دلع : راااااااااائد حراااااااااام
رائد :ههههههههههه انا ماتهونين علي بس عيالك قالو لازم نعاقبك
دلع : رائد ... حرام عليك ... بتضر اللي فبطني
الكل سكت
فك رائد الربط بسرعه
رائد بفرح : يعني انتي حامل
دلع تهز راسها بايه
حضنها بسرعه : فديتك فديتك فديتك
احببببببببك
بدر: يعني ماكو عقاب
رائد : هههه هالمره لا ...
بدر :اصلا كل مره تقول لا ...خلك رجال ماتضعف قدام مره
رائد : هههه هذي امك ..بتجيب لك اخو ولا اخت
بدور : يعني هنا دادا
رائد : ايه دادا
دلع : تشوف الساعه رائد بسرعه تأخرنا احنا خاصة دوم نتأخر ودوم نزاعه
توقف عشان تروح بس رائد مسكها من ايدها
رائد برومنسيه : حياة وقلب وعمر رائد ما تمشي يمشوها ...ويشلوها سحبها واخذها بين ذراعه ... حوطت دلع ع رقبته وهمست فاذنه
دلع : أحبك
............................
((( دلع : بنت مشاكسه روحها حلوه ..سوالف وضحك ومقالب حتى عيالها وريلها ماسلموا منها وحتى عيال خوانها وخواتها ... بس هذي الروح الهلوبه .. يعني احسها عطت جو فروايتي ...
رائد : طبعا شرطه كان موافقت دلع ودلع تنازعت فالبدايه بس رضت فالنهايه ..رائد كان بطبعه هاديه .. ودائما مع راكان واي شي يقوله راكان حاضر ..بس دلع غيرته كثير .. خلته مجنون مثلها ..وهههه الله يعين عيالها طلعوا مثلها )))
.................................
(((( لجين & فارس ))))
فارس يقوم لجين : حبيبتي ..حياتي ..قلبي ..عمري ...لجوووون
لجين : همممم
فارس: هيا بنتأخر ع عمي ابوراكان
لجين : طيب بس شوي بغمض عيني وعد للعشره وبقوم
فارس : هههه مايحتاج يالله نايمه من الساعه 7 مايكفيك
قامت لجين : امبلا بس طول الليل مانمت كله افكر
فاارس : وممكن فارس حبيبك يعرف بشنو تفكرين
لجين : فارس
فارس : قلبه وعمره وحياته ودنيته كلها انتي
لجين : فارس ليش ما تتزوج
فارس :......................
لجين : ليش ساكت ليش ماتتزوج
فارس: لجين بعدي الموضوع عن بالك انا زواج ماني متزوج ... لجين انا احبك انتي ومو مستعجل ع العيال ... بعدني صغير مابي عيال ألحين ... وبعدين ... كيف تبيني اترك القمر واروح للنجوم ...لعيوب الدنيا كلها فيك ..ماتركتك...وانتي احمدي ربك ..انه العيب لامني ولامنك ... ..فترة وقت وانشالله بتحملين
وهالكلام مابي اسمعه مره ثانيه ..طيب دنيتي
لجين تبوس خده : طيب حياتي
....................
(( لجين : شخصية ..ظهرت فالنهاية ...حبت شخص تتمنى يكون اللي فبالها والحمدلله طلع صح اللي فبالها ..
فارس : شخص متسرع بشكل مايتصور ..ما يهتم لعواقب الامور ..اهم شي نفسه لجيين ..رجعت له عقله ..ما كان مسؤول عن العايله ..ماتحمل المسؤوليه بس بعده عن اهله علمته الكثير وخلته رجال يعتمد عليه ))
...............................
(((( رنين & فهد ))))
رنين : فهد امسك عيالك ..تعبت والله حتى انا ماتلبست
فهد : طيب طيب .. ابراهيم ..محمد روحوا تلبسوا لوحدكم صرتوا رياجيل ألحين
ابراهيم : انشالله يبه
فهد : خلاص محد بقالك الا طيف .. وتقدرين تخلصينها فثواني
رنين : طيب طيف لي ... وانت روح لطلال وبدل له
فهد : لالالالالالالالالالالالالالالالا الا طلال
رنين : لالالالا انت قلت طيف لي
فهد : وانا عاد حسبتك خلصتيه
رنين : روح
فهد : مابى
رنين : روح
فهد : مابى
رنين : طيب ..شكرا
وجلست تلبس طيف ... وما تكلمت معه
فهد : رنين
رنين: ..............
