تغطية امسية المراقب العام الشلاحي التي اقيمت بالقصيم 4/7/1428 هـ

[align=center]بسم الله الرحمن الرحيم
اعضاء وزوار منتديات عيال الحمايل
السلام عليكم ورحمة الله وبركاته

بدعوه من قبيلة حرب بمنطقة القصيم وفي يوم الاربعاء الموافق 4/7/1428 هـ اقام الشاعر // عبدالله الشلاحي ( المراقب العام ) امسية شعريه وسط جمهور غفير من محبي ومتذوقي الشعر النبطي .. وقد قام فريق من القسم الاعلامي بمنتديات عيال الحمايل بتغطية الامسيه اعلامياً وهم ( السامر .. مخاوي النشاما .. البتار ) .. وقد لاقت الامسية نجاحاً منقطع النظير .. ويسرنا ان ننقل لكم جانباً من صور الامسيه وبعض قصائد فارس الامسيه

..


الشلاحي اثناء القاء احدى قصائده
..


فارس الامسية على المنصه
..


صوره اخرى للمراقب العام اثناء القائه بعض قصائده
..


المراقب العام في صوره جانبيه اخرى على منصة الامسيه
..


جانب من الحضور
..


جانب من الحضور
..


جانب من الشخصيات التي حرصت على حضور الامسيه
..


جانب من الحضور ويظهر في الصوره المنسق الاعلامي لمنتديات عيال الحمايل : مخاوي النشاما
..
..
..

القى شاعر الامسيه وفارسها العديد من قصائده المعروفه والمحببه لدى جماهيره وننقل لكم بعض وليس كل القصائد التي القاها في امسية القصيم :


الاولى قصيده ترحيبيه بمن دعوه لاقامة الامسيه


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا مرحبا يـا محتميـن المواجيـب=يا مرحبا يا ضيف عنـد المعازيـب
يا مرحبا باسـم المعـزب تراحيـب=طيب المعزب طاب من طيـب خالـه
الله جمعنـا واجتمعنـا علـى خيـر=يا طيب جمعت حرب مع شاعر مطير
بأسم المعزب مرحبا يا مسى الخيـر=قدام اقولـه راعـي الحفـل قالـه
يا مرحبا من شاعر يصخر القـاف=من فضل ربي يحتمي كـل ميقـاف
شعري ذهب والصدر لشعر صـراف=واطيع ربي واهتـدي فـي رسولـه
حظرت لاهل لحفل حشمـه وتقديـر=ماجيت لي في جيتي مقصـداً غيـر
ابرضي اهل الحفل وارضى الجماهير=شاعر واقول الشعر لن جاء مجالـه
والمعذره لن صار في شعري نقصان=عن الخطاء ماهو بمعصوم الانسان
الشعـر تركيبـة معانـي وقيفـان=اتعب على الجزله واجنـب هزالـه [/poem]


القصيده الثانيه


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بعض الشبـاب يقلـدون البنيـات=في مشيتة في ضحكته في لباسـه
يقلد اختة فـي جميـع الحركـات=لوكدت اخته راسهـا كـد راسـه
مخصرن ثوبـه وجالـه نهيـدات=يسحب واره الثوب ماهو مقاسـه
وتلقى على وجهه جميع الكريمات=يبي يصفي بشرتـه عنـد ناسـه
والبعض يلبس لون لباسه مرايات=يا شين نظرته ومشيـن لباسـه
يسهر على الجوال ولا على الشات=وان حان وقت الفجر قرب نعاسه
همه يسوي في حياتـه علاقـات=يبي يسوي حب والحـب حاسـه
هذا زمـن العولمـه والدعيـات=ياقل شجعانـه ومكثـر خساسـه
اثر عليهم دش رووس عربسـات=وفديو كلب اكلـب ياقـو باسـه
وين الحيا وانتم عيال البشـاوات=البعض منكم تحت الأقـدام داسـه [/poem]


