روايتي ( سارة و بدر )

شجونه لي عووده لقراءة احدااااااااااث الروايه الجميييييييله __DEFINE_LIKE_SHARE__

منادي
للان الامور ماشية فعلا .. راح يمرون بأكشششن رهيب .. كن بالقرب
__DEFINE_LIKE_SHARE__

الصامد ..
بإنتظاااااااارك حياك الباري .. كن بالقرب .
__DEFINE_LIKE_SHARE__

ماشاء الله يامبدعه. .
روايتك اعجبتني. .بانتضار الجزء الخامس __DEFINE_LIKE_SHARE__

سعد الحمايل .. ربي يسعدك .. كن بالقرب ...
__DEFINE_LIKE_SHARE__

-- ( الجزء الخامس ) --

بعد يومين ...

ابو بدر : شريت الاغراض اللي قلتلك عليها ..؟؟
ام بدر : ايه شريتها خلاص جاهزة ..
بدر وخالد يطالعون فيهم ..
شروق : وش هالاغراض اللي تقولون ...؟
ام بدر : اسكتي انتي مو شغلك امور يتكلمون فيها الكبار الصغار يتمون ساكتين ...
شروق مقهورة : يوووووه يمة .. لين متى انا و وفاء بنتم صغار ؟؟؟ كل ماتكلمنا طميتينا .؟؟
ام بدر بصرامة : تأدبي ي بنت احسن لك ..
ابو بدر : وش فيك عالبنات ..؟؟ متسلطة عليهم بشكل مو طبيعي .. طالع في شروق وقالها : اسألها عن الذهب اللي شرته هدية للعروس اللي خطبها بدر ...
شروق ووفاء يطالعون ببعض متفاجئين : عرووس .. !!!!!!!
طالعوا في بدر و علامات وجيههم تبين انهم يبون يفهمهم وش صاير ..
خالد طالع فيهم وقال : من يومين ابوي خطب بنت واحد من اخويانه لبدر ...
تذكروا البنات ان قبل يومين جا بدر لغرفتهم و تكلم مع خالد عن هالموضوع وكان رافضه تمااما .. واستغربوا وش اللي غير رايه ..
وفاء مترددة وهي تحرك يدها متوترة : امممم ووووو كيف ؟؟؟ مو على اساس انك رافض ؟؟
امها تدخلت : وش حنا قايلين ي بنت ..؟؟
بدر مقهور : يمة تركيها تسأل وش فيها يعني اخوها اللي بيتزوج مافيها شي لو عرفت ... اسسسسسسستغفر الله .. وقام من مكانه و طلع برا المجلس ..
خالد يطالع في امه وهو ساكت و ابو بدر ساكت والبنات قاموا من مكانهم وطلعوا لغرفتهم قبل لا تصير مشكلة مع امهم ...
في المغرب الساعة 6 ونص ..
دخل عبدالله و في يده كرتون كبير مغلف باللون الوردي و عليه شريط كنه هدية ...
شافته امه وسألته .. : وش هذا ي وليدي ؟؟ وش اللي انت شايله وداخل ؟؟
عبدالله : وين سارة ؟؟
امه : في غرفتها ...
عبدالله : و ابوي و ماجد وينهم ؟؟؟
امه : بالمجلس عيوني ...
عبدالله : طيب يمة تعالي معي غرفة سارة ...
دقوا الباب وسمعوا سارة تقول : ادخلي يمة ...
فتحت الباب وقالت : وش تسوين ي سارة ؟؟؟
طالعت فيها ومن ثم شافت عبدالله يدخل وبيده علبة كبيرة مغطية وسطه اللي فوق مو مبين الا القسم اللي تحت ..
استغغغغغغغربت .. قامت من مكانها و طالعت وهي تقول : وش هذا ؟؟
امها : علمي علمتس يمة بس الحين نشوف وش هذا ..؟
عبدالله : هذي الهدية سلمكم الله من عريس سارة ..
فتحت امه فمها وعيونها و سارة ابتسمت مستغربة ..!!
حط الهدية فوق سرير سارة و قالها مبتسم : افتحيها ...
ابتسمت اكثر و راحت صوب الهدية و صارت تنزع المغلف الوردي والشريط ..
فتحت العلبة و طالعت وشافت الهدية داخل ورق شفاف .. بعدت الورق الشفاف وطلعت الشي قدامها وهي في قمة الفرررررحة ...
امها يوم شافت الهدية : ياااااااااااااا رباااااااااااااه ,, قسم بالله انه يهبل ...
عبدالله ابتسم اكثر وقالها : وش رايك ؟؟؟
