مدونـة راعـــي الأولــه 2006عيال الحمايل ،

كنت اتكلم مع أحد الاصدقاء لوحدنا ‘وهذ الشخص باالنسبه لي مصدر ثقه ‘ولااعتقد ينقل شي عن اشخاص ماهم مصدرثقه عنده ‘
هذ الشخص مثقف ولديه اطلاع واسع ‘ اطراف الحديث جابت الموضوع ‘ابي اقول الموضوع بإختصار‘حسب ماقاله ‘
طبعاً - هو- يستشهد بهذ الشي كدليل - مصداق لكلامه في حوارنا بين بعض -
قال - فيه شخص تزوج زواج تقليدي ‘اليوم الثاني اكتشف شي صنع له مشكله في حياته ‘
مع العلم ان هذه المشكله نعمه من الله لكن ‘هو ماعرف يتصرف ‘وصنع لنفسه مشكله ‘ولواقولك ماتصدق هذ الشي -
قال - تدري وش المشكله ‘طلعت البنت جميله جداً ‘ماتوقعها بهذ الجمال ‘ قلت طيب عادي ‘وتحصل كثيرونسمعها -
قال عادي عندك انت - لكن عنده ماهوعادي - الوضع مختلف -
اصبح يغارعليها حتى من ظلها ‘وتطورالوضع واصبح يغارعليها من كل شي ولاعاد يسمح لها باالزياره لبيت اهلها -
قال - وفي الاخيرهي في بيت اهلها طالبه الانفصال ‘وجميع المحاولات ان تتنازل عن طلبها - رفضت -
قلت طيب - وهو- قال - رافض الانفصال ومتمسك فيها - اوجعني قلبي يوم قال متمسك فيها - والله مالومه -
نسيت الحوارمعه -
قلت مافيه احد يتوسط باالخيربينهم ‘قال انت وش فيك ‘ انامااعرفه ‘والمشكله فيه ‘لازم يتخلص من الغيره العمياء ‘
انتها كلامه -
الحين عليك تفهمني ‘ هذ الشخص من خلال قصته ‘ كيف وضعه نفسياً ‘
هل يطبق عليه المثل اللي قلته لي ‘ اولا ‘ عندك خيارين - مافيه ثالث لهم ‘
نعم ‘او‘ لا - مصداقيتك تتوقف على اختيارك ‘

__DEFINE_LIKE_SHARE__

حان الفراق وخاطري منه ماطاب = والجفن دمعه مثل وبل السحابه
البعد قاسي ياعريبين الانساب = امرن مقدر ماحسبنا حسابه
عشنا على الدنيا مواليف واحباب = مثل الجسد والروح لوماانتشابه

__DEFINE_LIKE_SHARE__

انا شفي اللي مع الغناديرماشيف = غزالن ربى شمال وادي حنيفه
على سيرة الذكرى عجيب التواصيف= ولاله شبيه ولاحلين وصيفه
اداريه من هرج العدى والملاقيف = عسى من يلوم القلب عينه كفيفه

__DEFINE_LIKE_SHARE__

ولاهي على كيفي ولاجات باالكيف = تهد الجبال الراسيات المنيفه
حدتني الليال السود للشرق والسيف= اشيل الحمول الجايره والكليفه
هذ طبعها تفرق قلوب المواليف = يامافرقت بين الوليف وليفه

__DEFINE_LIKE_SHARE__

دامك رضيت الفراق البعد يبقى نقا = لاتنشد اللي على عهد الوفاباقي
مامات غصن الشجر ولاطاح منه ورقا= عامين في غيبتك يشرب من الساقي
الله كتب لي مع الايام جرح وشقا= والله يسامحك في جرحي من اعماقي
جرحتني في المعلق جرح والله وقا = هذ الحقيقه على وضح النقا اوراقي

__DEFINE_LIKE_SHARE__

ههههههه -
تدري ليش اضحك -
جاء في بالي ‘ راعي المثل ‘ اللي يقول ‘ ابوطبع مايخلي طبعه ‘
اعرف جوابك من الان ‘بتحط الاول على اساس تقنعني وتحافظ على مصداقيتك -
لكن -
اللي في راسك مارايح يتفكك ‘سيبقى ‘
يعني - اللي براسك عكس لسانك ‘
وهذه كارثه ههههه

__DEFINE_LIKE_SHARE__

انشدك باالله يوم البعث وحساب القيامه = في نهارالحشروالناس تعرض باالأسامي
وش لزوم الصد والهجران ياباخل سلامه= لك ثلاث سنين لاكلام ولا سلامي
ماعطيتك غيرقلب ولاطلبت إلا إحترامه = ولالقيت إلا الطعون الخضرمن شلفا غرامي

__DEFINE_LIKE_SHARE__