ديوان الشاعر ماجد مطر الشمري

ديوان الشاعر ماجد مطر الشمري

__DEFINE_LIKE_SHARE__

السلام عليكم ورحمة الله وبركاته :

اليكم هذه القصيده بأسم قبيلة شمر عامه وبأسم قبيلتي قبيلة عبده خاصه
بدون قصور في جميع القبائل وكل قبيلة فيها حقها من رجالها
وهي رد ومجاراة على قصيدة الشاعر / القدير مهدي بن مسفر الحبابي
ومهما كتبت لن اوفي بحقه والمعذره والسموحه اذا هناك حصل اي تقصير



وهذي قصيدة الشاعر / مهدي بن مسفر الحبابي

هذه القصيدة قلتها في قبيلة شمر دون قاصر في جميع القبائل أو الحمائل ويشرفني

أن اضعها بين ايديكم ومهما كتب في هذه القبيلة فيستحقونه بكل أمانه
مدخل

شمر أهل المدح في كل العصور
وشمر أهل الطيب وافين الشبور
وشمر اللي مجدهم فالكون نور
ذا الكلام اللي ما يبغى له دليل

من غلا شمر هل الوقفات ذربين الفعايل

جيت حايل ديرة اللي ماحد ٍ يجهل كرمها

ديرة أهل المدح وأهل المجد في شتى الوسايل

يشهد التاريخ لرجال ٍ ما تأخذ في ذممها

الرجال اللي مواقفها ما تجهلها القبايل

الرجال اللي فعايلها تعبر عن قيمها

الرجال اللي تبين أفعالهم لأقلت حايل

يفتخر حايل بشمر لن مجده من قدمها

من عصر حاتم إلى هلحين وشهود المثايل

سمعة ٍ يشهد لها التاريخ والطائي وسمها

اسم حايل واسم شمر رمز وأمجاد ودلايل

من قديم الوقت سمعة شمر يرفرف علمها

ذكرهم بين القبائل دائم ٍ في راس طايل

الكرم رمز وكرم هذا القبيلة وسط دمها

الغلا داخل ضميري كوم ويفوق الرسايل

لن شمر منبع النخوات عندي وأحترمها

شفت ما يذكر بعيني ما رويته قول قايل

وترجم إحساسي بيوتٍ في هل المدح أغتنمها

الوفاء طبع الرجال اللي يعرفون الجمايل

والسلوم إلها رجال يا عساني ما عدمها

موجز التعبير رمز الجود في شمر وحايل

ولو ذكرت أجا وسلمى ذكر شمر من خدمها

الشاعر / مهدي بن مسفر القحطاني

ردي ومجاراتي للقصيدة الشاعر / مهدي بن مسفر الحبابي القحطاني

مدخل


ماعليكم زود والاصل مخبور
ماعليكم زود يانسل الصقور
ماعليكم زود في كل الأمور
يابني عم ِ لنا سور ِ ضليل



