قصيدة هذه المشكلة ,, وينك يا حل
يا قلم في وجهك الليله تخليني وحيد
اترك المجنون يضرب في بقاياه الزناد
وين انا وين السعاده خاب ظنك يا سعيد
كيف تستحلي عنايه والحبايب في بعاد
كان هذا هووو كلامك كيف اجل قول البعيد
اترك المجنون تكفى لا تزيد الهم عاد
قالوا العّراف مالك يالحديد إلا الحديد
ما علي من الليالي والسيوف اصلا ً حداد
ما يذوق الهم غير اللي من الجنه طريد
بعد ما ذاق العوافي مع نسانيس البراد
دهوره شيطان ٍ احمق في دهاليزه مريد
ولا تركْه ابد ٍ بعد ما صار تحقيق المراد
والعميد اللي وصل اعلى مراتبْه العميد
ما وصلها غير بالدعم المكثف واتحاد
موهبه مع فن واخلاص ٍ على راي ٍ سديد
خلته بالقمه لحاله على ظهر الشداد
والجديد اللي تقوله يا فؤادي من جديد
في سبيلك عابر ولا لك سوى كومة رماد
والغرام اللي يزيد ولا وصل حده يزيد
ما تركني لو دقيقه صار شرب ٍ لي وزاد
ثورته في وسط قلبي كسّرت سطح الجليد
وحرّك الساكن بعد ما كان معلوقي جماد
صار سلطان المشاعر والمشاعر له عبيد
يشهد الله ثم يشهد خلق ربي والعباد
ما تمنى قلبي السيد المبجّل غير سيد
سيّد الاسياد سيدي سدت يوم الله اراد
طهْر مريم متحد مع عقل هارون الرشيد
وزين يوسف مكتمل مع طيب عصبة شهرزاد
من صفر وانا عيوني تنتظر ليل ٍ مجيد
ولا اكتمل ليلي معك يا كود في ثاني جماد
ان جفيت اعرف بأني وسط ذا الدنيا زهيد
وان لفيت اعرف بأنه في حياتي شي زاد
انت في عيني زياده ما عليك امن البليد
شب قلبه يوم شافك عن دروبه دوم صاد
وانت صرت الموطن اللي فيك يا حلو النشيد
عاصمة حبي بنيتك بالتعب والاجتهاد
وانت في قلبي سكنت وحبك يغذ الوريد
وانت في دنياي واحد قدت قلب ٍ ما يقاد
وانت اسمك في لساني كل ما قلته يعيد
نشوة الاحلام في ذكرك على بالي تعاد
فالحنايا دولتك عمرتهالك حيد حيد
ولاجل عينك هاض قافي بالطواريق الجداد
دنيتي لو غبت عنها لو دقيقه يا عنيد
ماتت عروق الحياة وزارها لون السواد
لو يموت الابن قبل الجد ما يارث حفيد
قول ربي في كتابه نعْم ما قال الجواد
راس مالي حبك ولالي سوى حبك رصيد
ثروتي وزعتها مابين أحفادي وكاد
ما سلكت الدرب خايف لو جوانبها تقيد
والله اني باللقا صامل ولالي بالشراد
بالنقا والعز وسلوم الاوادم ما نحيد
بين قوسين القضيه كاد ياصل كاد كاد
الهوى مثل المعارك من سقط فيها شهيد
من مشايخة الهوى جتنا الفتاوي بالجهاد
خضت حربي في هواك بقوة الباس الشديد
واتحد في وجهي الصمت ولياليك الشداد
كيف تبغاني اقاوم جور همك بالجريد
وانت خابرني خضار وغارة همومك جراد
اتصالك يوم جاني بعد غيبه يوم عيد
بعد ما ذوقتني كاسك على مرّ السهاد
من غيابك يا حبيبي بنشدك وش تستفيد
اسالك بالله جاوبني تراني معك جاد
الغياب اللي تغيبه يقتل الحب ويبيد
اترك الغي ودروبه واسلك دروب الرشاد
با ختصار انا حياتي في يدينك يا فريد
فارض ٍ حكمك على قلبي لوحدك بنفراد
يا تصون الروح وإلا دوك ذا العلم الاكيد
كان ما تذكرحقوقي حان تسليم السداد
__DEFINE_LIKE_SHARE__