ديوان الشاعر ماجد مطر الشمري

انا مـحـتار في أمـري وانا مـحـتار في عمري
مـــدام اللي أحـــبــه صـار بايــعــنـي بـرغباته

احسبه وافي ومخلص واثر طعـنه وراء ظهري
طعـني طعـنـة(ن) تــوجــع ودمـي فــيـه بصماته

يجـاملـنـي وانا اصــدق ودايــم أقــبـل العذري
وغــرتـنـي سـوالـيـفــه ونــظــراتـه وبسمـاتـه

ولاكـــن للأســف بانــت نــويـاه ونــفـــذ صـبـري
ودفـنـت الـحـب وانـهـيـته وبضحـك مثل ضحكاته

مـثـل مابـعــنـي بـعــتـه ولايــطــري على فـكــري
وطـويـت الصفـحة الي ماضيه وأطـوي سجـلاتـه

بقلم الشاعر / ماجد مطر الشمري

__DEFINE_LIKE_SHARE__

( سرى شوقي المغرم )

سـريـنــا سـريـنــا مــنــك يــــادار حــاتـــم طـــــي

سـرى شوقـي المغـرم سـرى وتجـه بـي شــرق

سـرى للحسـاء حيـثـه ذكــر فـاقـد ِ لــه شــي

ذكــر صـاحـب ِ فـرقـاه سـبـب لقلـبـي حـــرق

يـبــي شـــوف خـــل ِ يـعـالـج جــــروح الــكــي

حبيـب ِ ملـك قلبـي وروحـي سرقـهـا ســرق

وشـوفـة عـيـونـه قـــدم عـيـنـي عـــلاج ِ لـــي

وانا في بحر حب الغضي غارق ِ به غرق

تـسـاقـا بـقـلـبـي حـبـهــا مــثــل صــــرف الــــري

جـرى مـع عـروق القـلـب بـالـدم مـامـن فــرق

وجــودي عليـهـا وجــد عـطـشـان يـبـغـي مـــي

ذبـحـه الـعـطـش بـالـحـر يـبـغـي يـبــل الـعــرق

انــا كـيـف ابـصـبـر عـنــك يـابـعـد كـــل الـحــي

ذبحـنـي غــلاك ويـمـك اسـبـق خـيــال الـبــرق

وانـــا حـالــف ِ مايـسـكـن بقـلـبـي الـــى هـــي

ولاغــيــرهـــا بـالــقــلــب حـــبــــه زرقـــنــــي زرق

__DEFINE_LIKE_SHARE__

( ياصاحبي فتكيت من وجعة الراس )

