ديوان الشاعر حامد مناور

وصلتك يا فيينا ، ما معي غيري / على كثر الأحبه جيت وحداني !

وصلتك يا فيينا ما معي غيري
على كثر الأحبه جيت وحداني

أبتنفس هواك اتشربك ، طيري
أبفرد لك سواليفي وجنحاني !

صباحك غير مهما زان تعبيري
أحسه ناقص وما لاوّلك ثاني

أبا افضفض معاك بشري وخيري
تعبت من التعب خوذي من احزاني

أنا ما قلت لخطايه معك سيري
مشت بك مشبعه من ضيق جدراني

شوارعك ، المطر ، ثلجك ، وتأخيري :
وانا اقطف لك تعب عمري من اغصاني

وحبك قبل ما يا قف على بيري
سقيته شوقي وترنيمة الحاني

تخيّلتك ( حياه ) اتحلّفك صيري :
على شاني حياة وعمرنا فاني

أنا مُتعب من ايامي وتفكيري
متى من بعد ما ضيّعتك القاني

جمالك يا فيينا فاق تصويري
وانا شاعر بسيط ويعجز لساني

__DEFINE_LIKE_SHARE__

إلى أخ القلب .. خالد صتان .. ولكم !

والله ولك وحشه مهي وحشة كلام
وسط مبين الضحكه وبين النحيب

وحشه ترفرف بالمحبه والسلام
وتقول يا لبّا عيونك يالحبيب

أبشرك يا خالد بخير وتمام
ولو انه بكيفي فلا عنكم نغيب

أنتم هل الطولات علين المقام
وحنّا على يمناكم بوجه الحريب

أليا طريتو طار من قلبي حمام
واعشوشب العنّاب والغصن الرطيب

اللي يحن لشوفكم ماهو ملام
معذور لو قلبه لكم يقنب قنيب !

__DEFINE_LIKE_SHARE__

مبارك عيد ( كلمة ورد غطاها ) !

كريم النفس ..

يغَسْل الليل بايّامه لأنه شمس

( يساورني يقين ) انّ الحداثه بالشعر .. تجديد

وأن الطهر دمعه، ما تطيح إلاّ عشان تبيد !

وأن الجود والصبح النّدي وابشر : مبارك عيد !

__DEFINE_LIKE_SHARE__

وان ضاعت ايامي بها فدا !

أن غبت وان ما غبت لك علي
أتـــنـــفــــســــك واتــــشـــــربـــــك نــــــــــــــدا
غـــــــلاك مـــالــــي خــافــقـــي مـــلــــي
وانــــــا بـــدونـــك مــــــا مـــعـــي حـــــــد
جــدايــلـــك شـــــــف لـيــلــهــا خــــلــــي
وان ضــاعــت ايــامــي بــهـــا فـــــدا
أنـــــا حـــلالـــك مــــــن هـــنـــا والــــــي
يــنـــجـــن بــــــــك مـــااظـــنـــه يــــهـــــدا
أخــاف اقــول اش حـاجـتـك بـلــي
ضــاعـــت لـيــالــي غــربــتــه ســــــدا
أزعـــــــــــل ولا تــتـــحـــمـــل زعـــــلــــــي
أرضــــــــا ولا يـســتــوعــبــك مـــــــــدى
مــن هـــام بـــك لا يـــا بـعــد هـلــي
يــضــيــع لــــــو انّـــــــه عـــلــــى قـــــــدا
أصــابــعــك أحــــــلا مــــــن الــحــلــي
والــصــبــح فــــــي شـفــايــفــك غـــــــدا
أمــــوت بــــك لــكــن مــــن اجـهــلــي
ألــمـــلـــم جــــروحــــي بـــــــــلا جـــــــــدا
يـــلــــي يـــلــــي يـــلــــي يـــلــــي يـــلــــي
الـبــلــبــل لـــيــــا مـــــــر بـــــــك شــــــــدا
الــقــلــب ضـــايـــع ويــغــلــي غـــلـــي
والله مــاْصــدقـــت انــــــــه اهــــتــــدى
تــعـــال رجــــــع ضـحـكــتــي جـــلـــي
مــــنــــي كــــــــل الــعـــمـــر والــمــبــتــدا
ضـحـكـتــك لا تـحـسـبـهـا تـنـطـلــي
الـــحـــزن بـــيـــن حــروفــهــا يـــحــــدا
ارتـــــاح لـــــك قــبـــل تـــرتـــاح لــــــي
وانــــــــا فـــــــــدا ســـوالـــفـــك عـــــــــدا :
حــــزنٍ مــهــو مــنــي ولا هــــو لــــي
لـــنّــــه لـــصــــوت آلامــــنــــا صــــــــدا
لـــيـــتـــك تـعــلــمــنــي وش دخـــــلـــــي
إلاّ إذا كــــــــــــــــــــان الــــــــــوفــــــــــا ردا
تعـبـت اسـولـف لــك عـلـى مهـلـي
الــعــمـــر مـــــــا يـــقــــف لــــيــــا بــــــــدا
كــانـــك تــبـــي لاحــزانـــي تـنـجــلــي
خلـنـي مـعـاك امـشـي عـلـى هـــدا
لــــــو ردت تــفــلــي عــمــرنــا فـــلــــي
مــحـــنـــا عــــلــــى ألآمــــنــــا جــــــــددا
وان تـعـبــت رشــانــا مـــــن الــدلـــي
قــلــوبــنـــا تـــــظـــــل تـــقـــطــــر نــــــــــدا