سارة مازالت مستغربة :هاالفستان لي ؟؟؟
عبدالله : ايه اختاره لك العريس بنفسه عشان تلبسينه يوم ملكتك ...
انصدمت سارة ماتدري وش تقول و طالعت في امها مبتسمة .. امها من فرحتها طاحت دموعها و راحت صوب بنتها وحضنتها ...
عبدالله يناظر فيهم متأثر وفرحان و قالها : هااا ي عرووس ماتبين تقيسينه ؟؟؟
امه : والله مو مصدقة ان هالفستان ذوق سعود .. وش انه يهبل والله العظيم ...
كان الفستان باللون العودي البراق ومزخرف كله بخرز لولي و كريستالات براقة و مكشوف من الظهر و الياقة ملكية و طويله تغطي الرقبة من ورا و كلها ريش
ومن تحت وااااسع والزخرفة كلها ع شكل معينات وكلها تلمع من الكريستالات و داخل كل معين كريستالة كبيرة ...
طالعت سارة على عبدالله وهي فرحانة بس ماتدري وش تقول .. قالها مبتسم : يالا قيسيه .. وبكرة بجيبلك التاج و المسكة يقول لسة ماجهزوا ...
ام عبد الله : يعني تحدد موعد الملكة ؟
عبدالله : ايه يمة الخميس الجاي ( بعد 4 ايام ) .. احجزوا صالون يمة عشان تجهزينها هناك ..
ام عبدالله : من عيوني ي وليدي ..
سارة مبتسمة وخدودها حمممرااا ..
امها تناظرها وهي بتموت ضحك وقالت لها : ياجعل حظك كذا دوم مبتسم لك وافرح فيتس و في عيالتس ان شاء الله ...
عبد الله : يالا ادخلي قيسيه وانا برا انتظرك عشان اذا كان واسع نضيقه او اذا فيه مشكلة نحلها قبل يوم الملكة ..
سارة : ان شاااء الله .. وخذت الفستان و دخلت الحمام ( وانتم بكرامة ) ..
امه : سعود اللي قالك ؟؟
عبدالله : ايه هو اللي اتصل علي و طلب يقابلني عشان يسلمني هالهدية وطلب مايفتحها الا العروس ..
ام عبدالله : طيب على اساس كنت انا بفصل لها فستان عند الخياطة ... و عطيتها فلوسها مقدما ..
عبدالله : خلاص يمة ماله داعي كلميها تسوي الفستان و تأجره ..
ام عبدالله : طيب والمهر والقصر وكروت الدعوة ؟؟؟
عبدالله : من هالناحية لاتشيلين هم .. الكروت معي في السيارة شوي اجيبها لك وتوزعينها على الجيران وانا بعد بوزع على اخوياني وماجد بكلمه هو و ابوي ..
سعود سوا كل الترتيبات وانا ساعدته على الدفع مايصير لحاله هو يسوي كل شي ديون عليه وكذا مانبيه يتورط مع الديانة وهو عريس ...
ام عبدالله : اووووف .. يعني هو تسلف ؟؟
عبدالله : لاااا يمة مو مبلغ كبير يعني مبلغ حق قصر الافراح اللي بتنزف فيه العروس ..
ام عبدالله ميتة فرح : ياااربيه والله احس ان الله استجاب دعواتي ويارب انه يستجيب دعواتي و تتزوجون انت و اخوك وافرح بعيالكم ..
عبدالله مبتسم : ان شاء الله يارب ربك كريم .. والنعم بالله ..

بعد 7 دقايق فتحت سارة الحمام وطلعت وهي رافعة الفستان عن الارض كبير جدا من تحت وواسع ورووعة ...
شافها عبدالله وابتسم و طالع في امه وامها ابتسمت وهي تشوف بنتها لابسة هالفستان وجات لين عندها تساعدها من تحت عشان تقدر تمشي
وومسكة بالياقة ومغطية كتوفها بالمنشفة .. قالت وهي مو مصدقة : والله ماعرفت نفسي .. اووول مرة البس كذا ..
عبدالله : روعة والله عليتس مايحتاج له تعديل ولا شي ... ؟
سارة حركت راسها ب ( لا ) ..
عبدالله وهو يوقف : اجل عالبركة ان شاء الله .. خلاص الحين افسخيه و علقيه
بالدالوب انا الحين بطلع اجيب الكروت وارجع وبعدها بتصل على سعود ونشوف وش بقية الاجراءات ..