القصيده الثالثه


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
طبيعه من طبوعي قبل انـام اقفـل الجـوال=لاكن البارحه يـا سعـود ماقفلـت جوالـي
وانا في عز نومي دق جوالي وضاق البـال=ليا جات اتصالاتـي بنومـي ضيقـة بالـي
قفلت الخط ما كلمت لاكـن كـرر المـوال=اظنـه حـط جوالـه علـي يتصـل آلـي
فتحت الخط قلت الوه كيف الحال يـا رجـال=وقال اهلاً وسهلاً بس انـا مانـي برجالـي
انا من جنس ناعم بنت ابدخل كان لي مدخال=ابدخل وسط قلبك يا طويـل العمـر طوالـي
وقلت العذر مالك وسط قلبي يا الغضي منزال=انا قلبـي نزلـه قبلـك ماتنزلبـه الغالـي
نزلبه واحداً عايش معي بالحـل والترحـال=نزل به واحداً عايش معي بالمـر والحالـي
لاكنك شوفلك غيري رفيق ابقطع الأرسـال=انا يا بنت عند كل العذارى قاطـع ارسالـي [/poem]


القصيده الرابعه


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يـاالله ياالمعبـود ياخالـق الكـون=يا خالقن خلقـه ومحصـي عددهـا
يا منزل الفرقـان والكـاف والنـون=يا رازقـن مريـم بعيسـى ولدهـا
يا الله عسى رزقي يجيلي على الهون=من يطلـب الأرزاق عنـدك وجدهـا
يرضيني المقسوم مـار يـد مليـون=ما قول أبي هاذي والأخـرى بعدهـا
واليوم لن قلـت فلوسـك يصـدون=النـاس عنـك تصـد والله قـردهـا
وأم العيال أتقول آبي ثـوب مزيـون=وان قلت ما عنـدي تصفـق بيدهـا
وتبي مـن الدكـان درزن وكرتـون=وان كان ما طاوعت ترسـل ولدهـا
وقالت تراني عازمه نـاس بيجـون=هات الذبيحـة هاتهـا فـي وعدهـا
وتال الشهر لأهل البقـالات مديـون=في صفحه التسجيل بسمـي رصدهـا
جلست أوزع راتبـي لـو تشوفـون=لا كـن مكفـى باقـي أمـر وادهـا
باقي علي أجـار منـزل بعشـرون=جاء راعي المكتب محضـر سندهـا
وباقي علي اقصاد ددسـن وصالـون=للبنك واللي مشتـري مـا جحدهـا
وراحت حياتي نقص من دون في دون=أسبـاب دنيانـا كفـى الله نكـدهـا
ياهل العقول الواعيـة وش تقولـون=في شاعراً قصـت حياتـه سردهـا [/poem]


القصيده الخامسه


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
بيتـاً بليـى سـاس لابـد ينـهـد=وبيتاًجويـد السـاس محـداً يهـده
ورجـلاً بليـى ربـع لابـد ينضـد=ورجلاً بربعة منهـو اللـي يضـده
وباباً بـلا مصلـوح لابـد ينسـد=واللـي فتحلـه بـاب لازم يسـده
الوقت مثل السيف والسيـف ينحـد=الوقت سيف ولا يبـي مـن يحـده
أغنـم زمانـك يافـتـى لاتــردد=واللي من الله منـت قـادر تـرده
صل الفروض الخمس ولغيرها بـد=الفرض عن غيـرة لياجـاك بـده
والحـج لاتنسـاه فرضـاً مـوكـد=قـدام موتـك يافتـى الـحـج وده
والصوم صومه مع صيامـك تعبـد=اكثر من الطاعـه وميـزرك شـده
والوالدين أعطـف علهـم وتسعـد=اليا رضـو عنـك السعـاده بحـده
واحفظ حقوق الجار والجـار ينعـد=اقرب قريبـاً لـك ليـا عـد عـده
والضيف لن جاء ناصي البيت له غد=ضيفك ليا منه نصـا البيـت غـده
وان قال ضيفك للغداء انـا مسنـد=اسند عشاه الرجـل يجـزى بمـده
ولاحوال ربعك فـي حياتـك تفقـد=ربعك ذراك ان جاك فل الوقت شـده
واحذر تجاري راعي الصـد بالصـد=من صد لاتنشـده شسبـاب صـده
اللـي يـود النـاس لابـد يـنـود=ومن لايـود النـاس محـداً يـوده
اسمـع نصيحـة شايبـك يامحمـد=ابـوك شـاب وحـط يـدك بيـده [/poem]


