يمه لو أن الموت رجل(ن) قتلناه

يمه لو أن الموت رجل(ن) قتلناه
ولايأخذك لو الثمن هو حياتي
.
.

لاقف بوجهه وأزهمه وأتحداه
وأقول ياموت دونه وفاتي
.
.

خله وأنا ابو سعود والله لأحماه
لو تأخذه يحرم علينا المباتي
.
.

هذا الذي ياموت لولاه لولاه
مارتحت في نومي وهي ماتباتي
.
.

ياموت والله لو تشوف المعاناة
عقبه لغير يصير دمعك شتاتي
.
.

ياموت كان القبر وياه ماحلاه
خذني معه ياموت تحت الوطاتي
.
.

ياموت ماللعمر لذه بلياه
عايش بجسم انسان والقلب ماتي
.
.

ياموت هذا الدمع مني ذرفناه
حتى الحزن أصبح صفه من صفاتي
.
.

المعذره يا (يم) شي(ن) عرفناه
الموت من فارض صيام وصلاتي
.
.

الموت حق وطالب الحق يبغاه
رد الأمانه مابها مجاملاتي
.
.

لاحان وقت الموت ماحد(ن) تعداه
مايعيش لو أيام متأخراتي
.
.

يالله يارب الكون من النار تحماه
وعسى له الجنات متفتحاتي
.
.

وعسى النفل والنور بالقبر تلقاه
وعسى بنات الحور له خادماتي
.
.

لو البكى ينفع قضى العمر ببكاه
مير البلا من راح ماظن يأتي
.
.

وان مت انا ياسعود في شي(ن) ابغاه
قبري أنا وياه هذي وصااتي

.
.
.
للشاعر : ناصر المنور __DEFINE_LIKE_SHARE__

قصيده مولمه جدا
صح لسان شاعرها ملاييين
الله يرحم من مات منهم ويطول بعمر من هم على قيد الحياه
يزيد
يعطيك العافيه ع النقل
لا خلا ولا عدم

تقديري __DEFINE_LIKE_SHARE__

اقتباس : المشاركة الأصلية كتبت بواسطة الجوهره الحربي [ مشاهدة المشاركة ]

قصيده مولمه جدا صح لسان شاعرها ملاييين الله يرحم من مات منهم ويطول بعمر من هم على قيد الحياه يزيد يعطيك العافيه ع النقل لا خلا ولا عدم تقديري

امين يارب

يعافيك ربي ويسلمك

لا عدمناا هالحضور الذوق
كــــــــل الـــــــــود., __DEFINE_LIKE_SHARE__

قصيده مؤثره
صح لسان شاعرهااا ملايين
سلمت يزيد ع رووعة الانتقاء
تقديري __DEFINE_LIKE_SHARE__

قصيدة مؤلمه، وحزينه
ورحم الله امواتنا واموات المسلمين
وصح نقلك يزيد وصح انتقائك
شاكرة لك جمال السطور هنا
تحياتي لك
هوى __DEFINE_LIKE_SHARE__

فعلا قصه مؤثره..
والقصيده كانت رائعه..
وانت كنت الاروع ..يايزيد
اشكرم ع الطرح الجميل __DEFINE_LIKE_SHARE__

اقتباس : المشاركة الأصلية كتبت بواسطة الصامد [ مشاهدة المشاركة ]

قصيده مؤثره صح لسان شاعرهااا ملايين سلمت يزيد ع رووعة الانتقاء تقديري

صح كلك

يسلمك ربي ويعافيك

لا عدمناا هالحضور الذوق
كــــــــل الـــــــــود., __DEFINE_LIKE_SHARE__