بأسم شمر مرحبابك

مرحبابك يالحبابي عد ماتنشي المخايل

وعد كتب ِ دونت واعداد ماخط بقلمها

بأسم شمر مرحبابك بين أهلك والعوايل

يانسل قحطان ياساس العروبه ياشيمها

بين ربعك يالحبابي مرحبا والشك زايل

مرحبابك وسط حايل ومجدك بعالي قممها

ماعليكم زود يا أهل الطيب وافين الكمايل

مكرين الظيف وكفوف الكرم ينداء شحمها

والف نعم بربعك الحباب كسابت نفايل

مرهبين القوم حامين الحلال أبل وغنمها

يشهد التاريخ يوم الحرب به صايل وجايل

مرويت عود القناء بدم العدو خضب سهمها

ولانتخوا قحطان جوا ربعك على قب الأصايل

كل فارس عن مئة فارس غزاء القوم وهزمها

والف نعم بلابتك قحطان وافين الخصايل

ساس ِ يشرف وقحطان العرب عالي هممها

يابني عم ِ لنا مرجع ليا جابه مسايل

نفتخر في ساسنا قحطان عز المن زهمها

من عبيده فخذ عبده النسب ساس وسلايل

كلنا قحطان لاعدت تواريخه حسمها

بدون قصورن بالقبايل بحقهم نوفي المكايل

ويالحبابي باسم شمر لك سلام نختتمها

__DEFINE_LIKE_SHARE__

{ شــباب الـجــــيل }

نحمد اللي مثبتِ فينا العقول

والعقل نعمه وربي نشكره

كل عاقل مسؤل مافيها جدول

وكل رب أسره يحصد مأبذره

ول ياوقتِ به الدنيا ميول

ياحيات الذل شفنا المسخره

المظاهر والرفاهه والفضول

في شباب اليوم تزرع بصغره

الجهل له دور بقلوب الخبول

ميتِ قلبه وعينه مبصره

لحيه وشارب وزند بعرض طول

جسم ثورِ داخله قلب بقره

الرجل فيهم تمياع وخمول

لبس جنز وحالقِ نص شعره

الله يكرمكم مايسواء نعول

ماعرف يده اليمين من أيسره

كل ليله لي لدانه بالطبول

وصوتهم مثل البلابل بأشجره

وقلبوها رقص دسكو ليل مول

يقلدون الغرب غزو المكفره

بكل موقع مشتبه تلقى الحثول

هستره في هستره في هستره

بالشوارع مثل مجنونِ يجول

ومعه شله كلبوهم مبزره

فوق هذا مدمنِ شرب الكحول

ويتعاطى كل نوع يخدره

عزي الإبنتِ تزوجها مهبول

لستكن منفوخ في وسط كفره

تبغي يسعدها ويشتال الحمول

لاكن الحيوان لقاها ظهره

دايمِ في وجهها يصرخ زعول

ولايعبرها ودايم يحقره

سكرت في وجهها كل الحلول

تكسر الخاطر ولاحد(ن) يجبره

وفتحو لبليس بيبان الدخول

وسوس الشيطان في عقل المره

أكشفت عن وجهها الغض الخجول

سارت بدرب الظلام وبحفره

كلها من سبته ضاعت لأحول

دمره ياجعل ربي يدمره

ومن حياته مل زهقان وملول

صار يبحث عن طريقِ يعبره

والفريسه صار طعمِ لنغول

سهلِ أغوائه وسهل تجرجره

بالمياه العكره تصاد العجول

شلة التكفير عقله تسحره

بالبدايه قدموله صحن فول

وخبزةِ كلها وسدة حنجره

عيش وملح وكل ماتطلب سهول

تطلب الف ريال نعطيك عشره

برمجؤ مخه هل الفكر الضلول

قالو حنا أهل الوجيه المنوره

كان تبغي الخير وهمومك تزول

والذنوب عنك إلاهي يغفره

وجنةِ فيها على كيفك تصول

حور عين ونهر لذة بأخمره

والشهادة له طريقِ للوصول

في سبيل الله أعمالك مثمره

مع طريق الخير في وجهك قبول

عاهد أخوانك ومثلك مظفره

قس قلبك يابو القلب الصمول

وحارب الكفار ماشي تخسره

غرروبه وغسلوا مخه غسول

اصغر امجاهد الله مأكبره

البس احزام الشهادة للنزول

والله أكبر روحك عطر المقبره

فجر المبنى أطفال وكهول

لوأبوك وأمك بوسطه فجره

ديننا وصى عليه أفضل رسول

والمعاهد في امانِ يستره

وش نقول وش نخلي وش نقول

في شباب اليوم راحوا بخبره

ويلهم لازلزلت ذيك السهول

والجبال تحن ويذوب حجره

في نهارِ يذهل العاقل ذهول

وكل كافر في جهنم يحشره

عند رب البيت حسابه غلول

والعمل من خير او شرِ يره

ياشباب انتم ضحيه لسفول

وانتم للأسلام أكبر مفخره

حاربو الارهاب ياعيال الزحول

واللوطن روحك فداء لاتذخره

__DEFINE_LIKE_SHARE__

( العاصفه )