انا احسب ِ الشوق صادق بالاحساس

أَثــره غـدربــي الـشــوق مـاعـادبـه شـــوق

ياصـاحـبـي غـــرك زمـانــك بــلــى قــيــاس

وتـــراء التـغـلـي صـاحـبــه يــزلــق زلــــوق

والحـب لامـن صــار مـاهـو عـلـى ســاس

متقـلـب(ن) جــوه مـــع الـغــرب وشـــروق

مـثـل الـــذي بالـبـسـت سـكــران مـحـتـاس

فــاقــد وقـــــام يــجـــر صــوتـــه بــطـــاروق

فــي كــل ليـلـه عـايـش بـجـوى الاونــاس

يـعـيـش قـصــة حـــب وهـمــي ومـعـشـوق

لـيـلــى تـغـنــي لـــــه ومــرفـــت وريــمـــاس

ويـدبـك عـلـى الـمـوال والـصــدر مـخـنـوق

كــل الــذي بالبـسـت فـــي حـبـهـن هـــاس

بـلـى شـعـور يـهــوس والـثــوب مـشـقـوق

حـتـى عـمـود السـقـف ضـمـه ولــه بــاس

نـشــوة غــــرام بـسـكـرتـن جـالـهــا فــتــوق

وصـكـن عـلـيـه وتـــاه بـالـنـوار الاكـبــاس

زادن لـــه الـكـيـلـة وعـيـونــه غــــدت روق

ويــنــقــط الــلــيــرات وأعـــلـــن بــالــفـــلاس

وشـاتــوه بـــراء ودونــــه الــبــاب مـغـلــوق

وبكره صحى مـن سكرتـه وصـار قرنـاس

قـــــام يــتــذكــر يــفــقــد شــــــوي ويـــفـــوق

وذكـــر بــدايــت سـكـرتــه بــــاول الــكــاس

وغــيـــره مـايــذكــر لاذهـيــبــه ولا الــنـــوق

حــــب ِ يــورالــه مـــــع كـــــل الاجــنـــاس

عـش جـوك الرايـق عـسـى جــوك يــروق

لابـــــاس يـامـعـدومــة الــــــذوق لابــــــاس

يـامــوزعــة كـــــل الـمـشـاعــر بــلـــى ذوق

ياصاحـبـي افتكـيـت مــن وجـعــة الـــراس

والنفـس طـابـة عـكـس مـطـرود ملـحـوق

وانـا أعـرف ان الوضـع مايعجـب النـاس

وسعـر الذهـب احيـان مايشـجـع الـسـوق

مــالــي بــحـــب الـــــي تـخــلــع بـالـلـبــاس

تـظــهــر مـفـاتـنـهـا ومـكـيـاجـهـا طـــبـــوق

لـوتـغـسـلـه كـــنـــه مــشــطــب بــالــمــواس

وجـــه الـعـجـور الـلــي مـجـعــد ومــدقــوق

تـهـتـز لصـحـابـه عــلــى طــبــل مــــرواس

أم الـخــلاخــل والــبـــلأ داخــــــل الـــطـــوق

يـاجـعــلــهــا فــــــــدوة لــبـــوخـــد مــــيـــــاس

مانيـب مـن صيـدة عسـى عمرهـا العـوق

شـفــي عــنــود(ن) مـامـشــة بالـتـدنـفـاس

مـصـيـونـة الـعـرضـيـن والــزيــن مــرمــوق

الـعـنـق عـنــق الـريــم ربــــاب الاطــعــاس

سبحان مـن يفـرق عـن النـاس مخلـوق

ام الـعـيــون الــســود ووســـــاع ونــعـــاس

ادعــــج غــنــج ريــــان عــــوده ومـنــتــوق

والخـشـم سـلـة سـيـف تجـرحـه الانـفـاس

صـاف الجبـيـن وزايــد ِ نـورهـا شــروق

والـثـلــج بــيــن الـجـمــر يـشـبــه لـلــمــاس

يـغــار مـنــه الـجـمــر مــحــروم ِ يــــذوق

ابـــو جــديــل ِ لانـثـنــى يـقـلــب الــــراس

مـــن الـكـثـافـه كــــن بــــه ثــقــل طــابــوق

كــنــك تــعـــد الـشــعــر لاهـــــب نـســنــاس

واحـيــان كـنــه لـلـيـل ونسـنـاسـه بــــروق

ريـــم الـنـفــود الــلــي تــربــاء بـالأطـعــاس

حـــوريــــة(ن) بــعــزهـــا تـعــتــلــي فـــــــوق

مـثـل القـمـر مــن حولـهـا نـجــوم حـــراس

فـيـهـا الـحــلأ والـمـلـح والـــذوق مـخـلـوق

وفيـهـا الـبـداوة غــارس ِ دمـهـا غـــراس

عـقـلـه رزيـــن ولاتـجــي بـــدرب مـطـفـوق

هـذيــك هـــي الـلــي لـهــا الـقـلـب نـبــراس

والـهــا الـخـفـوق يـفــز مـعـلـوق مـعـلــوق

حــبــه تـلـولــس داخــــل الـقـلــب لـــــولاس

لبـيـه يـالـي لــك حـشـاء القـلـب مـفـتـوق

