مجــلـــس الشـــــعـــراء

ارحبو في مجلسنا الجديد
ارحبو الف اخواني الشعراء المميزين في هذا القسم خذو راحتكم في
السوالف وكل واحد يعطينا علومه واخر جديده
اخوكم / فهد الظويفري __DEFINE_LIKE_SHARE__

[poem=font=",6,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
يامرحبا في مجلس الشعار= اللي نداء قبل امس وصآبه
مجلس كبير وياسع الحضار= اهل البلد واللي من اصحابه
فيه الرجال تدوَر الاخبار= والكيف مصبوبن لشرَآبه[/poem]

بيض الله وجهك يالظويفري ع هالمجلس الطيب اللي يجمع اهل الطيب والشعر واللحى الغانمه شروووواك
بس الظاهر صاحبنا نداء بيقلبه مشب هههههههههه

__DEFINE_LIKE_SHARE__

ابك البقاء يالمرحب
والله يجعل هالمجلسس عامر بـ أهله أن شاء الله
والله يا اخواني انه جاني عقدة من كلمة دردشة ،
هههههههههههههههه
ياليت تغيرونها بأي شي ثاني

__DEFINE_LIKE_SHARE__

هلا وغلا يالله حيهم في المجلس
سحاب بيتك هذا ماله الا نداء اذا حضر
وصح لسانك يالقرم
صقر ابشر بسعدك يالذيب انت تامر امر طال عمرك
ما طلبت شي .. على طول وبدون تردد نغيره
وبعدين الليله يمكن اسافر لا وصيكم على القسم
ياني مشيت الليله ولا بكره بعد الضهر الابل لي عنها 45يوم __DEFINE_LIKE_SHARE__

بيض الله وجهك يافهد علي الحرام انك سنافي وسحاب صح لسانك على هالبيات الوافيه

شبه النا ضروري ياسحاب وفله الحجاج والعلوم الطيبه بوجودكم انت والربع

لكن ياسحاب احسب حسابك مع فهد الليله ترى فهد بدون معنى مايلعب
هههههههههههههههههههههههههههههه

وانت ياصقر العتيبي ابيك بموضوع لكن مدري متى - __DEFINE_LIKE_SHARE__

هلا وغلا

يا نداء والمجلس على شانك فتحناه وانت تراك القاضي

انا معينك من الحين اي دعاوي بين الشعار انت اللي يقضي فيها

وانا راضيبك قاضي المجلس

اما سحاب جاب بيوته سطحيه والضاهر اني اذا ما سافرت ابي اجاريه

ههههههههه __DEFINE_LIKE_SHARE__

فهد الابل شوفته هي الاناسه والله يلوم اللي يلومك ومعذور اذا رحت للذود لاتستاذن

يقول شاعرً من الربع أسمه رضا طارف الشمري

كب الغنم واتبع هوى خضع الروس=الابل مشطرت الفتى عن بغيضه
الابل لاحسك من الوقت محسوس =تقطع وسيعات الفجوج العريضه
قصيده طويله
لك تحياتي يافهد وجميع من حضر __DEFINE_LIKE_SHARE__