روايتي ( سارة و بدر )

رائعه ي شجونه سيناريو واحداث مشوقه
بانتظار الشوفه الشرعيه
يعطيك العافيه __DEFINE_LIKE_SHARE__

منادي ...
ترقب المزيد ... خليك قريييييب __DEFINE_LIKE_SHARE__

الصامد ...
وبعد ماشفت شي الاحداث راح تكشف التفاصيل .. كن بالقرب __DEFINE_LIKE_SHARE__

هوى روحي

تسلمين حبيبتي كوني بالقرب __DEFINE_LIKE_SHARE__

--( الجزء الثالث )--

طالعت في اخوها مستغربة لمدة ثانية وبعدين شافت المعرس واقف قدامها بالضبط .. بلعت ريقها اللي تحجر في بلعومها و زادت نبضات قلبها
ووقفت عشان تسلم عليه ... مد يده مو مصدق انه واقف قدام جمال سااااحر ... سألها : شخبارك سارة ؟؟
شافت يده الممدودة صوبها .. بسسسرعة سلمت عليه ورجعت يدها لتحت وكانت حالتها حاااالة مستحية حييييل ...
سعود في داخله : ماشالله تبارك الله لا إله الا الله على هالجمااال !! امي اختارت لي القمر نفسه وربي ..
عبدالله من بعيد : سارة وش فيك حبيبتي .. طالعي في عريسك شوفيه ....

رفعت عيونها شوي شوي وهي تسمي بالرحمن ومترددة ... والتقت بعيونه ...
انصصصصصدمت .....

شافت عيون تنعش القلب ... و ابتساامة تااااخذ العقل .. ووجه يبين عليه الحنان والطيبة ...
ماصدقت ابد ان هذا الانسان يبي يتزوجها ... وسيم لدرجة بعيييدة جدا ... رجعت بأفكارها لأمس .. كانت رافضة انها تستقبل العريس ورافضة فكرة الزواج كلها ..
كانت مو مرتاحة لا له ولا لامه و الحريم اللي معها ...

والحين احتماال قوي انها تغير رايها للعكس و بتوافق عليه ... صحت لنفسها يوم حست بكتفها تلمسه اصابع ام حسن ...
طالعت في يد ام حسن وبعدين تذكرت انها الان في موقف ماتنحسد عليه ... سمعت ام العريس تسألها : وش فيك سارة وين سرحتي ..؟؟ طالعت
فيها سارة و بعدين نزلت عيونها بالارض وقالت : هه ..!!!! لا ... مافي شي خالتي ...
ام عبدالله : ها ي بنيتي وش قولك ..؟ موافقة ؟؟
سارة مستحية في هالوضع ماتقدر تعطي اي اجابة لان نفس اللي بتوافق عليه واقف قدامها ... و شايفة باقة الجوري الوردي بيده ...
سعود مبتسم و بنبرة صوت حنونة : موافقة عروستنا ... واضح عليها ..
حمروا خدود سارة بغى الدم يططفح من وجهها .. وتمت ساكتة وعيونها بالارض ..
سعود : ممكن تقبلين هالورد ...؟؟؟
طالعت في الباقة وهي مفهية وودها تشوف ملامحه مرة ثانية من الصدمة نست ...
خذت الباقة وهي تقول مستحية : مشكور كلك ذوق ...
طالع سعود في عبدالله ويأشر ... وش الحين البسها الخاتم ..؟؟
عبدالله سأل سارة : ها ي سارة موافقة ولا لا ,,؟؟
حركت راسها ب ( ايه ) وعيونها باقية بالأرض ...
فرررحت امها فرح كبييييييير وحمدت ربها انها وافقت ... وعبدالله استانس ع اخته وحس انه ظلم سعود .. دام اخته ارتاحت له خلاص مافيه اي خوف على حياتها ...
طلع العلبة الحمرا من جيبه وفتح العلبة وطلع خاتم ذهبي ناعم عليه قلب صغير و مطرز ب حرف s ... ابتسم وقال لها : ممكن يدك اليمين ..؟؟
طالعت فيه مستغربة ,, بهالسرعة ,, طالعت في عبدالله و عبدالله يأشر ,, يالا يااالا مدي يدك ,,,
ارتبكت سارة حيل حيل .. حطت الورد عالكنبة و مدت يدها .. ضحك سعود و قال : اليمين .. اليميين ...
نزلت يدها اليسار ... وعطته اليمين ...
وعبدالله وراهم قاعد يضحك هو وامه عليها وعرفوا انها مرتبكة .. كذا حال كل بنت تنخطب ..
لبسها الخاتم .. و طالعوا في بعض ... البنت مو متخيلة انها تصير زوجة لهذا الانسان اللي تحلم فيه كل البنات .. وهو متشقق من الفرحة
بيتزوج ملكة جمال الجميلات كلهن ... قالها قبل لا يروح : الله يتمملنا على خير ان شاء الله ... نزلت عيونها مستحية وقالت : آمين يارب ..

