بالطيب بالغصب تبي تعجبكم ....

الجـآدل · 13-07-2010, 06:18 PM

السلام عليكم ورحمة الله وبركاته ...
قصيدة اعجبتني
واكيد تبي تعجبكم :)

[poem=font=",6,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
بيوت الشعر ما توفي شعورٍ حرّك الوجدان=وفاض به الصدر عقب الوساعه وامتلا شعيبه
كلامْ يوقّف المعنى على رِجلْ ويهزّ آذان=يِشيب اله الولد ويردّ حِلْم العمر للشيبه
وليه اكتم وانا ما الله بجابرني على الكتمان=بغتاب العرب لو فالشريعه تَحْرَم الغِيبه
سلام الله على روس العرب ولاّ على العتبان=صناديد الفخر والمستريب يموت في ريبه
لو التاريخ ينطق ما ترك لاهل اللسان لسان=ولا له غير برقا وروق تاريخٍ يهذري به
لو ان العزّ كان حصان لا يِعسَف ولا ينهان=لقيت أدنى صبي فعتيبه يودّيه ويجيبه
تساميّ يا بيوت الشعر عمّا يجرح العنوان=وهاتي كلّ مضمونه من عتيبه إلى عتيبه
على الشيخ الكبير اللّي صهيله يِفزع الفرسان=سلام الله ، عسى الله يحسن لمثواه ويثيبه
بكى له نجد واهتزّ الجنوب وصاحت الصمّان=على موت الكبير اللّي بقى مجده يماري به
قريته لين قلت الشان عقبه ما بقى له شان=حفظته لين قلت الشعر عقبه من يغنّي به
مواقف تركي بن حميد تقصر دونها الشيخان=لو ان المجد هيّن شفت كلٍ في مراقيبه
عتيبه قبل تركي شامخه وتزلزل الوديان=ومع تركي تلبّسها الفخر والمجد والهيبه
اليا منها اسكنت ماكنّ في مرباعها سكّان=لولا صوت النجر يكفي بصوته عن معازيبه
سلام لمن بغى السلم وتعوّذ من قذى الشيطان=وملجا لمن هموم الوقت تومي به وترمي به
وايلا من حركّوها ياقف المارد ويصحى الجان=تصلّي شرق واللي ما تصلّي به تصلّي به
وايلا من ثار بارود البنادق واحتمى الميدان=تجرّع خصمها مرّ الهزايم واشهب الخيبه
ولازالت على راس الشرف يرجح بها الميزان=من السيف المصقّل فالوغى لللجود والطيبه
حقايق واضحه والجاهل اللي يطلب البرهان=هذاك اللي الحسد خلاّه يسبح في عذاريبه
يجوز إنّه يبيع الما على اللي يحتضر ظميان=ولكن لا يبيع اللي يتصدّق من مشاريبه
هواي عتيبي وساسي يعنّز بي على قحطان=ولا باصله يشكّ إلاّ الوضيع اللي كشف عيبه
ليا من فاخرك من قال كنّا في زمانٍ كان=يكفّي يا العتيبي لو تقول إنّك من عتيبه[/poem]

صح السان شاعرها ..فالح بن قشعم الهاجري
الجــــآدل
__DEFINE_LIKE_SHARE__

انسياب الفكر · 13-07-2010, 06:34 PM

الجادل ...
صح لسان شاعرها ... والنعمـ بأصلك ...
وماعلى الرجال قصور ...مشكورهـ لايرادكـ ... __DEFINE_LIKE_SHARE__

راعي الاوله · 13-07-2010, 07:00 PM

وليه اكتم وانا ما الله بجابرني على الكتمـان ----- بغتاب العرب لـو فالشريعـه تَحْـرَم الغِيبـه

ترليون نعم في عتيبه اجبالن رواسي ويستاهلون بدون قصور في الاخرين ،
طيب الله ثرى تركي ابن حميد ،
الجادل شكرا لك على الاختيار
تحياتي __DEFINE_LIKE_SHARE__