ديوانـ الشاعر : عبدالله العليوي

[align=center]ليتك تعيش

ليتك تعيش بواقع الحب لو يـوم
و الا تشوف لوضعنـا ذا نهايـه

بالحب أنا يا غاية النفس مظلوم
محتاج يا لغالي لعطف ورعايـه

لي السهر ولعاذلي لـذة النـوم
من شان حبك ما سهرنا هوايـه

ما صابني من نظرة العين مقسوم
أسيـر حبـك لا تحطـم رجايـه

ما كل عين تجرح القلب بسهـوم
و ما كل من يرمي يجيد الرمايـه

أنشهد إني منك يا زين محـروم
معك ابتديت وفي هواك النهايـه

فات الأوان و لا تزيدون باللـوم
الصبر بيدي يوم قلبـي معايـه

بالاسم والمعنى و ما قلت مفهوم
يا شمس عمري يا بدر في سمايه[/align] __DEFINE_LIKE_SHARE__

[align=center]لا تحاربنـي بصـدك


مع زماني لا تحاربنـي بصـدك
خلني بالعمر اضحك لـو ثوانـي

كان لك قلبٍ على غيـري يحـدك
وش ترى في قلبي اللي لك حداني

بالجفاء ياصاحبي عديـت حـدك
ما وصلني منك يالغالـي كفانـي

اشتكـي لـك لا تعذبنـي بـردك
لا تصد ارجوك يـوم الله بلانـي

ليت حب ضاع للذكـرى يشـدك
تذكر اللي راح منا فـي ثوانـي

ليتني مرتاح من قلبـي وحبـك
ليت لي يازين مثلك قلـب ثانـي[/align] __DEFINE_LIKE_SHARE__

[align=center]عفت أنا الدنيا

عفت أنا الدنيا إلا جار الصديق
كل واحد صار بالشكوى يضيق

من يدور له بذا الغابه رفيق
ينقضي عمره ولا يلحق مناه

دمعتي تجري ولا أحدٍ لي بكى
عندهم شكواي ماتلقى صدى

ياوجيه الغدر وين أهل الندى
أبعدوا عني ترا عفت الحياة

كم انا مخدوع فيكم من سنين
عشت أنا المظلوم وأنتم ظالمين

لي خفاياكم ورا توه تبين
يوم دار الوقت وأظهر لي رداه

كنت أشارك في هموم الكل منكم
كم تمنيت أحمل الضيقات عنكم

لو دريت أن الوفاء وهم بنظركم
ماقضى عمري وأنا أزرع في صفاة [/align] __DEFINE_LIKE_SHARE__

[align=center]العهود الوثيقة

ياللي تناسيت العهود الوثيقة
ماعاش من قبلك بدنياه مرتاح

لابد من يومٍ وتلقى الحقيقة
تشوف لوعات الزمن كيف تجتاح

وتعود لي طيرٍ مضيع فريقة
وأقول يا غدار عهد الوفاء راح

تغيرت حتى الوجيه الصديقة
والقلب الأبيض أصبح اليوم سفاح

يا ما تحملت الجروح العميقة
والشوق بعيوني الا أقفيت فضاح

فيما مضى روحي بحبك غريقة
مثل السفينة بالبحر دون ملاح

واليوم أنا قلبي تغير طريقة
مايرجع الماضي بالأعذار يا صاح

في خاطري عبرات همٍ وضيقة
وشلون مات الحب في عز الأفراح [/align] __DEFINE_LIKE_SHARE__

[align=center]تبين الصدق

تبين الصدق
لو كانت محبتنا وفاء وخلاص

وقصة حب ........... ما مرت على مخلوق
أنا و ياك ما نقوى نغير صفحة الواقع

صبرت أكثر من اللازم ...................
سهرت الليل ................. رعيت سهيل

وشفت الحل [/align] __DEFINE_LIKE_SHARE__

[align=center]دور بدالي حبايب


دور بدالي حبايب
مثلي يحبونك ... ما عاد لي بك رجاء

اليوم عندي تساوت
فرقاك ولا رجوعك

من حبنا وش بقى
لا تلتفت لي تراعي ... ما شوف للحب داعي

والحب ذاك إنتهى
لا تعتذر لا تشره ... يازين شفت المضرة

ما منك غير الشقاء
واليوم عندي تساوت

فرقاك ولا رجوعك
من حبنا وش بقى [/align] __DEFINE_LIKE_SHARE__

[align=center]وقفة خواطر


اللي حصل وقفة خواطر وطالت
بيني وبينك وأنت زوتها زود

سحابة مرت سمانا وزالت
هذا اعتقادي كنت لرضاك مشدود

وأشوف زلاتك علينا توالت
تخطي و أسامح بس ما شفت مردود

يا ما عليك النفس يازين شالت
هم لجا في خاطري مــــــا لــــه حدود

معك الليالي يوم صديت مالت
صارت عقب فرقاك أيامنا سود

رغم الظروف اللي عن القرب حالت
يا زين أحبك والأمل فيك مفقود [/align] __DEFINE_LIKE_SHARE__