القصيده السادسه


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
في صباح الخميس رماح مريته=مع محمد لعادت روحتـي يمـه
شفتلي ريـم حاكانـي وحاكيتـه=برقعه يا محمد ما غطاء فمـه
قلت وقف لأكن اشر على بيتـه=أثر في باب بيته شايفـن لمـه
نابي الردف ملهوف الحشاء ليته=عن ذراعيه ما يرفع طرف كمه
قمت في رماح ادور ولأ تعديتـه=كني اللي شرب من كاسته سمه
معرف الحب لأكن غصب حبيته=الدلع كلبوه أيسيـر فـي دمـه
السبب من محمد يـوم خاويتـه=والله اني لعلـم خالـه وعمـه [/poem]

..
..
..
..
..

في الختام نقول صح لسانك يالشلاحي وبيض الله وجهك على هالامسيه الناجحه والرائعه بكل المقاييس .. كما نشكر الفريق الاعلامي الذي رافق الشاعر الى منطقة القصيم وقام بتغطية الامسيه على اكمل وجه وباخراج جميل وهم كلاً :

مخاوي النشاما
الســـــــامر
البتــــــار


و

تحية اعجاب لمن يستحق الاعجاب
منادي[/align] __DEFINE_LIKE_SHARE__

صح لسانك يالشلاحي

ما قصرتوا يالفريق الأعلامي
يعطيكم الف عافيه ع التغطيه الرائعه

والى الأمام

اشكرك استاذي منادي نقل صور وقصائد الأمسيه

لكم كل التقدير والأحترام __DEFINE_LIKE_SHARE__

ابدعت بصراحه
قصائد في قمه الروعه وشهادتي فيك مجروحه
صح لسانك مليووووووووون يامراقبنا وبيض الله وجهك

وكل الشكر للفريق الاعلامي " السامر .. مخاوي النشاما .. البتار" ع التغطيه
الرااااااااااااااااااائعه والله يعطيكم العافيه وماقصرتوا

وكل الشكر لك مشرفنا ع جهوودك
__DEFINE_LIKE_SHARE__

الف الف مبروك


ومبروك اخوي الشلاحي __DEFINE_LIKE_SHARE__

صح الله لساانك يا الشلاحي ....

إبدااع وتوهج غير مستغرب من شاعر كبير وجزل مثلك ...

التهنئة لنا بوجود أمثـالك بيننا ...


كل التوفيـــق أتمنّاه لك دوماً ،،،




شكراً " منــــادي "

والشكر موصول لــ " مخاوي النشاما " و " الســــامر " و " البتـــــار " ،،،،







تحيـــــــاتي ،،،، __DEFINE_LIKE_SHARE__

يقلد اختة فـي جميـع الحركـات
لوكدت اخته راسهـا كـد راسـه...



صح الله لسانه مدد بلا عدد
والشلاحي علم من اعلامنا بصراحه
والف شكر على التغطيه الرائعه جدا
لاهنتوا والله يعطيكم العافيه ياشباب ... __DEFINE_LIKE_SHARE__

صح لساانك يا الشلاحي ....

يعطيك العافية على هالقصائد الرااااااااائعة


ابدعت بصراحة


والشكر موصول لــ " مخاوي النشاما " و " الســــامر " و " البتـــــار " ،،،،



ويعطيك العافية على طرح التغطية وعلى مجهودك اخوي منادي __DEFINE_LIKE_SHARE__