__DEFINE_LIKE_SHARE__

مشاركتي في شاعر الملك .. المرحلة ماقبل النهائية

عدوّ الفقر

الــفــقــر ذبّــــــاح لا يـــرحــــم ولا يـسْــتــريــح

إلاّ إلــى مـــن غـــرس نـابــه بـحـقـد وهـــوان

مـوجــع ويـلــدغ بـــلا اسـتـئـذان ولا فـحـيــح

لــو كـــان رجـــال قـلـنـا عـنــه رجـــلٍ جـبــان

رفيـقـه الـخـوف لا جــار الـزمــان الشـحـيـح

وعـــدوه الـلــي وصـــل بـالــدار بـــر الأمـــان

عبد الله ابو اليتاما وان بغيت الصحيـح :

مـــا فـيــه قـبـلــه ولا بــعــده بــهــذا الــزمــان

يا حظنـا فيـه يـا حـظ الشعـر ، والمديـح :

مـهـمـا تـنـقـا يـعـجـز الـفـكـر قـبــل الـلـسـان

صبحه يغسل التعب من قلب كهـلٍ جريـح

وكفـوفـه البـيـض لاحــلام الفـقـارى ضـمـان

واليـا همـا غيثـه اخـضـرّ المـكـان الفسـيـح

ومــاظــل مـعـتــاز واورق كــنــه الـبـيـلـسـان

اطلالـتـه خـيـر ومْصـافـح عـيـونـه يـزيــح :

هــــمٍّ تـغـشّــى الــفـــؤاد بـغـيـبـتـه واسـتــكــان

الشعب أصبح بخيـر الفقـر أضحـى طريـح

أمــس اعتـرانـا تـعـب والقـاسـي الـيــوم لان

هــذا الـوطـن مرتـفـع دايــم ولا يْـهـاب ريــح

ذراه شـعـبٍ وفــيْ لــو خــان غـيـره مـاْخــان

مــا ظـــل مـنـصـاب إلاّ وقـــف ومـــا يـطـيـح

من صار في ظل ابو متعب له الوقت زان

الفقـر وان قلـت ابـو متعـب بوجهـه يشيـح

عـاداتـه بحـضـرة اهــل الـجـود دايــم مُـهـان

الله عطـاه الغـلا ، والحـب رجــلٍ صـريـح :

يـسـيـل يسـكـنـه صـــدقٍ يـسـكـن الـزعـفــران

الله يحفظـه لنـا ، والـدار مــن يستْتبـيـح :

ذرّه مــــن تْـرابــهــا مــوتـــه لـــــك الله حـــــان

الـفـقــر ذبّــــاح ، لــكــن عـنــدنــا يـسـتـريــح

فـي دار آل السّعـود يـمـوت مــا لــه مـكـان

__DEFINE_LIKE_SHARE__

إهداء إلى روح أمّي !
ُيمّه
ايه يمه سولفي لي عنك مشتـــاق لسواليفـــك عسى ماشـرليــــــه مــخاصمتــــني ليـــه يـــمه
أذكر أول لالمحتيني تهذين القصايد تشربيني صبـــح وأسمــع ضحكــتــــك واقـــف وأغـــني

سولفي لي جعل يومي قبل يومك عن ابوي اللي توفى قبل اشوفه صدق ياعمري واضـــمــه
والله ان الصبح من دونك ظلامٍ دامس والجرح يرفع بندقـه صوبـــي ودايـــم مـــمتـــحـــني