شافته يتكلم وعيونها بعيونه وحدها انهبلت وهي متماسكة ... وطالعت في ام العريس وهي تبوسها وتبارك لها وتقول في نفسها : الله يقطع شرك ي ام
حسن عندك هالولد المزيون ماكنه ولدك ولا كنها هذي اخته .. فرررررق شاسع ...
جات عندها امها حضنتها و تصيح من الفرحة اللي اعترتها .. و تدعي لها : الله يتمملكم على خير ي بنيتي الله يسعدك ويوفقك ان شاء الله ...
طلع سعود مع عبدالله من مجلس الحريم وراحوا لمجلس الرياجيل ..
و صار الاتفاق بين ام العريس وام العروس انها تصير حفلة خطوبة صغيرة الاسبوع الجاي منها يقدم لها شبكتها ومنها يتفقون ع موعد الملكة ...

في مكان ثاني ... الساعة 8 و ربع مساء ...

وصل خالد ومعه خواته الثلاث لبيت حنين ... و طلع من السيارة عشان يساعدهم في شيل الاغراض الكثيرة اللي شروها عشان الحفلة ..
كلها حطها في كرتون كبير وشاله و قالهم يالا قدامي وروني وين بيتهم .. وراي دوام تراكم اخرتوووووني !!
اشرت شروق : شوفه هذا هو قبالك ... بس لحظة ادق على حنين ابلغها اني جيت ...
صاح : انتي لسة مادقيتي ....!!!! وش كنتي منتظرة !!!
طالعت فيه ببرود : ايزي .. ايييييزي .. وش فيك ؟؟ لاتصير مثل امي تعصب علينا بسرعة .. دقيقة ..
ورفعت الجوال على اذنها و فورا جاها الرد : ايووووة حنين .. يالا افتحي الباب حنا تحت .. وانتبهي ترا اخوي بيدخل شايل معاه الاغراض ...
حنين وتحس انها طايرة في السما يوم سمعت اسم خالد : ي فديته انا .. اقصد طيب طيب يالا الحين افتحه ..
مسكت شروق نفسها عن الضحك وقالت : خخخخخ ... يالا بس خلصينا ..
و سمعت صوت الباب وهو ينفتح وفورا البنات الثلاث هجموا وطلعوا شقة البنات وتركوا اخوهم لحاله في حوش العمارة و لمح لقى بنوتة حجمها
صغير بحجم خواته ومتلثمة ورا الباب واقفة ... سمع صوتها وهي تقول : من هنا ي خوي ...
سألها : انتي مين ؟؟
ردت : حنين ..
انصصصصدم ... والتفت عشان يلمح وجهها .. لقاها متلثمة لكن عند عيونها انسحر و حس بينه وبين عيونها صار التماس كهربائي ..
شافها بفستان كريمي مطرز بالترتر من تحت .. من فوق شاف شعرها توقع انها مسوية تسريحة كبيرة لكنه مغطى بالطرحة و متلثمة ..
ابتسم وقالها : وش اخبارك ي صديقة خواتي .؟؟
استحت وهي ماشية وراه والكرتون شايله فوق كتفه : الحمدلله تمام ...
بداخله : يالبى هالصووووووووت يطعني الله عنك ...
سألها : بسرعة قوليلي متى عيد ميلادك .؟؟
ردت : بعد شهرين ,,,
رد وهو يرقى الدرجان : مطولة هالشهرين ...
ابتسمت وماردت ...