اليوم الثاني الساعة 7 المغرب
في بيت ابو محمد
استقبل ابو بدر و العريس و خالد و جات ام بدر معاهم وتركوا البنات في البيت لان امهم رفضت يجون معاها ماتبيهم يشوفون اشياء زي كذا لا يفكرون بالزواج و تتفتح اذهانهم
ع اشياء ماتبيهم يفكرون فيها بحسب تفكيرها وخالد حاول يقنعها ورفضت تتجاوب معاه ولا تسمع منه ..
دخلوا الرجال في مجلس الرجال والحريم في مجلس الحريم ...
عند الرجال بدر كان متضاايق وساكت مايتكلم كثير .. خالد بس حاس في اخوه ومابيده شي يسويه غير يدعيله ان الله يكون في عونه ..
اما ابوه وابو محمد و عياله ونسايبه والمعارف متوزعين بالمجلس .. بدر يطالع فيهم .. ويتساءل بينه وبين نفسه : خير ان شاء الله هذول ليش مجتمعين .؟؟
خالد يطالع فيه و يأشر بشفايفه انه يبتسم لو مجاملة مايصير هالعبوس وهالفيس المعصب .. بدر فتح عيونه يأشرله انه يتركه في حاله مو ناقص ..
مر نص ساعة ,,
حس بدر انها بسسسرعة مرت .. مااايبي يشوف العروس مو طايقها ... لانها مو اختياره ولا جات على هواه وفوق هذا كله اكبر منه في العمر ..
ابو محمد قال : والحين هااا .. نقرا الفاتحة ؟
ابو بدر : على بركة الله ..
بدر مغصه بطنه و انقبض قلبه يبي يبكي ومايعرف كيف يخارج نفسه واستسلم للامر الواقع فورا وهو يقول ( شكلها من نصيبي لامفر من الواااقع ) و
رفع يده مع الجميع يقرا الفاتحة معاهم ...
عند الحريم
ام بدر تنتظر العروس تدخل تبي تشوف شكلها من يوم خطبها بدر ماتكلم عنها قدامها بشي وواضح انها ماعجبته او انها حلوة بس
مو من اختياره ...
ام العروس : وش فيك ي ام بدر وراتس ساكتة .. اشربي القهوة ..
ام بدر تبتسم بعجرفة و نظرات تنم على ان الوضع مو عاجبها : ان شاء الله ... شربت شوي بعدين سمعت صوت جوالها و ردت : هلا ابو بدر ..
ابو بدر : العريس بيدخل يلبس العروس الشبكة حقتها .. خلاص قرينا فاتحتهم ..
ام بدر تهمس واخلاقها واصلة لخشمها : ابو بدر انا للحين ماشفت العروس .. وش يحسون فيه هالبشر ؟؟
ابو بدر يهمس معصب : اطلبي تدخل العروس خير ان شاء الله ماتعرفين تتكلمين ؟؟
ام بدر تطلع هوا طويل من صدرها : يالا يالا الحين اكلمهم .. سلام ..
قفلت الخط ..
وطالعت في ام العروس و قالت : حبيبتي متى العروس تجي .. العريس بيدخل الحين يلبسها شبكتها ...
استغربت ام العروس وقالت وهي تضحك : وي ههههههههههههه ... وش فيك ي ام بدر سلامة نظرك ..
ام بدر تطالعها بحقد .. من متى الميانة ؟؟؟
ام العروس : شوفيها هذي هي قبالك ...؟
طالعت ام بدر وشافت العروس وانصصصصدمت .... وقالت وهي تبي تبتسم بس تلاشت الابتسامة لحالة من الاستغراب والتعجب : ورا ماعلمتوني طيب انها هي العروس ؟؟
انا عبالي انها وحدة من العمات او الخالات ..؟؟
زعلت العروس من هالكلام لهالدرجة الكبر واضح عليها ..؟؟
ام العروس : لاااا مو لهالدرجة عاد بنيتي وش زينها زينة العرايس .. اسم الله عليها كلن يتمنى رضاها .. كلن يتمناها زوجة له ..توها مادخلت ال 30 ( الاصل عمرها 40 )
ام بدر : اهاااااااا .. قلتي 30 ... وليش ماتزوجت للحين دام تقولين 30 و كلن يتمناها زوجة له ؟؟؟ مالقيتوا تلصقونها الا بولدي ؟؟
فتحت ام العروس عيونها وطالعت في ام بدر وهي تقول بصوت عالي : والله عاد النصيب ي خيتي ؟؟ تبين نعترض على النصيب ؟؟
