ديوان الشاعر عايض عيد المطيري

بسم الله الرحمن الرحيم:

ياراكب يللي صمموه الخواجاتّّّّمن وارد امريكا جديد(ن)مديله
السبعة اللي كايفن فالويناتتّّّّان تلها السواق يبرد غليله
وان جاك يسهي مع خطات الملفاتّّّّمع الملف امساعده يرتكيله
مر المرور وقص للجمس لوحاتّّّّواللي يبي دار الاصاحر تشيله
يلفي على اللي ماحسب للخساراتّّّّابوي عاداته تحوش الجميلة
وابوي ياساتر هنوف البنياتّّّّياستر من حطت على الراس شيلة
ولاتستمع في هرجت(ن)مالها اثباتّّّّ وقول(ن)بليا اثبات يرجع فشيلة
ولاهمني ناس(ن)يسوون دقاتّّّّترا قليل الفيد هذا حصيله
ماتطلبه والله لاجيبه بشيكاتّّّّيكود شيّين مامعي فيه حيلة



الشاعر:عايض عيد المطيري. __DEFINE_LIKE_SHARE__

الشاعر عايض بن عيد المطيري

هلابك في منتدى عيال الحمايل وشرفتنا بهذا الانظام

استاذي الكريم اذا حاب تطرح قصائدك الشعريه فا مكانها المناسب هو في قسم همس القوافي

ويسمح للشاعر بطرح قصيده واحد اسبوعيا حتى تأخذ القصيده حقها من الردود والمشاهده حسب قوانين القسم

واذا حاب تطرح ديوانك فالديوان يطرح في موضوع واحد في هذا القسم وليس كل قصيده في موضوع مستقل

ومرحبا فيك مره اخرى بيننا __DEFINE_LIKE_SHARE__

بسم الله الرحمن الرحيم:

ابوك ياسلطان يجيه حسّات ّّّّوالضيق واصل يسليطين ماده

لو تفرش السفرة بسبع الفكهات ّّّّماعاد لي يابوك فالاكل راده

لولا البكت ناخذ على خمس كنّات ّّّّونبري الهموم اللي تزيّد ازياده

وقم يانديبي فوق صافي الونيتاتّّّّاركب علاه ولاتشوف النكّاده

مسراه من صلبوخ والليل قد فاتّّّّثلثين راح وثلث باقي سواده

وضْحي وانه قاطع(ن) مع الويّاتّّّّومايل على قاعن طويل امتداده

راعيه مونسله على الكبد حفّات ّّّّولايطيب لان انه يشوف العواده

وملفاك ابو حبيني زبون الونياتّّّّ ولا وصلت الباب حوّل وناده

تلقى الدلاّل اللي على النار صفّاتّّّّ ومصافين يعبالها من اقناده

والعود الازرق مع اعلوم(ن) طرياتّّّّوكبش(ن) اليا جوه الخطاطير قاده

وسلّم علاه وبلّغه بالتحياتّّّّ وخصّه عن احواله وعطنا الافادة

اوحيتلي نجناج وعلوم(ن) افوات ّّّّلكن ماجاني اعلوم(ن) وكاده

انّه يقوم ابليلته عشر مرّاتّّّّونومه على كوعه ابلّيا وساده

اكيد جارلّه امن الوقت حسّاتّّّّولاّ نظر عينه مقّصر اقياده

عمي وابوي اهل الكرم والشهاماتّّّّوالطيب للاجواد منهج وعادة

اعيال عود(ن) يوم وقت الجهالاتّّّّكم شيخ قوم(ن) نزلّه من اجياده

وافعول راضي نعتبرها شهاداتّّّّمعاد نبغى للمدارس شهادة


الشاعر:عايض عيد المطيري __DEFINE_LIKE_SHARE__

بسم الله الرحمن الرحيم:

لا والله اللي سرا العشبي بركاّبهّّّّمن سوق جدة يبا دار الشمالية

حمّل تكارين شوف العين ونهابهّّّّولقاهم الليل في وقت العصارية

وسواقه اللي يسوقه قال انا ادرابهّّّّلن شفت نجدة لبيّيتها بحفرية

مر المحازة وشال السوق بترابهّّّّ ووقت العشاء عقّب اقصور البجادية

ويالله اتفكه من الاخطار واسبابهّّّّمع طلعت الشمس وقف فالنعيرية

مجهول رقمه ولاحطّوله اكتابة ّّّّولاركّبت فيه لوحة السعودية

ولاطب جوف الحراج وشيف جلّابهّّّّولازوّدوا فيه تجّار الشريطية

ولادق سلفه وراعي(ن) تمشابه ّّّّولافحطوا للبحر في كل عصرية


الشاعر:عايض عيد المطيري __DEFINE_LIKE_SHARE__

بسم الله الرحمن الرحيم:

