ديوان الشاعر : راعي الاوله

كل شارب له مقص وكل رجال اب مقامه

لاتسمى بالاسامي وانته اغـراب الحمامـه = الاسامي بسم اهلها ما تبيـع ولا اشترتبـه
كل شارب له مقص وكل رجال اب مقامه = وانت رجال(ن) نقيصه والرجوله مكملتبـه
ما نجامل واحد(ن) عند العرب قل احترامه = إن رضا ولا زعل نقص(ن) عليها وانتهتبه
منهو اللي طول عمره بينه فيـه العلامـه = فعل يمناه القصيـره فـي جبينـه وقعتبـه
ممشا درب الخطا يصبر على درب الملامه = لا يقول العلم ميت والعرب علمـه درتبه
العرب حجة وصامت وأنت يا الله السلامه = وش بقا بالعمر يلي نص عمرك روحتبـه

__DEFINE_LIKE_SHARE__

لو يرتخي الراس بيديني قطعته

يا بنت ما نرتخي و لا نرخي الـراس = لو يرتخـي الـراس بيدينـي قطعتـه
سيلة دمه مع الشـارع علـى السـاس = ولا هين راس(ن) على متنـي رفعتـه
العام الاول غلاك اشعـور واحسـاس = يجري مع الدم فـي جسمـي وطعتـه
واليوم روحي يا بنت من جملة النـاس = من باعني بالثمـن بالرخـص بعتـه
حبك ندوسه تحـت بالرجـل ينـداس = يحرم عليـه مثـل ديـد(ن) رضعتـه
ماني منلـي يعيـش الظيـم واليـاس = ارخ الاذانـي ونفـذ مــا سمعـتـه
واليوم تجزاء شـراب المـر بالكـاس = عليك تشرب وتحصـد مـا زرعتـه
الله خلقنـي واعـرف العقـل مقيـاس = ممشي بدرب الخطى وشرع(ن) شرعته

__DEFINE_LIKE_SHARE__

ألا يابـــلـيـط القلب

نقول الكلام اللي علـى روس الأشهـاد = ونرسل رسالـه يـم راعـي الـدوادي
ترى اللي مزعلني هروج(ن) تجي وتعاد = تقـول الكـلام ولاتعـرف المـبـادي
نصحتك ثـلاث سنيـن والعلـم مافـاد = ألا يابليط القلـب ويـن انـت غـادي
تستر بثوبـك لايجـي هـرج وعنـاد = تبيها علـى راسـك علوم(ن)اجـدادي
تجيك العرب تمشـي مجاميـع وافـراد = وحظي بري منها وعلى الله اعتمـادي
أنا مارضيـت اللـي تقولـه بالاجـواد = لكـن الـردي دايـم يحـب العنـادي
ترى ذمتي تبرى علـى روس الأشهـاد = سمعـت الكـلام ولاعرفـت المنـادي

__DEFINE_LIKE_SHARE__

يقولون ابن تركي يعد من الهوامير

هلابك يا بن تركي عدد ما غرد الطير = وعد النجم الازرق وهمـال السحابـه
رفيق العمر اعزك ولك حشمه وتقديـر = ثلاث اشهور غايب هلا يـا مرحبابـه
سمحنا يا السنافي ولا نبغـى المعاذيـر = ودرب الشك زايل وانا ما جيـت بابـه
وصلني علم عنك ورى ذود (ن) مغاتير = يسار من القليب جنـوب مـن الهابـه
لكن العلم طـول وكثـرت المشاويـر = على دربك مشينـا وحطينـا الرقابـه
يقولون ابن تركي يعد مـن الهواميـر = يشيل المال كله ويضيـع فـي حسابـه
توقع يا السنافي ليـا شفـت المساييـر = وخـذ العلـم منـي تراهـا بالنيابـه

__DEFINE_LIKE_SHARE__

ذكرتني بالذويبي يو جابك

يا ذيب يلي علـى روس المراقيـب = وقتك تغير ورجمـك مـا درابـك
اربع ليالي تجر الصـوت وتغيـب = مدري تحـب العـوى ولاصوابـك
ذكرتني بالعرب وحرش العراقيـب = وذكرتنـي بالذويبـي يـوم جابـك
عشاك حسب العوايـد والمواجيـب = وحطك بضلعـك وحـذر وعتنابـك
واليوم راحة على ما قيل يـا ذيـب = ضاعت علوم العرب وحسب حسابك
يوم المراجل تعسر ودربها صعيـب = هذاك وقت العرب وحضرت جنابك

__DEFINE_LIKE_SHARE__

لساني حجتــلي علــيكم وادعيــــبه

وقفنا للمواقف إيحضـر الفكـر ويغيـب = وعلم(ن) مايثبـت حـرام(ن) مانجيبـه
حميناها المواقف علـى درب المواجيـب = ورجل(ن) ما يحامي خسارة وش نبيبـه
وقفنا مـا نتعـذر وصدينـا الأشانيـب = لك الله يا المسمـى نهـار(ن) نهتديبـه
مواقفنا تشـرف علـى روس المراقيـب = لسانـي حجتلـي عليـكـم وادعيـبـه
سلامك ما يقـدم وفعلـك عندنـا عيـب = وعذرك لو تقوله علـى راسـك معيبـه
تشوفه قدم عينك وهـذه شقـة الجيـب = كبيره يـا المسمـى تبيـع وتشتريبـه
عسى الله يرحم اللي حمو حرش العراقيب = ارجال(ن) ما تبالي لها حشمـه وهيبـه

__DEFINE_LIKE_SHARE__

يا هيه يلي تبيها تبيع بالسوق

يا هيه يلي تبيهـا تبيـع بالسـوق = غيرتك ماتت ودمك فـي عروقـه
مكفاك غزو الفضا والشر من فوق = في صفهم جيتنـا شـرك تسوقـه
ما شفت ذبح العرب والقلب محروق = والطفل ميت وسقف البيـت فوقـه
وين انت رايح تهز الراس مصفوق = عليك برق النـوى لاحـة بروقـه
وقف مكانـك ترانـا دم وعـروق = ولـي يغـر السنـع حنـا نعوقـه
منته وكيل العرب جاهل ومطفـوق = ورايك رخيص الثمن خله بسوقـه
دون الحراير نقول السوم مفـروق = إنـذار للـي سمـع ولا يـذوقـه

__DEFINE_LIKE_SHARE__