ان غـبـت عـنـي صــار بالقـلـب وســواس

علـيـك قلـبـي مــن عـنـى البـعـد مـحـروق

وان جيت قدمي جاك شوقي والأحسـاس

ورحـــب بـــك الـخـفـاق مـلـيـون يــاشــوق

__DEFINE_LIKE_SHARE__

الــحـــ ((( عالم الجن )))ـلـــــم

لـــبـــيـــش يـــــادارنـــــا لـــبـــيــــش
عــاش الـمـلـك لـلـوطـن عـاشــي
بـــالــــروح يــــادارنــــا نــفـــديـــش
ولأفــيــنــا خـــايــــن وغــشــاشـــي
بـوادي المغمـس شعيـب قريـش
وقــفـــت ونــزلـــت انـــــا فــراشـــي
والـجــوى غـايــم وبـــه تـرشـيـش
واخـــذت غـطــه عـلــى الـمـاشـي
وحـلـمـت كـنــي بـداخــل حــيــش
مـتــشــابــك وكـــلــــه قــشـــاشـــي
وكـنـي مـجـنـد بـوســط الـجـيـش
وســلاحـــي بــنـــدق ورشـــاشـــي
ومـــن مـرنــي قــــال يـاشـاويــش
يضـحـك عـلـى لـبـس طـربـاشـي
مـايـصـلــح بـنـقـطــة الـتـفـتـيــش
يصـلـح مـعـى طــاش مـاطـاشـي
وقــفـــتـــهـــم وردو بــتــطــنــيـــش
ورجـلـيـنـهــم تـــقـــرش قـــراشــــي
وصوبة سلاحي على التهميش
وأرمــــــــي والأفــــيــــه نـــتـــاشـــي
قـالــوا سـلاحــك كـــذاء مـافـيــش
طـلــقــاتــه لــطــفـــل فـشــفــاشــي
حــنــا مـــــن الــجـــن لاتـرمــيــش
جـيـنــا عــلــى جــنــاح خـفـاشــي
وانـكـان يـالأنـس تبـغـي تعـيـش
ســلــم ســلاحــك بــلــى نـقـاشــي
وصــــوت لـلـعـسـكـري درويـــــش
الــحــق أنــــا صــــرت بـهــواشــي
قــــال ابــشــر وانـــــا أبـوعــريــش
أوامــــــري اصــــــدره كــــــا شــــــي
جـانــي بــــوزره وراســــه ريــــش
بــخــنــجــره تــــقــــل حـــشـــاشـــي
وجــوه مــن الـقـات بــه تنعـيـش
مــــخــــزن وفــــاقـــــد ومــــاشـــــي
ثـــم قـــال حـنــا وضـعـنـا لــيــش
أنــحــرعــدوي كـــمــــا الــحــاشـــي
يــوم شافـهـم إنـخـرش تخـريـش
مـــن شكـلـهـم صــابــه خــراشــي
من الخوف كنه لمس له فيـش
مـــن كـهـربــه أنــصــرع غــاشــي
واقــول لـــه ســـم قـــال سـمـيـش
درويـــش عـقـلــه مــــرج بــاشــي
درويش وشبك همـس بشويـش
أوامـــــــري كـــــــاش وانــحـــاشـــي
فـي عالـم الجـن طـاش وطيـش
وكـــلامــــه ويـــــــش وشـــواشــــي
في ليـلآ أوحـش مـن التوحيـش
ووجـيـهـهـم تــوحــش وحــاشـــي
كـفــار أمـريـكـا وبـــوش فــريــش
و بـــلـــيـــر زفـــــــــوه بــنــعــاشـــي
وبــــوش نــــادوه يــابــو كــريــش
بـالــنــفــط حـــامــــل لـلـنـخــاشــي
يـادنـكــي بــويــش بلـيـرجـحـيـش
تــســرحــه خـــلــــف الادبـــاشــــي
خــســران بـالـحــرب يالـخـرفـيـش
لــــك نـــــار ولأبـلــيــر تـهـتـاشــي
المسـلـم دمــه مـاهـو بخـشـيـش
مـايــروح وبـاقــي بـنــا رمــاشــي
وسميـت وعملـت لــي تشـويـش
وعـمـلــت عـمـلــه بـالأجـحـاشــي
بـالـحـربـه نـجـشـتـهـم تـنـجـيــش
وأذبـحــهــم كــأذبـــح الأكـبــاشــي
ونـصـرنـي الله وعـراقـنـا يـعـيـش
والشـعـب واحـــد عـلــى الـواشــي
سـنــه وشـيـعـه بــوجــه بــويــش
ويــبــشـــر الــحــلـــم بــبــشــاشــي
ودانـــــــي الــحـــلـــم لـلـكــرنــيــش
مــــع عــالــم الــجـــن مـغـبـاشــي
وســط البحـرخـذة لـــي تـرويــش
ومــوج الـبـحـر فـوقــي رشـاشــي
يامـفـسـرالـحـلـم فـــســـره أيـــــــش
الــلـــي حــروفـــه عــلـــى أشــــــي
بـالـشـعـرنـقـشـتــهــا تـــنـــقـــيـــش
فـــي فـيـضـتـن كـلـهــا دشــاشــي
وصحيـت ولازلـة بـوادي قـريـش
مـمـسـيــنــي الــلــيـــل بــفــراشـــي

