السلام عليكم ورحمةة الله و بركاته ..
غياااااب طويل عن مطبخ عيال الحمايل .. وطبعا ماغبت عن مطبخي هههههه ...
بس عشان الوقت ما اسعفني اقدم لكم طبخاتي ...
اليوم بس قدرت اخذ من وقتي 3 ساعات عشان اقدم لكم قوزي الدجاج على طريقتي ,,,,
ان شاء الله بس تعجبكم ..
طبعا الطريقة والتحضير وكل شي مصور وان شاء الله التصوير يكون واضح لأنه بكاميرا الجوال و قريبا ان شاء الله بجيب كاميرا كانون ...
المهم نبدأ اول شي مع المقادير :
امممم دجاجة واحدةة منظفة بالملح والدقيق ومنزوعةة الدهن والذيل ,..
3 حبات طماطم مفرومة فرم ناعم
بصلتين صغيرة او بصلة متوسطةة ومفرومة فرم ناعم
نصف باقة مكرونة اسباغيتي رفيعة القياس او متوسطة القيس حسب رغبتكم
6 حبات بيض
ملعقة صغيرة بهارات مشكلة
ملعقة صغيرة فلفل اسود
ملعقة صغيرة كركم
ملعقة صغيرة كمون و كزبرةة
حبات من العويدي اللي ريحته قويةة
حبات الهيل ي لبى ريحةة الهيل
ورقتين غار
فلفل اخضر طازج لمحبي الفلفل انا اللي عندي يعشقون الفلفل هنود ماعلينا
ملح و مكعبين ماجي او معزز النكهات يخلي الاكلات كلها لذيذة مرة ونقدر وقتها نستغني عن مكعبات الماجي
بكذا نكون انتهينا من تحضير المقادير
الحين بسم الله الرحمن الرحيم توكلنا على الله نبدأ مع بعض :
اول شي في قدر متوسط نضيف ماء وملح و شوية زيت نباتي
عشان نسلق المكرونة و كذلك البيض في قدر اخر .
و في قدر كبير نضيف ربع كوب زيت نباتي و على نار حاميةة
تبدأ الرغوة تظهر ف الزيت و نضيف البصل و ننتظر لين يذبل شوي ونحركه باستمرار
الحين واضح معنا ان البصل بدأ يذبل و لونه يميل للذهبي
الحين نضيف كل البهارات والتوابل اللي ذكرتها فوق
ونحرك مع البصل لين تبدأ الريحة تطلع ف كل البيت ويجونك اخوانك يقولون لك الله الله وش طابخةة ..
تقوليلهم ساعتها اطلع برا الحين مو فاضيتلك .. خخخخخخخخخخخخخخخ
المهم نكممل
طبعا قطعت الدجاجة انا و ضفتها للبصل والبهارات وننتبه من الزيت الحاار لان قطرات الموية
اللي تنزل من الدجاجة تخلي الزيت يولع .. عاد انتبهوا والله اليم مرة هههه
بيدأ وضع الزيت الحامي يهدا شوي و نحرك الدجاجة مع البصل والبهارات تحريك مسستممممممر .... لين الدجاجة تتلوون بالبهاارات
وتتكشخ بالبصل ..
الحين نضيف الطماطم والفلفل و نستمر ف التحريك ....
URL=http://arabsh.com][/URL]
هذا شكلها بعد ماحركنا كل شي ...
نضيف الحين جيك متوسط مويةة للمقادير
يب تمام الحين
الحين نترك كل شي الدجاجة والمكرونةة والبيض على نار هادئة ...
وننتظر لين الدجاجة تستوي و يصير لحمها طري وناضج ونتركها لمدة نص ساعةة على النار
بعد مرور نص ساعةة الحين استوت الدجاجة تمام ... نشيلها ونشيل ورقة الغار لان
خلاص المرقة اخذت النكهة والريحةة حقتها و نحط الدجاجةة على جنب ف مكان دافي عشان
تفضل ساخنة ... ولو اسعفني الوقت كنت شويتها بالفرن ..
والحين نجيب 3 أكواب رز بسمتي و طبعا مغسوول مرات كثيرة تحت الموية ومنقوع
ونضيفه للمرقة .... وتغطي القدر تمااااما و نخفض النار تحته عشان مايحترق علينا ...
وننتظر لين يستوي الرز بشكل جيد
هذا شكل الرز بعد ما نضج تقريبا ... تركته شوي بعد لين تروح مرقة الدجاج ..
وهذا شكلها النهائي ... طبعا اضفت عالمكرونةة قليل فلفل اسود و رشةة معزز نكهات و حركتها وحطيتها فوق الدجاجة مع الرز
والبيض قصصته لانصاف و وزعته بالاطراف ...
وماننسى السلطةة الحارة ...
عبارةة عن 3 حبات طماطم مطحونة ف خلاط مع شوووووية صغيرةة موية
و شويةة بقدونس و فلفل اخضر صغير وملح وليمون ..
و عليكم بالف عافيةة ان شاء الله ....
ان شاء الله وصفتي تعجبكم ...
والتقييم ف حال نال الموضوع رضاكم ....