اسوق خطاي

31-12-2016, 02:52 PM

على دربي ولو دربي طويل احث عزمي له
اسوق خطاي واطويها المسافه ماقصرعزمي
اوخـر من سنــين العمر فايتها ولا ارجي له
ولا اخـذ من تفاصيل الحياة الا الذي قسمي
كثير من البشر عيت سنين العمر تصفي له
فصول العام حول اربع وكلن يعشق الوسمي
ومن عاش السنه كل الفصول الاربع تجي له
نهار وليل والتوقــــيت واضح منهجه رسمي
بتدبيــر الحكـــــيم اللي كتابه صــعب تآويله
وبأمره يحيي القــــاع الهشــيم وعشبها ينمي
وانا ماني معاتب واحـــدن جملة محاصــيله
رضـــع در الخطايا مـــع حليبه قبل ينفطمي
وليش اتعب واتابع من يلوك الهرج واصغي له
انا لساني حصاني ما اتركه يطغى ولا يزمي
ومن بلبل لســـانه شـــــاف من وقتــه تهـاويله
مصيره ياخـــذ الناتج نهار الفصل والحــزمي
وانا دربي طــــويل بدايته تخـــفي تفاصـــيله
واحث خطاي لدرب الطويل ولا قصر عزمي
،،
الغانم