الـعــاصــفــه ثــــــــارت وثــــــــارت بــالــجــنــون

يــــــاالله دخــيــلــك يــــــوم ثــــــارت عــاصــفـــه

الــوقـــت غــيـــر الــوقـــت والـخــافــي دفــــــون

الــــــوقـــــــت يــــمــــشـــــي والأوادم زاحــــــفـــــــه

دنــيـــا طـــــوة ســيـــره عــلـــى اربـــــع ركــــــون

تـــضـــحــــك زوايـــــاهـــــا لـــــنــــــا مـــتــــرادفــــه

الـــنــــاس فــيــهـــا يــســـرحـــون ويــمـــرحـــون

مــــــن كــــــل فــــــج وكــــــل ديــــــن وطــايــفـــه

نــاس ِ عـلـى جـمـع المصالـحـه يركـضـون

ونـــــاس ِ بـــهـــا تـــزهـــد ومــنــهــا عــايــفــه

ونــــاس ِ لــحـــب الـخــيــر دايـــــم يـبــذلــون

عــلـــى طــريـــق الــخــيــر قـــلـــوب ِ رايـــفـــه

ونــاس ِ تـــروح بـعـيـد ونـــاس ِ يـقـربـون

ونـــاس ِ تـشــوف ونـــاس مـاهــي شـايـفــه

ونـــــاس ِ رقـــــوا بـالـعـلــم مــنـــه يـعـلـمــون

تـعـلـيــمــهــم لــــهـــــل الـــعـــقــــول الـــعـــارفــــه

وتـــحـــقـــق الأحـــــــــلام لــــلـــــي يــــدرســـــون

حــــتـــــى تــوصــلــهـــم الـــعـــالـــي الــنــايـــفـــه

ونــاس ِ عـلــى طـــول الـمــدى مايفـهـمـون

مــهـــمـــا تـــذكـــرهـــم عــــقـــــول ِ نـــاشـــفـــه

ونـــــاس ِ تــحـــب وبـالـمـحـبــه يــصــدقــون

حـــتــــى زهـــــــور الـــــــورد تــطــلـــع كــايـــفـــه

ونـــاس ِ بـلــى أحـســاس دايـــم يـسـكــرون

اســكـــار شـــــوق ِ فـــــي مـشــاعــر زايــفـــه

الــلـــي عــلـــى مــرســـى الـمـحـبــه يــكــذبــون

وكـــــلـــــن يــطــوفـــهـــا ولاهــــــــــي طـــايــــفــــه

ونــــــاس ِ تـــشــــد ركــابــهـــم ويــســافـــرون

كــــلـــــن مــــســـــاره بـالــمــصــايــف عــــارفـــــه

فــلــوســهـــم واجـــــــــد ودايـــــــــم يـــصـــرفـــون

جــمــيــع مـايـمــلــك فــــــي بــنــكـــه صـــارفــــه

ونــاس ِ ذبحـهـا الـجـوع مــع فـقـر وديـــون

حــتـــى الـســكــن بــجـــار وروحـــــه عــايــفــه

ونـــاس ِ عـلــى فـرقــأ الـحـبـايـب يـفـرحــون

كــــــــم فــــرقـــــوا ولــــيـــــف عـــــــــن ولأيــــفـــــه

ونــــاس ِ عــلــى حـــــش الأوادم يـشــذبــون

فــــــي كــــــل مــجــلــس الاسـنــتــهــم قـــاذفــــه

بـــلـــحــــم الأوادم بــالــمــجــالــس يـــاكـــلــــون

اهــــل الـمـشـاكـل مــاهــي مـــــن الله خـايــفــه

والــــحـــــزن عـــــــــادي ولأهـــــــــم يـــحـــزنـــون

