ديوان الشاعر [ بدر الظاهري ]

من اللي ضيع الثـاني



خـابـرك مـاتـبعد الا يـاخـذك قـربي
لا غـبت تـشتاق .. ولـيا أشتقت تلقاني

والـيوم ذعـذع عـليك الـشوق والغربي
مـامـر فـي بـالي انـك يـوم تنساني

مـن غـبت عـن نـاظري وأنا تكاثربي
جـروحـك الـلـي مـرابعها بوجداني

مـاعاد لـي شـف فـي زادي وفي شربي
نـومي عـلى الكوع ,, وأسولف لجدراني


إلا عــــلـــى فــــكـــره ii..



إلا عــــلـــى فــــكـــره ii..

إلا عـلى فـكره الـبارح سـرى سربي
هــو يـمـك الـبارحه عساه وداني

بشرعسى قلبك الحساس يشعربي
والا مـاهـو مـثـله أول يـوم يهواني

ويـنك سـألت الـمكان وقـلت لـه دربي
خـلاك . . قـلت : ايه مدري كيف خلاني

ضـيعت دربـك وراك تـضيع يادربي
مــن غـبت والـحزن والله ما تعداني

أذكـرك واذكـر عـيونك كـيف تسهربي
أسـأل عـليك الـيدين ويـنطق لساني

أذكـرك واقـع مـاهو حـلم ٍ يسافربي
والـيوم حـلم ٍ يـسافربي عـن أوطاني

أذكــرك واذكـرك يوم إنك تفاخربي
قـدامـهم تـقـلب الـدنيا عـلشاني

لا قـلت : يـابدر قـلت : ايو الله إبدر بي
أحـسـك انـت الـذي سـمى وسماني

واذكـرك لا قـلت : يالله لـلفضاء طربي
الـيوم أحـس الـفضاء مـاعاد يبغاني

وأذكــرك مـاتـبعد الا يـاخذك قـربي
لا غـبت تـشتاق ولـيا أشـتقت تلقاني

والـيوم ذعـذع عـليك الـشوق والغربي
مـامـر فـي بـالي انـك يـوم تنساني


لـكـن قـبل لا أعـتذربك ثـم تعذربي
الـكـل مـنا هـو الـلي ضـيع الثااااااااني

__DEFINE_LIKE_SHARE__

مشبـه

هـذا انـت يــا نـبـض الـغـلا والمحـبـه
والا انت تشبه كامل الوصف والزين

هــذا انــت يـازولــه او انـــي مـشـبـه
نفـس القـوام .. ونفـس تكحيلـة العيـن

الــلـــي أحــبـــه والـمـشـاعــر تـحــبــه
لـي عنـه ياللـي تشبهـه عمـر وسنـيـن

مـن يـوم كــان الـعـود بــأول مصـبـه
وانـــا أحـبــه ســيــد كــــل المـحـبـيـن

وراه يــتــرك صـاحـبــه دون ســبـــه
الحيـن وينـه ياشبيهـه وانـا ويــن ..؟

مـاخـاف ربـــه لـيــه مـاخــاف ربـــه
مـا كنـت أضنـه يـقـدر البـعـد يومـيـن

لـكــن مـادامــك تـشـبـهـه دوك شــبــه
قـلـب ٍ طــواه الهـجـر والبـعـد والبـيـن

نـســيــت والله تـــــو قــلــبــي تــنــبــه
إنـه كــذا مــا يـقـدر يـحـب شخصـيـن