سألها : هالعمارة ملك لكم ولا ايجار ..؟؟
ردت : لا ملك لنا ...
رد : في مجال استأجر شقة ..؟؟
ضحكت وقالت : كل الشقق متزوجين فيها اخواني ..
قال : اهاا يالا مو مشكلة .. بحاول ادور لي بيت في شارعكم هنا ... في عماير شاغرة ولا ماتعرفين ..؟
ردت : والله مادري ... يبيلك تسأل ...
سألها : طيب وين شقتكم ..؟؟
قالت باقي دور ...
هو يبي بسرعة يشوفها قبل لايوصل شقتها .. التفت بيسوي ان طاقية البدلة العسكرية طاحت من كتفه ,,,
وطيحها بالارض ... قامت حنين بسرعة لقطتها .. و رفعت راسها عشان تعطيه الا تشووف وجهه قبال وجهها بالضبببط .. لانه هو نزل يبي ياخذها وهي سبقته ..
تم يطالع فيها وهو يستلم طاقيته من يدها وهي تمت واقفة مكانها ومستحية .. سمعته يقول : ماشالله تبارك الله ...
حمرت خدودها وتلثمت من جديد و قالت : من هنا ... وصلنا ...
حط الكرتون قدام باب الشقة و التفت لاخر مرة ناحيتها مبتسم وقال : انا الحين بمشي الدوام .. قولي لخواتي الخبلات اذا خلصت الحفلة يدقون علي
عشان انا اجي اخذهم ..
نزلت عيونها للارض وهزت راسها وهي تقول : إن شاء الله ...
و بسرعة راح من قدامها لان مو باقي شي ع موعد مناوبته ..
دخلت حنين و قفلت الباب و صارخت عالبنات اخوات خالد : انتي وياها وش ذا ...؟؟ ليش تركتوني لحالي مع اخوكم ..
طالعوا فيها و فطسوا ضحك : ههههههههههههههههههههههههههههههههههه
صارخت : ضحكتوا بلا ضرووووس ... قوموا معي يالا خلونا نجهز الطاولة ..
شروق و نورة يطالعون في بعض ماسكين نفسهم يبون يضحكون وخايفين .. لكن وفاء قالت : ليش معصبة الحين ... المفترض اللي مثلك تعيش جو الرومنسية بما
انك تميتي لحالك مع اخوي ...
حنين جات وضربتها ع كتفها : اووووووص ي حيوانة الحين يسمعك ابوي وينتف شعري ..
شروق : ليش وينه ..؟؟ ماقلتي انه راح ..؟؟
ردت نورة : نايم بغرفته ... للحين مو قادر ينسى امي الله يرحمها ... مايقدر يركز على شغله ولا يقدر يداوم ..
زعلوا البنات الثلاث ,,
وعد : ماعليه بنرضيه بالهدايا ...
شروق : جبنا لأبوكم هدية معتبرة عشان يطلع من حالة الحزن اللي هو عايش فيها ...

وفاء : وبعدين هو ليش زعلان وهو يدري ان كلنا بنلحق الاموات ... ترا حرام كذا .. انتم ي بنات لازم تكلمونه لازم تعلمونه ان اللي يسويه غلط ..
وتعذيب للميت في قبره ... بس هي محتاجة دعواتكم ..

ماردوا البنات ...
حست شروق ان حنين و نورة دخلوا في جو حزن ..
راحت قالت تبي تغير الجو : هااااا هاااااا .. ياالا بس ننسى الزعل ويالا نروح نجهز الطاولة ...