ياراكب ياللي ياخذ الحزم هماتّّّّ جمس(ن) جديد(ن)وتونا مشترينه
حمل من البصرة ودار العراقاتّّّّ وخفر السواحل بالخطر محتسينه
وقامت غبرته يوم مر الجوازاتّّّّ ودقاحصوا من عندنا مقتفينه
وراح الملازم يتصل بالجهازاتّّّّ الجمس ماحنا بعد لاحقينه
جمس(ن) محمّل فيه كل المعداتّّّّ توّ السبير بصفحته رابطينه
ودريبه يكويه جوف الملفاتّّّّكن الرعد داخل بصوت المكينة
ضرب طعوس النفد والنفد خطراتّّّّ والروح ماحنا بعد عايفينه
والعصر يمشي الجمس من عند سفواتّّّّ وبعد العشاء نزل بوسط المدينة.

الشاعر:عايض عيد المطيري. __DEFINE_LIKE_SHARE__

بسم الله الرحمن الرحيم:

امسيت انا قلبي مريض(ن) وتعبانّّّّ ودّوني الدكتور يكشف عليّة

وكشف علّي وقال مافيك برهانّّّّانت خطير وفيك علّة قوية

لازم تسافر يم لندن وعمّانّّّّوتلقى الدكاتر فيه والصيدلية

وقلت آآآآآه يادكتور تراك غلطانّّّّ انا مريض وعلتي داخلية

ودواي عند الزين مدعوج الاعيانّّّّغرو(ن) اليا جيته عطاني اشفية

وقلبي على وضحى شفاوي وشفقانّّّّتكفين ياوضحى خذي الاجر فية

لن سقت مالي فيك ماني بخسرانّّّّ لكن من دونك جبال(ن) قوية

ولولاي خايف من قرابة وعدوانّّّّواخاف كل الناس تزرى علية

لاحط في شارعك قهوة ودكّانّّّّوامر فوقك كل صبح وعشية

ونقعد ثمان اسنين يازين جيرانّّّّامركم وانتة تسيّر علية

ياعود موز(ن) ناعم(ن) جوف بستانّّّّتلعبّه الارياح برض الحوية

والخد برّاق(ن) سرا جوف الامزانّّّّوعيونها تورد حياظ المنية

ان كان تبغانا على الدوم صدقا(ن) ّّّّ ونعيش فالدنية حياة هنية

ارفعلي البرقع وسلهم بالاعيانّّّّ واسمحلنا ان كان جاكم خطية

ولبنيلكم فلّة على خط الاسكانّّّّ ووقّف الكدلك لرجلك مطية

واليا تمشانا على خط عسفان ّّّّمغار انا وياك برض(ن) خلية

والدرج والشنطة معباه شرطانّّّّ ومنوعة من كل مطرب غنية

الشاعر:عايض عيد المطيري __DEFINE_LIKE_SHARE__

بسم الله الرحمن الرحيم:

ياراكب يللي صمموه الخواجاتّّّّمن وارد امريكا جديد(ن)مديله
السبعة اللي كايفن فالويناتتّّّّان تلها السواق يبرد غليله
وان جاك يسهي مع خطات الملفاتّّّّمع الملف امساعده يرتكيله
مر المرور وقص للجمس لوحاتّّّّواللي يبي دار الاصاحر تشيله
يلفي على اللي ماحسب للخساراتّّّّابوي عاداته تحوش الجميلة
وابوي ياساتر هنوف البنياتّّّّياستر من حطت على الراس شيلة
ولاتستمع في هرجت(ن)مالها اثباتّّّّ وقول(ن)بليا اثبات يرجع فشيلة
ولاهمني ناس(ن)يسوون دقاتّّّّترا قليل الفيد هذا حصيله
ماتطلبه والله لاجيبه بشيكاتّّّّيكود شيّين مامعي فيه حيلة



الشاعر:عايض عيد المطيري. __DEFINE_LIKE_SHARE__