يازمن العجايب وش بقى ماظهر ..!

.
.


مساؤكم انا :)

في البدايه اسمحولي بأبتعد عن طرح موضوعي
بالفصحى .. ابي اخذ راحتي بالشجب والتنديد والله يا تسبدي مندبله ..!
من شين اشوفه ..!الحريم ماعاد فيهن حيا والرجال ماعاد فيهم غيَره (الا من رحم ربي )..!
اشوفها طاقة اللثمه ونص الوجه طالع هذا غير العباية اللي مثل قلتها ..!
مفتوحه من قدام مع سبق الاصرار للاغراء واللبس نص الساق او ارفع شوي ع حسب حياها والفرجه بلاش
واه واويلاه يوم هب الهوى الله يرحم زمان ماتبان الكراعين الا مع الهبوب الحين بدون
هبهبه ظاهره للعيان ..! انا ما ادري والله ايش تسفيد اللي تعرض نفسها بهذا الشكل .؟!
تفاصيل جسمها يشوفها مية واحد وين الحيا وين غيرتها على نفسها
واللي قاهرني اكثر اللي تكون بهذا الشكل وجنبها واحد لوح شنبه نص وجهه ..!!
والله العظيم يالشنب في وجيه بعض الرجال حرام .!! والمصيبه يسوي نفسه يغار مايحب احد يعرف اسمها ..!
لكن يتفرج عليها عادي ..! وش هالتناقض الغبي ..!!
حتى الهيئه تغيرت ماعاد لهم اي دور .!! اول الوحده ماتقدر تكشف عيونها
كانو يلفون ب الاسواق واي وحده كاشفه عن الزنن يلبق جنبها الشيخ ويقول استتري جزاك الله خير
وهي تستحي وتسمع الكلام بدون مرادد وقلة حيا
تعلمني امي الله يطول بعمرها في عهد الملك فيصل كانو رجال الهيئه
اذا شافو وحده رفعت العبايه وبانت الكرته << لازم تدخلكم جو الماضي بكل مافيه
لاحظو ايش قلت ملابسها مو سيقانها .!!!! ماتدري الا و الباكور يغطرف بين متونها ..!
واحلالاه لو انهم للحين كذا وقسماً بالله ماعاد نشوف هالعينات التعبانه ..!
لكن للاسف كل شي تغير ولا ادري ايش اللي موت الغيره بقلب اغلب الرجال ..!!

وبس ..!! __DEFINE_LIKE_SHARE__

حياك الله -
مافيه شي تغير- الشمس هي الشمس والنجوم هي النجوم والارض هي الارض -
اللي تغيرالعقول واذارفع القلم اخذ العقل اجازه مفتوحه ليوم يبعثون -
الشنب في ذمة الهاويه اصبح متساوي مع شنب الجربوع -
خلاصة الموضوع -
لا ينسلخ من جلده إلا البهيمه في المسلخ - ومن ينسلخ من جلده فهوبهيمه -
من لايعتزبدينه ونفسه فهوميت في جلد حي يعيش على الهامش باالحياه لا قيمه له -
شاكرلك

__DEFINE_LIKE_SHARE__

موضوع رائع يالديم
لان دعاة التغريب والاعلام المنفتح يصور لهم ان المستتره متخلفه ومدعاه للسخريه والجيل الاخير مسكين وغلبان وسريع التاثر وكل جيل اردى من اللي قبله وراح يجي جيل خلاص معاد فيه عبايه نهائياً .. اما الهيئه فتم تقصيص اجنحتهم !! المصيبه ان الغرب يحترمون المسلمه وشاهدت عدة لقاءات مع من دخلن الاسلام من الغرب ويتحدثن عن وضعهن السابق المزري وان اجسادهن للعرض وبعد اسلامهن يتحدثن عن وقار وحشمة اللباس الاسلامي .. اما الاشناب يخلف الله معاد فيه اشناب والحين اللي له شنب متخلف عشان كذا يواكب الموضه لاشنب لاغيره .. اشكرك __DEFINE_LIKE_SHARE__

أولاً : أشكرك أختي الديم على طرحك المميز
ثانياً : من أهم أسباب التبرج وقلَّت الحياء هي التربية الأسرية والبيئة المحيطة وكذلك ضعف الوازع الديني
تحياتي وتقديري __DEFINE_LIKE_SHARE__

طيب… اذا قلنا من اهم اسباب هالتبرج وقلة الحيا..
هي التربيه من البدايه… ونشأتها الغير صحيحه..