والــســالـــفـــه تـــــجـــــر وراهــــــــــا ســـالــــفــــه

ونـــاس ِ بــهــذى الــديــن قــامــو يـحـرفــون

بـــلـــيــــس راكـــبـــهــــم وكـــــلـــــن شـــاعــــفــــه

صـــــارو مـــــن الأرهــابـــو قــامـــوا يـكــفــرون

ضــــــد الـــوطـــن مـــــــع الـــعــــدوا مـتـحـالــفــه

دنــيـــا الـعـجـائــب مـــــن عـلـيــهــا يــرحــلــون

ولاتــنــتــهــي حــــتــــى رجـــــــــوف الـــراجـــفـــه

ياالله حسن الخاتمه لاشخصة فيـه العيـون

يوم الحشر ماغيرك احدآ روح عبدك لاطفه

وصــــــلاة ربـــــــي عـــــــد مــاهــلـــت مـــــــزون

عــلـــى شـفــيــع الـخــلــق بــروحـــه عـاطــفــه

__DEFINE_LIKE_SHARE__

حــــــــب هــــــــــــــذى الــوقــــت

حـب هـذى الوقـت يانـاس شـي مـن الخيـال

عـاقـلــه مـجـنــون لـيــلــى ومـجـنـونــه خــبـــل

حــب هـــذى الـوقــت يـانــاس زال او لايـــزال

الـمــره هـالـوقـت تـلـعـب بـحـاسـيـس الــرجــل

الــرجـــل يــصـــدق الـبــنــت لاقــالـــت تـــعـــال

جــاك مـاصـدق عـلـى الله بـلـى قـلـب وعـقـل

قـالـت تـصــدق ان حـبــك مـغـطـي هالـجـبـال

قـــال كـلــه لـــي وقــالــت الـغـيــرك مـاحـصــل

عندهـا بنـك ِ مــن الـحـب مـابـه راس مــال

بــه رصـيـد بـلـى رصـيـد ِ ولانـفـس ِ تـمـل

لأدخـلـت بالـسـوق شيطـانـهـا مـعـهـا ظـــلال

صـايــر بـلـيـس بعـيـونـه تـكـحــل بــــه كــحــل

شــرهــا لاشــافــت الــلــي مـكــشــخ بـالـعـقــال

بالمـغـازل تـجـذبـه جـــاء يـبــاد لـهــا الـغــزل

تـسـحـره حـســن المـفـاتـن ويـغـويـه الـجـمــال

تـفـتـخـر فــــي زيـنـهــا مــــن نـظـرهــا يـنـهـبـل

كــامـــلـــه بـــالـــزيـــن كــــلـــــه ولله الـــكـــمـــال

والحـقـيـقـه وصـفـهــا مــثــل بــــدر ِ لـكـتـمـل

وش يفيد الزيـن لأنـداس فـي وسـط الرمـال

وجـتـمـع بـــه كـــذب وخـــداع وخـيـانــه دبــــل

بالـكـذب تصريفـهـا لــه مـثــل صـــرف الـريــال

مـثـل هـاتـف عمـلـة ِ خـــرب مايـقـبـل هـلــل

لـــه لـيـالـي ينـتـظـر ينـتـظـر حـبــل الـوصــال

وهـــي تـظـاهـر بـالـبـرائـه ونــظــرات الـخـجــل

لـيــن يـاقــع فـــي غـرامــه بتـشـبـيـك الـحـبــال

فــوق نــار ِ هـادئـه تطبـخـه طـبـح البـصـل

ثــم بعـدهـا قــل علـيـه الـســلام الـلـيـل طـــال

خـلـتـه كــنــه سـجـيــن ِ عــلــى بــابــه قــفــل

وصبـت الفنجـال وسقتـه مــن صـفـر الــدلال

مــادرى ان عشاقـهـا مــن مـحـل الـيــا مـحــل

كـــل واحـــد لـــه تـخـطـط لـيــا جــالــه مــجــال

بـرمـجــة عـشـاقـهـا خـايـفــه احــــد ِ يـئـســل

