اقتباس :
المشاركة الأصلية كتبت بواسطة منادي
[ مشاهدة المشاركة ]
|
لاوالله الحمدلله ومن فضله ومنته علينا نعرف السور والايات ابتداءً من سورة الحمد مروراً باية التعدد اللي تطمرنها برمضان وتقولن ختمنا وانتهاءً بسورة الناس
طبعاً عندنا احاسيس ومشاعر وامتلت الجزيره بقصايدنا وشيلاتنا نعبر بس نعبر لجدران عشان كذا بعضنا حول يتغزل بالابل :) .. ونهتم بهدامنا واناقتنا وانتي اعترفتي بنفسك باناقتنا ورومنسيتنا وهذا معناته انها موجوده في الاصل لكن اذا اصطدمنا فيمن يقول يابو سروال وفانيله يالاسباني بالله هذا منطق رقيقه والا منطق واحد من الاصدقاء ناعم الملمس اكيد الواحد يحبط ويكتئب ويفقد بريق الاصل الي كان فيه واللي انتي اعترفتي بوجوده فيه
هههههههههههههههههه هنا تحركت التراكمات الطبقيه اللي حذرت منها في الرد الاول
|
ايييه تعرفون السور والايات ماشاء الله
الله يزيدكم من فضله .. مير قصدي ماترددو غير الايات اللي تفسروها ع هواكم ..!! مثلاً
الرجال قوامون على النساء .. مفهوم القوامه عند الاغلبيه هي فرد العضلات والامر والنهي ..
ووجوب السمع والطاعه لـ سي السيد بدون نقاش ..!!
والقوامه هي الصرف على الزوجه وتلبية احتياجاتها وإذا تخلى الزوج عنها تُسلب منه حق القوامه ويحق للزوجه فسخ النكاح بالوسائل المشروعه ..!! وبعدين محد يطمر ايات تعدد الزوجات غيركم تمسكون اولها وتتركون اخرها (فَانكِحُواْ مَا طَابَ لَكُم مِّنَ النِّسَاء مَثْنَى وَثُلاَثَ وَرُبَاعَ فَإِنْ خِفْتُمْ أَلاَّ تَعْدِلُواْ فَوَاحِدَةً )
فواحده ياهل العدل والمشاعر .. !!
التعدد جاء لاسباب جوهريه .. مو بس للعب وتغيير الروتين ..!!
منادي مجنون ليلى ولا منادي عزه ولا انت منادي عبله ههههههههههه
امتلت الجزيره بقصايدكم .. ؟! هذا اكبر دليل انكم غزلنجيه
(طبعاً مو الكل )
الله يرحم ايام الحب الصادق والقصيد اللي ينقال في محبوبه وحده بس الحين تمتلي الجزيره ع قولك لان فيه حبيبه للصبح ووحده للمساء
رجعتو للبعاربن والله من زود الهياط والفشخره
وقل العقل فيه ناس عاقله تحط ميزانيه تكفي دوله في بعير ..!! بعدين انا وين اعترفت بأناقتكم ورومانسيتكم ..؟! اشفيك انت مثل قناة الجزيره ..!!
انا قلت اناقتكم ماتعرفونها غير بالمناسبات وبالبيت الله بالخير ..!!
والله ي منادي ابو سروال وفنيله ماجت من فراغ طول الوقت قدام زوجته بالسروال والفنيله واذا الاخ حب يغير لبس تي شيرت ع السروال ..؟!
وهي مطالبه باللبس والزينه والدلع والسمع والطاعه وللاسف ماقدامها شي يحفز لكل هذا ..!
ي منادي انظر بعين الانصاف ..!! اللي قلته مو بسبب تراكمات مثل ما تدعي هذه حقيقه ..!
البنت من ناحية المشاعر ترا مظلومه ما تلقى مايكفيها ولو طلبت الانفصال لهذا السبب يعتبر عند الاهل والمجتمع شي تافه وعيب ولايستحق اصلاً النقاش فيه ..! كيف تبقى مع شخص ماتلقى عنده الاهتمام او الحنان .. ي حياة الشقا ي شيخ ..!!