نوخ العالم ع ارض الرياض..

أَشْمسَ المشراق وانشَقْ الظّلام
وانجلى شوف المغيّب بالمنام
والحقايق ماتغطّيها الْهـــروج
لاوهَم فيها ولا فيها هيام
عادَة كـْرام العرب مايِنثِنون
وعادة المؤمــــن ثبات الإلـتزام
نِرتِكي للحمل إذا الْغير استخَـار
ونستضيـف الحَسم إذا تاه الكلام
إستعدنا ذاكرة ناسي الزّمان
ثمْ صرنا فوق صفحاته وِسَــــام
ونوّخْ العالم على أرض الرياض
العرب والمسلمين و «عَــــمْ سام»
يعقدون الرّاي بِحزام السعود
ودارنا صارت على الدنيا سـنام
وانْتَهض سلمانها زَيْزومَها
ذخر من يَنصاه إذا اشتَدْ الزّحام
إرفَعْ الرّاس السّعودي يابَطل
وطِقْ طَبْل العز في حرب وسلام
إنت باخلاقك وبافعالك مَلِكْ
وانت لاهْل الدّين بالعالم إمام

خالد الفيصل.. __DEFINE_LIKE_SHARE__

ماطلع شي - __DEFINE_LIKE_SHARE__

صح لسان خالد الفيصل
لاهنت سعد الحمايل ع الانتقاء
تقديري __DEFINE_LIKE_SHARE__

ولاانا ظهر لي شي
يعطيك. العافيه __DEFINE_LIKE_SHARE__

اقتباس : المشاركة الأصلية كتبت بواسطة راعي الاوله [ مشاهدة المشاركة ]

ماطلع شي -

عانها.. شوفني ظبطها __DEFINE_LIKE_SHARE__

الف شكر لك اخوي سعد الحمايل على النقل والاختيار الرائع
وصح لسان شاعرها سمو الامير خالد الفصيل
وحفظ الله بلادنا ومليكنا وبلدان المسلمين اجمعين


محبتي..

__DEFINE_LIKE_SHARE__