ديوان الشاعر حامد مناور

إلى أخ القلب .. خالد صتان .. ولكم !

والله ولك وحشه مهي وحشة كلام
وسط مبين الضحكه وبين النحيب

وحشه ترفرف بالمحبه والسلام
وتقول يا لبّا عيونك يالحبيب

أبشرك يا خالد بخير وتمام
ولو انه بكيفي فلا عنكم نغيب

أنتم هل الطولات علين المقام
وحنّا على يمناكم بوجه الحريب

أليا طريتو طار من قلبي حمام
واعشوشب العنّاب والغصن الرطيب

اللي يحن لشوفكم ماهو ملام
معذور لو قلبه لكم يقنب قنيب !

__DEFINE_LIKE_SHARE__

وان ضاعت ايامي بها فدا !

أن غبت وان ما غبت لك علي
أتـــنـــفــــســــك واتــــشـــــربـــــك نــــــــــــــدا
غـــــــلاك مـــالــــي خــافــقـــي مـــلــــي
وانــــــا بـــدونـــك مــــــا مـــعـــي حـــــــد
جــدايــلـــك شـــــــف لـيــلــهــا خــــلــــي
وان ضــاعــت ايــامــي بــهـــا فـــــدا
أنـــــا حـــلالـــك مــــــن هـــنـــا والــــــي
يــنـــجـــن بــــــــك مـــااظـــنـــه يــــهـــــدا
أخــاف اقــول اش حـاجـتـك بـلــي
ضــاعـــت لـيــالــي غــربــتــه ســــــدا
أزعـــــــــــل ولا تــتـــحـــمـــل زعـــــلــــــي
أرضــــــــا ولا يـســتــوعــبــك مـــــــــدى
مــن هـــام بـــك لا يـــا بـعــد هـلــي
يــضــيــع لــــــو انّـــــــه عـــلــــى قـــــــدا
أصــابــعــك أحــــــلا مــــــن الــحــلــي
والــصــبــح فــــــي شـفــايــفــك غـــــــدا
أمــــوت بــــك لــكــن مــــن اجـهــلــي
ألــمـــلـــم جــــروحــــي بـــــــــلا جـــــــــدا
يـــلــــي يـــلــــي يـــلــــي يـــلــــي يـــلــــي
الـبــلــبــل لـــيــــا مـــــــر بـــــــك شــــــــدا
الــقــلــب ضـــايـــع ويــغــلــي غـــلـــي
والله مــاْصــدقـــت انــــــــه اهــــتــــدى
تــعـــال رجــــــع ضـحـكــتــي جـــلـــي
مــــنــــي كــــــــل الــعـــمـــر والــمــبــتــدا
ضـحـكـتــك لا تـحـسـبـهـا تـنـطـلــي
الـــحـــزن بـــيـــن حــروفــهــا يـــحــــدا
ارتـــــاح لـــــك قــبـــل تـــرتـــاح لــــــي
وانــــــــا فـــــــــدا ســـوالـــفـــك عـــــــــدا :
حــــزنٍ مــهــو مــنــي ولا هــــو لــــي
لـــنّــــه لـــصــــوت آلامــــنــــا صــــــــدا
لـــيـــتـــك تـعــلــمــنــي وش دخـــــلـــــي
إلاّ إذا كــــــــــــــــــــان الــــــــــوفــــــــــا ردا
تعـبـت اسـولـف لــك عـلـى مهـلـي
الــعــمـــر مـــــــا يـــقــــف لــــيــــا بــــــــدا
كــانـــك تــبـــي لاحــزانـــي تـنـجــلــي
خلـنـي مـعـاك امـشـي عـلـى هـــدا
لــــــو ردت تــفــلــي عــمــرنــا فـــلــــي
مــحـــنـــا عــــلــــى ألآمــــنــــا جــــــــددا
وان تـعـبــت رشــانــا مـــــن الــدلـــي
قــلــوبــنـــا تـــــظـــــل تـــقـــطــــر نــــــــــدا

__DEFINE_LIKE_SHARE__

العز حنّا هله والطيب حنّا هله !