ياعيوني انت الضحكات وأحــــــــلام اليتــــامى بالفرح والعــــيد والــــحرمـــان ينثــــرني والمه
ياحياتي هاتي يدينك بشيلك فوق فوق الراس لين المس بدايات السما
وارجع واثـني

انــــتي اول من عـــلى بــــالي واذا مافـــيّ خــــير ألـــــين هــــذا العمـــر يانـوارتــــه مافيه ذمــه
راضعٍ منك الطهر والطيب والعــفـــه وحـــب الشــعر والخــفـــرات كـــم لوعـــتــهن مالوعـــني

يابعد كل الليـــــالي لالـــمحــــت الـــحـــزن فـــي عينيك والدمع يتشرب مقلتك وشلون اخــمه
جــــاوبــيـــني وابشــــري باللي تبينه دوك قلبي والله ان البيض لاجت عندك انتِ يعـــرفني

الوفــــــا يــــورق مثل طــيــــف تـــدلى من خــيــــال بنــيّــــةٍ ماحــبــهــــا غــير امــهـــا ميرالمطمه
ان هاك الورده أغلى من سحابه ممطره عند بدويٍ وانك أغلى منها وان الليالي غــربلني

ياقصيدي كان بين يدينك فكرةٍ هاتها والا بسافر بـــــك بلا قــــــادي لـــها وان ردت ســـمه
طيش والا سمه التفكير فيما لايرى وان قلت الا ســـمــا فـــلا تعــجـــل وأناجـــيت متـــونـــي

شاعرٍ لامن بغى حاجه يجي من فوق ثم يشيلها من بين كل النــــــــاسوالله مـــــــايهــــــــمه
ياقصيدي شف عذابي صار هو طيف العذارى من حلاه ومع جروحي كل ليـــــــله يسهرني

كــــــان فـــــــــي بــــالـــي كثير ومالقيت الا صديق بين الف وخمس ميه صاحبٍ أردمـــجمــه
يمكن ان الذنب ذنبي..الله أعلم يمكن اني ماأحب اخــاصم اخــلاقي واحـــزاني كـــفـــني


كم جمعت افكار واقحمت النهار وكم قطفت الورد من داخل بساتيني ابيجروحي تشمه
علّـهـــــــا تـــــــــــاخذ من القمــــرا مواعيد السحاب وتهتدي عن غيها اللي طلته ظلم وتجني

المهـــــم انــي انا اكــــبر كثير من الحكي واللي ببطــنـــــه شـــي لا يســــكـــت علــــيه ولاينـــمـه
وعـــاذلي لامن قرانـــي في عـــيــــون الشعر غصبٍ عنه يصفق في يديه يقوللي شعرك فتـني

عنــــــــدها حــــالف لااصب الماعلى نار الدخيل الممتطي صهوة جواد الشعر والغربه واذمه
وانتبذ خوفــــي واقول ان ماله بها لشعــر لانــــاقه ولاهـــم يحزنون ومـــاعليّ اقــــف واغــني __DEFINE_LIKE_SHARE__

العز حنّا هله والطيب حنّا هله !

أما قبل :



لا تدقق بالمجالس هي كذا معروفه


وين ما يجلس رويلي صار صدر المجلس


والبخيل ان غاب والله ما عليه حسوفه


دام لا منك طلبته شي قام يدلّس


والكريم يمد لك يمناه وانت تشوفه


يذبح عياله ولا يمكن يقول مفلّس !


أما بعد :

أشياء ما تنكتب واشياء ما تنقرا

........................ والمي من منبعه والشعر من منهله

لتفكر انك علي تخطم مكانك ورى

.......................... العز حنا هله والطيب حنا هله

يامارقينا على العليا وكلن درى

....................... وان جات لالوله حنّا هل الآوله !

نسقيك سمٍّ عذاف وجرحك ليا برى :

....................... نكويه ، رح شف لك مجرب وثم اسأله
والشعر حنّا نهاره كان ليلك سرى
.............................لنا مع المجد كل المجد قرب وصله
وحنا لمنهو زبنّا سلسبيل وذرى
.....................................لو ان وقته كئيب ليا لفانا دله

صبينا لانتخى ما عاد فيهاكرى

........................ يروح فيها قليل العرف والمرجله !

وإلياافتخر غيره بشيٍّ قديمٍ جرى

...................... يكفيه عن كل عز ان قالحنّا روله !

__DEFINE_LIKE_SHARE__