ديوانـ الشاعر : عبدالله العليوي

[align=center]بيدي رميت

بيدي رميت القلب في وسط نـارك
و أقفيت يا ظالم وأنا فيك مفتـون

إنهد حيلي فـي عـذاب إنتظـارك
وأخفيت جرحي مابي الناس يدرون

أرمي سلاحي واعترف بانتصـارك
ابكيت من يضحك على اللي يحبون

متـى تخفـف لوعتـي باعتـذارك
اشوفكم مره علـى الحـب تبكـون

أنهيـت قصـة حبنـا باختيـارك
وين الصبر يا قاسي القلب وشلون

يازين قلبي من هـواك استجـارك
حبك عسرني ماطوى القلب بالهون[/align] __DEFINE_LIKE_SHARE__

[align=center]مسرف الخطوه

تذكرتك وقلبي مسرف الخطوه يبي فرقـاك
وفي نفسي بقايا من جروح العام مدفونـه

تذكرتك وفي عيني مواري حزن من ذكـراك
تلفت يمك الخافق وجـاك خطـاه مجنونـه

وجيتك ثاير العبره احبك من يقول انسـاك
غيابك نار من يقوى يشيل النـار بعيونـه

هلا با ايامك السوداء هلا بالحزن في دنياك
رضى قلبي بتعذيبك ابـد مايطلـب العونـه

متى تفرح بك ايامي متى وشلون كيف القاك
متى هالليل في شمسك يذوب ويختلف لونه

تعبت من التعب وينك تعال ومد لي يمنـاك
حياتي لا خلت من شوفتك ماهيب مضمونه[/align] __DEFINE_LIKE_SHARE__

[align=center]لا تزيد الجرح

لا تزيد الجرح ماقصـر زمانـي
شايلٍ بالقلب أحـزان السنيـن

لاتزيد الجرح مافينـي كفانـي
لا تصير اليوم مع وقتي معيـن

ياحياة الروح ربي بـك بلانـي
بالحشاء لك جرح يالغالي مكين

في زمانٍ فات يالغالـي ترانـي
أخفي الأحزان والعبـرة تبيـن

مندفع لك جيت شوقي لك حداني
جيت أبي نظرات عطفك والحنين

عمري اللي ظاع باحلام وأماني
شوفتي لك يوم والفرقا سنيـن[/align] __DEFINE_LIKE_SHARE__

[align=center]حاولت أعزي

حاولت أعزي مثل غيري من الناس
لقيت نفسي أستحق العـزاء فيـه

يا موت مالك قلب ما عندك إحساس
ما شفت حال اللي فقد شوف غاليه

يا موت ما ترحم طوى حالي الياس
قلبي جريحٍ ما لقى مـن يواسيـه

يا موت لو تشرب من الهم لو كاس
ترحم وحيـدٍ هـم قلبـه يباريـه

قالوا مقدر قلت يا نـاس لا بـاس
أصبر وهمي في حشا القلب مخفيه

أمرٍ قضاه الله على العين و الراس
خلوني أنسـا لا تجيبـون طاريـه[/align] __DEFINE_LIKE_SHARE__

[align=center]قضى العمر

قضى العمر يا ظالم وأنا أقول عنك اقفيت
والا شفت زولك بالصدف هلت اعيانـي

مشى القلب في ظلك يباريك لو صديـت
ولو عفت حبك يوم مـا عفتـه الثانـي

أنا ما قويت أنسـى حنانـك ولا ظنيـت
سألتك بربـك ويـش كلفـك نسيانـي

وأنا أشـوف زلاتـك بعينـي إلا زليـت
وش اللي يفيد الشوف والقلب عميانـي

أخذت العزاء مني ولا قلب لـي خليـت
وأنا من هواك اليـوم حبيـت حرمانـي

عطيتك حياتـي يـا قمرهـا ولا رديـت
أبي منك لو نظرة ترى هجرك أشقانـي

أبي قلبك القاسي وراضي بمـا سويـت
تعاتـب وتجرحنـي وتامـر وتنهانـي

لك الحب مشاني أنا في هـواك إبليـت
أحبك ولـو صديـت يـا كـل خلانـي[/align] __DEFINE_LIKE_SHARE__

[align=center]ترانـا سلينـا[/align][align=center]

خلاص لا ترجـع ترانـا سلينـا
ما كنت أصدق يوم اني أبنسـاك

في بعدكـم يامـا عليكـم بكينـا
واليوم ماتطري على البال طرياك

وأنا ادري انك رغم صدك تبينـا
لا شك ناسٍ ضدنا تقصر اخطـاك

من سكرة الحب الصناعي صحينا
حتى المجالس عفتها خوف ذكراك

خل اللذي غيـر حنانـك علينـا
يعطيك من قلبه ربع ماعطينـاك

وش عاد لا صار السلام بيدينـا
قلبي وقلبك بينهـا دارت افـلاك

ودعت ماضـي حبنـا وانتهينـا
وقلبٍ نسيته يوم لا بـد ينسـاك

ذكـراك ياغـدار هانـت علينـا
حتى دموع العين فرحة بافرقـاك

حبٍ جديـدٍ غيـر حبـك لقينـا
حديتني جعـل الليالـي تحـداك[/align] __DEFINE_LIKE_SHARE__

[align=center]تعلمت الجفاء

أنا تعلمت الجفاء مـن تغليـك
ومن المذلة والخضوع انتهينـا

من كل قلبي يشهد الله ناسيـك
غير الضياع بحبكم وش لقينـا

ابحتفظ في عزة النفس مابيـك
بالناس نلقى اللي نبيه ويبينـا

مما معي زينت للنفس ماضيـك
في درب حبك ليتنا ما مشينـا

هديت عرش الحب يازين بايديك
من بحر حبك بالنجـاة اكتفينـا

ذاب الحنين بعين قلبٍ تراعيـك
مثلك على النسيان والله قوينـا

أنهيت قصة حبنا فـي تغليـك
أمسح دموعك بالجفاء ما بدينا[/align] __DEFINE_LIKE_SHARE__