.₪. سَبَائِكْ .. للمبدع / سعدْ الحريّص .₪.

[align=center]


صحيح أحبك وأنـت والله تنحـب
لكن هذاك احرق فـؤادي وأذابـه
وش غيّر الدنيا وهي جدّها لعـب
وبدّل بشمس الضحك ليل الكآبه ؟
لا اقبل عليّ بضحكةٍ تسرق اللـب
فتحت له قلبـي وشرّعـت بابـه
مشي السحابه لا تريّث ولا خـب
سبحان من خلّى النقيض يتشابـه
لا والذي غيره حشا مـا لنـا رب
كنها مشى والأرض تحته سحابـه
لو ما تثنّى ما دريت الهوى هـب
تـرفٍ يميّلـه الغنـج والذرابـه
تفاح فتنـه فـي محيّـاه وعنـب
أجوع له واضما ضماه وشرابـه
لي عضّ عنّابه وجمر الغضى شبّ
في شفّته قلب البعيد اكتـوى بـه
عين اشقرٍ ما طار صيده ولا طب
ضاقت عليه من الرعاب الرحابـه
حرٍ يذبّ الصيد مـن مخلبـه ذب
في نظرته عز وجمـال ومهابـه
إليا شلع كنّه حجر والسمـا جـب
يهوي بها كن الصعـود انجذابـه
والليل كنّ الليل في شعـر يصـب
ّشلال من فوق المتون انسكابـه
والكلمه اللي بالهوى ما لها طـب
لا انت بسما حبه ولا فـي ترابـه

[/align] __DEFINE_LIKE_SHARE__

[align=center]



ما اقول انا غير لكني اقـول ان ذهبـت
يتذكر الحب في النسيان من غـاب لـه
تفرق الغيم عن راسي وانا مـا شربـت
مابـل قلبـي بمـاه ولا ارتـوى وابلـه
قد شدني لمع برقـه بالسمـا وانجذبـت
ظميان والروح من كثـر الظمـا ذابلـه
ياحارس التيه انت بصفحتي وش كتبـت
اللي قضيت العمـر كلـه وانـا اعابلـه
لو مايقولـون عليـت البكـا وانتحبـت
بس بيقولون مجنون .. الهـوى هابلـه
البارحه كنت احس انـي كثيـر اقتربـت
واليـوم ابعـد وياخوفـي مـن القابلـه
ابطلب العـذر سامحنـي حبيبـي تعبـت
واببتعد عنك لـو نفسـي مهـي قابلـه
عاشرت انا الصدق في دربي واظني كذبت
مره .. وطاح القمـر فالليلـه الحابلـه

؛
هنا أتوقف .. ولن أفي هذا الشاعر حقه
إنما تلك مقتطفات من درره
أتمنى أن تروق لكم
ودي
؛

[/align] __DEFINE_LIKE_SHARE__

صح لساان شاعرهاا

ويعطيك العاافيه على ايراد الديوان الرائع

تقديري لك .. __DEFINE_LIKE_SHARE__

صح لسانه

مجهود مميز شيهانه يعطيك العافيه

تحياتي لكـ وتقديري __DEFINE_LIKE_SHARE__

نقل راائع
سلمت __DEFINE_LIKE_SHARE__

يعطيك الف عافيه

__DEFINE_LIKE_SHARE__

صح لسـان سعد الحريص وتسلم دياتك شوشو ع المجهود الرائع
لكـ تقديري
__DEFINE_LIKE_SHARE__