فهد قرب صوبها : رنو زعلانه
رنين : ..................
وقف فهد : أفا افافا ...ألحين حبيبتي رنين زعلان وانا جالس الحين اروح ابدل له واسبحه بعد
راح فهد لطلال اللي كان يلعب فسريره
وكملت رنين طيف وهي تبتسم
خلصت من طيف وسيده راحت الغرف حصلت الغرفه كلها بودره هههههه ...وفهد ماينشاف من بياضه
رنين حضنته من وراء : كل هذا عشان رنين وزعلها
التفت فهد صوبها : كل هذا عشان قلب وعمر و حياة ودنيا فهد ..رنين حبيبته ..
طبعت رنين بوسه ع شفايفه بنعومة : فديتك
فهد : احبك يا حياتي انتي
رنين : وانا بعد احبك
...............................
(( رنين : شخصية غامضه في البدايه ..ممكن ظن البعض انها راح تكون شخصيه شريره .. بس الكل عرف السبب اللي خلاها انطوائية ... اللي صار فرنين حبيتا بين منه انه الدنيا تلف وادور واللي سواه راكان في عذاب صار فاخته
فهد : شخصية متفهمة دوما ..شخصيه مسامحه تحترم الكبير تسعى للأفضل ..تريد التعلم للوصول الى العليا ))
ف مزرعة ابو راكان الكل اجتمع ضحك وسوالف الى ان دخل شخص مافي احد متوقع انه يدخل
الكل انصدم باللي
.
.
.
.
.
.
.
.
عذاب ودلع : يممممممممممه
وركضن كلهن لحضنها .. بكل بساطه قلبهن سامحها بكل بساطه نسن الماضي ...بكل بكل بساطه محن غلطات امهن ... بكن فحضنها رجعن بنات صغار قدام صدمة الجميع الكل كان هناك بنات طبعا ... محد يدري من هذي المره اللي دشت عليهم فجأة اللي ارتمن فحضنها دلع وعذاب ....شخص واحد يعرف من هذي شخص واحد بس
ام معتز
اهي الوحيده اللي تعرف من هذي من بين الجموع
ام راكان تقدمت لهن
ومسكت عذاب
ام راكان : عذاب من هذي ؟؟
عذاب : هذي امي
فهمت ام راكان السالفه لازم تحط لهم مكان يرتاحوا فيه فضت غرفه وراحت معهم ام معتز
دخلت ام معتز عليهم
ام معتز : يا عذاب ويا دلع انا كنت اعرف باللي واعرف علاقة امكم فريلي خالد صارحني قبل وقالي بكل شي انه اهله خطبوا له واهو يبي امكم خوله وابراهيم اخذها عنه .. خالد ما نسى امكم .. وذاك اليوم كان راجع سكران وحاول يسوي اللي سواه
لا تظلمون امكم يا بنات ... حاربت وسوت عشان تعرف اخباركن وانا كنت اخبرها بكل اللي صار بس خالد كان يمنعها ... يمنعها من كل شي ... ولما ولما توفى من سنه .. ما قدرت تجي استحت اتقولون لما مات رجلها عرفتكم ..اهي استراحت منه ..واليوم انا قلتلها تجي خلاص ما قدرت تتحمل فراق عيالها اللي ما في مره ضمتهم لحضنها واعطتهم الحنان والحب
سامحوها يا بناتي
......
الكل عرف بوجود ام فهد وعرفوا فهد وفارس باللي صار ...
والحمدلله ..انفتحت ستاره جديده بين حياتهم الجديده مع امهم ... وكل واحد وعائلته ... ام معتز مارضت الا انه ام فهد تجلس معها ... غير معتز البيت ... وصار كل خميس عيالها يجتمعون معها ... وما تخلوا الجمعه ... من ضحكاتهم ع هبال دلع واللي تعلمه لليهال
تمت
23\ 7 \ 2011
الساعة 10 :10
..
__DEFINE_LIKE_SHARE__
26-07-2013,
05:59 AM
رد: رواية عذاب دنيا للـ رمش الحلا
العرض العادي