ام بدر بكبرياء : لا حاشا ي عيوني ما نعترض لكن كان لقيتوا واحد بسنها !! اللي يشوف بنتك يقول انها طقت الاربعين ... وبعد ماهي ذاك الزود والجمال .. سكتت وكملت : مسكين
ي بدر والله انك ماتستاهل اللي يصير فيك ..
ام العروس مقهووورة وتسطنع البرود : والله ي حبيبتي ولدك شافها و عجبته في هالحالة حنا مانتدخل الشور في النهاية شور العرسان ...
كل هذا وابتسام تطالع تبي تتكلم و تقول مابي هالزواج بس هنا سمعوا صوت باب مدخل الحريم يدقونه الرياجيل برا ...
ام بدر : اقول اقول ولدي بيدخل يلبسها شبكتها ,, ماقدر اقول شي غير الله يكون في عونه ولدي المسكين طاحت في كبده وحدة عانس ..
ام العروس تطالعها من القهر بس ماتبي ترد ماتبي تخرب على بنتها ماصدقوا احد يقبل فيها كزوجة بعد فوات الاوان على زواجها ..
دخل ابو بدر و بدر وابو محمد و اخوان العروس لمجلس الحريم ..
الجميع : السلام عليكم ..
الحريم وعليكم السلام ورحمة الله ..
ابو محمد : بدون مقدمات .. خلاص الحمدلله رب العالمين قرأنا فاتحة العرسان .. ان شاء الله ربي يتمم لهم على خير ونسأل الله لهم التوفيق
في حياتهم الزوجية -( ام بدر تطالع في ولدها لقته يطالع بالارض مافيه اي شي يدل على فرحه او انه متلهف عالبنت بس ساكت بدون اي تعبيرات على وجهه .. وتضايقت عشانه )-
ابو بدر : يالا بدر .. ادخل سلم على خطيبتك ..
بدر : ان شاء الله
و دخل وجا قدام ابتسام بدون مايشوف وجهها مد يده و قالها : شخبارك ؟
فررحت يوم شافته يمد يده بيسلم وحطت يدها بيده و قالت بلهفة : الحمدلله .. الحمدلله يسرك الحال .. ( وكان الود ودها تتم تطالع فيه ماتشيل عيونها عنه مو مصدقة ان عريسها بدر الوسيم
اللي كل البنات يدورونه دوارة .. )
بسرعة سحب يده من يدها وهي استغربت من الحركة و التفت صوب امه وقالها : يمة الشبكة ...
شافت وجهه كيف عابس مو عاجبه بس مستسلم .. وقالت في نفسها : ياعزتي عليك ي ولدي و على حظك الاقشر .. اخرتك مع عانس ...
طلعت علبة حمرا من الشنطة و جات جنبه ... وفتحتها له .. طلع بدر الخاتم و مسك يد ابتسام اليمين و لبسها الخاتم بسرعة وهي مستغربة ليش عابس كذاا ؟
و بعدين مسك السلسلة و لبسها للبنت بعد بسرعة بس تورط عند القفل حق السلسلة وطلب من امه هي تسويه .. و رجع جنب ابوه وهو عيونه بالارض وساكت ..
ابوه مستغرب ويهمس له : وش فيك كذا قدامها .. طيحت وجهي الحين .. تراهم منتبهين لحركاتك هذي و قالي ابوها اذا مايرغب في الزواج خلاص نلغي الموضوع و موضوع
الصفقة بيشوف غيري ...
بدر يطالعه يبتسم بسخرية و عيونه فيها الدموع : بتتم الصفقة يبة .. بتم .. لاتشيل هم ابد من ناحيتها ...
ابو بدر شاف عيونه و تم ساكت مارد عليه ..
بعد ما خلصت ام بدر من قفل السلسلة همست في اذن العروس : تأكدي ان ولدي مغصوب عليك عشان يرضي ابوه بس ... لاتفرحين فهمتي ...
انصدمت ابتسام من هالكلام اللي قالته ام العريس .. بعدت عنها ام بدر وقالتلها بحقد مع ابتسامة : مبروك ي عروسة ..
و راحت جلست في مكانها وابتسام مازالت منصدمة من اللي سمعته و الحريم يسلمون عليها و يباركون لها وهي ترد عليهم وبالها مع الكلام اللي قالته ام بدر ...
سمعوا ابو محمد يقول : و ترا الملكة خلاص يوم الخميس اللي جاي .. راح يتم توزيع الكروت على الجميع و تعزمون كل احبابكم و اصدقائكم ...
و سلم على بدر و باركله وابوه بعد سلم عليه وباركله وطلب منه يتصدق لو بابتسامة لكن بدر على حاله ساكت مايرد ..