__DEFINE_LIKE_SHARE__

الصاحب الي نام نوم العوافي

مجنون ليلى جاء لبغداد حافي

وعنتر وعبله قبلهم هايميني

كلن على قبره تهب السوافي

هذي سوات الحب للعاشقيني

الحب له دربن خطر ونعطافي

وكم شيخ قوم ِ للمحبه رهيني

يامل قلب ِ صار فيه التفافي

جدد جروح ِ ماضيه من سنيني

الحب بلوى والمجرب يخافي

في هالزمن مابين عسرن وليني

الجوى صافي عكس ماكان صافي

والشوق حن وزاد شوقي حنيني

من يوم جاه الي سعابه وطافي

خل ِ خليل وخلخل الحب فيني

بعد العنا وذيك اليال العجافي

لف البحور السبع وجا مهتويني

لاصرت جنبي مالحقني خلافي

يامرحبا وهلين بالي يبيني

الصاحب الي نام نوم العوافي

وانا لذيذ النوم عيا يجيني

سهران لي يومين والبحث خافي

سهم المحبه في فؤادي مكيني

قلبي تولع بك وللغير عافي

وحبك لجابي وجرح حبك دفيني

في زاوية حبك خذ الأنحرافي

ياصاحبي بسألك عينك بعيني

النار ليا أشتبت تخص المطافي

نار المحبه هل لها مخصصيني

ناره خفيه بالحشاء ماتشافي

ولو شيعوها بالصور ماتبيني

الله وأكبر ( يابو الثمان الرهافي )

