السلام عليكم ورحمة الله وبركاته
الأمير الفارس والشاعر الإنسان ، ركائز هامه اجتمعت وجمعها محمد السديري -رحمه الله-
فقد كانت حياته سلسه من المواقف البطوليه ، في الرجوله والشهامه والكرم والجود والشجاعه والنخوه والوفاء.
صفات قلما تجتمع في رجل واحد؛ ولكنها اجتمعت في شخص محمد السديري.
ذلك الرجل!! الذي يستحق معنى الرجوله في زمن شح علينا بالرجال الرمز.
كان محمد السديري-رحمه الله- فارس الكلمه وفارس المبادئ الساميه في صفات العرب الحميده.
كانت شخصيته تمتاز بكثير من الخصائص والصفات (من أبرزها)....
كان قياديا وحكيما ومجربا ورحيما وعطوفا و كريما ؛
بذل ماله بلا حد، وبذل جاهـه من دون كبر، وبذل نفسه من غير خوف
كان محافظا على القيمالاسلاميه، اعتق رقاب العشرات، كان بطل في الحرب والسلم
وعلم من اعلام الشعر والأدب والتراث، وفوق هذا كله كان صادقا؛ فهو القائل...
خذ العهد من رجل الى قال ماكذب ... وده يمـوت ولايـجـيـه مـلام
وهذه بعض قصائده المتنوعه المعاني
1. الحكمه:
شعر الحكمه عند شعراء النبط عامة وعند السديري خاصة مكانه رفيعه في فكره ووجدانه، حتى أصبح مثالا يردده أبناء الجزيره، والمولعين بهذا اللون من مورثنا الشعبي.
ومن قصائد الحكمه للأمير السديري.........
الله من هم بروحي سهجها ... بخافي ضميري في كنين الحشـا لاج
أحـر مـن نـارٍ توقد وهجها ... منـها خطـر روحـي علـى سلك ديبـاج
وعينٍ عسى المولا يعجل فرجها ... يـفوح نـاظـرها كـما عين هـداج
استرسلت للدمع من مارهجها ... غيـظٍ يـكـظ عبـارهـا مثـل الأمـــواج
كم واحدٍ لـه غايةٍ ماهرجها ... يكنـهـــا لـو هـو للأدنـيــن مـحـتــــاج
يخاف من عوجاً طوالٍ عوجها ... هرجت قفا يـركض بـها كـل هــراج
يقضب عليك المخطيه من حججها .. حلوٍ نباه وقلبه أسود من الصـاج
الله خلق دنيا وساعٍ فججها ... وعـن مـايريـب القـلــب لك كم منهـاج
والرجل وإن شطت لياليك سجها ... عسـى تـواليها تبشر بــالأفـراج
2. الفخر:
والتي نعتقد كما اعتقد السديري انها من اهم الركائز الشخصيه للانسان العربي، وربما لاحظ السديري ان هاتين الخصلتين (الشهامه والوفاء) تعاني من خللٍ ما.
وقد حاول معالجتها في بعض مؤلفاته..........
وهذه بعض من كلمات الملحمه الزايديه للأمير السديري الذي جمع فيها بين الفخر والتاريخ....
وقد اخترت لكم هذه الابيات علما بأنها تحتوي على 162 بيت
عفا الله عن قلب يزيد عنـــاه ... وداعــي غـرامـه للــغرام دعـــاه
مـاطاع عـذال يعـذله من الملا ... وان سـمــع عـذالـه يـزيـد عـنــاه
الي توسع خاطره ربع ساعه ... على الضيق داكوك الهموم نحـاه
قلبٍ براه مجادل الضيم والعنا ... الظيــم مـن بـيــن الضـلــوع بـراه
دع القلب ياعذال خله بغايـتـه ... هـواك مـا يـتـبــع طـريــق هـواه
دع القلب ياعذال عذلك يضره ... يــزيـد يـاعـاذل عـلـيـــه شـقــاه
كونــه الأيـام لـيــن أوجعتــه ... وعــزي لـمــن حـر الزمـان كـواه
يكويه من هجر النيا حامي الطنا ... يضيـق بـه من مـا دهاه حشاه
يحـن حنـات الخـلــوج لجنينها ... والـخلـج مـفهـــوم تـحـت ظـنـاه
ماحزناه حـزنـه لـو ربـع ساعه ... وحـيـاة مـن نـشـا السحاب بماه
3.الحماسه....
غنت الورقا على خضر الغصون ... وأسهرتني والزواهر ساريات
ولعت قلبي وأنا قلبي حزيـــن ... هاج فكري والحمـام مـغـردات
مـن سبـبـهــن عفت لذات المنام ... سـاهرٍ وعيـون غيـري نايمات
جددن اجروح قـلـب المستــهام ... أتعذب والقميري ســـــاجـعات
ســارحاتٍ لاعـبــــــاتٍ بالفنون ... هاجزاتٍ في طربــهن دالــهات
بـــالترنم بينــهن ورق الحمــام ... حركــن مني اشجــونٍ خافيات
حركن قلبٍ سكن وسط الغـرام ... هام ببحور الغــــرام الــهاجيات
هايمٍ مشتاق شوقه مــن قـديم ... مستــكنٍ بالضـلــوع المغـلقـات
4.الشكوى.....