أما قبل :

لا تدقق بالمجالس هي كذا معروفه

وين ما يجلس رويلي صار صدر المجلس

والبخيل ان غاب والله ما عليه حسوفه

دام لا منك طلبته شي قام يدلّس

والكريم يمد لك يمناه وانت تشوفه

يذبح عياله ولا يمكن يقول مفلّس !

أما بعد :

أشياء ما تنكتب واشياء ما تنقرا

........................ والمي من منبعه والشعر من منهله

لتفكر انك علي تخطم مكانك ورى

.......................... العز حنا هله والطيب حنا هله

يامارقينا على العليا وكلن درى

....................... وان جات لالوله حنّا هل الآوله !

نسقيك سمٍّ عذاف وجرحك ليا برى :

....................... نكويه ، رح شف لك مجرب وثم اسأله
والشعر حنّا نهاره كان ليلك سرى
.............................لنا مع المجد كل المجد قرب وصله
وحنا لمنهو زبنّا سلسبيل وذرى
.....................................لو ان وقته كئيب ليا لفانا دله

صبينا لانتخى ما عاد فيهاكرى

........................ يروح فيها قليل العرف والمرجله !

وإلياافتخر غيره بشيٍّ قديمٍ جرى

...................... يكفيه عن كل عز ان قالحنّا روله ! __DEFINE_LIKE_SHARE__

وصلتك يا فيينا ، ما معي غيري / على كثر الأحبه جيت وحداني !
وصلتك يا فيينا ما معي غيري
على كثر الأحبه جيت وحداني

أبتنفس هواك اتشربك ، طيري
أبفرد لك سواليفي وجنحاني !

صباحك غير مهما زان تعبيري
أحسه ناقص وما لاوّلك ثاني

أبا افضفض معاك بشري وخيري
تعبت من التعب خوذي من احزاني

أنا ما قلت لخطايه معك سيري
مشت بك مشبعه من ضيق جدراني

شوارعك ، المطر ، ثلجك ، وتأخيري :
وانا اقطف لك تعب عمري من اغصاني

وحبك قبل ما يا قف على بيري
سقيته شوقي وترنيمة الحاني

تخيّلتك ( حياه ) اتحلّفك صيري :
على شاني حياة وعمرنا فاني

أنا مُتعب من ايامي وتفكيري
متى من بعد ما ضيّعتك القاني

جمالك يا فيينا فاق تصويري
وانا شاعر بسيط ويعجز لساني ! __DEFINE_LIKE_SHARE__

كل عامٍ وأنتم العيد ..!

إضافة ثانية :

عيدي العام معه اليوم من دونه
الله يعين يا ربي تهونها

كنت اقص الشريط بضحكة عيونه
صرت انبش عن الأحزان وادفنها

كان لا قلت اببعد ينخطف لونه
وافتح ايام عمري لجل يسكنها

مغرمن بي وانا لو مت ما اخونه
وكل ماسودت ايامي يلونها

غالين يمشي بقلبي على هونه
والليالي فداته يامر وينها

غاب فجأه وضاق الخلق من دونه
والقصايد لعينه نكتب ازينها

كل الايام يبكوني ويبكونه
بعض الاعياد سودا مير ما عنها ..

إضافة ثالثة وآخيرة :

دامه سكن قلبي وجاور فؤادي

أبي احرقه وآشم ريحة بخوره

ولو الغلا ماله أصول ومبادي
مابيح له فرقاي عند الضروره

__DEFINE_LIKE_SHARE__

بمناسبة زواج الأمير / فيصل نواف الشعلان
تم إلقاء هذا النص في حفل زواج الأمير فيصل نواف الشعلان ليل الخميس الماضي
و بحضور جمع من أصحاب السمو والشيوخ والأعيان ، إضافة إلى تواجد ومشاركة مجموعة من شعراء القبلية الذين كان له الحضور الأجمل ، وها أنا أضعُ بين ايدكم ما جادت به القريحة وهو اقل وبكثير مما في القلب

صوتٍ يبلّ الريق !