في الليل الساعة 2
ابتسام راقدة ع سريرها و تفكر باللي قالته ام بدر ..
هي ماقالت هالكلام الا لانها ماتبيني لولدها يعني اسلوب تطفيش .. بدر يبيني انا متأكدة ولا ماكان وافق فيني و في وضعي و عمري ..
سكتت شوي و قالت : لالا فعلا مايبيني .. انا ما اناسبه لا في الشكل ولا في المعاملة .. فرررق شاسع بيني وبينه ..
هو وسيم وش حلاته كل بنت تتمناه من نصيبها .. كان كل الوقت يناظر بالارض و عابس و من فوق خشمه يرد ..
بس حقدت على ام بدر كيف قصفت جبهتها و استخدمت اسلوب الدق بالكلام .. وقالت في نفسها : اذا الله اراد النصيب انه يتم .. بطلع عيونك من
مكانها ي ام بدر .. هين .. مردي برد لك الصاع ب 10 ... ماراح اتكلم عن اللي قلتيه لي ابد ماراح اتكلم .. بس بتكلم في الوقت المنااااااااسب ...
وقفلت الانوار بغرفتها و راحت في سابع نومة ...

يوم الخميس في الصباح .. الساعة 9

سمعت سارة صوت جوالها يدق ...
طالعت في الساعة لقتها 9 ... و مسكت الجوال لقت المتصل مروج ..
عدلت جلستها و ردت : الوووو هلا مروج ..
مروج : صبااح الخير ي عرووووس ...
سارة مبتسمة : صباح النور هههههههه ..
مروج : هاااااا توك صاحية ؟؟ توك صاحية .. والله كنت عارفة انك بتتأخرين لين تقومين من النوم ..
سارة : وش اسوي امس راجعة متأخرة من الصالون خلصت تقشير بشرة و باديكير ومانيكير مدري شيقولون عنها .. المهم رجعت الساعة 1 الليل
وتعبت هناك بغيت انام عالكوافير . حتى امي نامت هناك المسكينة عزي عليها ...
مروج : اوووه حياتي والله ... طيب يالا قومي صلي ركعتين واسألي الله من فضله عشان يباركلك هاليوم .. اليوم انتي فرحتنا ..
سارة مبتسمة : ان شاء الله عيوني .. بس متى بتجين البيت عندي عشان تساعديني ننقل الاغراض للقصر ..
مروج : لاتشيلين هم .. قبل شوي اخوي اخذ كراتين المناديل و التوزيعات وكل اغراض الضيافة للقصر يعني انتي ارتاحي لاتتعبين .. وراك فستان بتمشين فيه ي مسكينة ثقيل
عليك ..
سارة : هههههههههههههههههههههههههه الله يرجك ...
مروج : ههههههههههههه ... اسمعي ي عسل ترا امك في القصر مع اهل العريس يضبطون الطاولات و الزينة و الكوشة .. امي وام ليان راحوا هناك بعد ..
سارة رفعت شعرها عن عيونها مستغربة وقالت : يوووؤ ...!! ورا ماعلمتني امي ؟؟؟
مروج : تقول انها طقت باب غرفتك انتي مارديتي وتركتك تنامين ..
سارة : ياويليه .. طيب طيب اقفلي انا الحين اتصل في امي اشوف ..
مروج : اوووك باي ..
دقت ع امها ,,
امها : هلا ببنيتي العروووس ,,, توني كنت بدق عليك بصحيك من النوم ..
سارة مبتسمة : صباح الخير ي احلا ام في هالدنيا ..
امها : يا لبى قلبك عيوني صباح النور .. ها توك صاحية .؟
سارة : ايه توني صحيت على اتصال مروج .. قالتلي انك رحتي القصر ...
امها : ايه ي قلبي نضبط الكوشة و الورود نوزعها و الخدامات في القاعة ماقصروا قاعدين يلفون الملاعق و السكر في مزهريات صغيرة ... عقبال بس اجهز ليوم عرسك
ان شاء الله وافرح فيتس ي قطعة مني ...
سارة : فديتك ي هلي ي يمة الله لا يحرمني منك ان شاء الله ...
امها : امين يارب .. يالا حبيبتي قومي غسلي وجهك و توضي وصلي ركعتين و كلي لك لقمة و تجهزي عشان ناخذك للصالون ... حطي فستانك في الشنطة والتاج انتبهي عليه ..
سارة : من عيوني يمة ابشري ..
قفلت عن امها الاتصال و اول ما قامت من فراشها بتروح الحمام - وانتم بكرامة -
الا تشوف اقتحام غرفتها من اخوانها عبدالله وماجد و ممسكين بالطيران و يطبلون حولها وهي منصدمة وتطالع فيهم
ويغنون و يطبلون ويلحنون بصوتهم الحلو :
الف الصلاااة والف السلااااام( فاصل دق بالطيران ) -- و يكملووون ... الف الصلاااااة والف السلااام على النبي سيد الانام .. صلوااا معاااانا يا كرااام ..
الف الصلااااة و الف السلام على النبي سيد الانااااام .. مايطيب اللقا الا بحلو الكلااااااام .. صلووووا معاااانا ياكراااام ...

