ديوان الشاعر اسعد الروابة

بعلبك

المطر غطّى الدروب وصرت انا درب ومطر
لطريق اللي يوديني على بعلبك شمال


والرياح اللي تهزّ الغيم واغصان الشجر
تجلد عظامي بْسوط البرد واخطي بانفعال

وصوت فيروز بْحنيني يمتزج ثلج وجمر
(يا جبل لبعيد خلفك) انتهت أحلى الليال

واّنا امشي/ وامشي وامشي وصارت السكه عمر
والطريق/اسفلت واطرافه حصى وطين ورمال

وكل ما مريت (قريه) تلتحف غا بة شجر
غافيه بين الدروب وهايمه مثل الخيال

ترتسم في ذكرياتي جملة اطياف وصور
وادري ان اللي في بالي(غالي )وصعب المنال

ويوم راح الغيم يبعد والسما صارت بحر
والمطرسافر جنوب وصار للغيمة ظلال

استرحت بْجنب شجْرة نايمٍ فيها الدهر
وفجأة شفت الشمس طلت تبتسم بين الجبال

وعند ذاك الغصن الاجرد قمت اسافر بالنظر
واّتذرّى بْمعطفي ثم انطفي والحال حال

واّتخيل دمعة عيون الحبايب تنتظر
كنها تصرخ علّي بغفوة عيوني تعال

(مهجتي قد قدّها من ذا النوى رمح القهر
واستباح الحب دمي ودموعي ثم قال

كيف ياهذا المفارق كيف تذعن للسفر
ثم ابحرت بصمتي عن متاهات السؤال)

وابتديت اّحس بالدفئ يتنامىبالصدر
وانتفضت بْغفوة دموعي وشديت الرحال

ويوم لاحت (قرية) اليمّونه) عند المنحدر
وصارت الشمس البعيدة مثل شجْرة برتقال

شفت أضواء المنازل كنها نجمٍ ظهر
وانحدرت اّجر خلفي ثلج/ واشجار/ وجبال

وصوت فيروز بْحنيني مختلط ثلج وجمر
(يا جبل لبعيد خلفك ) انتهت احلى الليال __DEFINE_LIKE_SHARE__

حنان

تعال اقعد وافضفضلك عشق وسط الحشا وهوجاس
صديقي واسمع امالي وآلامي وتأملها

أب اوصفلك حنان بقدها الممشوق والمياس
اب ارسملك ملامحها وعليك انت اتّخيلها

عليها خدود وش بيض الحمام ابيض من القرطاس
عليها عيون واهداب وقوام الله مكملها

تخيل يوم تضحكلي وتسلهملي غنج ونعاس
ومع الضحكه تعض شفاهها؟؟؟؟ وتنثر جدايلها؟

يفز العشق بضلوعي واباريها بدون احساس
توصلني الجنون بزينها المجنون واسألها

اقول : بربك اللي اعطاك زين بلا قدر وقياس
وحطك في وسط قلبي سعاده مقدر آصلها

تحبيني ؟ تقول : بكثر ما بالارض رمل وناس
واحلفها من الفرحه وانرفزها وامللها

وحتى بالزعل تحلى !! تصير بروعة الالماس
تصدقني بعض مرات انا اتقصد وازعلها

تهب عطور من مفرق شعرها ،عذبة الانفاس
مثل عطر المطر لا عانق التربه وبللها

حنان اجمل بنات الارض واصدقهن دفا واحساس
حنان بنضرتي هي اخر الدنيا واولها

اهني الريح لا هبت لاراضيها واهني النا س
واهني هالجبال اللي قريبه من منازلها

تفارقنا مثل فرقا الجسد والروح هم وياس
بكت ضحكه ضحكت دموع لحضه ما تخيلها

يا ليت الله يجمعنا بعد هالبعد راس لراس
واغيّبها عن الدنيا وهي دنياي باكملها __DEFINE_LIKE_SHARE__

وداعاً حنان

عيدين عدّن لا لقا لا مراسيل
لا كلمةٍ تحيي يباس الأماني

تستعذبين البعد ياعذبة الجيل
وأنا اتعذب يابعيده واعاني

بس الدموع اتجاوب القلب واتسيل
والشوق جمرٍ يحترق بالمحاني

ياليت حبك حلم واقفى مع الليل
ليت السوالف ما تعدت لساني

وين ابتعد ياوجهتي وين ما اميل
عن حبك اللي وين ما ابعد لقاني

انتي السوالف والمطر والمواويل
وانتي الربيع بطلته والأغاني

الناس صاروا في غيابك تماثيل
والشعر ماتت فيه روح المعاني

(حنان) لا حّل المسا وأقبل الليل
أذوب من وجدي عليك وحناني

ما غير اعزي دمعتي بالمناديل
وانام بحضان الأمل والأماني

__DEFINE_LIKE_SHARE__

أم العيد

العيد هل وفاحت ورود الايام
لاح المسا -ولازلت انّقي تعابير

كل عام (ياام العيد ) ياعيد الاحلام
وانتي بخير وقبلة الحب والخير

ياللي بقربك كن ليلي يمر شام
وصبحي يتنفس مثل صبح العصافير

عيدك مهو بس يوم واحد وسط عام
عيدك بقلبي ياحضين الدفا غير

لليوم مااجر الوسايد ولاانام
الا وصوتك يسقي الحلم ويطير

وارمي عليه هموم قلبي والالام
واغرف حنان وحب من قلبك البير

ولو ابتعدت وغبت بدروب الاوهام
ارد لك بعد التعب والمشاوير

ولو طرت عنك في بساتين الاحلام
للعش مهما _مهما يبتعد_ يرجع الطير __DEFINE_LIKE_SHARE__