ينام من هو مايعرف الهمومي ... وعيني اليا نامو حريب لها النوم
الله يلوم اللي لحالي يلومي ... لا ساهرٍ سهري ولا هوب مهموم
ماهوب مثلي يزعجه كل يومي ... همٍ يلوج بداخل الصدر مكتوم
لا مبدياً أسرار قلبي لقومي ... واللي بسر الغيب ماهوب مفهوم
أخاف ابوح السر تبدا الثلومي ... وتاقف على مكنون سري هل اللوم
عاهدت قلبي مايبيح العلومي ... ولا يـويـق بغايتـه كل مذمـوم
بالليل أساهر ساريات النجومي .. والصبح أعدي بالنبا كل مزموم
أوجس بقلبي مثل حر السمومي ... ولا صفالي خاين الدهر لو يوم
5.الغزل......
قالوا تـتـبوب وقلت بالطرف مصيوب ... والله ماتوب وصافي الخد ماتاب
قالوا تحملت المواثيم وذنــــــــوب ... قلت الذنوب الها موازين وحســاب
قالوا ترا مايفعل العبد مكتــــوب ... قلت أفهم اللي تذكرونه يالأصحاب
قالو جهلت وعقلك اليوم منــهــوب ... وكشفت سرك بين ربعك والأجناب
\
/
\
/
حار قلبـي مـادريـت ... يــوم نادتـنـــي هلا
جيت أرده ماقــويت ... عـن حـبـيـبـه ماسلا
ضاع قلبي ما اشتكيت ... بالمـحـبــه وامتلا
ياحياتي لـونـحـيــت ... زاد عـنـدي لك غـلا
بعت بالقلب وشريت ... بالملاحـه والحــــــلا
اعذروني وان بكيت ... ذاب جسمي وانحـلا
انت بدرٍ واعتليت ... ضـاح نــــــوره للمــــلا
العجب مت وحيـت ... منــك ياظبـي الـفــــلا
والله اني ما سليت ... من عـرفـتـك يـا هـلا
\
/
\
/
قالوا علامك باكيٍ قلت مطعون ... شوفو نزيف الدم مني تتــالا
قالوا من اللي صوبك قلت عافون ... قالو عدوك قلت ياناس لالا
هذا الحبيب اللي له القلب مرهون ... هذا حياة الروح بدر الكمالا
يــاعاذليـن القلــب لالا تـعذلـون ... وحيـاة ربٍ فوق عرشه تعالا
إني فلا انسى واحدٍ فيه مفتون ... بيني وبينه نازح البعد حالا
فتان صاب القلب كونٍ بثر كون ... مملوح أخذ كل البها والجمالا
كنه الى حرك قوامه على الهون ... غصن الى هب الهوى فيه مالا
قلبي لقلبه لو تنخيت مرهـــون ... غيره حــــرام ونور عيني حلالا
مآثـــــره....
لعل ابرز مآثر السديري الادبيه قصيدته التاليه التي ربما كانت اشهر قصيده نبطيه بجزيرة العرب......
يقول من عدى على راس عالي ... رجمٍ طويلٍ يدهله كل قرناس
في راس مرجوم عسير المنالي ... تلعب به الأرياح مع كل نسناس
في مهمهن قفر من الناس خالي ... يشتاق له من حس بالقلب هوجاس
قعدت في راسه وحيدٍ لحالي ... براس الطويل ملاقبه تقل حراس
متذكرٍ في مرقبي وش غدالي ... وصفقت بالكفين ياسٍ على ياس
حــــبــــه لــ نجـد....
في وسط نجد اتبع هوى كل نسناس ... واطرب لشوف طويرها وتغريده
اعشق ليالي نجد لو انها ادماس ... وايامها عندي جنـانٍ سعـيـــــــــــده
شمي لعشب رياضها يقعد الراس ... وما فات من ساعات عمري بــعيـده
شوف الزهر يبعد ععنا كل هوجاس... ويريح عن قلب الشقا مايكيـــــده
وحس الرعد في رايح المزن رجاس ... دقات عودٍ عند سمعي فريـــــــده
وان قالي بعض المخاليق لابــاس ... قلت الهضايم بالضماير مـجــــيـــده
وأحب نجد وكل حبي على سـاس ... حــبٍ بقلبـــي لـه قـصــورٍ مشيـده
عندي وعـرها مع سهلها والأطعاس ... غابات وردٍ في زهورٍ نضيـــــده
برياضها محلى هدد كل قــرنـاس ... ان شاف حفان الحباري يصــيــــده
وتقبلوااا تحياااتي
((((منقول ))))
__DEFINE_LIKE_SHARE__
06-04-2008,
09:06 PM
الامير محمد الاحمد السديرى وبعض روائعه
العرض العادي
