يالعيد .. اسف ما قدرت ابتسم لك

ميلاد اليماني · 29-08-2011, 11:56 PM

[poem=font=",6,orange,bold,normal" bkcolor="black" bkimage="" border="none,4," type=1 line=0 align=center use=ex num="0,black""]
يا العيد جيتك في جميل اعتذاري=حتى لساني في خجل يعتذر لك
هذا يميني لك وهذا يساري=مـُـرّ ..القلم في حسرته ما كتب لك
امسى الفرح مثل الغريب بدياري=اسأل دماها والفصيحه تقلك
الحلم ضايع في سراب الصحاري=واجمل غصونه تحترق تحت ظلك
حاولت اخبي حزن فيها واداري=لكن دمعة طفلها من شكت لك
الخوف شق الصمت مثل انتحاري=وافتى الخلايق ظلم واباح قتلـّـك
يعني الحقيقه كل شي صار عاري=حتى الصلاه حــَرّم بها نجتمع لك
يالعيد ما عادت طيور الكناري=اشواق من بعد الوداع تنتظر لك
باقي سواد الموت يرسم جداري=ذكرى رصاصته عليها ترك لك
حتى الجنايز نقتسمها وجاري=كم من جنايز كان تحلم بوصلك
يالقهر رمحك قد طعن في قراري=والصبح لونه مندفن تحت رملـك
يالعيد خذ حزني اذا كنت شاري=وبيعني خطوه مشت تحت رجلك
صرنا فرايس وحش مجنون ظاري=ولاّ .. وربـّـي كل شي قد رخص لك
هبت عواصف وانكسر كل ساري=يالعيد اسف ما قدرت ابتسم لك[/poem]