(ياكامل الأوصاف) يامحتويني

ياجوهره ياماس وافي وكافي

يابو العيون السود صافي الجبيني

يأحلى قمر نوره يشع كتشافي

ملاك حسن وماخذ(ن) كل زيني

بالزين في عيني ملاك وسنافي

تمتاز بالأخلاق وطيبك روتيني

أنشهد أن حبك مع الوقت وافي

مثلك قليل ونادرآ ياضنيني

ياروح روحي يادفاي ولحافي

لاضمت يدينك حبيبي يديني

بأسم المحبه لك أسوق القوافي

وأعطره بالعطر والياسميني

__DEFINE_LIKE_SHARE__

مسـنـدي يابــو مـــطــر

ليلي البارح سهرته لحالي ياشبيب

والسهر اثر على الحال واثر بالنظر

مسندي يابو مطر لأنتخاء ذيب ِ لذيب

بشتكي ياخوي حالي تراها في خطر

عندك الاسرار يابو مطر وسط القليب

قدها ثم قدها قدها يابو مطر

كاتب ِ ربي لك اكشف اسراري يالخطيب

ولأتلوم أخوك لأونه اكبر بالعمر

يالمطوع المحبه لها جرح ِ عطيب

والمفارق بين الأحباب الأدهى والأمر

لي حبيب ِ ابعدوبه وانا منه قريب

واعذاب القلب والعين يوم اطرى السفر

هاجر الديره وسافر قبل وقت المغيب

قال خمس ايام بأصل خوالي في قطر

ولي سنه ماشفت يابو مطر زول الحبيب

والسنه أعدها من شهر لأخر شهر

ياشبيب الراس والخد بان أبه المشيب

من بعدها يعلم الله تراء العيشه قهر

ياغريب ِ تاه يسئل عن ديار الغريب

وانقطع لاحس لانس لاعلم وخبر

ياوجودي وجد عود(ن) مضيع له ذهيب

عشر خلفات(ن) مجاهيم مع عشر(ن) عفر

ورث أبوه ورث جده ولأحد(ن) له طليب

من غلانه كن كبده يصاليها الجمر

ضيع الخلفات والعود شفه بالحليب

ويعجبه حن الحوار وفحلهن لاهدر

راح يدور حافي الرجل في حال ِ صعيب

في سموم القيض والعج ضَاع بَه الأثر

وغلق الماء والعطش اذبحه وسط الشعيب

ويتوجدهن ولأكن وفاه القدر

مثل وجده اتوجد عليها ياشبيب

وأتمنى شوفها وفي رجاويها أنتظر

__DEFINE_LIKE_SHARE__

(معانات الحلم بالطائره)
مع الأخ العزيز غصين الشيباني( أبو نواف )عسى ان تكون رؤيا خير

الـبـارحــه أبــــن مـشـيــب يـطـلــب الله وتــــاب

بـالـطـائــره تـــــاب والـدمــعــه بــــــداء يــهــدهــا

حـلـمـت بغـصـيـن انــاويــاه فــــوق الـسـحــاب

والارض يــابــعــدهــا يــاغــصــيــن يــابــعــدهــا

فــي طـايـره وصـفـهـا يـشـبـه خـيــال الـســراب

أقـلــع بـهــا الكـبـتـن أعـلــن لأحـزمــه شــدهــا

ياغصـيـن كـنـك مسـطـل شــاربِ لــك شـــراب

تـنـظــر نــجــوم الـســمــاء وأشــوفـــك تـعــدهــا

تشبـه لبـن جنـبـلاط وجـهـك يجـيـب أكتـئـاب

ومــقــرد الـخــلــق يــرقـــص بـالـجـبــل قــردهـــا

تبكـي وتضحـك وبعـض احيـان تـاكـل كـبـاب

واحـيــان هـــاك المضـيـفـه تبـوسـهـا بـخـدهــا

واحـيـان تهـتـز تـرقـص مـثـل رقـصــة عـتــاب

وعــصـــاك تـضـربـهــا وتـلــعــن أبـــــو جــدهـــا

ياغصـيـن وشفـيـك تزعجـنـا يـامــال الـذهــاب

وبـلــيــس بـالــيــك وســيــوفــه لــــــك يــحــدهــا

قـال أسكـت لاضربـك واسـوي براسـك صـواب

وعـصـاي ضــد الـعـداء الـــي مـثـلـك نـصـدهـا

قلـت كيـف تضـرب خويـك قـال مـابـه جــواب

ثـــــم قــــــال قــــــل كــبــتــن الــطــيــاره يـــردهـــا

قـلـت روحــك معلـقـه بـيـن السـمـاء والـتــراب

خـايـف مــن الـمـوت وعيـونـك يـبــي يـسـدهـا

تطـق زورك تبـي شــوف الشـجـر والهـضـاب

وتــبـــي تــســـج الــقـــدم بـــــالارض وتـجــدهــا

ياغصين تحسب ذنوبـك خايـف مـن العـذاب

وتـطــلــب مـــــن الله روحـــــك ربـــــي يــمــدهــا

الله يــرحــم عــبـــاده فـــــي نــهـــار الـحــســاب

وأم الـكـبــايــر رحــمــهـــا الله عـــلــــى ودهـــــــا

وصـحـيــت والـحـمــدالله يـــــوم زال الـضــبــاب

وأنــا بـــدار الـحـسـاء وغـصـيـن فـــي نـجـدهـا

شــرق بــك الحـلـم جـابــك يـاعـزيـز الـجـنـاب

يــاراعـــي الـطــيــب وكـــفـــك بــالــكــرم نـــدهـــا

حـلـم ِ جمعـنـي بـبـو نـــواف ذيـــب الـذيــاب

يـاغـصـيـن مــــد الـيـمـيـن أم الـشـحــم مــدهــا

خـرعـنــي الـحـلــم والــرويــا بــهــا الأعـتـجــاب

يـامـفــســر الــحــلــم فــســرهــا عـــلـــى قـــدهــــا

ياالله عسى الحلم خير اللي بوسطه سحاب

وعـســى مـــزون الـسـحـب أمـطـارهــا تـهـدهــا

__DEFINE_LIKE_SHARE__