في ناحية ثانية

دخلت سارة غرفتها ... و بالها بمكان بعيد .. شارد صوب سعود ....
حطت باقة الورد على التسريحة الصغيرة ... و طالعت بالخاتم .. وطالعت وجهها بالمرايا ... وتتساءل ... انا في حلم ولا علم ...
معقول هالانسان بيكون زوجي انا ...؟؟؟ ما اختار الا انا الفقيرة ,,.؟؟
هنا سمعت سارة صوت الباب يضرب ... ردت : مفتوح تفضل ..
شافت ابوها يدخل وماسك عكازه ومبتسم لها : وشلون بنيتي العرووووس ,,..؟؟؟
ساعدته سارة عشان يمشي بسهولة قالها : استريحي حبيبتي استريحي .. اقدر امشي ... وقعد فوق سريرها وقالها :
تعالي يابنيتي هنا ,, اقعدي قدامي بقولك كلمتين ...
قعدت قدامه و هي تناظر فيه منتظرة وش بيقول ...
طالع فيها وهو مبتسم : شفتي شلون الايام تمر بسرعة ... وكأنك البارح جيتي للدنيا ..
بسرعة كبرتوا ي عيالي وانا مو حاس ... كنت اشوفكم قدامي الكون كله .. وللحين انتم اغلى اشخاص على قلبي .. ما افرط فيكم ابد ابد ... ابتسم لها وهي ابتسمت له .. و من
ثم كمل كلامه : ولكن ي بنيتي ... هذي سنة الحياة .. لابد انه يجي اليوم اللي تشوفين فيه نفسك ببيت زوجك .. تراعينه وتهتمين فيه ...
شفتي امتس شلون تقوم فيني ..؟؟؟ كذا ابيك في بيت زوجك ... تخافين الله سبحانه وتعالى فيه ... هذا بيكون زوجك ان الله كتب وتم النصيب بينك وبينه ..
جنتك ونارك ... سكت شوي وطالع يدها ... شاف الخاتم و فورا طاحت دمعته ... طالع فيها وشافت دموعه وهي تأثرت حيل .. كمل كلامه ..
اذكر يوم اني تقدمت لامك منيرة ... كذا .. شكلك .. تشبهين لها لحد كبير ... لبستها الخاتم يوم وافقت ... حبيت امك من اول يوم لنا في هالبيت ...
الله يعطيها العافية ويطول في عمرها قامت فيني رغم وضعي الحرج وانا ابوك لكنها تعتبرني عيونها .. ماقدر اقعد بدونها ي بنيتي ... ابتسمت سارة وهي تسمع لابوها ..
سكت و كمل كلامه فرحان على بنيته العروس : قوليلي ي بنيتي وش شعورك الحين ..؟؟؟ مرتاحة لعريسك .؟؟
ابتسمت مستحية ...
ضحك : هههههههههههههههه ... وكمل كلامه : امك تقولي انك كنتي رافضة بشكل قطعي ماتبين تتزوجين .... وش اللي غير رايك ..؟؟؟
ابتسمت بعد ماردت ...
قالها مستغرب : سبحان الذي يغير ولا يتغير ..... !!
مازالت مبتسمة : .........

كمل كلامه : بالنسبة لي ي سارة .. انا من شفت هالرجال والله ان قلبي تعلق فيه .. احس انه بيسعدك و بيخاف عليك .. لاتفرطين فيه وانا ابوك ..
حطيه بعيونك ... اهتمي فيه وحبيه واعشقيه ان الله سمح بهالنصيب يتم ... هو مردك وهو ملاذك ... تعلقي وتمسكي فيه .. خليتس مطيعتن له
عشان تكسبين الجنة وتكسبين رضاه ...
ردت : يعني انت بعد ي يبة موافق عليه ..؟؟؟
قال : ايه موافق وعسى الله يارب انه يتمم لتس على خير ويوفقتس ... امين ان شاء الله ...
بس كوني على علم ان الموضوع مارح يتم لين يقبلون طلب توظيفه ... بس اللي بيصير حفلة خطوبة صغيرة يعني نبلغ الناس انك الحين مرتبطة ...
ابتسمت وقالت : ان شاء الله يبة ...

