دموع عيني عنك ساترها

إي والله انّي آخافك وآمنك وانّي :
احبك .. من اول الدنيا الى آخرها

قل للزمن يبتعد لا يبعدك عنّي ،
وقل للمشاوير توقف لا نسافرها !

وانقذني ارجوك من تخميني وظنّي ،
تعبت اكبّر وساويسي واصغّرها

اجيك مرهق ومتضايق ومتعنّي ،
واروح ودموع عيني عنك ساترها

ودّي اعلمك بـ همومي ولكنّي :
اخاف اعلمك فيها .. ما تقدّرها !

وانا حياوي وطبعي من صغر سنّي ،
افارق الناس .. قبل اجرح مشاعرها !

آحس باحساس تعبّني وجننّي ،
ليت الاحاسيس تتصوّر واصورها

ودّي تشوف بعيونك كيف تحزنّي ،
فكرة : لو تصير ذكرى واتذكّرها !

خذني على قد تفكيري وطمنّي ،
واحلف وكثّر من حلوفك وكررها !

احتاجك تكون حاجه ضايعه منّي ،
ذخرتها لجل بـ انسى وين ذاخرها ؟

يمكنّي اخاف لا اخذها ويمكنّي :
ضيّعتها من يدي عشان ادورها !

__DEFINE_LIKE_SHARE__

صح لسانه
اشكرك على النقل
تقديري __DEFINE_LIKE_SHARE__

اجيك مرهق ومتضايق ومتعنّي ،
واروح ودموع عيني عنك ساترها



بالصمييييييييم
صح الله لسان شاعرها
وتسلم يمينك رموشه ع الذوق
تدوم مسراتك __DEFINE_LIKE_SHARE__

صح لسان شاعرهااا ملايييين
ابدعتي رمش في النص الرائع
دام عطائك __DEFINE_LIKE_SHARE__

شاكره مروركم الرائع وصحت ابدانكم
دمتم بسعاده __DEFINE_LIKE_SHARE__