__DEFINE_LIKE_SHARE__

بطـآقـه


يـاحـلـو يـاحـلــو ضـحـكـتـك وأيـامـهــا
ضحكـتـك كــل شــي بعالـمـي يـاحـلـو

دامـهـا فـــي عـيـونـي تشـتـعـل دامـهــا
ودع اللـي مـن عيـونـي بـعـدك انـزلـو

لــك عـيـون ٍعـجـزت امـيـز أحجامـهـ
اولك بقلبـي قـراح ولـك بصـدري دلـو

خلـنـي لــو مـصـر تعطيـنـي أهرامـهـا
يكـفـي انــك هــرم قلـبـي وزادك عـلـو

لـيـلـة ٍ جـابـتـك حــــرام مــــا انـامـهــا
بس تدري .. أنا زعلان من : ياحلو

إنـك إن غبـت غـبـت وطـالـت ايامـهـا
مانبي شي .. متكااااثر علينا : آلووو

__DEFINE_LIKE_SHARE__

المديــنه

مـرحـبـآ عبدالـعـزيـز ومـرحـبـآ أهــــل الـمـديـنـة
عــد مابراقـهـا يخـطـف مـــن الـمـزنـه مـطـرهـا

مـرحـبـا والـشـعـر غــيــثٍ مـايـحــل الا بـحـيـنـه
كــــل مـاحـنــت ضـوامـيـهـا هـمـالـيـلـه نـثــرهــا

ترتـوي منـه الصـدور وتمتلـي لـو هــي حزيـنـه
والله إنـــه ســـارق قـلــوب المخـالـيـق وقـهـرهـا

لا نطق جاب الثمينه ,, وإن سكت جاب الثمينه
تعـشـقـه كـــل الـنـجـوم ولا يـعـشـق الا قـمـرهـا

وقفـتـه وقـفـة شـجـاعٍ ســل سـيـفـه مـــن يمـيـنـه
أو بــلاش مــن الشجـاعـه وقفـتـه كــل ٍ خبـرهـا

شــاعـــرٍ مـايـحـتـمـي مـيـقــافــه الله لا يـهـيــنــه
ودك انـــه كـــل مـاطـالـت دروبـــه يختـصـرهـا

ياسـلام الشعـر أسوقـه فـي سـلام وفــي سكيـنـه
والقصايـد مـن وراء حـدب الضلـوع الله أمـرهـا

سـيــدي عبدالـعـزيـز,, الـشـعـر حـنــا وارثـيـنـه
والـعـرب هــذي منازلـهـا وهــذي هـــي ديـرهــا

دامــي سـعـودي فـأنـا قــد المـهـمـة.. والسفـيـنـة
مالـهـا إلا الـلـي يرسيـهـا عـلـى طـايـش بحـرهـا

الوكـاد انـي زهمـت الشـعـر ابــو نـفـسٍ رزيـنـة
والرزانـه تاخـذ مـن ارض السعـوديـة صـورهـا

ماأفـرق فـي بــلادي.. فــي مديـنـه عــن مديـنـه
والمشاعـر للمشـاعـر وارضـهـا والـلـي عمـرهـا

مـن وطـاهـا الطـاهـر محـمـد وصافحـهـا جبيـنـه
جدلـت ثـوب العفـاف وروحــت تـزهـى دررهــا

عــاد والـلـي للـرسـول إخــوان نــوره صاينيـنـه
يافـخـرهـا بـالـرســول وبـالـسـعـودي يـافـخـرهـا

كــل شـبــر ٍ مـــن بـــلادي والله إنـــا محتمـيـنـه
محتميـنـه.. محتميـنـه ..بأرضـهـا وإلا بـحـرهـا

ياسـلام الشعـر أسوقـه فـي سـلام وفــي سكيـنـه
والمـديـنـة كـاتــبـٍ تـاريـخـهـا وقــــاري سـيـرهــا

قومـي الـلـي ينطـحـون الطايـلـه وأهــل السميـنـة
ذي مرابـط خيلهـا وهــذي عـلـى البـيـداء اثـرهـا

مـرحـبـا عبدالـعـزيـزو مـرحـبـا اهــــل الـمـديـنـة
عــد ماتـبـرق بــروق المـزنـه الـلـي ذا مـطـرهـا __DEFINE_LIKE_SHARE__