طيب هي لما تروح بيت زوجها.. وش يكون دور هالزوج..
اذا كان (ماعندك احد) . حيماشي زوجنته ع ماهي تربت عليه وحيواكب الموجه.. ..
اما اذا كان الزوج كفو.. وونعم.. راح يغير من طريقة لبسها وتبرجها...وراح يمشيها ويعلمها ع الطريق الصحيح..

ولكن ابيكم.. تسمعون مني هالقصه.. وهي حقيقه..
وهي قصه بصراحه يندى لها الجبين..

امرأه اتصلت ع احد الشيوخ الكرام في برنامج يبث ع قناه تلفزيونيه..
وكانت تسأل وتقول: -
ياشيخ اجبني مالعمل.. !!!
اذا كان زوجي ينهرني ويشتمني اذا جيت رايحه معاه وانا محتشمه ولابسه عبايه مغطيه جسمي بالكامل.. سواء في السياره او في السوق ..
حيث انه يقول لي ..
رجاء اذا جيتي معاي يااما تكشخين وتلبسين عالموضه.. ولا لا تروحين معي.. ابي وحده انثى تمشي بجنبي مو خويي يمشي بجنبي..

تخيلوا معي.. هذا النوع من الرجال..
ياشيـــخ ..الخلا ..بس الخلا..

موضوعك جدا جميل يالدبم اشكرك و اهنيك عليه.. __DEFINE_LIKE_SHARE__

هلابك ياالديم
والله كلامك ماعليه خلاف كلام سليم
مئة بالمئة رايتها بعين امي هذه السطور
الحقيقيه لا ادري اين الحياء اين الخوف
من الله يوم الحساب حقيقةابصم لها بلعشرة
اشكرك غلاتي على هذا القلم المميز
تحياتي لك
هوى روحي __DEFINE_LIKE_SHARE__

:(
على الاحتشام والحياء السلام
عباه ملفووفه كانها بشت تحت يدها والسيقان لازم تطلع فوق كل هذا
مايصير السيقان تطلع بلبس لازم شي قصير تكون مجهزته لمووديل العباه!!
عشان كل رجلها تبان نسئل الله الستر والسلامه لنا ولبنات المسلمين
واذا كانك تشوفين لثمه زين اهون ، انا ماعاداشوف ناس تتغطى اصلا
هذا من ضعف الوازع الديني الله لاتبلانا لو في خووف من الله ماسووت كذا

نرووح المطاعم نشوف ذي البنت فل ميكب كانها رايحه عرس وبجنبها وحده بكرشتها حامل جنبها
وجنبها وحده بولدها او بنتها وبرضو نفس الديزايين !! بالساعات جالسات وصووت
الضحك يملئ المكان وسوالف ماتخلص بصووت عالي من باب صديقات ومتقابلات
وطالعين كووفي نغير جو !! ووين امهات واباء هالبنات ووين ازواج هالحريم !!

وانتو انتظرو سراا بقائمه الانتظار والله الطاولات ممتلئه محد خلص؟!
والله وهالشلل الي تارسين المكان وطالبين كم قطعه كيكه وكابتشينو وجالسين 4ساعات
ورا ماتلتقوون في بيت وحده فيكن استر لكن وارحم لغيركن بدل هالطلب الي اسم طلب طالبينه
اذا كان هدفكم بث بلاكم وفتنكم بالمكان !! دائما اردد هالكلمه يالله لاتبلانا وتستر ع بنات الجميع


والا وحده بنتها طول الباب وتخليها موودل وتترقص لك ع المسرح وكل يومين
عندها جلسه تصوير مع مصوور ويمسك يدها ويعلمها والا يحضنها من باب انها موودل تصوير !!
بتكبر البنت هذي بتكون عندها حياء او خووف من اي رجال غريب يمسك يدها بيوم؟!

انووثه والرجووله صارت بالحضيض ي اختي للاسف
احنا بنهايه الزمان والقابض ع دينه كالقابض ع الجمر
ونسئل الله الثبات والستر


/

مشكووره ي الغلا ع الطرح
يعطيك العافيه
__DEFINE_LIKE_SHARE__