ياجيشنا الباسل

بسم الله الرحمن الرحيم
السلام عليكم ورحمة الله وبركاته

كيبورديه..
بهذه الاحداث..نابعه من حب وطني.. يجري بشريان كل مواطن ومواطنه..
امل ان تنال عجابكم..

[poem=font=",6,red,normal,normal" bkcolor="transparent" bkimage="http://www.t1111t.com/vb/mwaextraedit2/backgrounds/15.gif" border="double,4,blue" type=2 line=0 align=center use=ex num="0,black""]
يادارنا عيشي تحت ظـل رحمـن=الله حمـاك بحكـم خيرالبـرايـا
حكم السعود اللي لهم بالملا شان=من عهد ابو تركي حميد السجايـا
وعقب لنا بعده ملوك(ن)وشيخـان=والكل منهم يوصف ابـو الحكايـا
واليوم امان وخير في حكم ذيبـان=يعيش ابو متعـب قليـل الحلايـا
بطل العروبه والوطن طير حوران=درع الجزيره غيث كـل الرعايـا
ويادارنـا مازعـزك كـل خـوّان=والقاعـده والشرذمـه والخلايـا
من دونك الابطال والسيف شامان=وارواحنا من دون حـدك ضحايـا
وحد الجنوب ابشربنا جوك شجعان=في خدك الطاهـر نقـود السرايـا
وياجيشنا الباسل على ضلع دخان=صب القنابل فوق شيـن النوايـا
خل ارضهم تمسي زلازل وبركـان=واجسادهم تصبح طعام الشضايـا
والنصر في حرب الوديعه وجحفان=واليوم للماضـي نعيـد الهدايـا
والدار مانرخص ثراهـا ولاهـان=من دونها حنـا سهـوم المنايـا
دار(ن)غلاها غيرعن كل الاوطـان=من صغر سنـي حبهـا بالحنايـا
حامينها من قبل في ماض الازمان=فوق المهار وفي ظهور المطايـا
حنا اهل التوحيد وانصار الانسان=وايماننـا دايـم تمـد العطـايـا
مانطمع الجاره ولاحـدود جيـران=ولانقبل العيلـه وكثـر الخطايـا
مانستمع في الهرج لوكان ماكـان=والحمـد لله خصنـا بهالمـزايـا [/poem]

لكم ارق التحايا..

__DEFINE_LIKE_SHARE__

مانطمع الجاره ولاحـدود جيـران=ولانقبل العيلـه وكثـر الخطايـا
مانستمع في الهرج لوكان ماكـان=والحمـد لله خصنـا بهالمـزايـا

صح السانك

وبيض الله وجهك على القصيدة الجزلة

والله يرحم شهدانا ويصبر ذويهم

وينصر جنودنا ويثبت اقدامهم

تحيتي لك

مــغـــرورهـ __DEFINE_LIKE_SHARE__

والدار مانرخص ثراهـا ولاهـان
من دونهـا حنـا سهـوم المنايـا
دار(ن)غلاها غيرعن كل الاوطان
من صغر سنـي حبهـا بالحنايـا
حامينها من قبل في ماض الازمان
فوق المهار وفي ظهـور المطايـا


الوطن مانستهين به ولو عطونا الالماس

الوطن غالي ووزنه يطوف بثقله الاثمان

الوطن دار وستر وغطاء لاهله والاجناس

الوطن درة مصونة مانساومها باغلى الاثمان

صح السانك اخيو وعلى العافية

ولاهنت والوطن بداخل نين العين

الله يحفظك ياوطن ويحفظ البواسل الرجال

اللي دوم رافعين الراس __DEFINE_LIKE_SHARE__

[align=center] وعليكم السلام ورحمة الله وبركاته

ܓܨܓღღ راشد العتيبي ღღܓܨܓ

صح لســانك وتسلم يمينك ولاهنت

كفيت ووفيت ... بيض الله وجهك

الله يعطيك العافيه

تقبل تحياتـ ودمت ـي وخالص ـإحترامـ فالوجود ـي [/align] __DEFINE_LIKE_SHARE__

صح لســآنك ملاين رآشد العتيبي ولا هنت ع هالنص الرائع ..
والله يحفظ بــلآدنا من كل سوء ..
تقبل ودي ,,

__DEFINE_LIKE_SHARE__

صح لسانك وربي ما هانك

جميل هالاحساس اخوي __DEFINE_LIKE_SHARE__

راشد العتيبي

صح لسانك ,,,,,,,, قصيده تتضمن احساس رائع وراقي للوطن الغالي
لاهنت يا ذيبان والله يعطيك 1000 عافيه

المزيد من التوفيق والنجاح امنياتي لك ....
تحياتي __DEFINE_LIKE_SHARE__