ابتسمت سارة رغم المفاجأة وصوت الطيران مغطي عصوتها وتمت تسمع صوتهم وهم يزفونها في الصباح و بعدها انفججججرت بالضحك عليهم .. عبدالله وقف الدق
بالطيران وقال ل ماجد : توقعناها تعصب علينا انا وانت لكن خاب الظن ..
ماجد : ايه والله كنا بنزعجك في نومتك لكن طلعتي صاحية ي مال اللي مانيب قايل ..
سارة : ايه بالله انك ادوشتوني بصراخكم و ازعاجكم ذا .. منظركم كلاااااام ..
عبدالله يغمز ل ماجد .. و يرجعون يدقون بالطيران دق احترافي و غنوا بصوت رايق و رهيب :
اقبلت احلا العرايس .. اقبلت و النور معها .. اقبلت والنور معهاااااا ..
و يمشون حولها : اقبلت احلا العرايس .. اقبلت والنور معها ...
اقبلت احلا العرايس .. اقبلت والنور معهااا .. اقبلت احلا العرايس .. اقبلت والنور معهااااا ..
حسنها در النفايس .. كنها شيخة زمنها
بقدرة الله محروسة .. يا احلاااا عروسة .. يا احلاا عرووسة .. و لاااا إله الا الله ,,,
الف الصلااااة على محمد .. ولا إله ألا الله .. الف الصلاة على محمد ..
اقبلت احلا العرايس .. اقبلت والنور معهااااااا ...
اقبلت احلا العرايس .. اقبلت والنور معهاااااااا ...
و لا إله الا الله ... الف الصلاة على محمد .. و لا إله إلا الله .. الف الصلآآآآآآآآة على محمد ..

سارة تطالع فيهم و تأثرت حيييييييييل من الفرحة وطاحت دمعتها و عرفت شكثر هي غالية عند اخوانها وماسسوا كذا للازعاج .. فرحانين فيها انها بتتزوج ...
وحبوا يكون اول يوم لها من حياتها الجديدة مع سعود تكون بشكل يخليها تتذكر هاللحظات الحلوة للابد ..
شافوا دمعتها وهي تطالع فيهم مبتسمة .. نزلوا الطيران و حضنوها وهم يتمنون لها السعادة الكبيرة مع اميرها الجديد ...

تابعوني لمعرفة المزيد من الاحداث الشيقة ...

__DEFINE_LIKE_SHARE__

رائعه يا شجووونه ورواياتك اروع

اشكرك __DEFINE_LIKE_SHARE__