وتـبـعـد أهـمـومـه لاشـكــت بـتـرديــد الــســؤال

تـحــرف أفـكــاره وجـــوه يــــروق الــيــا زعــــل

ولأعرفـت احــد ِ كشفـهـا تحـطـه عالشـمـال

كـــــن ربـــــي مـاخـلـقـهـا وتـصـريـفــه ســـهـــل

تـخـتـفــي مـاكـنـهــا تـعــرفــه مــثـــل الــخــيــال

بــاعـــت الـعــشــره بـلـحـظــه وتـلـقـالــه بـــــدل

قـــال احسـبـنـي بـعـيـنـه ابــــو زيــــد الــهــلال

واثـرنـي مــن عيـنـهـا طـحــت يـامــال الـشـلـل

هي على هالحال تلعب على اشناب الرجال

واخـرجــة فـلــم البـطـولـه عـلــى بـالــه بــطــل

بــس لــه يــوم ِ يـجـي حالـهـا بـخـس حــال

ويـتـبــدل كـاسـهــا مــــر مــــن بــعــد الـعــســل

وتلبـس الثـوب المعـرى وعليهـا الوقـت مـال

وينزرع فـي راسهـا الشـوك مـن طلـع النخـل

ودعــة ضحكاتـهـا الامــس بـجـروج ِ ثـقـال

وعـضــة بــهــام الــنــدم وفــقــدة كــــل الأمــــل

يـابـنــات الـجـيــل يـالـلــي تـغـطــن بـالـشـيــال

اخــذن العـبـره تــرا الـوقــت يـمـشـي بالـعـجـل

خــاف ِ الله واتـــق ِ ربـــك ِ رب الـجــلال

وابعـد ِ عــن مجـمـع الـشـر ودروب الشـلـل

وفـيـه دربـيـن ِ طويـلـه مــع الـسـكـة طـــوال

درب خـيــر ودرب شـــر ِ الـحـالـه منـفـصـل

كــل عـاقـل لــه عـيـون وخـيــار بـلــى جـــدال

وكـل ِ يجـهـل بــس لا لا يتـمـادى بالجـهـل

قالـهـا الـلـي ربـــي اغـنــاه واعـطــاه الـحــلال

عـــن حـرامــه مـايـبـي غــيــر بـيـتــه والاهــــل

شــاعــرآ يـبـغــي الـسـعــاده وتـربـيــة الـعـيــال

مــــن كـبـيــر الـعـايـلـه للصـغـيـرالـيـا الـطــفــل

__DEFINE_LIKE_SHARE__

( توبـــــــــة مـــــــــدمــــــــن )

أنـــا بـيـتـي هـدمـتــه مــــن فــعــل يـمـنــاي هـديـتــه
وأنـــا تـايــه وأنـــا ضـايــع وتـــو الـعـقـل صـحـانــي
هــواء نـفـسـي مضيـعـنـي وأنـــا بـالــدرب خـاويـتـه
طـريـق إبلـيـس دهـورنـي وشــب الـنــار وأغـوانــي
أنـا الجانـي علـى نفسـي بغيـت الــدرب وأخطيـتـه
بـغـيـت أكـحــل أعـيـونـي ولـكــن كحـلـهـا أعـمـانـي
قبلـهـا مـشـرق ِ نــوري وجـيـت الـنـور وأطفيـتـه
وعـيــن الـحـسـد صابـتـنـي حـشــا لله وش جـانــي
قـعـدت أصـفـق أيديـنـي حـسـافـه عـمــري أنهـيـتـه
يعذبنـي ضمـيـري كــل مــا أذكــر مـاضـي أزمـانـي
رفـيـق الـسـوء بسمـومـه هـــلاك الـجـسـم سمـيـتـه
تعاطـيـت المـخـدر واعتـزلـت أهـلـي مـــع أخـوانــي
حشيش حبوب مـع الهرويـن حتـى الشـم شميتـه
أحسـبـنـي مـلـكـت الـكــون وأثـــر الــكــون عــزانــي
ونهـا يتهـا عشـر سنيـن وســط السـجـن قضيـتـه