يا شــــــعر هذا فيصل المقدام

اللي عطاه الله عطف ولين

خــواله اللي مجدهم ما نام

عالي وهم مثل السما عالين

وان صارت الدنيا تعب وعسام

هم نورنا وحنا لهم وافين

وابوه نواف البحر لا زام

يعطيك علمه كاش ما هو دين

اليا نخيته قال لك قدام

واليا لمحته تسكنك شمسين

اليوم فرحه وانت ما تنلام

لو تنسكب يا شعر قلب وعين

لمّه بها تتناثر الأحلام

وآمال ما تتحمل التخمين

مبروك يا فيصل عسى الأيام

تسكنك حبٍ يسكنه قلبين

تدري وش اللي ينقص الإعلام

حنّا وحنّا فاقدين ثنين

صوتٍ يبل الريق والآلام

وصورة شمال القلب وإلاّ يمين

رويل مبطي تسبق الأقلام

وافعالهم رغم الحسود تبين

يوم انها شلفا ورمي سهام

كانو على رد النقا عجلين

صغيرهم وان قام قام شمام

ما كنكن ولا يشتهي بعدين

صاحت لنا فزعه وطار حسام

وصحنا بها عزّه وطاح البين

نرقا على العليا ولا ينضام :

من جالنا ما نسأله من وين

نضفي عليه الحب ، والأوهام :

نزيحها مبطي مثل هاِلحين

وختامها يا رب يا علاّم

يا واعدٍ عبده بنصر الدين

تحفظ أبو متعب ذرى الأسلام

أقولها وقولو معي آمين

__DEFINE_LIKE_SHARE__

أنا بدونكم قصيدةٌ ناقصة !

سلام واحد ما يكفي سلامين
للي لفا يهني برجله وخيله

اليوم غير ولمة احباب غالين
والقلب يوقد بالضلوع الفتيله

الله يعز الدوله وينصر الدين
ويحفظ لنا راع الصفات الجليله

القايد الوالد أبو متعب العين
نفداه وحروف الشعر تنحني له

هو بس يشّر لا يحدد على وين
وإلاّ بعد من قبل يشّر نجي له

أهلي وإن ضنوا عليّه كريمين
داري وإن جارت عليّه جميله

الوقت خاين والجماعه وفيين
وانا ولا حاجه بدون القبيله

إن غبت عنهم كن بالقلب سكين
وان جيتهم ليله ولا ألف ليله

الجد وايل والشيوخ الشعالين
والشعر بالجمهور نشفي غليله

والحمل لو مهما ثقل يكفي ثنين
من لابتي حمر النواظر تشيله

كواكبه ما يخطلون النياشين
والسيف ماخذ من يديهم صليله

أليا رقوا يرقون مثل الشياهين
بانفاسهم ما يغلب البن هيله

أكرم من دموع اليتاما وذربين
والصبح فيهم من هواه وعليله

وان قلت مرعض تستقيم الموازين
بسيوفهم طب النفوس الغليلة

والفرجه في كل الاحوال عالين
عوجان لكن يعدلو كل ميله

وشلون لا صحت المدد يالدغامين
أبشر بناسٍ ترتكي للثقيله

وان صوّت القعقاع جوك العديمين
صغيرهم ينطح لحاله قبيله

ما هو قصورٍ بالقبايل ولا شين
وكلٍ على قوله يقدم دليله

وانا دليلي ماضي الوقت والحين
أن مارتقا الأول لنا نرتقي له

بالشعر لي صوله وجوله ومن وين
ما هب نسناسه أجي وارتكي له

واقطف دروده واترك الشين للشين
ومال من خيوله يغير الأصيله

يما قطفته من ورود البساتين
والملم ابياته جديله جديله

ويا ما سقيته بالتعب والتعب زين
واورق وانا فيني مساه ومقليه

يرتاح لي وارتاح له والشرايين
متشربه حبه ولاحدٍ مثيله

تكريمكم هذا على الراس والعين
أنا ارتفع به والشعر ينحني له

للكل مهو لشخص واحد ولا ثنين
وانا ولا حاجه بدون القبيله

__DEFINE_LIKE_SHARE__