(( ديــواان بنت الحمايل ,, في عــيال الحمايل ))

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]




لاتحسب اني من عنا البعد محروق=واليا ذكرتك لحظة ٍ خاطـري ضـاق
شخص ٍ هواه بلا مزايـا ولا فـروق=مالـت عليـه عــداد مــا لاح بــرّاق
شخص ٍ بليدٍ والعقـل منـه مسـروق=استخسر الدمعـه بحقـه و الاشـواق
شخص ٍ حياته مابهـا حـق وحقـوق=يبـلاه ربـي بالعمـى وسـط الأحـداق
ماهمني غيابه ولا هوب لـي عـوق=ولاهز لي شعـر ولا مـسّ الأعمـاق
إلا الكرامه امرها مـا هـو بمسبـوق=من دونها ترخص طويلات الأعناق
وانا عرفتك لا حشيمـه لـك ولاذوق=اهلك شيوخ ٍ مير طبعك بلا اخـلاق
مني نصيحه ياولد شوف لك سـوق=تعرض بضاعة خافقـك جـلّ ودقـاق
امـا اعيـش وهامتـي للسـمـا فــوق=والا أموت بعزتـي دون مـا انسـاق
[/poem]


[align=center]
[/align] __DEFINE_LIKE_SHARE__

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]




يابنت ياللي كل خافـي كشفتيـه=وامسى حجابك زينـةٍ تلبسيهـا
ليتك على لف الشعر مانقضتيـه=فوق الكتوف وشيلتك تسحبيهـا
كنك ببشتك كل شـيٍ وصفتيـه=وصار الغطـا نظـارةٍ ترتديهـا
ذنـبٍ كبيرٍعنـد ربـك فعلتيـه=طوع ٍ ونفسك بالخطـا تتبعيهـا
يابنت وين الدين عنّـك بعدتيـه=وسلوم ربعك كيف ما تحفظيهـا
بنت الحمايل اسم وانتي حملتيـه=وروحك على وضح النقا تحمليها
اسم الحضاره مبهـمٍ مافهمتيـه=ودام الحضاره جرف لا تقربيها
خليك دره والخفا لـو كشفتيـه=تصبح حياتك فرجةٍ ترخصيهـا
[/poem]




[align=center][/align] __DEFINE_LIKE_SHARE__

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]




ماهو بذنبك...ذنب قلبي والاسباب=اني هويتك غصب عنك وعشقتك
القلب مغرم وانت قلبك له احباب=غلطة شعوري خانني ما فهمتك
صدّقت نفسي وانفتح للشقا باب=حسبت همي انتهى لمّا عرفتك
وقتى قضى نصّه تخاريف وعتاب=احسب جنوني يعجبك واني عجبتك
يكفي عشانك عفت ربعي والأقراب=وعشت الأماني في وجودك وعشتك
واليوم بان العلم وخاطري طاب=وبانت حقايق قدم عيني وشفتك
ضيعت روحي في متاهات الأغراب=لا ابوه لا ابو الحب يوم ٍتبعتك
كل ماذكرتك راح فكري ولا جاب=لا عادها من ساعة ٍ فيها ذكرتك
[/poem]





[align=center][/align] __DEFINE_LIKE_SHARE__

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]




قلبي طواه العشق طي القراطيـس=وحالي سقيم من عنا البعد يانـاس
شوقي بصدري ثار كل الهواجيـس=شوقي لعينه صاحبي مالـه قيـاس
غلاه عندي زاد وهج الأحاسيـس=وصدق المشاعر مابها شك ٍ وبـاس
طيري انا بالشكل فـاق المقاييـس=فوق الطبوع النادره شاعر احساس
منه الأمل يضويني ضيّ الفوانيـس=رغم الشقا والضيم قبله والأتعـاس
ابهج سنيني بعد كانـن معابيـس=دق الهموم بضحكته دق الأجراس
بيده جلى دمع العيـون المحابيـس=وبيده نزع من داخلي كل وسواس
ماباعني برخيص رخص المفاليـس=ولاهان من شاني ولا عني انحـاس
يمشي بدرب الحق ما يتبع ابليـس=سلطان نفسه كنه الحـر قرنـاس
وجدي لشوفه وجد ليلى على قيس=يوم الزمن خلّص عليها مع اليـاس
[/poem]



[align=center][/align] __DEFINE_LIKE_SHARE__

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]




قلبي مـن الصدمـات ياصاحبـي ونّ=ونّة جريح(ن) داميـات(ن) عروقـه
سبة حبايب خافق(ن) صوبهـم حـنّ=وأعلن هواهـم واحتياجـه وشوقـه
حتى انصدم فيهم ومن فعلهـم جـنّ=وذاق المرار اللي صعيب(ن) يذوقـه
وسبـة حكايـا يجرحـن مـايـداوّن=فيهـا بـلاوي للمنـايـا سبـوقـه
عن خافيات(ن) للبشـر مـا يسلـنّ=منهـا خلّـي البـال تكثـر فتـوقـه
وسبـة عطيـة مقتـدر كلهـا مـنّ=تكسر جنـاح البـر بأكبـر عقوقـه
وسبة قوي يفرض على الكل ويسـنّ=سنة خطا او شـر محـد(ن) يعوقـه
وذاك الضعيف يجاهد الوقت ويشـنّ=حرب الشقا حتـي يحصـلّ حقوقـه
وناس(ن) تصاحبها على الطيب وتظنّ=ان الصديق اللـي علومـه صدوقـه
واثر الكذب ياصاحبـي لعبـه وفـنّ=وأصدق صديق(ن) ماتميّـز فروقـه
معذور قلـب(ن) للمـلا بيّـح و ونّ=كثر القهر والضيـم أدمـوا عروقـه
[/poem]





[align=center][/align] __DEFINE_LIKE_SHARE__

[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله يارافعـن سبـع السمـواتـي=ومطمنن تحتهـا سبعـن تخاويهـا
ارحم وحيدن طوال الليـل ماباتـي=اشقـاه همّـه ودمعاتـه يداريـهـا
اول حياتي كثيـره حيـل كبواتـي=طيش البنات وصغر عقلي يعديهـا
ماكنت اعيد النظر واحسب حساباتي=ولاكنت اجاهد ظروف الوقت وانهيها
حتى كبرت وكبر عقلـي وغاياتـي=وفتّحت عينن ظلام الضيم معميهـا
لملمت جرحي بنفسي مـع نهاياتـي=وصكيت بابي بوجه قلـوب مابيهـا
سويت حفله لجـل اعـزم بداياتـي=واقهر سنينٍ مضت ماكنت ادانيهـا
جيت آتهادى يعانق صمتي شفاتـي=خطوه اعجّل وخطوه كنـت اهدّيهـا
فوق المنصه نثرت الحلـم بأبياتـي=وتليّت قافي وقمت اطرب واغنيهـا
راقصت روحي بفرحه دون مااحاتي=احساس خلا رموش العين تحويهـا
ياوجد حالي على همـي وسهراتـي=من زود مابي هذت روحي بخافيهـا
يالله انـا طالبـك تنهـي معاناتـي=وترّيح الروح مـن شـيٍ معنيهـا


[/poem]
[align=center]
[/align] __DEFINE_LIKE_SHARE__

[align=center].
.
كان إالى هناا إبحااري في محيط ابدااع بنت الحماايل
أتمنى لكم إبحاار طيب

تجميع’’ وتنسيق ,,
الملح كلّه [/align]
[align=center]
[/align] __DEFINE_LIKE_SHARE__