وراء الـبــيــبــان آهـــاتــــي بــزنــزانـــة وقـضــبــانــي
ضحك لي وقتي الخائن غـدر بـي يـوم مـا شيتـه
سـقـانـي سـمــه الـقـاتـل ذبـحـنـي يـومــه أسـقـانـي
دفـعـت لــه الثـمـن غـالـي وهـاجـر صاحـبـي بيـتـه
دفـعـت لــه الـثـمـن غـالــي عطـيـتـه قـــرة أعـيـانـي
شريـكـة عـمــري وروحـــي علـيـهـا الـدمــع هلـيـتـه
شـريـكـة عـمــري وروحـــي حـيـاتــي وأم ورعــانــي
تحـفـظ الـعـرض وتصـونـه وفـيـهـا الـعـقـل حلـيـتـه
وفـيـهــا الــزيــن كـمـلـهـا مــــلاك الـحـســن فـتـانــي
يا شين البيت مـن دونـه يضيـق الصـدر لاجيتـه
جـــداي أجـــاذب الـونــه وعـقـلـي صـابــه أجـنـانـي
تذكـرنـي زوايــا البـيـت معـاهـا بـوقـت ِ أمضيـتـه
هـنـا نـمـزح هـنـا نضـحـك وهـنـاك ألـعـاب بـزرانــي
هــنــا حــمـــود يـذكــرنــي طــلـــب ريـــــال وأعـطـيـتــه
ويــروح يـقــول لإخـوانــه شـوفــوا أبـــوي أعـطـانـي
ويجـي خالـد ومعـه أشـواق ومثـل حمـود ساويتـه
وهـنــا أشـــواق تـذكـرنـي عـــلام الـشــوق زعـلانــي
أنــــا أشــــواق أبــــي عــشــره وشــــو ريــــال مـديـتــه
أنـــا دلـوعـتـك بــابــا وأنــــا أفــــرق عــــن أخــوانــي
هـنـا أصــرخ هـنــا أبـكــي وأحـــس الـبـيـت هـزيـتـه
هــنـــا الــمـــوت تـمـنـيـتـه مــائـــة مـــــره ولاجــانـــي
حـزن وجــروح وجـنـون اللـيـل حاتـانـي وحاتيـتـه
تصـور لـي بخيالـي أوحـوش تكشـر لـي بنيبانـي
عـددهــن أربـعــه والـشـكـل مــرعــب يــــوم راعـيـتــه
كـوابــيــس الــحــلــوم الـــلـــي تـخـيــلــي بــجــدرانــي
ومـــن نـــزف الـجــروح رسـالـتــي بــالــدم خـطـيـتـه
نصيـحـه يالفهـيـم أفـهـم رفـيـق الـسـوء شيـطـانـي
نصيحة مدمـن ِ تائـب وصديـق السـوء عاديتـه
وعليـك بصحبـة الطيـب لــو أنــه مــن بـلـد ثـانـي
رفـيـق الـسـوء نـافـخ كـيـر حــرق ثـوبـي بكبـريـتـه
ورفيـق الطيـب الصالـح كحامـل مسـك وريحـانـي
فمان الله يا أغلـى النـاس وأغـلا شخـص حبيتـه
يـا بنـت الـعـم مــا غـيـرك بـوسـط القـلـب سكـانـي
رحلـتـي بــس لــك ذكــرى صـداهــا حـيــل ضمـيـتـه
أنــا يــا كـيـف أبصـبـر يــا حـاتـي وأكـتــم أحـزانــي
تـــرى الـفـرقـا لـــه جـــرح بـوســط الـقـلـب عـانـيـتـه
وأنــا قلـبـي مــن الفـرقـا مـريـض وصـــار تعـبـانـي
عـسـى ربــي يـــرد الـــي بـعـالـي الـصــوت نـاديـتـه
عـلـي نــذر ِ لعـيّـد لـــه بـوســط الـبـيـت لاجـانــي
ونـطــوي صـفـحـة الـمـاضـي ويـنــور بيـتـنـا لـيـتـه
وجـمـع الشـمـل يــا زيـنـه مابـيـن أهـلـي وخـلانـي
حكـايـة مـدمــن ِ تـائــب وأنـــا بالـشـعـر جـاريـتـه
على لسانه كتبت الشعر وفيها صح الله ألساني