باس راسها و قالها : الله يوفقك ي بنيتي ويسعدك ... يالا اتركك الحين ترتاحين اتوقع اعصابك احترقت قبل شوي ...
ضحكت : ههههههههههه ...

الساعة 12 في بيت حنين

طفوا الشموع بعد ما اجتمعوا شروق و وفاء ووعد و البنتين حنين ونورة وصديقاتهم وقدموا الهدايا لنورة وكانت الحفلة مليانة
بالهبال والوناسة والصرقعة ... شافت شروق جوالها الا رقم امها يظهر و طالعت بعد انتهاء المكالمة الا 30 مكالمة لم يرد عليها وبسبب الاغاني العالية والمجنونة
ماسمعت .. طاح قلبها في بطنها وركضت صوب وفاء ووعد وقالت : بنات امي تتصللللل ... ووووش السوااه شكلها تبينا نرد البيت ...
مسكت وفاء جوالها وطالعت لقت 15 مكالمة لم يرد عليها .. و قالت : يوووووووووووووووه حتى انا متصلة علي ...!!! وش فيها متروعة علينا توها الحفلة بادية ...!
شروق : طيب والله العظيم انها بتعاقبنا اذا رجعنا هي بدون شي منقهرة اننا خالفنا شورها وجينا بيت حنين ونورة ...
وعد : حتى انا متصلة علي توها قفلت الاتصال ...
حنين شافتهم مجتمعات وبأياديهم الجوالات وسألتهم : وش فيكم كنكم عصابة تكساس ؟؟؟
شروق : امي ي حنين .. قاعدة تتصل علينا .. شكلها تبينا نرجع ...
حنين : .........
وفاء : وش السوااه ي حنين تونا بادييين الحفلة .. ماصدقنا نفتك شوي من البيت وقوانينه !!!
حنين : الصراحة والله مدري وش اقول بس الله يكون في عونكم ...
شروق : خالد ي بنات .. خالد يتصل .. دقيقة اشوف وش يبي ...
وراحت على جنب

شروق : هلا خالد ...
خالد : كيفكم ..؟؟
شروق : تمام الحمدلله .. بس ماتوقع نقدر نكمل الحفلة ..
خالد : ليش .؟؟
شروق متضايقة وتبي تصيح : خااااالد امي متصلة فوق ال 70 مكالمة علي انا ووفاء ووعد .. شكلها تبينا نترك المكان ونرجع ..
خالد : تراها حتى انا متصلة علي وخايف ارد واسمع كم كلمة تغثني ...
شروق : خالد تكفى البيت ممل وطفشششش ... والله العظيم هنا عند البنات ونااسة كبيرة وحماس لو انك بنت تجي وتشوووف بنفسك
تتمنى تسكن في هالمكان الحلووو ... ليش امي مستخسرة فينا هالشي البسيط .. والله فلة فلللللة .. خالد مانبي نرجع الحين .... تكفى شوف حل للموضوع ....!!
جات وفاء وصارخت جنب اذن شروق : ايه خاالد تكفى كلم امي صرفها قول اي شي ..
خالد رحمهم حيل وحاس بالكبت والضيق اللي هم عايشين فيه : فديتكم خواتي انتم .. ابشروا بكلمها ... بس انتم استانسوا وفلوها وماعليكم اتركوها علي ...
شروق وهي تطامر : هههههههههههههييييييييييييييه ... ياااااااالبى قلبك ي خووووي الله لايحرمنا منك ..
فرحت وفاء واشرت لوعد انهم بيتمون بعد في بيت حنين ..
خالد يضحك : هههههههههههه .. يالا ي عسل انا وراي شغل بخلصه وادق عليكم ... بس بكلم امي الحين .. يالا روحي العبي واستانسي ..