نكهة العيد


العيد.. له.. نكهة.. طعمها... غريبي
--------------- ما ذقتها.... الا يوم...... لقيتها فيك
/
/
/
اقبلت... يمي... مرحبابك.... حبيبي
--------------- كل عام وانت قبال عيني.... واهنيك
/
/
/
اهديتني باقة..... ورود......ٍ وطيبي
--------------- ومحتار يا وردة حياتي.. وش اهديك
/
/
/
اهديك.... قلبي منت.... قلبي وحبيبي
--------------- قلي وش اللي يا هوى البال يرضيك
/
/
/
نعم... احبك... يالغصين.... الرطيبي
--------------- واحب.. طاري.. من.. يجيني بطاريك
/
/
/
وابيك... دايم... من.. عيوني.. قريبي
--------------- تروي ضما قلبي.. من الحب وارويك
/
/
/
من فرحتي بك.. ادعي انك... نصيبي
--------------- وكل نبضةٍ بالقلب..... باسمك تناديك
/
/
/
انا اشهد انك..... يا مدلل..... طبيبي
--------------- تعال والمس جرح الاشواق... بايديك
/
/
/
عاهدني .... انك ما تروح.... وتغيبي
--------------- يا شمس طلت من عيون ... الشبابيك
/
/
/
واعاهدك..... للموت..... تبقى حبيبي
--------------- وللموت.... ماخون المحبه... وابكيّك __DEFINE_LIKE_SHARE__

حبة حبة

عيدها بشويش...........يانبض المحبه
.............................................خلني اسمعها........... بترتيب وهداوه

قول احبك..من جديد......وحبه...حبه
...........................................طالعه من شفتك...........آخر.....حلاوه


يانهر من شهد.........بعروقي..مصبه
..........................................اشهد ان حبك.............مع دمي تساوى


وياسبايب..جرحي الغالي.......وطبه
........................................ما ابي جرحن ..... يجي منك ايتداوى!!!!!


كل شيً منك............يسعدني واحبه
...........................................حتى برد صدودك.......ونار القساوه


يا حلاتك......يوم بالورد......اتشّبه

........................................بك..(حنان) ...وبك دلال.....وبك شقاوه


من كثر ما اشتاق لوصالك..واحبه
.......................................وين ماامشي.......وجهك ابعيني تراوه


ويوم اشوفك...كل عرقن بي تنبه
..................................... واشعر..بقلبي من ضلوعي.....تهاوى


عيدها..داخل على الله..حبه حبه
.................................... طالعه من شفتك......آآآآآآآآآآخر حلاوه __DEFINE_LIKE_SHARE__

ابتهال ( ياالهي)

طول ليل البارحة وانا اتفكر بالخلايق
وآتأمل عجبة الكون وجماله واتساعه

وآتساءل كيف هذا الكون متناسق ورايق
وآتعاظم قدرة الخلاق واخشع لابتداعه

وتتجلى حكمتك يارب وتبان الحقايق
وكل م(ابحر) في عظمٌتك زدت خوف وزدت طاعه

ياألهي....والجوارح خاشعة..والدمع سايق
والفرايص ترتعد ..والخوف.. يلويني ذراعه

ياألهي مالقيت لفرجة الكربة طرايق
إلا وآنا بين اديك ورافع (ن) كف الضراعه

عبدك اغوته الحياة ..وجا..يجر الذنب تايق
تايق لعفوك يربي وتايق تثّبت طباعه

عبدك اللي ماترك فرض(ن) وسنّه.......ولاتوايق
في عيوب الناس...ويناجيك..ويصلي جماعه

ياألهي كل مااحس بٌطريق العيش ضايق
التجي لك مالتجي لغيرك..وانا كلي قناعه

وتنفرج لي وتصبح الدنيا مثل ورد الحدايق
لكن النفس تأمر بالسوء واحياناً مطاعه

ربي لاتجعل مَابيٌني وبين مغفرتك عوايق
وانثر بقلبي ضياء الدين وبروحي شعاعه

طالبك لاجا نذير الموت..تمهلني دقايق
للشهادة..وهوّن السكرة..وألهمني الشجاعه

ربي بجاه الحبيب المصطفى...سيد الخلايق
تغفر ذنوبي..وتجعل لي على ايديه الشفاعه __DEFINE_LIKE_SHARE__