ياليت من يقرأ ويعد الحقيقـه

ياليـت مـن يقـرأ يعـد الحقيقـه ينصف ويكتب كلمة الحـق للنـاس

الهـذر واجـد والمشاعـر رقيقـه بالمنتدى والكـل مقبـول لا بـاس

وكـل ٍ يشجّـع بالملاقـا فريـقـه بس الهزيمه دربهـا دوم الإفـلاس

أيّا الصّديق اللي يصـارح صديقـه ويعلّمه وين الخطـأ قبـل ينحـاس

وإلا الرّفيق اللـي يجامـل رفيقـه بالكذب لين يوقّع الفـأس بالـرّاس

والوقت به ساعـه تعـادل دقيقـه من حلوها تسوى ثمانيـن مجـلاس

وبه حزّة تحسب على النّفس ضيقه وأنا أدري إن الشّاعر إنسان حسّاس

سجّلتهـا بالمنتـدى لـي وثيـقـه في صفحة اللي للمواجيـب حـرّاس

__DEFINE_LIKE_SHARE__

صح لسانك استاذي مجازف
فعلاً المنتديات الهذر فيها كثير ولكن يجب علينا جميعاً
ان ناخذ منها مايفيدنا ونترك مايعيقنا ولاينفعنا بشئ
والحمدلله ان منتديات عيال الحمايل استقطبت عقول نيره
طرحت افكاراً ومواضيعاً رائعه ومفيده
اشكرك على الابيات الرائعه والى الامام

و

تحية اعجاب لمن يستحق الاعجاب
منادي __DEFINE_LIKE_SHARE__

وبه حزّة تحسب على النّفس ضيقه... وأنا أدري إن الشّاعر إنسان حسّاس


صح الله لسانك يامجازف
قصيده نابعه من موقف حسّاس لاهنت __DEFINE_LIKE_SHARE__