__DEFINE_LIKE_SHARE__

((عشق النساء))

يــابـــنـــت بــالـــلـــي تـطـلــبــيــن الــصـــداقـــه

قـصـدك إعـجـاب أوحــدك الـوقــت بـظــروف

قــــالـــــت أنـــــــــا مــســتــرجــلــه بــنــطـــلاقـــه

ســـــوا ســـــوا بـالــســوق تـرقــيــم بــحـــروف

قـلــت اهــجــدي لأعـطـيــك كــــف ِ طــراقــه

تبـطـيـن وخـــدك فــوقــه الــشــاش مـلـفــوف

قـــالـــت بــلــيــز وشــفــيــك كـــلـــك حــمــاقـــه

الـــوضـــع حـــريــــة بـــــــلا قـــيــــد وكـــتــــوف

تــعــشــق مــــــره مــثــلـــك أكّـــــــون عـــلاقــــه

عشق النساء لبعض النساء يبري الجوف

أنـــتــــه خـــشــــن وأنـــــــا حــنــونـــة رقـــاقــــه

أســمـــي مـــــره بـــــس أبـعـبـايــه ونــفــنــوف

شــكــلـــك غــشــيـــم ولا بــــروحــــك لــيـــاقـــه

وإلا تـسـتـهــبــل حــــــــاط بــيــديــنــك ازروف

صـحـصـح وراســـك شــيــل عــنــه الـطـبـاقـه

والـظــاهــر إنــــــك مــتــعــرف أم شــفــشــوف

أنــــــا الــفــحــل لــيــلــى عــلــومـــي إدقـــاقــــه

واللـي مثـل جنسـي مـن أبهـا إلـى الـجـوف

والــخــافـــي أعـــظــــم بــالــمـــدارس ذواقـــــــه

شـف مـي شـف غــاده تـحـدي عـلـى نــوف

وقـبــلــك تــعـــب زوجــــــي وثـــلـــث طـــلاقـــه

وحــرم جمـيـع البـيـض مــن قـلـب وعــزوف

حــنــا نــســاء نـعــشــق بـعـضـنــا إعـشــاقــه

ولا نخـاف مـن هيئـه ولا أمــر ِ بمـعـروف

وبـالـســوق لــــو شـفــتــك لــســـوي خـنــاقــه

وابـــلــــغ الـهــيــئــة إذا شــفــتـــك أتــــحــــوف

هــــــــــذا زمــــــــــان الــعــولـــمـــة والــلـــبـــاقـــه

ومـا ناقـص إلا نـركـب أشـنـاب ِ أعـكـوف

واجــــيــــك بــــكــــرا مـــحـــتـــرف بــالــســواقـــة

وأركـــب عـلــى الـلـكـزس وعـيـونـك تــشــوف

وبــطــلـــع الــرخــصـــة وأقـــــــص الــبــطــاقــه

وبـنــت الـهــواء قـــدام وبـالـبـنـك مــصــروف

وقـــولـــهـــا يـــــانـــــوف تــبــغـــيـــن حـــــاقـــــه

لــيــلــى تــحــبـــك يــابــعـــد كـــــــل مــلــقـــوف

ولــــــــو تـطـلــبــيــن الــــشــــام وألا عــــراقـــــه

لـيـلــى مـــــع الـلــكــزس لـعـيـونــك أتــطـــوف

والــــرجـــــل لا شـــفـــنـــاه نـــبـــغـــي فــــراقـــــه

كــأنــه مـخــفــه نــزيـــده أجــنـــان وخــفـــوف

وحــاولـــت ألـــطـــف جـــوهـــا فــــــي رواقــــــه

وأهــــــدي الــمــوضــوع وبــداخــلــي خـــــــوف

يـــا بـنــت وش هـالـزيـن وش هــــالا نــاقــه

مــــلــــوم لــيـــلـــى دام عــشــاقــهــا ألـــــــــوف

يــابــنــت هــــــذا الـــوقـــت مـــآبـــه شــفــاقـــه

وقـــــت بـــــه الأحــبـــاب بــآلـــف ومــبــلــوف

وحـــــدن غــفـــت عـيــنــه ونــومـــه أســراقـــه

وحـدن غـطـس بالـنـوم مــن فـوقـه ألـحـوف

يــابــنــت بـهـديــلــك مـــــــن الـــــــورد بـــاقــــه

وعــلــمــك وشـــلـــون خـــافــــي ومــكــشـــوف

وبـهــديــلــك أصـخـلـتــيــن وحـــــــوار نــــاقــــه

وخـلــي الـجـمـهـور يـصـفــق لــــك أكــفــوف

وعــطــيــك يـــارايـــق مـــــــن الـــجــــو راقـــــــه

وبـعــثــر أوراقـــــك ومـــهـــد لــــــك أجــــــروف

تـــبـــغـــي تـــعـــلـــم بــالــمــجــنــن أحـــــلاقـــــه

وإلا تــغــنــي أغــنــيـــة جـــــــورج بــســيـــوف

شـكـلــك غــريــب وصــرتــي مــثــل الـعــلاقــه

يـابـنـت مـــروا غـيــرك أضـيــوف وضــيــوف

وبــــان الـمـخـفـي وأنـكـشــف ســتــر ســاقــه

وشـبــابــنــا وبـنــاتــنــا عـــــــزوف ودفـــــــوف

كـــيـــف الـــمـــرة تــعــشـــق مـــــــره يــارفــاقـــه

والجـنـس الـرابــع بالـنـسـاء صـــار مـألــوف

هــــــذي مـصــيــبــة أو مـــــــرض اعـتــنــاقــه

أو عـيـب فيـنـا أو غـــزى الـغــرب بـسـيـوف

أو فــيـــروس فـلــونــزا الــطــيــور إنـتـشــاقــه

صــاب الحـريـم وصـــارن أذكـــور وجـلــوف

وأخـــــــر زمـــــــن بـــنــــات حـــــــواء إعـــاقــــه

ومـاعـمـهــن فـيــهــن شــريــفــات وعـــفـــوف

شـــاعــــر غــــيــــور وزاد فــــيــــه احــتـــراقـــه

أقـولــهــا وأنــــــا مــــــن الـــوقـــت مــكــســوف

وأمـــحــــق ســــنــــه يـالـعـنـبــوهــا صــــداقــــه

مـسـتـرجـلــه لــيــلــى ولا عــنــدهــا ظــــــروف

__DEFINE_LIKE_SHARE__