك حسيبه

عقب الدجى لابد مايشرق النور

وتشوف أمورٍ يالسنافي عجيبه

كلامٍ مشفّر وملغي ومحظور

زود الحكي ياصاحبي وش نبيبه ؟

فبركت يامعيوف واتقنت فالدور

وصارت حلقات المسلسل رهيبه

__DEFINE_LIKE_SHARE__

جاني اتصال بيوم الأثنين فزيّت

ماللبشـر فأمر الإله استطــاعه

قالوا توفى خـالك القـرم فالبيت

جاك الكــلام اللي يهزّك سماعه

في ليـلةٍ فيها من الخـير توقّيت

ليلة قـدر فيها تحـلّ الشفـاعه

لو البكا ينفع يا ابوسعـود هلّيت

دمعي عليك اربع وعشـرين ساعه

راضين بأمر مدبّر الحي والميت

اللي له ارواح الخــلايق وداعه

مرحــوم ياللي مابعد يوم زلّيت

في طـاعة المعبـود سمعٍ وطاعه

وعلى المراجل والمعـالي تعلّيت

دمث الجـناب وغاليٍ فالجماعه

كريم جاه وللمنــاعير لا جيت

فزّوا لك العـربان قدر وطماعه

مقدام ربعك ذايع المجد والصيت

أنته عمـود البيت وأنته شـراعه

تبكيك روضة مسجدٍ فيه صلّيت

وتبكي على فقدك رجال الشجاعه

مهما كتبت من العزا فيك مااوفيت

بعدك كسبت من القصـايد مناعه

ياشعر بعد اموادع القرم مليّت

طاروقك بسمعـي كرهت استماعه

مات الجـزيل وبعد موته توفّيت

ماعادلك في سوق صدري بضاعه

للصبر والسلوان ياربي انحيت

اطلب رضاك ورحمتك والقناعه

يارب تعلم ماقد اعلنت واخفيت

ارفع لك آكُف الرضا والضـراعه

في جنة الفردوس ياحامي البيت

مع النبي وآله ينــول الشـفاعه

ولو البكا يرجع لنا الميْت هلّيت

دمعي عليه اربع وعشـرين ساعه

__DEFINE_LIKE_SHARE__

يالحاظر الغايب وصالك علّي دين

لو أن قلبي هجر الأحباب ضامه

غذّيت سمعي صوتك الدافي سنين

حتى لسانك مل سمعي كلامه

وجوّعتني شوفك ولقياك بالعين

وقلبي على وصلك مواصل صيامه

(اضمى وصل) و (اروى هجر) وأنت يازين :

فالحالتين الوضع عندك سلامه

أن كان هذا سلمكم يالمحبين

قلبي يبلّغ للمحبه سلامه

ياليت ربي حط فالجوف قلبين

واسلم من ظروف الزمن وانهزامه

قلبٍ بحطّه للرجال المسمّين

ماهوب ينبض دم ينبض قرامه

يروى على قول : ارحبوا ياميامين

ويضمى على شوفة رجال الشهامه

وقلبٍ يصارع لوعة الشوق والبين

يعني على حبك ببرمج نظامه

وأنت وظميرك لو يذوق الأمرّين

حاول معه حتى توفّي مرامه

أما سلَمت وعشت عيشة هنيّين

وألا عشيقٍ مات سبّة غرامه

__DEFINE_LIKE_SHARE__