جهاد الغـلا



الهوى اللي هب كسر شبابيـك الحنايـا
والله أنه ناوي ٍ من ورى التكسيـر نيـه

علموه إن ما بقى في معاليقـي سرايـا
علموه إن المعاليق مـن مبطـي خليـه

أذكر اللي باقي أيتـام وأطفـال ٍ برايـا
ضاقوا بصدري وسلمتهم سيف ومطيـه

الجهاد اللي عشان الغلا .. كلها خطايـا
مير قلب الأدمي ما يحـب إلا الخطيـه

صاحبي وإن كان وده يقدم لـي هدايـا
والله إني ما أعتبر غيـر جياتـه هديـه

ما ورى نجل السحايب مقاصيد ونوايـا
كود غيث ٍ لا نزل تحضنه صحراء يديه

والله إني لا أعتزى الشوق كسرت المرايا
والله إنه لاأعتزى الشوق سكينه طريـه

الحبيب اللي خياله ملـى كـل الزوايـا
أذكر إنه يوم سافر نسـى الدنيـا عليـه

راح كله .. بس بالعين باقي لـه بقايـا
صورة ٍ وإن جيت أجمع بها ضاع البقيه

صاحبي وإن هب .. كسر شبابيك الحنايا
وإن سكن ,, هبت رياح الفؤاد النرجسيه

__DEFINE_LIKE_SHARE__

عفرا سمعت وتعبت .. وثم قريت وتعبت ..
وأتخيلك كيــــف كــــانت وقتها حــــالتـك .. ؟

نمتي .. صحيتي .. بكيتي,وأحتضرتي بـ كبت
وشلـــون يا بعد عمــــري ,, ليلتك شالتك ..

يكفيك بس الظلام الموحش لـ كل خبت
أقسى من وحوشها .. لو أنـــــها طالتك

ياعمري أصحي .. ترانا الصبح واليوم سبت
ياعلهم فدوه لجمعتك .. وإطلالــتــك .. __DEFINE_LIKE_SHARE__

السلهمـه


الـشـتـاء بـــارد إذا الـنــار مـــا تـاكــل حــطــب
والـهـواء كـافـر .. إذا القـلـب مــا بــه مسـلـمـه

وإلا أنـــا يـاويــل قـلـبـي لــيــا طــــاح الــهــدب
مـــــن عــيـــون ٍ كـنــهــا عـايــشــه لـلـسـلـهـمـه

بـنـت انــا يابـنـت شـاعـر ولــه عـنــدك طـلــب
لا تـرديــنــه تــــــرى مــــــا لــقــالــه مـلـهــمــه

شـاعـرك والله مــا تـدريـن مبـطـي مـــا كـتــب
لــو مــا جيـتـي كــان خـــلا القـصـيـد وحـرمــه

تـاخـذيـن الـعـقـل يــــا تــيــن مــــدري يـاعـنــب"
" أف " تذبحنـي عيونـك وانــا عـنـدي سـمـه

إنــي أكـتـب كــل مــا شـفـت عـيـن بــلا سـبـب
لا أنــا أكـتـب فــي سـبــب هالـعـيـون المفـعـمـه

تحجبـيـن الـنـور فــي رمـشـك الـلــي منـتـصـب
كيـف آبـا أكتـب كـان أبشـف رمشـك وأرسـمـه

كـيـف أبكـتـب وأنـتـي الـصـدر محـفـور بـذهـب
مــالــي إلا أســنــد الــطــرس فــوقــه وأنـظـمــه

أنتي ما انتي صدق .. أنا أشك فيك انتي كذب
وإلا فــيــه إنــســان حــتــى عـيـونــه تـزهــمــه

إيـــه تـــوي أرمـــي الـهــم وارمــــي هـالـتـعـب
حـــي هـالـجـادل .. ويـاحــي بــنــت ٍ تـكـرمــه

بـــس أنـــا بطـلـبـك يـابـنـت لا طـــاح الــهــدب
أرفـعــيــه شـــــوي .. لــكـــن بـلــيــا سـلـهـمــه

__DEFINE_LIKE_SHARE__