قفل الخط عن شروق واتصل على امه :

خالد : هلا يمة ..
ام بدر تصارخ : لا هلا ولا مسهلا ..
خالد : ليش يمة سلامات وش فيك .؟؟ وراك تصارخين .؟؟
ام بدر صارخت بأعلى صوت : خوااااااااااااااااااااتك .. خوووووااااتك للحين مارجعتهم البيت ... انت تدري الساعة كم !!!
خالد : يمة اتركيهم يتونسون الدنيا ماتستاهل كل هالتعقيد !! هو يوم واحد و بيمر ... اعطيهم فرصة يريحون شوي من جو البيت ...
صارخت : وش فيه جو البيت ... تكلم .. وش فيه ؟؟ مو عاجبك ؟؟
خالد مسك راسه متوتر : لاحول ولا قوة الا بالله !!!
ام بدر : خالد قدامك خيارين : يا انك تروح الحين تجيب خواتك من بيت الهيلقية حنين واختها مدري وش اسمها .. او اني ارسل لهم السايق يروح يجيبهم ..
خالد : يمةةة .. يييييممممة .. اشفيك علي ... قاعد اقولك اتركيهم يتنفسسسسون متضايقين يكفي حبستهم بالغرفة بسبب قوانينك كل شي على
كيفك ؟؟؟ تراهم بشر احساس واعصاب مو حيوانات عندك تختارين لهم اللي يحلا لك ولا اللي يعجبك .. لاتخليهم يكرهونك ... لاتسوين شي راح تندمين عليه بعدين ...
تفهمين يمة .. افهمي كلامي .. انا بقفل الان مشغووووول .. ولاترسلين السايق ابوي قال انا اللي ارجعهم ... يالا مع السلامة ..
وقفل الخط ...
فتحت عيونها و كلمت نفسها : شف قليل الادب .. قفل الخط بوجهي .. هيييين ... هيييييييييننننن .. مردك هنا انا بوريك ..
لفت وجهها وطالعت الا بدر وراها مستغرب : يمة وش فيك تصارخين ... ليش انتم كذا في البيت ماشالله مواهب صوتية قمة ... كل شوي اسمع صراخك ولا صراخ ابوي
ولا صراخ خالد .. اركدوا تراكم فضحتونا ...
ام بدر : من الغبنة اللي في قلبي اصارخ ... اخوك يبي خواته يعصون شوري واوامري ... شوف الساعة كم ؟؟؟
طالع : 12 وربع يمة ..
قالت : و للحين خواتك ماردوا البيت ...
بدر : يمة ليش حاكرتهم انتي .. اتركيهم شوي .. بيرجعون للبيت لاتخافين مو منحاشين مكان ثاني ..
قالت : وانا مااااابي خواتك يروحون بيت هذول البنات... مابيهم يتعودون يروحون هناك وحتى ماااا ابيهم يحتكون في هذول الاشكال ..
بدر : انتي يمة مستحيل اي احد يعجبك ... مايصير كذا تراك تقتلين نفسك شوي شوي ... يعني انتي بشر وهذول حيوانات .. كذا قصدك ؟؟؟
طالعت فيه : تراك نفخت راسي انت بعد .. محد بيفهمني في هالدنيا .. هذا لاني اخاف عليكم وابي مصلحتكم قاعدين تتمردون وتعترضون .. لكن مصيركم بعدين تفهمون و
تتذكرون اني ما ابي الا الخير لك انت ولاخوك وخواتك ..
بدر : ماعلينا . - سكت شوي و كمل - يمة ... قولي لابوي اني وافقت اتزوج بنت ابو محمد ..
ام بدر : صدق ...؟ وش اللي خلاك توافق
بدر : مليت من الاصرااار فوق راسي اتزوج بنت هالرجال .. بتزوجها .. لكن لاتتأملون مني خير معاها .. لانها ماراح تكون سعيدة معاي .. فهمتي ..
بلغي ابوي .. تصبحين على خير وراي دوام بكرة الساعة 7 ...

مزيد من التشويق تجدونه في الاجزاء المقبلة .. تابعوني ...

__DEFINE_LIKE_SHARE__

ماشاء الله تبارك الله. .
اهنيك ياشجونه ع هالابداع. .
مبدعه بحق __DEFINE_LIKE_SHARE__

حلقات مشوقه وبإنتظار الفصل الجديد
تسلمين ي شجونه __DEFINE_LIKE_SHARE__